Morgunblaðið - 23.04.1983, Blaðsíða 21

MORGUNBLAÐIÐ, LAUGARDAGUR 23. APRÍL 1983
21
Eftir Bessí Jóhanns-
dóttur
Það skiptir máli hverjir stjórna
landinu. Við frambjóðendur höf-
um fundið, að fólk vill fá stjórn-
málamenn tii forustu, sem það
getur treyst, og sem standa við orð
sín að kosningum loknum.
Við sögðum þegar í upphafi
kosningabaráttunnar, að við ætt-
um engin töfralyf við verðbólg-
unni. Við höfum lagt á það áherslu
að það þurfi samstillt átak þjóðar-
Bessí Jóhannsdóttir
Það skiptir
máli hverjir
stjórna landinu
innar allrar til að vinna okkur úr
vandanum.
Það hefur engum dulist að
ósætti hefur verið í flokki okkar á
síðustu árum. Þetta hefur haft
veruleg áhrif á allt þjóðlíf okkar,
því Sjálfstæðisflokkurinn er svo
stór flokkur að slæmt ástand inn-
an hans hefur slæm áhrif annars
staðar. Við sjálfstæðismenn höf-
um tekið höndum saman um að ná
sáttum og skipa samtaka fylkingu.
Árangur þess er að koma betur og
betur í ljós. Allir frambjóðendur
flokksins eru sameinaðir um þá
stefnuskrá sem við höfum borið
fram undir kjörorðinu: Frá upp-
lausn til ábyrgðar. Frambjóðendur
hafa unnið dyggilega saman í
kosningabaráttunni. Menn hafa
sýnt hver öðrum traust. Formaður
okkar hefur ferðast um landið og
haldið fjölsótta fundi. Við höfum
tekið upp ný vinnubrögð í
flokksstarfinu, og þessi vinnu-
brögð eru að skila sér í frjórra
flokksstarfi, og samstöðu sem
skilar sér í endurheimtu trausti
landsmanna á að enn á ný þurfi að
kalla Sjálfstæðisflokkinn til að
stjórna landinu og hefja nýja
endurreisn atvinnulífsins, endur-
reisn, sem stuðlar að betra mann-
lífi, og setur einstaklingsfrelsi og
einkaframtak í öndvegi.
Of margir segjast ekki ætla að
ganga að kjörborðinu. Við verðum
að leiða mönnum fyrir sjónir
hversu hættulegt það er lýðræði
okkar og frelsi að nota ekki kosn-
ingaréttinn. Það er enginn hlut-
laus, ekki einu sinni sá sem situr
heima. Hann er að gefa upplausn-
aröflunum atkvæði sitt.
í kosningunum skulum við
standa vörð um formann okkar,
Geir Hallgrímsson. Glæsileg
kosning hans er staðsetning um að
kjósendur eru okkur sammála því
að það skiptir máli hverjir stjórna
þessu landi.
Stuðningsyfirlýsing við Alþýðubandalagið:
Þjóðnýting og efnahagssam-
vinna við Kúbu og Nicaragua
NKI8TI 4.tbl 1983 21 árg L'tR«fud.«ur 13 .prfl 1983
Kjósum verkalýðsflokka
23. april n.k.
JRevkvikingar: Greiðum G-listanum atkvæði
í NEISTA, málgagni Fylkingar
byltingarsinnaðra kommúnista,
sem nýlega er kominn út er að
finna rökstuðning fyrir þeirri
ákvörðun Fylkingarinnar að
styðja Alþýðubandalagið í alþing-
iskosningunum í dag. Segir í rit-
stjórnargrein, að Fylkingin hvetji
„allt verkafólk og aðra sem
styðja baráttuna gegn kreppu-
ráðstöfunum í þágu eignamanna,
til að greiða atkvæði á sama
hátt.“
Meðal þeirra sem rita um þessa
ákvörðun Fylkingarinnar í Neista
er Pétur Tyrfingsson, en hann er
einn þeirra er rita nafn sitt á
áskorendalista fyrir hönd Alþýðu-
bandalagsins í auglýsingu sem
birst hefur í dagblöðunum. í grein
sinni í Neista skýrir Pétur Tyrf-
ingsson það meðal annars með
þessum orðum hvers vegna hann
styður Alþýðubandalagið:
„Við núverandi aðstæður í efna-
hagsmálum er nauðsynlegt að
framkvæma nokkrar ráðstafanir
til að leiða okkur út úr kreppunni
og opna leiðina fyrir uppbyggingu
samfélagsins á nýjum undirstöð-
um. Helstu ráðstafanirnar og þær
fyrstu væru að þjóðnýta útgerð-
ina, álverið, helstu póstana I inn-
flutningsversluninni eins og olíu
og staðlaðar nauðsynjavörur,
(hveiti, sykur o.s.frv.) og taka upp
eftirlit og stjórnun á útflutningn-
