24 stundir - 05.01.2008, Blaðsíða 37
24stundir LAUGARDAGUR 5. JANÚAR 2008 37
húsgögn
gjafavara
ljós
opið í dag 11–16
sunnudag 13–16
afsláttur
hefst í dag
15–70%
ÚTSALAN
MIRALE
Síðumúla 33
108 Reykjavík
sími: 517 1020
www.mirale.is
Opið
mánud.–föstud. 11–18
laugardag 11–16
sunnudag 13–16
Þ
etta er starf sem mér þyk-
ir mjög eftirsóknarvert
að sinna en ég bjóst ekk-
ert sérstaklega við því að
fá stöðuna í upphafi,
enda voru umsækjendur fimmtíu.
Allan tíunda áratuginn vann ég
störf í grasrótinni í ferðaþjónustu,
sem landvörður, fararstjóri í hesta-
ferðum og rak í eitt ár fræðasetur í
Mývatnssveit sem sinnti fræðslu og
þjónustu bæði við almenna ferða-
menn og skólahópa frá sex ára
bekk og upp í háskóla. Þetta nýja
starf mitt hefur auðvitað sterka vís-
an í þennan hluta starfsferils míns.
Svo fór ég að gera aðra hluti, en áð-
urnefnd störf eru þau skemmtileg-
ustu sem ég hef stundað og ég fór á
sínum tíma í líffræðinámið á
grundvelli áhuga míns á Íslandi og
íslenskri náttúru. Mér finnst gott
að vera komin aftur í þennan geira,
segir Ólöf Ýrr Atladóttir, nýráðinn
ferðamálastjóri. Ólöf Ýrr er líf-
fræðingur og íslenskufræðingur og
áður en hún tók við starfi ferða-
málastjóra var hún framkvæmda-
stjóri Vísindasiðanefndar.
Breytt lífsviðhorf
Fannstu fyrir ást á íslenskri nátt-
úru strax sem krakki?
„Þegar ég var krakki bjuggu for-
eldrar mínir erlendis um skeið, í
Bandaríkjunum og Svíþjóð, og þar
ólst ég upp að hluta, en ég átti fast-
an sess í húsi afa og ömmu í Mý-
vatnssveit og sömuleiðis hjá afa og
ömmu á Siglufirði. Það má ef til
vill segja að sveitin hafi verið fasti
punkturinn í tilveru minni. Árið
1990 varð ég landvörður í Kverk-
fjöllum, þá 23 ára gömul, og það
sumar var upplifun sem breytti
lífsviðhorfum mínum. Einangrun-
in og andstæðurnar í náttúrunni
opnuðu fyrir mér nýjar víddir og
kenndu mér að leita hins smáa og
sérstaka í nánasta umhverfi mínu.
Ég naut þess líka að hafa verið í
bókmenntanámi í háskólanum og
gat tengt náttúruna áhuga mínum
á bókmenntum og skáldskap.“
Þú hefur unnið við störf sem
tengjast náttúrufræði fremur en
bókmenntum. Var íslenskunámið
ekki nógu praktískt?
„Ég veit ekki hvort hægt er að
tala um praktík í því samhengi.
Þegar ég fór í líffræði að loknu ís-
lenskunámi horfði fólk á mig vor-
kunnaraugum og sagði: Fyrst ferðu
í íslensku og svo ferðu í líffræði,
hvað ætlarðu svo að gera?
Ég hef mjög víðtæk áhugasvið og
hef verið svo heppin að fá tækifæri
til að sinna þeim. Íslenskunámið
sneri að bókmenntaáhuganum og
svo fór náttúrufræðin að toga í
mig. En náttúrufræði og bók-
menntir geta vel tengst, eins og við
sjáum best á því að Jónas Hall-
grímsson var bæði náttúrufræð-
ingur og skáld. Þegar ég hef efast
um réttmæti þess að leita í svona
margar áttir, þá hef ég oft hugsað
til hans – það er ekki slæmt að geta
litið til hans sem fyrirmyndar.“
Hefurðu áhuga á náttúruskáldum
eins og Jónasi?
„Já, ég hef alveg sérstakan áhuga
á ljóðskáldum sem mála náttúruna
litum eins og Snorri Hjartarson og
Jónas gera í skáldskap sínum. Ég vil
ekki hljóma eins og mjúkmáll róm-
antíker – því það er ég ekki – en ég
er mjög hrifnæm manneskja og get
gleymt mér í því sem ég hrífst af.
