Morgunblaðið - 10.09.1993, Blaðsíða 33
MORGUNBLAÐIÐ FÖSTUDAGUR 10. SEPTEMBER 1993
33
Ljósmyndastofan Nærmynd
HJÓNABAND. Gefin voru saman-
hinn 7. ágúst sl. í Þingeyrarkirkju
af sr. Stefáni Ágústssyni frá Vegin-
um, Hulda V. Tryggvadóttir og
Eysteinn Johannsson. Heimili
þeirra er að Skúlabraut 45, Blöndu-
ósi.
LJósmyndastofan Nærmynd
HJÓNABAND. Gefín voru saman
hinn 24. júlí sl. í Háteigskirkju af
sr. Hreini Hjartarsyni, Gerður
Gestsdóttir og Jón Ólafur Lindsay.
Heimili þeirra er að Hraunteig 15,
Reykjavík.
Ljósmyndastofan Nærmynd
HJÓNABAND. Gefin voru saman
hinn 7. ágúst sl. í Dómkirkjunni af.
sr. Vigfúsi Þór Árnasyni, Hulda
Magnúsdóttir og Sigurður Sigur-
jónsson. Heimili þeirra er að Grund-
argötu 14, Siglufirði.
HJÓNABAND. Gefin voru saman
þann 31. júlí sl. í Þýskalandi, Birg-
it Antes og Einar Hansson. Heimili
þeirra er að Kankestr. 11, Munchen.
ÞESSAR stúlkur héldu hlutaveltu til styrktar Rauða kross íslands
og varð ágóðinn 722 krónur. Þær heita Kristín Ruth Jónsdóttir og
Jakobína Jónsdóttir.
Eastwood fremstur í flokki í spennumyndinni í eldlínunni.
Skotið
í mark
Kvikmyndir
Sæbjörn Valdimarsson
Stjörnubíó: í skotlínunni — „In
the Line of Fire“. Leikstjóri
Wolfgang Petersen. Handrit Jeff
Maguire. Kvikmyndatökustjóri
John Bailey. Tónlist Ennio
Morricone. Aðalleikendur Clint
Eastwood, John Malkovich, Rene
Russo, John Mahoney, Steve
Railsback. Columbia 1993.
Eastwood gerir það ekki enda-
sleppt þetta árið. Hirti eftirsóttasta
Óskarinn í vor fyrir leikstjórn Hinna
vægðarlausu, sem jafnframt var
kjörin besta mynd ársins. Það vant-
aði aðeins að hann hlyti verðlaunin
eftirsóttu fyrir leik sinn í myndina
tii að fullkomna þrennuna en varð
að láta í minni pokann fyrir A1
Pacino sem reyndist ósigrandi í
Konuilmi, sælla minninga. Aftur á
móti er aldrei að vita hvað gerist
að ári, en það liggur ljóst fyrir að
Eastwood hefur aldrei sýnt jafn
breiðan og góðan leik sem hér,
enda er hlutverkið blæbrigðaríkt
og kröfuhart. Og Eastwood bregst
ekki bogalistin, hvort sem hann er
að daðra við kvenfélaga sinn, syrgja
gömul mistök eða að gera það sem
hann kann best — að túlka ódrep-
andi harðnagla.
Sem að þessu sinni er Horrigan,
gamalreyndur alríkislögreglumað-
ur í lífverði forseta Bandaríkjanna.
Hann hefur verið fáskiptinn allar
götur síðan Kennedy var myrtur,
kennt sjálfum sér um mistökin. Er
myndin hefst er Horrigan í svipuð-
um sporum og í Dallas 1963. Að
vernda núverandi forseta, en hann
berst fyrir endurkjöri. Og þá fara
að berast morðhótanir frá kolgeggj-
uðu en snjöllu varmenni sem þekk-
ir sögu Horrigans og notar hann
sem millilið. Menn eru ekki trúaðir
í fyrstunni á hótanirnar og félagar
Horrigans telja hann haldinn þrá-
hyggju. Það er ekki fyrr en í Ijós
kemur að sá grunsamlegi er Mitch
Leary (Malkovich), fyrrum leigu-
morðingi leyniþjónustunnar, að
Horrigan er tekinn alvarlega. Upp-
hefst nú kapphlaup á milli Horrig-
ans og Learys um líf forsetans.
