24 stundir - 05.01.2008, Blaðsíða 28

28 LAUGARDAGUR 5. JANÚAR 2008 24stundir
Eftir Kristjönu Guðbrandsdóttur
dista@24stundir.is
Hvaða lifandi manneskju líturðu upp til og
hvers vegna?
Foreldra minna. Mér finnst þeim hafa tekist
vel upp með strákinn.
Hver er þín fyrsta minning?
Bíllinn sem Baddi frændi kom með frá út-
löndum 1961 (tveggja ára).
Hver eru helstu vonbrigðin hingað til?
Allir peningarnir sem hafa farið í líkams-
ræktina.
Hvað í samfélaginu gerir þig dapran?
Hvað sumir geta verið illir út í með-
bræður sína.
Leiðinlegasta vinnan?
Mér finnst gaman að vinna, spurning um
hugarástand.
Uppáhaldsbókin þín?
Allar kokkabækur.
Hvað eldarðu hversdags, ertu góður kokk-
ur?
Ég elda ekki hversdagsmat … það er
veislumatur alla daga. Spyrjið
börnin mín.
Hver myndi leika þig í kvikmynd byggðri á
ævi þinni?
Sigurjón Kjartansson í leikstjórn Jóns
Gnarr … forvitnileg útkoma.
Að frátalinni húseign, hvað er það dýrasta
sem þú hefur fest kaup á?
Bíllinn minn, BMW 2004 módel 318 …
Mesta skammarstrikið?
GSM-síminn hans Pálma … segi ekki
meir.
Hvað er hamingja að þínu mati?
Ég og konan í bústaðnum, sólsetur og
kaffibolli, gott veður skemmir
ekki.
Hvaða galla hefurðu?
Að mínu mati er ég fullkominn, nema
kannski … nei, man ekki eftir
neinum.
Ef þú byggir yfir ofurmannlegum hæfi-
leikum, hverjir væru þeir?
Að flytja mig heildrænt á milli staða.
Sparar flugmiðana.
Hvernig tilfinning er ástin?
Þessi tilfinning er ólýsanleg.
Hvað grætir þig?
Mannvonska.
Hefurðu einhvern tímann lent í lífshættu?
Er maður ekki alltaf í lífshættu í umferð-
inni?
Hvaða hluti í eigu þinni meturðu mest?
Frímerkin mín.
Hvað gerirðu til að láta þér líða vel?
Ég vísa til svars númer 11.
Hverjir eru styrkleikar þínir?
Ég held að sá stærsti sé þokkaleg geðprýði.
Hvað langaði þig að verða þegar þú varst
lítill?
Teiknimyndagerðarmaður og teiknari.
Er gott að búa á Íslandi?
Í einu orði sagt: Já, alveg frábært.
Hefurðu einhvern tímann bjargað lífi ein-
hvers?
Já, skaut skjólshúsi yfir mann sem varð
nærri úti í snarvitlausu
veðri um miðja nótt að vetri til. Hann fékk
kakó.
Hvert er draumastarfið?
Eitthvað sem er áhyggjulaust. Hef ekki
fundið það ennþá.
Hvað ertu að gera núna?
Þýða Bubbi byggir-handrit fyrir talsetn-
ingu. Get ekki svarað meiru,
verð að halda áfram …
Örn Árnason
Örn Árnason er skemmtikraft-
ur og leikari af Guðs náð og
flestir vita að hjá honum er
aldrei dauð stund. Hver veit
hvaðan hann fær orku til allra
þeirra verka sem hann sinnir?
En auk þess að kitla hlát-
urtaugar landsmanna í viku-
legum sívinsælum þætti
Spaugstofunnar, selur hann
flugelda, smíðar og skemmtir,
syngur, talsetur og brallar,
framleiðir, leikstýrir og er
handlagnari en flestir aðrir.
Örn er óstöðvandi.
a
Ég skaut skjólshúsi yfir mann sem varð nærri úti í snarvitlausu
veðri um miðja nótt að vetri til. Hann fékk kakó.
24stundir/Árni Sæberg
24spurningar
upplysingar
Kolbrun S.510 3722
Kolla@24stundir.is Kata@24stundir.is
Katrin s.510 3727
Serblad 24 stunda
heimili og honnun
9.januar 2008