um í heild. Ríkisstjórn verkalýðs-
samtakanna mundi síðan starfa
samkvæmt efnahagsáætlun á
grundvelli þessarar þjóðnýtingar
og ríkisreksturs bankanna, ásamt
því að hefja efnahagssamvinnu
við lönd sem eru að brjótast undan
kúgun heimsvelda eða hafa þegar
gert það, s.s. eins og Kúba og Nic-
aragua, eða ný verkalýðsríki sem
kunna að hafa myndast í millitíð-
inni. Viðskiptabanni fjandsam-
legra kapítalista ríkja svörum við
með efnahagssamvinnu við slík
ríki.“
Þakklátir þeim sem þegar
hafa lagt hönd á plóginn
— segir Davfð Oddsson um Landssöfnun Sjálfstæðisflokksins
„UNDIRTEKTIR við söfnuninni
hafa verið ágætar. Við höfum
ekkert rekið á eftir fólki öðruvísi
en að minna á söfnunina með
auglýsingum, en það er Ijóst að
allmargir eiga eftir að gera skil
sem hugsanlega vildu gera það og
það er áríðandi að það gerist sem
fyrst, þá nýtist féð best,“ sagði
Davíð Oddsson, borgarstjóri i
Reykjavík, í samtali við Morgun-
blaðið, en hann er formaður
stjórnar Landssöfnunar Sjálf-
stæðisflokksins 1983.
„Við viljum hvetja alla sem vilja
leggja flokknum lið til að draga
ekki að senda inn gíróseðilinn,
enda vill það gleymast ef það
dregst úr hömlu. Við erum afar
þakklátir þeim sem þegar hafa
lagt hönd á plóginn og viljum
gjarnan koma þakklæti til þeirra
sem brugðið hafa fljótt og vel við,“
sagði Davíð Oddsson.
Sérfræðingar í heimilis-
iækningum og hjartavernd
eftir Sigurð
Samúelsson for-
mann Hjarta-
verndar
Það fer ekki fram hjá neinum að
nýr hagsmunahópur í heimilis-
lækningum hefir myndast í
læknasamtökunum, því að á síðstu
árum hafa nokkir læknar flust til
landsins í ofangreinda sérgrein og
fleiri munu bætast við á næstunni.
Þessi hópur „alhliða" sérfræðinga
hefur mótað sér nokkra sérstöðu
meðal lækna með því að halda
málþing um viss efni læknisfræð-
innar, án þess að sjá ástæðu til að
bjóða neinum öðrum en sjálfum
sér til fyrirlestrarhalds þar. Nú
síðast voru til umræðu faralds-
fræðilegar rannsóknir, og hvorki
Hjartavernd né Krabbameinsfé-
lagi íslands var boðin þátttaka.
Hins vegar sendi Læknafélag
Reykjavíkur út fundarboð um
þetta þing og var læknum boðið að
sitja það. Slíkar „hallelúja"-
samkomur sannfæra ekki lækna
um að hér sé samviskusamlega að
málum staðið, enda stóð ekki á
siðlausri framkomu tveggja nýliða
í heimilislækningum sem auglýstu
í fjölmiðlum daginn fyrir mál-
þingið, og án þess að stjórn Félags
ísl. heimilislækna væri höfð með í
ráðum, hve mikið væri gert af
óþarfa rannsóknum við hópskoð-
anir hér á landi og höfðu þar með
í frammi ósæmilegar aðdróttanir
um störf margra sérfræðinga og
sérgreinar þeirra innan læknis-
fræðinnar. Einkum virtist þeim
uppsigað við starfsemi Hjarta-
verndar og fleipruðu um margra
milljóna tekjur af gagnlausum
rannsóknum fyrir fólk sem vísað
væri til stofnunarinnar að tilefn-
islausu. Þetta reyndist sem hver
önnur æsifrétt, og lítt sæmandi
læknum enda hefir þetta mál nú
verið afhent stjórn Læknafélags
íslands til nánari athugunar.
Eru faraldsfræði
legar rannsóknir nauð
synlegar?
í Morgunblaðinu 17/4 sl. er frétt
frá stjórn Félags ísl. heimilis-
lækna, þar sem töluvert öðruvísi
er að orði komist og friðsamlegar
en en í fréttatilkynningu tvímenn-
inganna sem að ofan getur. Þar er
talað um að hópskoðanir séu of
dýrar og þurfi því að skipuleggja
þær betur og liggur í orðunum að
hjá félagi þeirra sé helst að vænta
hjálpar í þessu efni. Ekki er tekin
ákveðin afstaða til þess, hvort far-
aldsfræðilegar rannsóknir hér-
lendis eigi rétt á sér. Undir niðri
er þó allt annað upp á teningnum.