Ég á margar góðar minningar frá
ferðum mínum um Ísland, til
dæmis frá því að hafa setið heila
nótt og horft dáleidd út á Öxar-
fjörð þar sem sólin dýfði tánum í
hafið og fór svo að rísa aftur.“
Einlægur friðarsinni
Sem náttúrumanneskja hlýturðu
að vera sérstakur andstæðingur
virkjanastefnu, eða hvað?
„Ég hef verið andstæðingur stór-
virkjana á Íslandi eins og þær hafa
verið unnar, eins og til dæmis
Kárahnjúkavirkjunar. Menn verða
að fara mjög varlega í stórvirkjana-
framkvæmdum. En ég geri mér
grein fyrir því að það er ekki fyr-
irfram hægt að útiloka allt sem
snýr að virkjunum. Slíkt væri fá-
ránlegt og skammsýnt. En viðhorf
mitt byggist ekki einungis á nátt-
úruvernd heldur tala ég líka sem al-
þjóðasinni. Ég tel ekki að við Ís-
lendingar eigum að leggja okkur
eftir að vera í samkeppni við þró-
unarlönd um stóriðju. Það felst
engin reisn í því. Þarna eru þjóðir
sem eiga eftir að nýta auðlindir sín-
ar eða eru rétt að byrja á því, þær
eru að byggja undir grunnstoðir
veikburða samfélags. Frekar en að
fara í samkeppni við þær eigum við
að aðstoða þær.“
Þú hefur skrifað nokkrar blaða-
greinar á undanförnum árum, þar á
meðal grein þar sem þú hvattir til að
íslensk stjórnvöld tækju afstöðu með
óbreyttum borgurum í Líbanon.
„Ég hef mikinn áhuga á alþjóða-
málum og hef sterka réttlætis-
kennd. Ég skrifa ekki oft í blöð og
hef svosem engan sérstakan áhuga
á að leggja mig eftir því. Ég hef
haldið úti afar strjálu bloggi, sem
sjaldan er bætt á, vegna þess að þau
skrif eru hreinlega ekki í forgangi
hjá mér. En þar hef ég raunar lagt
mig eftir að hripa niður hugsanir
um ýmis alþjóðamál. Alþjóðamál
eru sterkur áhrifavaldur á okkar
daglega líf, miklu sterkari en við
gerum okkur líklega grein fyrir. Ég
er einlægur friðarsinni og í þau fáu
skipti sem ég hef skrifað um al-
þjóðamál og mannréttindi tengist
það fyrrnefndu hrifnæmi mínu og
væntanlega því að það hefur fokið í
mig. Íslensk stjórnvöld eiga að þora
að taka opinbera afstöðu með
manneskjum í öðrum löndum.
Það var það sem ég sagði í grein-
inni sem þú vitnar til.“
Alveg örugglega krati
Ertu pólitísk?
„Ég er raunar af góðum og gegn-
um sjálfstæðisættum í aðra ætt og
siglfirsku verkafólki í hina og það
er mjög lífleg pólitísk umræða í
fjölskyldu minni. Ég er vissulega
pólitísk og raunar alveg örugglega
krati – rétt eins og þú. Ég byrjaði
reyndar pólitískan feril minn á því
að vera formaður sósíalistafélagsins
í Menntaskólanum á Akureyri. Sá
félagsskapur samanstóð af um það
bil tíu sálum sem sátu saman og
strikuðu samviskusamlega undir
það sem þóttu vera mikilvægar
setningar í Kommúnistaávarpinu.
Og ég held raunar að það hafi verið
hið besta mál – flestir ganga í gegn-
um róttækt tímaskeið í pólitík ým-
ist til hægri eða vinstri – eða ættu
að gera það. Svo endum við flest í
HELGARVIÐTALIÐ
Eftir Kolbrúnu Bergþórsdóttur
kolbrun@24stundir.is
a
Ég er einlægur
friðarsinni og í
þau fáu skipti
sem ég hef skrifað um al-
þjóðamál og mannrétt-
indi tengist það fyrr-
nefndu hrifnæmi mínu og
væntanlega því að það
hefur fokið í mig.