Morgunblaðið - 13.07.1986, Blaðsíða 27

MORGUNBLAÐIÐ, SUNNUDAGUR 13. JÚLÍ 1986
með orðum bandarísks kvenrit-
höfundar sem sagði — ég skrifa
bækurnar sem ég þarf að lesa. Við
gerum kvikmyndir sem við konur
þurfum að sjá.
En Studio D hefur fengið mun
meiri meðbyr í gegnum tíðina en
mótbyr og það var mjög ánægju-
legt fyrir okkur sl. vetur þegar Ijóst
var að kvikmyndastofnunin myndi
skera niður fjárframlög sín, að
háværar raddir heyrðust víða sem
mótmæltu því að nokkuð yrði
skorið niður af framlögum til
Studio D. Það stóð reyndar ekkert
frekar til að skera þar niður en
annars staðar í stofnuninni, en
mótmæli í þessa veru voru þau
fyrstu sem heyrðust. Niðurskurð-
urinn kom ekki niður á kvikmynda-
gerðinni sem slíkri, en hann var
tekinn af sjóði til dreifingar mynda
erlendis," segir Sherr Klein og
bætir við að dreifingarkerfi kana-
dísku kvikmyndastofnunarinnar sé
annars mjög vel skipulagt og miklu
kostað til að kynna myndir hennar
erlendis sem heima fyrir.
II Dreifing innan
| lands sem utan
„Innan Kanada getur hver sem
er fengið lánaða mynd frá stofnun-
inni, hvort heldur það er til sjón-
varpssýninga eða einkasyninga og
það að kostnaðarlausu, enda er
um að ræða ríkisstofnun og skatt-
borgarar hvort eð er búnir að
leggja sitt fram til kvikmyndagerð-
arinnar. Einnig hefur stofnunin til
skamms tíma kostað talsverðu til
kynningar á myndunum erlendis
og dreifingar. Ef ég tek „Not a
love story" sem dæmi þá hefur
hún verið sýnd víðast hvar og verið
dreift bæði til sjónvarpsstöðva,
kvikmyndaklúbba, kvikmyndahá-
tíða og fleiri aðila. Ég held að einu
löndin sem hún hefur ekki farið til
séu lönd á borð við Japan, Tawain
og fleiri, þar sem fólk er kannski
hrætt viö að fá slíka mynd til sýn-
ingar fyrir almenning vegna þess
hve klámiðnaðurinn þar er voldug-
ur. Hins vegar hefur það komið
fyrir að aðilar á borð við kvik-
myndaklúbba í þessum löndum
hafa beðið um myndina og að sjálf-
sögðufengið hana."
II Fólk verður að
| taka afstöðu
Aðspurð um viðbrögð við mynd
sinni „Not a love story — a film
about pornography" brosir Sherr
Klein og segir þau hafa verið ótrú-
lega mikil. „Ekki það að ég hafi átt
von á litlum viðbrögðum, ég gerði
myndina til að fá viðbrögð og
vonaði að hún myndi ná til fólks
þannig að þeð færi að velta þess-
um málum fyrir sér. A.m.k. gefa
því ástæðu til, því að yfirleitt ræðir
fólk ekki um klám eða klámiðnað-
inn að tilefnislausu og sjaldan
hefur það tilefni til. Þarna hins
vegar kom mynd þar sem innviðir
klámiðnaðarins voru kánnaðir sem
og afleiðingar hans; ekki bara á
fólkið sem tengist honum heldur
alla. Hver sem horfir á þannig
mynd verður að taka afstöðu.
Viðbrögðin fóru hins vegar langt
fram úr mínum stærstu vonum og
þessi mynd hafði vissulega áhrif,
bæði á vitund almennings og ríkis-
ins, félög og almenningshreyfing-
ar, foreldrasamtök og fleiri tóku
sig saman um að sinna þessum
málum sérstaklega og samtök
voru jafnvel stofnuð í framhaldi af
sýningu myndarinnar. Enda held
ég að flestir Kanadamenn hafi séð
hana."
