Morgunblaðið - 27.08.1994, Blaðsíða 16

16 LAUGARDAGUR 27. ÁGÚST 1994
MORGUNBLAÐIÐ
ERLE8MT
Reuter
HÚTÚAR í flóttamannabúðum í Zaire á leið heim til Rúanda. Hjálparstarfsmenn segja marga telja að ofbeldið í búðunum miði að því
að koma í veg fyrir að fólk snúi aftur til síns heima.
Erlendir hjálparstarfsmenn í Rúanda reyna að tryggja öryggi sitt
Fjandskapur í garð Breta
og Bandaríkjamanna
Bukavu. Reuter.
HJÁLPARSTARFSMENN í búðum fyrir land-
flótta Rúandamenn sögðust í gær hafa neyðst til
að gera varðúðarráðstafanir gegn þeim flótta-
mönnum sem þeir ættu að vera að aðstoða en
nánast hefur ríkt stríðsástand í borginni Goma
undanfama daga. Starfsmenn Sameinuðu þjóð-
anna (SÞ), sem urðu að yfirgefa flóttamannabúð-
ir nærri Bukavu á fimmtudag, sneru aftur í gær.
Fögnuðu talsmenn Flóttamannahjálpar SÞ þeirri
ákvörðun að fjölga eftirlitsmönnum SÞ með mann-
réttindum í Rúanda í 150 en þeir eru nú 26.
Hjálparstarfsmenn í Zaire segja að ógnanir
ungra hútúa, þjófnaðir og aðgerðarleysi her-
manna frá Zaire geri þeim illmögulegt að starfa.
Á fimmtudag var handsprengju haldið að hálsi
írsks hjálparstarfsmanns og töldu þeir sem það
gerðu að hann væri Bandaríkjamaður. Fjand-
skapur í garð Bandaríkjamanna og Breta hefur
aukist mjög, þar sem talið er að þeir styðji ná-
grannaríkið Úganda sem hefur veitt Frelsisher
Rúanda, sem aðallega er skipaður tútsum, stuðn-
ing. Hrópað er „viðorðsmenn, vitorðsmenn" að
breskum og bandarískum blaðamönnum og menn
vopnaðir sveðjum stugga hvað eftir annað við
ljósmyndurum.
Híndra heimför
Að sögn Kris Janowski, starfsmanns Flótta-
mannahjálpar SÞ, finnst mörgum hútúum að
þeir séu að ósekju sagðir ábyrgir fyrir fjölda-
morðum á tútsum og að þeir hafi tapað stríðinu
við frelsisher tútsa vegna vopnasölubanns sem
sett var á landið. Segir Janowski að margir
telji að hútúar beiti ofbeldi til að koma i veg
fyrir að fólk snúi aftur til Rúanda. Margir hútú-
menn hafi átt stóran þátt í morðunum á tútsum
og óttist að verða sóttir til saka, jafnvel teknir
af lífi snúi þeir aftur. Þá vilji hútúar að stjórn
tútsa taki við sviðinni jörð og mannlausum sveit-
um.
Að sögn talsmanna matvæladreifingar SÞ
hafa verið gerðar öryggisráðstafanir fyrir hjálp-
arstarfsmenn. Gæta þeir þess að vera í stöðugu
talstöðvarsambandi og láta ævinlega vita þurfi
þeir að fara á milli búða.
Ný tegund
hjartaaðgerða
BRESKIR skurðlæknar hafa
brotið blað í sögn læknavísind-
anna, með því að tengja dælu,
knúða rafhlöðu, við hjarta 62
ára gamals manns, sem var
dauðvona af völdum hjartasjúk-
dóms. Læknar á Papwort-
hsjúkrahúsinu í Cambridge
sögðu í gær að tækið, sem er á
stærð við mannshönd, gæfi
hjartasjúklingum nýja von, og
gæti jafnvel gert hjartaígræðsl-
ur óþarfar.
Aðgerðin var framkvæmd á
miðvikudag og tók fjóra tíma.