Lífvörðurinn er gamalreynt hörku-
tól sem þekkir starf sitt eins og
lófann á sér en er illa séður af sín-
um yngri yfirmönnum og starfsfé-
lögum flestum og Leary er útsmog-
inn skratti, sem m.a. er snillingur
í að dulbúast. Svo endalokin em
tvísýn og Horrigan karlinn ekki á
því að gera önnur mistök, tilbúin
að kasta sér í skotlínuna.
Það er ekki á allra færi að gera
spennumyndir sem þessa svo vel
fari. Við vitum frá upphafi hvernig
þær fara, svona í stórum dráttum,
það verður að halda okkur við efn-
ið með rómantík, hliðarsögum,
óvæntum uppákomum og gaman-
semi í bland við átökin. Og handrit-
ið er óvenju gott. Vitrænna en við
eigum að venjast, jafnvel í úi’vals-
spennumyndum. Og Peterson
stendur sig bærilega í léikstjórnar-
stykkinu, þó svo hann hafi fátt
markvert gert eftir Das Boot, og
síðasta spennumynd hans, Shatter-
ed, hafi valdið vonbrigðum. Best
tekst honum upp við að skapa öng-
þveiti, sbr. atriðið í samsætinu þeg-
ar skerst í odda á milli Learys og
Horrigans, annars er jöfn og góð
spenna út alla myndina. / skotlín-
unni er einfaldlega ein af þeim af-
burða afþreyingarmyndum sem
gerir fólk að bíófíklum og heldur
því við efnið. Það gengur allt fag-
mannlega upp.
Og Eastwood er árans ansi góður
sem gamli jaxlinn sem er ekki á
því að gefast upp þótt heilsan sé
farin að gefa sig. Sýnir á sér marg-
ar, fínar hliðar sem leikari, eldist
vel eins og eðalvínið. Malkovich er
engu síðri í hlutverki leigumorðingj-
ans, og fær aukinheldur hvert af-
burðagervið af öðru að styðjast við.
Önnur aukahlutverk eru yfir höfuð
vel mönnuð og tónlist Morricones
afburða innlegg að vanda. Ég bregð
bara fyrir mig rökfiminni hans
Gulia í Karnabæ í lokaorðunum
(þegar hann var að veija litlu,
grænu kallana sína á dögunum):
Þeir eru bara leiðinlegir sem hafa
ekki gaman að þessari öndvegis
skemmtun!
MALASKOLI
126908
□ Danska, sænska enska, þýska, franska, ííalska, spænska, rússneska og íslenska.
□ Innritun daglega frá kl. 13 - 19.
□ Kennsla hefst 16. september.
□ Starfsmenntunarsjóðir ýmissa starfsmannafélaga greiða skólagjöld félagsmanna að
og Verslunarmannafélag Reykjavíkur veitir sínum mönnum námsstyrk.
□ Kennslan ferjram í Miðstræti 7.
HALLDORS
126908
NÝR HERRAILMUR
hUUfo
í Kaupmannahöfn
FÆST
í BLAÐASÖLUNNI
AJÁRNBRAUTA-
STÖOINNI,
KASTRUPFLUGVELLI
OGARÁOHÚSTORGI
VARMASKIPTAR
SWEP er í fararbroddi í framleiðslu lóðaðra varma-
skipta. Þeir eru afkastamiklir, fyrirferðalitlir - aðeins
1/5 að umfangi miðað við venjulega varmaskipta.
Uppsetning er auðveld og viðhald í lágmarki.
Kynntu þér kosti SWEP varmaskiptanna, hvort
heldur er fyrir neysluvatn eða húshitun.
Þú finnur varla betri lausn.
= HÉÐINN =
VERSLUN
SELJAVEGI 2 SÍMI 91-624260