24 stundir - 05.01.2008, Blaðsíða 52
52 LAUGARDAGUR 5. JANÚAR 2008 24stundir
LÍFSSTÍLLSPJALLIÐ
lifstill@24stundir.is a
Mikilvægast er að leggja af stað með jákvætt
hugarfar og setja sér langtímamarkmið, í stað
þess að fara af stað með heift líkt og fólk gerir gjarn-
an þegar loksins skal takast á við vandann.
Flestir stunda einhvers konar reglulega líkamsrækt en síðan kemur þessi hvíldartími yfir jólin
þegar fólk fer að hugsa minna um heilsuna um leið og það borðar meira. Þannig má segja að
óhollustan tvöfaldist og fólk þarf þar af leiðandi að taka tvöfalt skref til baka í janúar bæði
hvað varðar mataræði og hreyfingu. Öfgarnar eru því miklar í báðar áttir og að gera hlutina í
skorpum á þennan hátt myndi ég segja að sé dæmigert fyrir Íslendinga. Þegar regla kemst aft-
ur á líf fólks nú í janúar þá er gott að láta mataræðið og reglulega hreyfingu fylgjast að enda
vinnur þetta tvennt best saman. Fyrsta skrefið er að mæta á staðinn og þá er eins og eitt leiði
af öðru. Fyrir byrjendur er best að leita sér aðstoðar og hjá okkur í World Class, Laugum, get-
ur fólk t.d. fengið þjálfara til að leiða sig um salinn og kenna sér á tækin. Síðan skiptir mat-
aræðið gríðarlega miklu máli en með hæfilegum skammtastærðum, góðum nætursvefni og
hreyfingu, ætti fólk að sjá árangur innan skamms. Til að byrja með er hæfilegt að æfa þrisvar
sinnum í viku og mæli ég með æfingum annan hvern dag til þess að ná að hvílast vel á milli.
Einkaþjálfun er einnig mjög góður kostur og fylgir þá einkaþjálfarinn þér frá a til ö í gegnum
æfinguna og fer yfir mataræðið.
Arnar Grant einkaþjálfari.
Mataræði og hreyfing fylgjast að
24stundir/G.Rúnar
Það er um að gera að fara hægt og varlega af
stað og gera hlutina með mýkt því það er
löngu sannað að líkaminn breytist ekki með
ofbeldi og ásetningi. Mikilvægast er að leggja
af stað með jákvætt hugarfar og setja sér
langtímamarkmið, í stað þess að fara af stað
með heift líkt og fólk gerir gjarnan þegar
loksins skal takast á við vandann. Maður fer
að sinna líkamanum á allt annan máta ef
maður ákveður að sýna honum alúð og
natni og lifa í kærleik og blíðu. Við Íslend-
ingar erum dálítið ofsafengin þjóð, keyrum
mörg hver á steyttum hnefanum stóran
hluta ársins og hverfum síðan má segja til
tíma Rómverjanna yfir jól og aðrar hátíðir,
þar sem við bókstaflega leggjumst í neyslu.
En það er með líkamsræktina líkt og þetta að
maður kemst ekki langt á steyttum hnef-
anum. Maður verður að fjárfesta í sjálfum
sér með alúð, natni og kærleika sem oftast
skilar sér mjög fljótt og á allt annan máta en
ofsafengið atferli þar sem á að sigra heiminn
á einni viku. Þeir sem hafa þegar vaknað til
vitundar um slíkt hafa náð að skilja að það
sem fólk veitir athygli vex, dafnar og styrkist
í rólegheitunum og það er besta leiðin fram
á við.
Guðni Gunnarsson, eig-
andi Rope Yoga seturs.
Alúð, natni
og kærleikur
Í fyrsta lagi er mikilvægt að setja sér raunhæf
markmið og gleyma öllum afsökunum þar
sem allir ættu að geta fundið hreyfingu við
sitt hæfi, hvort sem það er að ganga, synda,
skokka eða fara í líkamsræktarstöðvarnar. Þá
er nauðsynlegt að hreinsa líkamann um leið
og maður byrjar í líkamsræktinni með því
að henda út óhollum fæðutegundum sem
hafa skipað stóran sess yfir jólin, til dæmis
sykri. Slíku er best að skipta út fyrir nóg af
litríkum ávöxtum og grænmeti, kjúkling og
fisk. Ef maður er latur við að hreyfa sig þá er
um að gera að hringja í vin sinn og finna sér
góðan æfingafélaga sem hvetur mann áfram.