Hér er fyrst og fremst um pen-
ingasjónarmið að ræða og „hin
nýja læknastétt" mundi gleypa við
öllum þeim hópskoðunum sem
þeir gætu fengið. Hvort þær yrðu
ódýrari en hjá öðrum á eftir að
sýna sig. Máli mínu til stuðnings
vil ég geta þess að ein heilsu-
gæslustöðin í Reykjavík sendi bréf
til allra íbúa hverfisins um að
læknar stöðvarinnar fram-
kvæmdu „allsherjarlæknis-
rannsóknir" á fólki sem þess
óskaði. Fróðlegt væri að vita
hvaða rannsóknaraðferðum væri
beitt við slíka þjónustu. Varla er
slík „allsherjarlæknisrannsókn"
ókeypis. Sé litið til þess mannafla
sem ráðinn er á heilsugæslustöð-
var á höfuðborgarsvæðinu er þar
ekki um lítnn reksturskostnað að
ræða. Það skyldi því enginn halda
að kostnaður við heilsugæslustörf
hafi minnkað við tilkomu hinna
nýju heilsugæslustöðva.
„Misskilningurinn“
Stjórn Félags ísl. heimilislækna
getur þess að: „Nokkurs misskiln-
ings hefur gætt í umfjöllun fjöl-
miðla um kostnað rannsókna ..."
Hér er ekki um neinn misskilning
að ræða heldur hrein og bein
ósannindi þeirra tveggja heimil-
islækna sem helst létu á sér bera í
fjölmiðlum um mál þetta og
skrökvuðu því upp að Hjartavernd
hefði þrisvar sinnum meiri tekjur
Signrðnr Samúelsson
af tilvísunum I rannsókn heldur
en reikningar frá árinu 1982
sýndu. Rétt er að taka það skýrt
fram að tekjur þessar fara allar í
reksturskostnað rannsóknarstöð-
varinnar, og hefir Hjartavernd því
þurft á minni fjárhagslegri hjálp
að halda en ella. Séu fjárlög skoð-
uð fær Hjartavernd til sinna
starfa tæplega Va hluta þeirra
upphæðar sem Krabbameinsfélagi
íslands er úthlutað til sinna starfa
á þessu ári.
Sérmenntun
heimilislækna
Fyrirgangur sérfræðinga í
heimilislækningum er mikill og
vilja þeir auðsjáanlega fá yfirráð
yfir allri heilsugæslu. M.a. krefj-
ast þeir að fá að annast barna-
verndarstörf hér I Reykjavík sem
hafa verið í höndum sérfræðinga
um áratuga skeið með þeim ágæt-
um sem allir þekkja. Það er eðli-
legt að fólk verði hissa og spyrji
hvernig sérnámi þessara heimil-
islækna sé farið. Víst er að ekki
hafa þeir langt nám í hinum ýmsu
sérgreinum læknisfræðinnar sam-
kvæmt þeirri reglugerð sem þeir
fá viðurkenningu eftir. Sumir
mundu segja að hér væri verið að
snúa þróun læknisþjónustu til
hins verra.
í lok greinar stjórnar Félag ísl.
heimilislækna telur hún að heim-
ilislæknir „gjörþekki skjólstæðing
sinn“. Hér er djúpt tekið í árinni.
Segja má að heimilislæknir, sem
stundað hefir það starf áratugum
saman, þekki vel sjúkrasamlags-
fólk sitt. Á heilsugæslustöðvum,
sem risið hafa á Stór-Reykjavík-
ursvæðinu, eru fleiri læknar starf-
andi á mismunandi tímum og
verður því minna um „gjörþekk-
ingu“ en skyldi.
Hvað Hjartavernd varðar mun
rannsóknarstarfseminni verða
haldið áfram eins og áður, ekki
minnst vegna þess að ekkert já-
kvætt hefir komið fram á þessu
málþingi, sem nothæft er eða gagn
er að til breytinga á rekstrinum.
Stjórn Félags ísl. heimilislækna
hefði verið meira til sóma að sjá
til þess að þessar umræður færu
fram innan veggja Læknafélags
Reykjavíkur eins og venja hefir
verið þegar læknisfræðileg deilu-
mál koma upp, og allir sem hluta
eiga að máli fái að tjá sig bæði í
framsögu og umræðum eftir á.