Um verkefni Studio D í nánustu
framtíð segir Bonnie Sherr Klein,
að hvað sér viðkomi sé forgangs-
röð verkefna ekki endanlega
ákveðin, en væntanlega verði
hennar næsta verkefnl að gera
aðra heimildarmynd um friðarmál,
að þessu sinni út frá sjónarhól
kanadískra ungmenna. Þar að áuki
ætlar hún í samstarfi við aðra konu
sem er af kínversk-kanadískum
uppruna, að gera kvikmynd um
málefni kínverskra kvenna og verð-
ur sú mynd tekin í Kína.
„Við höfum ekki bundið okkur
við Kanada í öllum tilvikum og oft
farið með kvikmyndatökuvélarnar
til annarra landa. Jafnvel tekið heilu
myndirnar erlendis eins og við
gerðum um húsmæður í Nig-
aragua, konurnar sem héldu heim-
ilunum gangandi í gegnum stríð
og hörmungar. í þeirri mynd fjöll-
uðum við um hvort og þá hvernig
innanlandsdeilur og stríð hefðu
áhrif á þesar konur og hvernig þær
hefðu breytt lífi þeirra til betri eða
verri vegar.
ISá myndina þlna
og hún vakti mig
til vitundar . . .
Þó að eitt af markmiðum Studio
D sé að gera konur meðvitaðri um
þeirra þátt I þjóðfélaginu og benda
á möguleika um aukna þátttöku,
þá bindum við það ekki við konurn-
ar heima í Kanada. Ég held að við
eigum erindi til allra kvenna og það
er ánægjulegt að heyra að í Ástral-
íu er verið að koma á fót svipaðri
stofnun og Studio D. Nú, það er
ekki einungis kvennakvikmynda-
gerð sem þarf að styrkja, konur
þurfa að vakna til vitundar um
fjölmargt annað sem þær eiga að
sinna og láta betur til sín taka. En
þær verða líka að gera sér grein
fyrir því að þessa hluti gera þær
sjálfar og enginn annar. Þjóðfélag-
ið mótast allt of lítið af báðum
kynjum og kvennasjónarmið hafa
lítið verið höfð í frammi, nákvæm-
lega af því að konur hafa lítið gert
til að halda þeim á lofti. En þetta
er að breytast, ekki bara í mínu
heimalandi heldur víðar og ég verð
að viðurkenna að þær konur sem
ég hef hitt og rætt við á íslandi
eru skrefi framar en kynsystur
þeirra í Kanada. En þetta er að
breytast og ríkisframtak á borð við
Studio D styrkir slíkar breytingar.
Það er ekki lítils virði að gera heim-
ildarmynd og fá bréf frá einhverj-
um áhorfanda sem segir „. . . sá
myndina þína og hún vakti mig til
vitundar um möguleika á breyttu
lífsviðhorfi. . . “ Þegar svo er
skrifað þá er takmarkinu að stórum
hluta náð."
Viðtal/Vilborg Einarsdóttlr
Skrifstofutæknir
Eitthvad
* fyrir þig?
ITölvufræðslan mun næstkomandi haust halda
lengra námskeið fyrir skrifstofufólk. Um er að
ræða þriggja mánaða nám í vinnuaðferðum á
skrifstofum, með sérstakri áherslu á notkun
tölva, sem nú eru að ryðja sér til rúms í allri
skrifstofuvinnu.
Nemendur útskrifast sem skrifstofutæknar.
Eftir námið getur nemandi tekið að sér rekstur
tölva við minni fyrirtæki.
Efni námsins er m.a.:
Réttritun, stærðfræði, verslunarreikningur,
tölvubókhald, tollskýrslugerð, telex með tölv-
um, víxlar og verðbréf, vélritun, meðferð tölva
Iog jaðartækja, ritvinnsla, áætlanagerðir og
meðferð tölvuvæddra gagnasafnskerfa.
Námið felst í bóklegum æfingum og lausn raun-
hæfra verkefna. Nám þetta hentar þeim sem
lokið hafa stúdentsprófi eða góðu grunnskóla-
I prófi og hafa nokkurra ára reynslu við skrif-
stofuvinnu. Til að öðlast full réttindi verður
| nemandi að standast bæði inntökupróf og brott-
fararpróf.
Inntökupróf verður haldið mánudaginn 1. sept-
ember. Námið hefst 15. september og lýkur 12.
desember.
Allar nánari upplýsingar fást í síma 687590.
Tölvufræðslan
Ármúla 36, Reykjavík.