Morgunblaðið - 27.08.1994, Blaðsíða 17
MORGUNBLAÐIÐ
LAUGARDAGUR 27. ÁGÚST 1994 17
ÉRLENT
Hálf öld frá frelsun Parísar
PARÍS var uppljómuð af flugeldum aðfaranótt föstudags, og hér skreyta þeir ráðhús borgarinn-
ar. Tilefnið var að hálf öld var liðin síðan borgin var frelsuð undan hernámi nasista. Mörg hundr-
uð þúsund Parísarbúa dönsuðu á götum úti, Concorde-torgið var þéttskipað og lýst upp með rauð-
um, hvítum og bláum flóðljósum, litunum í franska fánanum.
Ásakanir um smygl á geislavirkum efnum frá Rússlandi
Reynt að spilla samskipt-
um Rússa og Þjóðverja?
Moskvu. Bonn. Reuter.
ASAKANIR Vesturlanda um að
plútoni, sem nothæft er í kjam-
orkuvopn, hafi verið smyglað frá
Rússlandi, eru tilraun til að spilla
samskiptum Rússa og Þjóðverja,
að mati Sergejs Stepashíns, yfir-
manns gagnnjósna Rússa. I viðtali
við sjónvarpsstöð Samveldisins
sagði Stepashín að eftirlit með
þeim stöðum þar sem geislavirk
efni væru geymd, væri nægilega
strangt til að útiloka stuld á þeim.
Stepashín sagði ákveðin öfl í
Rússlandi, Þýskalandi og öðrum
löndum, vera andvíg efnahags- og
stjórnmálatengslum landanna
Rússar segja eftir-
litið nógu strangt
til að útiloka stuld
tveggja. Það ætti ekki síst við um
persónuleg samskipti Helmuts
Kohls, kanslara Þýskalands og
Borísar Jeltsín, Rússlandsforseta,
sem Stepashín sagði vinsamleg,
jafnvel góð .
Smygl ekki sett á svið
Leiðtogi þýskra Sósíaldemó-
krata (SPD), Rudolf Scharping,
dró í gær til baka ásakanir aðstoð-
armanns síns þess efnis að þýska
stjórnin hefði sett á svið smygl á
plútoníumi, sem komið var upp um
fyrir skömmu. Scharping neitaði
að svara hvort hann tryði ásökun-
um aðstoðarmannsins, sagði að-
eins að enn væri mörgu ósvarað
um lögregluaðgerðina, sem varð
til þess að upp komst um smyglið.
Þá lýstu Hvít-Rússar því yfir í
gær að þeir myndu gera allt sem
í þeirra valdi stæði til að koma í
veg fyrir að smygl á geislavirkum
efnum tengdist landinu, en Hvít-
Rússar framleiða ekki plútoníum.
Öldungadeild Bandaríkjaþings sam-
þykkir hegningarlög
Einn mikilvæg-
asti sigur Clint-
ons í embætti
Washington. Reuter.
FRUMVARP Bills Clintons, Bandaríkjaforseta, til nýrra hegningarlaga
var samþykkt í öldungadeild þingsins á fimmtudagskvöld með 61 at-
kvæði gegn 38, og verður því að lögum. Sex þingmenn repúblikana,
og 55 menn demókrata greiddu atkvæði með frumvarpinu, en 60 at-
kvæði þurfti til að frumvarpið yrði samþykkt. Einn demókrati og 38
repúblikanar voru andvígir. Samþykktin er einn mesti sigur sem Clint-
on hefur unnið í embættistíð sinni, en mikill hnekkir fyrir félag skot-
vopnaeigenda, sem voru andvígir frumvarpinu, vegna þess að í því er
kveðið á um bann við sölu á 19 hálfsjálfvirkum skotvopnum.
Fulltrúadeild þingsins samþykkti
frumvarpið á sunnudaginn, og á
mánudag kom það til umræðu í
öldungadeildinni. Repúblikanar
höfðu síðan þá reynt að ná fram
atkvæðagreiðslu um breytingatil-
lögur sínar við frumvarpið. Vildu
þeir skera niður útgjöld og herða
ákvæði um hegningar. En odda-
maður meirihluta demókrata í deild-
inni, George Mitchell, setti þeim
stólinn fyrir dymar.
Fleiri lögregluþjónar
í yfirlýsingu frá forsetanum
sagði að lögin myndu auka öryggi
fólks allstaðar í Bandaríkjunum, og
sú eining sem ríkt hefði milli beggja
flokka um samþykktina hlyti að
vekja með þjóðinni von um að
stjórnmálamennirnir sem hún hefði
kosið væru starfi sínu vaxnir.
Oddamaður repúblikana, Bob
Dole, sagðist harma að sér hefði
mistekist, sem leiðtoga, að sameina
þingmenn flokksins gegn frumvarp-
inu.
Auk bannsins við skotvopnunum
er í lögunum kveðið á um aukin
útgjöld til löggæslu, svo fjölga megi
lögregluþjónum um eitt hundrað
þúsund á næstu fimm árum; byggja
fleiri fangelsi og gera ráðstafanir
til þess að fyrirbyggja glæpi. Þá
er kveðið á um, að þeir sem hafa
þrisvar framið alvarlega glæpi skuli
dæmdir í ævilangt fangelsi.
