Morgunblaðið - 23.04.1983, Blaðsíða 1

72 SÍÐUR
90. tbl. 70. árg.
LAUGARDAGUR 23. APRÍL 1983
Prentsmiöja Morgunblaðsins
Alþingiskosningar í dag —
151.000 manns á kjörskrá
Óvíst, hvort einnig
verði kosið í dreif-
býli á sunnudag
RÍKISSTJÓRNIN gaf út síðdegis í gær bráöabirgðalög þess efnis, að í
Alþingiskosningunum nú skuli vera tveir kjördagar nema í þeim kjördeild-
um, sem eru að öllu leyti innan takmarka kaupstaðar eða kauptúns. Sam-
kvæmt því verður kosið bæði í dag, laugardag og á morgun, sunnudag.
Kjörstjórnum er þó heimilt, samkvæmt ákvæðum kosningalaga, að fyrri degi
kosninganna loknum, að ákveða að ekki skuli vera fleiri kjördagar í viðkom-
andi kjördeild. Á hinn bóginn gilda þau ákvæði kosningalaga, að heimilt sé
að framlengja kjörfund um einn dag, hamli veður kjörsókn þannig að
möguleiki er á því, að kosningu Ijúki ekki fyrr en á mánudag. Samkvæmt
kosningalögum má talning atkvæða aldrei fara fram fyrr en kosningu er
hvarvetna lokið, hafi kosningu verið frestaö og óheimilt er að birta atkvæða-
tölur fyrr en kjörfundi er hvarvetna lokið. Það er því Ijóst, að verði kosið á
sunnudag og jafnvel mánudag, hefst talning atkvæða ekki fyrr en allri
atkvæðagreiðslu verður lokið og engar tölur því birtar fyrr en aðfaranótt
mánudags eða jafnvel síðar.
Að sögn Friðjóns Þórðarsonar,
dómsmálaráðherra, var honum fal-
ið að taka endanlega ákvörðun um
viðbrögð vegna tíðarfars á áður
ákveðnum kosningadegi. I fram-
haldi af því voru haldnir tveir fund-
ir með framkvæmdastjórum og um-
boðsmönnum stjórnmálaflokkanna.
Sagði dómsmálaráðherra á blaða-
mannafundi i gær, að hann vissi
ekki til þess að nokkur hefði verið á
móti þessari tilhögun, en sumir
fulltrúar stjórnmálaflokkanna
hefðu þó talið fullnægjandi að
frestunarákvæði gildandi kosn-
ingalaga stæðu. Það hefði verið
stefna ráðuneytisins, að allir gætu
neytt kosningaréttar síns og vonast
hefði verið til að kosningum væri
hægt að ljúka á einum degi. Vegna
veðurútlits og færðar á Norður- og
Austurlandi hefði hins vegar ekki
þótt fært annað en að hafa tvo kjör-
daga í dreifbýli.
Er Morgunblaðið fór í prentun í
nótt var óljóst hvort hægt yrði að
kjósa utan kjörstaðar á sunnudag
nema í Reykjavík. Þar verður hægt
að kjósa á milli 14 og 18. Þó er ljóst,
að þeir, sem eiga kosningarétt í
kaupstöðum og kauptúnum, geta
ekki kosið utan kjörstaðar í dreif-
býlinu á sunnudag þar sem kjör-
fundi verður þá lokið í þéttbýli. í
dag, laugardag, verður utankjör-
staðaatkvæðagreiðsla með áður
ákveðnum hætti. í Reykjavík í
Miðbæjarskólanum og úti á landi
hjá sýslumönnum, bæjarfógetum
og hreppstjórum.
Á kjörskrá við þessar Alþingis-
kosningar eru nú alls á bilinu 150
til 151 þúsund manns, samkvæmt
frétt frá Hagstofu íslands, á móti
142.073 í Alþingiskosningunum
1979 eða um 8% fleiri. Flestir eru á
kjörskrá í Reykjavík eða 59.919, í
Reykjaneskjördæmi eru það 33.739,
á Norðurlandi eystra 16.548, á Suð-
urlandi 12.509, á Vesturlandi 9.475,
á Austurlandi 8.302, á Norðurlandi
vestra 6.889 og á Vestfjörðum 6.575.
Nú hafa kosningarétt þeir, sem náð
hafa 20 ára aldri á kjördag. Kjör-
fundur verður opinn í dag frá
klukkan 9 árdegis og til klukkan 23
síðdegis. Hvað varðar morgundag-
inn, sunnudag, er það enn óljóst
hvernig kjörfundur verður opinn.
Sjá nánar auglýsingar um kjör-
deildir og kjörfund inni í blaðinu og
bráðabirgðalög ríkisstjórnarinnar á
bls. 2.
Þingkosningar
á Ítalíu í júní?
Róm, 22. aprfl. AP.
BETTINO Craxi, leiðtogi ítalskra jafnaðarmanna, tilkynnti í dag, að flokkur
hans hefði ákveðið að hætta stuðningi sínum við samsteypustjórn Amintore
Fanfanis. Þessi ákvörðun þýðir í reynd, að dagar ítölsku stjórnarinnar eru
taldir, þar sem hún hefur ekki lengur starfhæfan meirihluta á þingi. Stjórnin
hefur verið við völd í fimm mánuði og er 43. ríkisstjórn Ítalíu frá stríðslokum.
