24 stundir - 05.01.2008, Page 22

22 LAUGARDAGUR 5. JANÚAR 2008 24stundir
Fyrir 15 árum hefði það þótt
geggjuð firra að Ólafur Ragnar
Grímsson ætti eftir að verða for-
seti Íslands. Þá var hann forystu-
maður í Alþýðubandalaginu, afar
umdeildur jafnvel og ekki síst
innan eigin flokks, en meðal al-
mennings fyrst og fremst kunnur
sem fljóthuga orðhákur; enginn
frýði honum vits en hann virtist
nokkuð gjarn á frumhlaup og eft-
ir flakk hans milli flokka var hann
mjög grunaður um græsku. Á Ís-
landi er það af einhverjum ástæð-
um svo að sá sem vinnur af óbil-
andi metnaði að eigin framgangi
innan eins flokks er talinn dug-
legur og aðdáunarverður, og jafn-
vel hugsjónamaður, en sá sem
dirfist að gera það í fleiri en ein-
um flokki er talinn helsti viðsjáll.
Sjaldan mjög vinsæll
Altént komst Ólafur Ragnar
sjaldan mjög hátt á blað þegar
mældar voru vinsældir helstu
stjórnmálaforingjanna; einatt var
hann ofar á listanum ef spurt var
um óvinsæla stjórnmálamenn.
Það virtist í alla staði útilokað
að hann gæti átt eftir að komast í
embætti þar sem öllum bar þá
saman um að ætti að sitja ,,sam-
einingartákn þjóðarinnar“ –
óumdeildur íhugull og vitur leið-
togi og ekki verra að hann kæmi
úr einhvers konar menningar-
geira.
Flestir Íslendingar skilgreindu
sem sagt æskilega kosti forsetans
svo að Ólafur Ragnar virtist ná-
kvæmlega EKKI maðurinn á
Bessastaði. Enda minntust álits-
gjafar allt fram á árið 1995 aldrei
á Ólaf Ragnar sem vænlegan
kandídat á Bessastaði.
En einhvern veginn komst þessi
hugmynd samt á kreik og þjóðin
reyndist ósammála álitsgjöfun-
um; hún sá í Ólafi Ragnari ein-
hverja þá kosti sem henni fannst
upplagðir á Bessastaði og Ólafur
Ragnar var kjörinn til starfans.
Og ótrúlegt nokk hefur Ólafur
Ragnar bara plumað sig prýðilega
á Bessastöðum. Hann var auðvit-
að of flæktur í harðsvíruð pólitísk
átök á sínum tíma til að geta náð
stalli ,,sameiningartákns þjóðar-
innar“ – enda spurning hvort sá
frasi var ekki allan tímann inn-
antómur, eða hæfði altént öðrum
tímum. En hér innanlands hefur
hann gegnt sínum skyldum með
sóma og augljóslega náð áður
óþekktum árangri erlendis þar
sem hann virðist sem fiskur í
vatni.
Og jafnvel sú umdeilda gjörð
hans að neita að skrifa undir fjöl-
miðlafrumvarpið á sínum tíma
megnaði ekki að slá til lengdar á
stöðu hans – nema þá hjá mjög
þröngum hópi manna. Aðrir eru
eftir á flestir hæstánægðir með þá
gjörð hans.
Þegar allt þetta er tekið saman
er auðvitað í hæsta máta eðlilegt
að Ólafur Ragnar sækist eftir end-
urkjöri. Og þótt auðvitað ríki
ekki 100% ánægja með hann er
fyrirfram ómögulegt að nokkur
mótframbjóðandi myndi hrófla
að ráði við honum.
Hlakka lítið til
Eigi að síður er það vitaskuld
helgur réttur allra sem annað-
hvort hafa eitthvað á móti Ólafi
Ragnari eða vilja koma sjálfum
sér á framfæri að bjóða sig fram
gegn honum. Og ekkert nema
gott um það að segja ef til mót-
framboðs kemur.
Ég verð hins vegar að segja –
ægilega sem það var lítið
skemmtileg frétt þegar einhver
fréttamaðurinn var búinn að
mana Ástþór Magnússon upp í að
hann ætlaði vitaskuld í forseta-
framboð. Guð, hvað ég hlakka lít-
ið til þess ef Ástþór fer að ólmast í
einhverju málamynda forseta-
framboði móti Ólafi Ragnari. Það
var fyndið í fyrsta sinn og jafnvel
einhvers konar tákn um lýðræðið
– þolanlegt en bara með naum-
indum þó í annað sinn – en til-
hugsunin um sama brandarann í
þriðja sinn … Æ, nei, æ, nei!
Frelsa oss frá því, í öllum ham-
ingju bænum!
Fjögur ár enn
aIllugi Jökulsson skrifar um forsetann
Ægilega sem
það var lítið
skemmtileg
frétt þegar
einhver
fréttamað-
urinn var bú-
inn að mana Ástþór
Magnússon upp í að
hann ætlaði vitaskuld í
forsetaframboð móti
Ólafi Ragnari. Guð, hvað
ég hlakka lítið til þess ef
Ástþór fer að ólmast í
einhverju málamynda
forsetaframboði
Gefur kost á sér áfram Misjafnt er
hvað mönnum finnst um þá ákvörð-
un Ólafs Ragnars Grímssonar.
24stundir/Jim Smart
upplysingar
Kolbrun S.510 3722
Kolla@24stundir.is
Kata@24stundir.is
Katrin s.510 3727
Serblad 24 stunda
9.jan.2008
heimili og honnun