Tefur heilbrigðisumbætur
Sá tími, sem afgreiðsla frum-
varpsins hefur tekið, hefur tafið
framgang endurbóta sem forsetinn
vill gera í heilbrigðismálum, og eru
demókratar þeirra skoðunar að þær
tafir hafi verið hið eiginlega mark-
mið repúblikana með því að þæfa
málin í umræðum um hegningarlög-
in.
-----» ♦ ♦-----
ESB-aðild Svía
Stuðnings-
menn í meiri-
hluta
Stokkhólmi. Reuter.
STUÐNINGSMENN aðildar Sví-
þjóðar að Evrópusambandinu, ESB,
eru nú ívið fleiri en andstæðingarn-
ir, ef marka má nýja skoðanakönn-
un Gallups. Er þetta í fyrsta sinn
í marga mánuði sem andstaðan
hefur ekki yfirhöndina.
Könnunin birtist í gær í dagblað-
inu Expressen. Samkvæmt henni
eru 40% aðspurðra hlynnt aðild en
37% á móti. 23% sögðust ekki enn
hafa gert upp hug sinn. Þjóðarat-
kvæði um aðildarsamning Svía við
sambandið verður 13. nóvember nk.
og tveim vikum síðar kjósa Norð-
menn um aðild.
Friðarumleitanir á Norður-írlandi
„Sögulegt tæki-
færiu til staðar
Belfast. Reuter.
FÉLAGAR í sendinefnd nokkurra
Bandaríkjamanna af írskum uppruna
ræddu við fulltrúa Sinn Fein, hins
pólitíska arms írska lýðveldishersins,
IRA, í gær um horfur á friði á Norð-
ur-írlandi og sögðu viðræðurnar hafa
verið mjög gagnlegar. Mennirnir vilja
að IRA lýsi yfir vopnahléi í barátt-
unni við bresk yfirvöld í héraðinu.
Gerry Adams, leiðtogi Sinn Fein, var
einnig bjartsýnn eftir fundinn og
sagði að nú væru „sögulegt tæki-
færi“ til að koma á friði í héraðinu.
Bandaríkjamenn af írskum upp-
runa eru tugir milljóna og margir
áhugasamir um málefni N-írlands.
Auk stjómmálamanna eru í nefndinni
verkalýðsleiðtogar og fjármálamenn.
Bill Clinton Bandaríkjaforseti hét því
áður en hann var kjörinn að beita sér
fyrir samningum milli breskra stjóm-
valda og fulltrúa kaþólikka á N-
írlandi en nefndin er þó ekki á vegum
stjómvalda í Washington.
Lengi hefur verið á kreiki orðróm-
ur um að IRA-samtökin, sem skipuð
eru kaþólikkum, hygðust boða ein-
hliða vopnahlé í 25 ára baráttu sinni
við breska herliðið á Norður-írlandi.
Stjórnir jafnt írlands sem Bretlands
hafa náð bráðabirgðasamkomulagi
um málamiðlun í deilum N-íra en
setja sem skilyrði fyrir viðræðum við
Sinn Fein að IRA bindi fyrst enda á
hermdarverk sín.
Auðveldara að berjast?
Sagt er að IRA telji nú að með
vopnahléi gæti tekist að auka veg
Sinn Fein, sem fengið hefur lítið fylgi
í almennum kosningum, og þannig
verði hægt að þvinga stjómvöld Breta
og íra til að taka meira tillit til krafna
IRA við samninga um framtíðarskip-
an mála í héraðinu. IRA vill að N-
írland, sem nú er hluti breska kon-
ungsríkisins, sameinist Irlandi.
Einn nefndarmannanna sex, út-
gefandinn Niall O’Dowd, sagði IRA
í einlægni leita að leið út úr átökun-
um og stutt væri í að lausn fyndist
á deilunum. „Þetta er ekki auðvelt
verkefni og kannski er miklu erfíðara
fyrir samtök af þessu tagi að semja
um frið en heyja stríð“, sagði hann
í viðtali við breska útvarpið, BBC.
Höfum opnað stórglæsilega verslun
á 1. Itæð í Borgarkringlunni.
Nældu þér í opnunar- og kynningartilboð
á frábærum vörum NECESSITY.
Hiá okkur færð bu heitustu fötjn
Ótrúlegt úrval,
Verðdæmi:
REPEAT BASIC CUT gallabuxur........................ kr. 2.990,-
REPEAT ROUCH CUT gailabuxur ........................ kr. 3.490,-
T-bolir............................................ frá kr. 490,-
Leggings.............................................frá kr. 990,-
MONA blússur.........................................frá kr. 2.490,-
Peysur...............................................frá kr. 2.490,-
CHA*CHA kjólac.......................................frá kr. 3.490,-
Úlpur og jakkar.................................... frá kr. 3.690,-
CHA'CHA víðar buxuti................................ kr. 2.490,-
o.fl., o.fl., o.fl., o.fl.
í dag sýna Módel '79 það heitasta í haustlínu NECESSITY og nemendur
úr Dansskóla Auðar Haralds koma og skemmta gestum og gangandi.
& ar
p
NECESSITY — HEITT CHi ODYRT
,cha*cha - days of image clothing“