24 stundir - 05.01.2008, Blaðsíða 40

40 LAUGARDAGUR 5. JANÚAR 2008 24stundir
Eftir Einar Jónsson
einarj@24stundir.is
Leifur Kolbeinsson matreiðslu-
meistari hefur verið iðinn við að
kynna Íslendingum ítalska matar-
gerðarlist á undanförnum árum.
Hann á og rekur veitingastaðinn La
Primavera og nýlega gaf hann út
bók um ítalska matargerðarlist í
matreiðslubókaflokki Hagkaupa.
Einfaldleikinn heillar
Sjálfur segir Leifur að hann hafi
fyrst og fremst heillast af einfald-
leika ítalskrar matargerðar á sínum
tíma. „Það sem ég legg fyrst og
fremst upp með í bókinni er ein-
föld og góð matargerð sem krefst
þess ekki að maður eyði tveimur til
þremur tímum í innkaup fyrir
uppskriftina,“ segir hann. Leifur
vill þó ekki meina að hugmyndin
um ítölsku húsmóðurina sem
stendur allan daginn yfir pottun-
um sé úr lausu lofti gripin.
„Það getur tekið tíma að sjóða
sósuna og annað slíkt en hráefnið
er gott og einfalt og yfirleitt eru
ekki notuð mörg hráefni í hverja
uppskrift.“
Munur eftir landsvæðum
Samhliða rekstri La Primavera
hefur Leifur kynnt sér ítalska mat-
armenningu á heimavelli. „Ég hef
verið duglegur að ferðast til Ítalíu
og unnið í skamman tíma í Róm og
í Siena í Toskana. Þá hef ég heim-
sótt ítalska veitingastaði í London
og fengið fullt af gestakokkum. Það
heldur okkur við efnið og er mikil
innspýting fyrir alla á veitinga-
staðnum,“ segir hann.
Leifur bendir enn fremur á að
mikill munur sé á ítalskri matar-
gerð eftir landsvæðum. „Það er
gríðarlega fjölbreytt matargerð frá
norðri til suðurs og það veltur
náttúrlega á því hráefni sem hvert
hérað hefur upp á að bjóða,“ segir
hann. Á La Primavera leita menn
innblásturs víða. „Upphaflega ein-
blíndum við aðallega á Norður-
Ítalíu en núna finnst okkur gaman
að sjá hvað þeir eru að gera á Sikil-
ey, Sardiníu og víðar,“ segir hann.
Uppskriftirnar sem Leifur deilir
með lesendum 24 stunda koma
einnig úr ólíkum áttum en forrétt-
urinn er frá norðurhéruðum
landsins en aðalrétturinn er salt-
fiskur að sardinískum hætti. „Þetta
eru tilvaldir réttir eftir hátíðirnar
þegar maður myndi ætla að fólk
sækti frekar í léttari mat,“ segir
Leifur Kolbeinsson matreiðslu-
meistari að lokum.
Ítölsk matargerðarlist á hug og hjarta Leifs Kolbeinssonar
Heillaðist af
einfaldleikanum
Ítölsk matargerðarlist
hefur lengi átt hug og
hjarta Leifs Kolbeins-
sonar matreiðslumeist-
ara. Sjálfur heillaðist
hann af einfaldleika
hennar á sínum tíma.
Innblástur víða að Leifur
og félagar hans á La Prima-
vera sækja innblástur til
ólíkra svæða á Ítalíu.
➤ Leifur rak í upphafi La Prima-vera ásamt Ívari Bragasyni.
➤ Frá árinu 2005 hefur rekst-urinn verið í höndum hans og
fjölskyldu hans.
➤ Leifur og Ívar gáfu út bókinaPrimavera fyrir fáeinum ár-
um.
LEIFUR KOLBEINSSON
24stundir/Golli
Ein glæsilegasta veisla ársins fer
fram á Grand Hóteli í kvöld þegar
Klúbbur matreiðslumeistara held-
ur árlegan hátíðarkvöldverð sinn.
Þetta er í 21. sinn sem kvöldverð-
urinn fer fram. Að þessu sinni eru
gestir 250 og hafa aldrei verið fleiri
að sögn Ingvars Sigurðssonar, for-
seta Klúbbs matreiðslumeistara.
„Þetta er alveg nýtt met. Eftir-
spurnin hefur rokið upp úr öllu
valdi og við erum afskaplega
ánægðir með það,“ segir hann.
Tíu rétta kvöldverður
Undirbúningur kvöldverðarins
tekur næstum ár að sögn Ingvars
og er matseðillinn ekkert slor. „Það
er boðið upp á tíu rétti og allt það
ferskasta sem völ er á. Það eru
kannski tveir til fimm sem eru með
einn rétt saman og sjá um hann.
Það eru 30-40 kokkar í eldhúsinu í
einu og það skapast svakalega
skemmtileg stemning þegar þeir
hittast,“ segir Ingvar.
Forseti Íslands hefur verið heið-
ursgestur klúbbsins frá upphafi og
verður engin breyting þar á að
þessu sinni.
Þakka styrktaraðilum
„Við bjóðum líka styrktaraðilum
okkar og öðrum sem við þurfum
að vera góðir við. Þetta er okkar
tækifæri til að þakka fyrir okkur og
við gerum það með þessum kvöld-
verði,“ segir Ingvar en megintil-
gangur hans er að afla fjár, m.a. til
reksturs kokkalandsliðsins.
„Á hverju ári er þjóðþekktur
listamaður fenginn til að skreyta
disk af þessu tilefni og fólk fær að
eiga þá sem minjagripi. Margir
fastagestir eiga alla diskana,“ segir
Ingvar og bætir við að listamaður
ársins sé Guðmundur Björgvins-
son.
Klúbbur matreiðslumeistara efnir til veislu
Hátíðarkvöldverður ársins
Matarferðamennsku hefur vaxið
fiskur um hrygg hér á landi að
undanförnu, til dæmis á Norður-
landi þar sem samtökin Matur úr
héraði starfa. Nú vill Matís efla
matarferðamennsku á Suðaustur-
landi og leitar að samstarfsaðilum
á svæðinu sem búa yfir góðri hug-
mynd að staðbundinni matvöru.
Verkefnið felur í sér þróun á
vörum úr staðbundnu hráefni sem
unnt er að selja til ferðamanna á
svæðinu, samkvæmt upplýsingum
á vef Matís matis.is.
Með matarferðamennsku er
meðal annars hægt að auka fram-
legð innan ákveðinna svæða til
dæmis með frekari vinnslu hráefn-
is, sölu afurða og lengri dvalar
ferðamanna.
Matís vill efla matarferðamennsku
Matur og ferðamenn
Staðbundinn matur Ferða-
menn sýna staðbundnum mat
aukinn áhuga.
LÍFSSTÍLLMATUR
matur@24stundir.is a
Það er gríðarlega fjölbreytt mat-
argerð frá norðri til suðurs og það
veltur náttúrlega á því hráefni sem hvert
hérað hefur upp á að bjóða.
Sérfræðingar
í saltfiski
466 1016
- Útvatnaður saltfiskur án beina til suðu
- Sérútv. saltfiskur án beina til steikingar
- Ýsa, þorskur, gellur, kinnfiskur, rækjur
- Einnig fjölbreytt úrval tilbúinna rétta
www.ektafiskur.is
pöntunarsími:
frumkvöðlafyrirtæki ársins  - viðurkenning frá matur úr héraði - localfood
upplysingar
Kolbrun S.510 3722
Kolla@24stundir.is
Kata@24stundir.is
Katrin s.510 3727
Serblad 24 stunda
11.januar 2008
namskeid