Er nú talið. að almennar þingkosningar
„Ef ekkert óvænt gerist, þá eru
kosningar framundan," var í dag
haft eftir Flamino Piccoli, for-
manni kristilega demókrataflokks-
ins, en sá flokkur er andvígur þing-
kosningum að svo stöddu. Auk
kristilegra demókrata hafa jafn-
aðarmenn, sósíaldemókratar og
frjálslyndir átt aðild að ríkisstjórn-
inni, sem var mynduð 1. desember
sl.
fari fram á Italíu í júni nk.
vilja til nýrra þingkosninga, sem
væntanlega verða þá haldnar 26.
júní nk. samtímis bæjar- og sveit-
arstjórnarkosningum, en jafnað-
armenn telja sig munu vinna á, fari
þingkosningar fram bráðlega.
Flokkur þeirra nýtur nú stuðnings
um 10 % kjósenda og er þriðji
stærsti flokkur landsins á eftir
kristilegum demókrötum og komm-
únistum.
Það eru jafnaðarmenn, sem efna
Svona var útlits á Holtavörðuheiði fyrir skömmu er þessi mynd var tekin þar. Veðri var háttað á svipaðan hátt í gær
og var þá víðast ófært um Norðausturland. Veðurstofan spáir nú batnandi veðri, en engu að síður gaf ríkisstjórnin í
gær út bráðabirgðalög um tvo kjördaga í dreifbýli til að tryggja það að allir landsmenn gætu neytt kosningaréttar
SÍnS. Ljósm.: Haukur Snorrason.
Fjórir sovézkir
njósnarar reknir
Canbcrra, 22. apríl. AP.
ÁSTRALSKA stjórnin vísaði í
dag fyrsta sendiráðsritara sov-
ézka sendiráðsins í Ástralíu úr
landi og ásakaði hann um að
vera ógnun við öryggi ríksins.
Skýrði Bill Hayden, utanríkis-
ráðherra Ástralíu frá þessu í dag
og sagði, að stjórn sín hefði
sannanir fyrir því, að sendiráðs-
ritarinn, Valeriy Nikolayevich
Ivanov, væri „atvinnunjósnari
frá sovézku leyniþjónustunni,
KGB“. Kvaðst Hayden vona, að
aðrir, sem létu freistast til þess
að vinna gegn hagsmunum
Ástralíu, létu brottrekstur Ivan-
ovs nú sér að kenningu verða.
Bandaríska alríkislögreglan
(FBI) hefur í þessum mánuði
staðið þrjá sovézka embættis-
menn að njósnum, sem störfuðu
í Bandaríkjunum. Hefur öllum
þessum mönnum verið nú verið
vísað frá Bandaríkjunum. Willi-
am Webster, yfirmaður FBI,
hefur skýrt svo frá, að starfs-
maður í sovézka sendiráðinu
hefði reynt að komast yfir mik-
ilvægt leyniskjal hjá aðstoðar-
manni J. Snowe, sem er þing-
maður fyrir Maine í fulltrúa-
deild bandaríska þingsins.
Þá var foringi í sovézka hern-
um, sem starfaði sem aðstoðar-
hernaðarráðunautur við sovézka
sendiráðið í Washington, staðinn
að verki af FBI, er hann var að
sækja 8 spólur af óframkölluðum
filmum af leyniskjölum, sem kom-
ið hafið verið fyrir við rætur trés
ekki langt frá Washington sl.
laugardag.
FBI handtók ennfremur for-
ingja frá KGB 2. apríl sl., sem
starfaði við sendinefnd Sovétríkj-
anna hjá Sameinuðu þjóðunum, er
hann var að reyna að komast yfir
bandarísk leyniskjöl um vopna-
búnað og tækniupplýsingar frá
bandarískum manni, sem gert
hefði FBI aðvart. Gerðist þetta á
Long Island í New York. Öllum
þessum þremur mönnum hefur nú
verið vísað úr landi og eru þeir
annað hvort þegar farnir eða í
þann mund að fara frá Bandaríkj-
unum, sagði Webster.
Verðbólgan aðeins
4,6% í Bretlandi
London, 22. apríl. AP.
VERÐBÓLGAN í Bretlandi lækk-
aði niður í 4,6% í síðasta mánuði
miðað við árs tímabil og er það
lægra en hún hefur nokkru sinni
verið sl. 15 ár. Er talið, að þetta
eigi eftir að auka til muna lfkurn-
ar á því, að frú Margaret Thatch-
er forsætisráðherra láti efna til
kosninga í júní nk.
Verðbólgan mánuðinn á und-
an nam 5,3% á ársgrundvelli.
Norman Tebbit, atvinnumála-
ráðherra hefur spáð því að
verðbólgan eigi eftir að lækka
niður í 4% í maí, en geti svo
hækkað aftur upp í 6% síðar á
þessu ári. Er talið, að þetta
verði enn til þess að auka lík-
urnar á því, að frú Thatcher og
flokkur hennar, Ihaldsflokkur-
inn, láti boða til kosninga í júní.
Tebbit atvinnumálaráðherra
sagði í dag, að Bretland hefði nú
fest sig í sessi á meðal þeirra
ríkja heims, þar sem verðbólga
væri hvað minnst og brezka
stjórnin væri ákveðin í því, að
landið héldi þeirri stöðu sinni
áfram. Árleg verðbólga í ríkjum
Efnahagsbandalags Evrópu er
að meðaltali 7,9%. í Frakklandi
er hún 9,2% en 3,7% í Vestur-
Þýzkalandi. í Bandaríkjunum
er árleg verðbólga nú 3,5% en
1,9% í Japan.