Að sögn læknanna hefur sjúkl-
ingurinn það gott, er „glaðvak-
andi og í góðu formi.“ Þeir
vænta þess að hann muni lifa
góðu lífi eftir aðgerðina og
geti tekið ugp tiltölulega eðli-
Iega háttu. Á teikningunni má
sjá, að tækinu er komið fyrir
innan á kviðvegg sjúklings og
tengt við hjartað í honum. Þetta
er einföld rafmagnsdæla sem
er ætlað að taka að mestu við
hlutverki þess hluta hjartans
sem dælir blóðinu. Tækið er
frábrugðið gerfihjörtum sem
grædd hafa verið í fólk, að því
leyti að hjarta sjúklingsins er
ekki numið á brott.
Tækið, sem kostar um 4 milljón-
ir króna, er framleitt af banda-
rísku fyrirtæki. Það hefur áður
verið notað til bráðabirgða, allt
að einu ári, af sjúklingum sem
beðið hafa eftir hjarta til
ígræðslu. Þetta er hins vegar í
fyrsta skipti sem tækið er sett
í sjúkling sem framtíðarráð-
stöfun gegn hjartabilun. Lækn-
ar sögðust vænta þess að dælan
myndi reynast áhrifaríkari en
hjartaígræðsla.
Vilja að-
gerðir
gegn Pak-
istan
INDVERJAR lýstu því yfir á
fimmtudag að þeir hygðust fá
ríki heims til að standa með
sér að aðgerðum gegn Pakis-
tönum. Ástæðan er sú að fyrr-
um forsætisráðherra Pakist-
ans, Nawaz Sharif, hefur sagt
að Pakistanar ráði yfir kjarn-
orkusprengju en utanríkisráð-
herra landsins, Assef Ahmad
Ali, neitaði þessu. Sagði Ali að
Indveijar gætu síst allra mót-
mælt kjamorkuógnun, þar sem
þeir framleiddu sjálfir plúton
að vild.
Hætta á klofn-
ingi fyrir bí
BORÍS Jeltsín
Rússlandsfor-
seti sagði í
gær að ekki
væri lengur
hætta á því að
Rússland
klofnaði en
margir Rússar
hafa talið
hættu á því
sökum eija á
milli stjórnarinnar í Moskvu og
stjómvalda í héruðunum. Jelts-
ín sagði hins vegar að nauðsyn-
legt væri að semja áætlun um
samskipti héraðsstjórna við
stjórnvöld í Moskvu.
Prins í lið
skæruliða
SKÆRULIÐASAMTÖKIN
Rauðu kmerarnir sögðu í gær
að kambódíski prinsinn Noro-
dom Chrakrapong hefði gengið
til liðs við þá. Prinsinn gerði
misheppnaða tilraun til valda-
ráns í Phnom Penh í sfðasta
mánuði en hann er sonur kon-
ungs Kambódíu, Norodoms Si-
hanouks, og hálfbróðir forsæt-
isráðherrans, Norodoms Rana-
riddh.
Múslimar
skjóta á
ferðamenn
ÖFGASINNAÐIR múslimar
skutu í gær spænskan dreng
og særðu föður hans lífshætt-
lega í suðurhluta Egyptalands.
Móðir drengsins, einn Spánveiji
til viðbótar og egypskur leið-
sögumaður særðust í árásinni.
Fjórir mánuðir eru liðnir frá því
að múslimar gerðu síðast árás
á ferðamenn en aðeins tvær
vikur era þar til ráðstefna SÞ
um mannfjölda og þróun verður
haldin í Kaíró. Er talið að þessi
árás kunni að auka ótta manna
um öryggi ráðstefnugesta.
Mannræn-
ingjar nást
LÖGREGLAN í Moskvu hefur
ráðið að niðurlögum 30 manna
glæpahrings, sem sérhæfði sig
í mannránum. Glæpamennirn-
ir, sem eru frá Georgíu, ein-
beittu sér að kaupsýslumönn-
um. Lögreglu tókst að hafa
hendur í hári þeirra eftir að
yfirmanni auglýsingastofu
tókst að sleppa úr klóm ræn-
ingjanna, sem höfðu krafist
sem svarar tæpra 13 milljóna
fyrir lausn hans.
I
I
i
I
|
1
\
l
B
!
í
L
{.
1
í
;
!
í
t
í
l
!
I
í
I