Það er nauðsynlegt að fara hægt af stað og ég
mæli með að fólk æfi þrisvar, fjórum sinnum
í viku, auk þess að nýta tækifærið þegar
veðrið er gott til að fara út að ganga og fá
frískt loft í lungun sem fyllir mann orku og
vellíðan. Um leið og maður sér árangur
hvetur það mann til að halda áfram, en það
getur tekið dálítinn tíma og því er um að
gera að gefast ekki upp og muna að borða
hollan mat, narta t.d. í ávexti og grænmeti
fyrir framan sjónvarpið í staðinn fyrir kon-
fektið.
Unnur Pálmarsdóttir
líkamsræktarkennari.
Góður æfinga-
félagi mikilvægur
Fyrsta skrefið er að taka ákvörðunina um að
drífa sig af stað, taka til æfingatöskuna og
koma sér úr veislugírnum með því að taka
rækilega til í ísskápnum og henda öllum af-
gangsmat sem maður vill ekki að endi ofan í
maga. Þó maður sé alinn upp við það að
henda ekki mat þá er nú bara betra að þetta
endi í ruslinu heldur en utan á mjöðm-
unum á manni. Sumir fá nóg eftir jólahátíð-
ina en allt of margir komast í þennan átgír
sem þeir eiga erfitt með að komast úr. Það
er auðvitað nauðsynlegt að slappa af og eiga
frí inn á milli eins og yfir jólin en það getur
orðið til þess að fólk festist í of miklu mak-
ræði. Því verður fólk virkilega að rífa sig
upp nú í svartasta skammdeginu, koma við
í fiskbúðinni, borða grænmeti og hreyfa sig.
Sá hópur sem æfir regulega allan ársins
hring fer stækkandi sem er náttúrlega frá-
bært en síðan eru alltaf þeir líka sem taka
þetta í törnum. Almennt séð er fólk orðið
meðvitað um nauðsyn þess að hreyfa sig og
finnur mun á líðan sinni þegar það drífur
sig af stað. Það vantar kannski helst að fólk
kunni að forgangsraða og gefi sér tíma til að
hreyfa sig þar sem oft er svo mikið að gera
hjá fólki.
Ágústa Johnson, fram-
kvæmdastjóri Hreyfingar.
Að koma sér úr
veislugírnum
Á heimaslóðum mínum í Brasilíu byrjum
við nýja árið með því að dansa Samba eft-
ir allan hátíðamatinn og fríið. Það er
virkilega góð hreyfing sem þjálfar maga-
vöðvana út í gegn og hjálpar til við að
brenna aukakílóunum sem safnast hafa á
mann yfir jólin á nokkrum vikum. Þetta
er því það sem ég geri til að byrja árið vel
enda er Samba frábær æfing og mjög
skemmtilegur dans. Ég kenni Samba fyrstu
vikur ársins í Magadanshúsinu hjá mér en
síðan tekur magadansinn algjörlega við.
Hvað varðar mataræði nú eftir jólin þá
finnst mér mjög gott að mauka og blanda
saman ávöxtum sem ég fæ mér áður en ég
fer að sofa. Þannig tryggir maður að mag-
inn starfi vel yfir nóttina og er ekki svang-
ur þegar maður vaknar á morgnana. Það
er alltaf nóg að gera hjá mér við að kenna
magadans á þessum tíma árs, fólk er bæði
að koma á námskeið í fyrsta skipti svo og
að koma aftur eftir hlé. Magadansinn er
mjög vinsæll á veturna jafnvel þótt hér sé
ekki alltaf sérlega magadansvænt veður, ef
svo má segja, en fólk lætur það ekki
stoppa sig.
Josy Zareen, eigandi
Magadanshúss.
Samba fyrir
magavöðvana
Hvernig er best
að koma sér í
form eftir jólin?
Nú er fólk búið að hafa það gott í jólafríinu, borða góðan mat og
stundum dálítið óhollan en fólk leyfir sér gjarnan meira í mat og
drykk yfir hátíðirnar. Janúar boðar þó yfirleitt tíma breytinga hjá
flestum og þá fyllast allar líkamsræktarstöðvar af fólki og ísskáp-
ar af grænmeti. Áramótaheit hafa verið strengd og í þetta sinn
skal sannarlega staðið við þau segir fólk við sjálft sig. Hér gefa
nokkrir líkamsræktarfrömuðir góð ráð fyrir þá sem ætla að byrja
aftur eða fara í fyrsta sinn í ræktina eftir jól.