Dagblaðið Vísir - DV - 05.07.1983, Blaðsíða 8

8
DV. ÞRIÐJUDAGUR 5. JULI1983.
Útlönd Útlönd Útlönd Útlönd
Vopnahlé í Bekaa
— en uppreisnarmenn innan PLO setja Arafat stólinn fyrir dymar
Milligöngumenn innan PLO hafa
fengið uppreisnarmenn innan skæru-
liöasamtakanna til þess að heita
vopnahléi. En svo virðist sem það ætti
að veröa gegn tilslökunum af hálfu
PLO, og segja foringjar uppreisnar-
manna að kröfum þeirra hafi ekki
verið f uilnægt.
Sex frammámenn úr Þjóðfrelsis-
hreyfingu Palestínuaraba (PLO) hafa
veriö í Damaskus og átt þar fundi meö
foringjum uppreisnarinnar gegn Ara-
fat, leiðtoga PLO. Uppreisnin braust út
fyrir tveim mánuöum.
Utvarpið í Beirút greindi í gær frá
því aö FATAH-skæruliöar hefðu skipst
á skotum í Bekaadalnum i gær og
hefðu leyniskyttur fellt einn uppreisn-
armanna. En svo virðist þó sem vopna-
hléið sé í heiðri haft að mestu. Umferð
um þjóðveginn milli Beirút og Dam-
askus gekk óhindruð í gær en við hann
hafa aðalskærurnar verið.
Sáttasemjarar sögðu aö menn væru
sammála um þörf breytinga á stjórn
samtakanna svo að ekki yrðu teknar
einhliða ákvarðanir án samráðs við
hinar aðskiljanlegu deildir PLO. —
Abu Saleh, foringi uppreisnarmanna,
gerði það ljóst að þeir ættu eftir aö
leggja fram frekari kröfur.
Uppreisnarmenn hafa sakað Arafat
um aö slá slöku við striö PLO gegn
Israel og bera honum á brýn að vera
einráður í ákvörðunum. Viðræður Ara-
fats viö Jórdaniukonung að tillögu
Bandarikjamanna höfðu vakið mikla
gremju ýmissa innan PLO.
Aftökur
í íran
Þrír menn sakaðir um fíkniefiia-
sölu voru teknir af lífi í bænum Bo-
jurd á noröausturlandamærum
Irans og Sovétríkjanna. Byltingar-
dómstóll dæmdi þá til dauða. Því
hefur verið lýst yf ir í Iran að hertar
verði aðgerðir gegn eiturlyfja-
smygli en brögð eru að því að á
þessum slóðum sé heróíni smyglaö
frá Pakistan og Afghanistan.
Eiffel-turninn uppljómaður af flugeldum á Bastilludaginn. En það verður of dýrt
fyrir Parisarbúa að halda upp á 200 ára afmæli byltingarinnar árið 1989.
Sýning vegna
byltingar-
afmæiis yröi
ofdýr
— segir borgarstjóri Parísar
Borgaryfirvöld í París hafa hafnað
öllum hugmyndum um það að aö halda
stóra sýningu í borginni árið 1989 í til-
efiii 200 ára afmælis frönsku stjórnar-
byltingarinnar. I yfirlýsingu sem
borgarstjóri Parísar, Jacques Chirac,
gaf út um síöustu helgi um þetta mál,
sagði að slík sýning myndi kosta of
mikið og hafa að auki truflandi áhríf á
borgina. Bent var á þann möguleika að
halda sýninguna utan borgarinnar.
Þegar haldið var upp á 100 ára af-
mæli byltingarinnar 1889 komu meira
en 30 milljónir gesta á sýninguna sem
haldin var í París. Hinn frægi Eifell-
tum var einmitt byggður fyrir sýning-
una.
Bandaríkin:
Loftskip farartæki
framtíðarinnar?
Bandariski flotinn og strandgæsla
Bandaríkjanna íhuga nú að taka upp
notkun loftskipa til ýmissa verkefna,
svo sem til þess að elta eiturlyfja-
smyglara og leita uppi kafbáta. Til
þess að kanna þessar hugmyndir hefur
íoftskip verið tekið á leigu frá bresku
fyrirtæki sem framleiðir þau.
Loftskipið, sem kallað er SKS-500, er
50 metra langt og verða gerðar til-
raunir með það í sumar. Það er búið
mjög fullkomnum tæknibúnaði og er að
mestu leyti byggt úr gerviefnum sem
valda því að það sést illa á ratsjám.
Vélar þess eru tvær, þriggja lítra, 190
hestafla vélar sem notaöar eru í
Porsche bifreiðar. Vélarátaki má
breyta til þess að bæta hreyfanleika
skipsins.
