Morgunblaðið - 27.08.1994, Blaðsíða 19

MORGUNBLAÐIÐ
LAUGARDAGUR 27. ÁGÚST 1994 19
LISTIR
Hallgrímskirkia
Síðustu org-
eltónleikar
sumarsins
KATALIN Lörincz, organisti
Akranesskirkju, leikur á síðustu
tónleikunum í sumar í orgeltón-
leikaröðinni Sumarkvöld við orgel-
ið í Hallgrímskirkju sunnudaginn
28. ágúst kl. 20.30.
Efnisskrá Katalinar má skipta
í þrennt. Fyrst er það þýsk róman-
tík: Pílagrímakórinn eftir Richard
Wagner í orgelútgáfu Franz Liszt
og Zur Trauung eftir Liszt. Full-
trúar þýskrar barokktónlistar eru
sálmforleikurinn 0, Mensch beiw-
ein dein Sunde gross eftir Johann
Sebastian Bach og Konsert í a-
moll eftir Vivaldi/Bach. Síðasti
hlutinn er síðan frönsk rómantík.
Eftir César Franck leikur Katalin
Elevation, eftir Louis Vierne
hljóma Carillon des Westminster
en þar er byggt á hinu þekkta
stefi kirkjuklukkna Westminster
en það má einnig heyra í Hall-
grímskirkju. Þá er Riverie eftir
Joseph Bonnet og síðasta verkið á
tónleikunum er Finale nr. 6, op.
21 eftir Cesar Franck.
Katalin Lörencz
Katalin er fædd í Ungveijalandi
árið 1957. Hún lauk stúdentsprófi
frá tónmenntaskóla í heimalandi
sínu árið 1976 og organistaprófi
árið 1977. Árið 1973 sigraði hún
í keppni í orgelleik í Flórens á ítal-
íu og fékk í framhaldi af því tæki-
færi til að stunda nám hjá Fern-
ando Germani í Róm. Hún innrit-
aðist í tónlistarháskólann í Búda-
pest 1976 og lauk þaðan burtfar-
arprófi sem tónskáld, kennari og
einleikari árið 1982. Hún var org-
anisti við Buda-söfnuðinn í Búda-
pest frá 1977. Frá 1990 kenndi
hún einnig við tónlistarháskólann
í Búdapest. Frá nóvember 1993
hefur Katalin verið organisti við
Akraneskirkju. Hún hefur komið
fram á orgeltónleikum í Ungveija-
landi og í mörgum löndum Evrópu
en einnig í Austurlöndum fjær.
-----»-■»-♦---
Nýlistasafnið
Stutt tilrauna-
myndverk
NOKKRAR kvikmyndir eftir
Karolu Schlegelmilch verða sýndar
í Nýlistasafninu sunnudaginn 28.
ágúst kl. 22.30. Karola er mynd-
listar- og kvikmyndagerðarkona
frá Berlín. Jafnhliða öðrum listm-
iðlum hefur hún nú um fimm ára
skeið unnið að gerð kvikmynda.
Kvikmyndir hennar eru stutt til-
rauna myndverk unnin á 16 mm
fiimu og falla í flokk kvikmynda
sem lítið sjást hér á landi „experi-
mental film“.
Stuttmyndir hennar hafa verið
sýndar á fjölmörgum kvikmynda-
hátíðum og nýjasta mynd hennar
Vom Sterneschneutzen vann tvenn
alþjóðleg verðlaun. í Nýlistasafn-
inu mun hún sýna fjórar af sínum
þekktustu kvikmyndum en þær
voru áður sýndar í Háskólabíó í
sl. viku.
Karola hefur dvalið sem gesta-
listamaður í Listamiðstöðinni í
Straumi síðastliðna fjóra mánuði
en hún er einnig með sýningu á
ljósmyndaverkum sínum í sýning-
arsalnum Portið í Hafnarfirði.
Sýningin stendur til 28. ágúst og
er opin daglega frá kl. 14.00-
18.00.
Vertu með
- draumurinn gæti orðið að veruleika!
tmldnr
/. mmiimtr
t