Bandarískir embættismenn segja aö
loftskipiö nái að visu aðeins um 65
hnúta hraða en komist allt að 875 mílur í
einu, svo þau eru langdræg. Verði af
þvi að bandariski flotinn kaupi þessi
tæki værí þaö skref aftur á bak að vissu
leyti, því síðustu loftskip flotans voru
seld 1960. En starfsmenn bandarísku
strandgæslunnar telja bresku loft-
skipin álitleg vegna þess hversu lipur
þau eru.
Reagan aukast vinsældir
Fleiri Bandaríkjamenn eru nu
ánægðir með frammistöði Reagans
Bandaríkjaforseta í embætti en
óánægðir. En meirihluti bandarískra
kjósenda telur hann þó ekki eiga skiliö
að hljóta endurkjör. Þessar eru niður-
stöður könnunar sem gerð var á veg-
um bandariska dagblaðsins New York
Times.
Sagt er að 47% aöspurðra telji Reag-
an standa sig vel en 39% illa. Þetta er
besta útkoma sem Reagan hefur
fengiö úr skoöanakönnun síöan í janú-
ar 1982. Það eru helst karlmenn sem
hafa skipt um skoðun á Reagan, sam-
kvæmt könnuninni, en skoðun kvenna
á honum hefur ekkert breyst að ráði.
Aðeins 39% kvenna fylgja honum.
Aðeins 42% aðspurðra sögðu Regan
eiga skilið aö ná endurkjöri en 51%
svaraöi þeirri spumingu neitandi. Alls
tóku 1365 mannsþátt i könnuninni.
VÍSINDAMENN ANDVÍGIR
ELDFLAUGAÁÆTLUN NATO
Alþjóðleg ráöstefna yfir 3 þúsund
vísindamanna, sem stendur þessa dag-
ana í Mainz, hefur skorað á þýsku
stjómina að leyfa ekki að bandarískar
eldflaugar verði settar þar upp í vetur
á vegum NATO, eins og ráðgert hefur
verið.
Töldu vísindamennimir að Bonn-
stjómin gæti með þessu gefið Sovét-
mönnum og Bandaríkj amönnum aukið
ráðrúm til þess að semja um vopna-
takmarkanir. Auk þess gæti með þessu
skapast trúnaöartraust milli
samningsaöila, að mati vísindamann-
anna.
Ráðstefnan er sótt af vísinda-
mönnum úr Vestur-Evrópu og Norður-
Ameriku, og meðal ráðstefiiugesta er
Linus Pauling sem tvívegis hefur
hlotið nóbelsverölaunin. I ræðu, sem
Pauling flutti, sagði hann að meðal
visindamanna færí vaxandi andstaöa
við fjárveitingar til vígbúnaðar.
Perú:
Hershöföingi
kæröur fyrir
pyntingar
Indónesía:
Fjögurþorp
rýmd vegna
eldgoss
Fimmtán hundruð manns hafa
verið flutt frá heimilum sínum í
fjórum þorpum umhverfis eldfjall-
ið Gamkunoro á Mólúkkaeyjum,
sem tilheyra Indónesíu. Eldfjallið,
sem síðast gaus 1564, hóf gos aö
nýju 28. júni og spúði hraunslett-
um, reyk og ösku í fimmtán
hundruömetrahæð.
Yfirvöld á Mólúkkaeyjum sögðu
þó að engin hætta væri á feröum.
heldur heföu þorpin fjögur verið
rýmd til öryggis. Gamkunoro er
eitt fjölda virkra eldfjalla í
Indónesíu.
Vinstrisinnaður þingmaður í Perú,
Javier Diaz Canseco, hefur kært her-
foringja í Ayacucho-héraði fyrir mann-
rán og morð á 23 bændum. Þaö er ein-
mitt í Ayacuchohéraði sem skæruliðar
Sendero Luminoso hafa haft sig mest í
frammi, en Canseco heldur því fram
að Clemente Noel, yfirmaður hersins í
héraðinu, beri ábyrgð á dauða bænd-
anna sem komu frá fimm þorpum.
Stjómvöld í Perú hafa lýst herlög í
gildi í Ayacucho-héraði og Noel hers-
höfðingi hefur sagt að hersveitir hans
hafi verið nauðbeygðar til þess aö
beita öllum aðferðum sem lög heimila
til þess að vinna á skæruliðum.
Canseco heldur því fram að höfuð-
stöðvar hersins í héraðinu hafi verið
notaðar sem fangelsi og pyntingastað-
ur.