Morgunblaðið - 23.12.1976, Blaðsíða 10

10
MORGUNBLAÐIÐ, FIMMTUDAGUR 23. DESEMBER 1976
Kópavogur:
Nýr leikskóli 1 Austurbænum
I FYRRADAG, var kynntur nýr leikskóli f Kópavogi, sem tók til starfa
f gær. Hægt verður að taka á móti 80 börnum, en fyrst um sinn verður
byrjað með 40 og sfðan bætt við jafnt og þétt. Með þessu nýja húsnæði
er nú aðstaða fyrir 188 börn á leikskólum og 38 á dagheimilum. Þessi
leikskóli, sem er við Þverbrekku í austur hluta bæjarins, er þriðji
leikskólinn sem starfræktur er f Kópavoginum, en einn er þó hvort
tveggja leikskóli og dagheimili.
Að sögn Stefnis Helgasonar,
formanns félagsmálaráðs Kópa-
vogsbæjar, eru tvö ár liðin sfðan
hafizt var handa við byggingu
hins nýja leikskóla en hann er 254
fermetrar að stærð, auk kjallara.
Tafir urðu þó við verkið, þar sem
upphaflegur verktaki lauk því
ekki og varð því að fá annan til.
Sagði Stefnir að byggingarkostn-
aður væri komin í um 40 millj-
ónir, og enn ætti sú tala eftir að
hækka þar sem ýmislegt smávegis
væri enn óklárað. Þá sagði Stefnir
f viðtali við Mbl., að reksturs-
kostnaður leikskóla sem þessa
mundi vera f kringum 10 millj-
ónir, en sá kostnaður er að %
hlutum borinn af foreldrum og að
'á hluta af bæjarfélaginu.
Að sögn Astu Jónsdóttur, for-
stöðukonu leikskólans, þá er að-
staða öll í húsnæðinu mjög góð. í
öllum herbergjum hefur verið
komið fyrir leiktækjum, þá væri
og sérstakt, ,,sullu“ herbergi þar
sem börnum gefst kostur á að
fleyta bátum, sfnum og þá er
einnig sérstakt smíðaherbergi.
Sagði Ásta, að að þvf væri stefnt
að starfsemin hefði sem mest upp-
eldislegt og þroskandi gildi fyrir
börnin og að hún fullnægði sem
bezt félagslegri þörf þeirra, en
börnin sem verða í leikskólanum
verða flest á leikskólaaldri þ.e.
2—6 ára. Með Astu munu starfa
þrjár fóstrur, ein í fullu starfi og
tvær í hálfu. Þá verða henni og til
aðstoðar aukakraftar aðrir. Leik-
skólinn tók formlega til starfa f
gær, sem fyrr sagði.
Skólabörn f á viðurkenn-
ingu hjá Rafmagnsveitunum
I SKAMMDEGINU er þörfin fyr-
ir góða götulýsingu brýnni en á
öðrum árstímum. Einnig fara í
hönd annir og aukin umferð
vegna jólanna. Götulýsing kemur
ekki að fullum notum nema hún
sé samfelld. Sums staðar á orku-
veitusvæðinu hafa nú, eins og oft
áður, verið talsverð brögð að
skemmdarverkum á götuljósum.
Þetta hefur í för með sér bæði
verulegan kostnað og slysahættu.
Hér er ekki eingöngu um að ræða
þátt einstakra barna og unglinga
vegna gáleysis. Fullorðnir eiga
líka hlut að máli. T.d. er mjög
algengt að menn aki af gáleysi á
götuljósastólpa. Verulegar
skemmdir eru einnig af völdum
kranabfla, þar sem stjórnendur
þeirra gæti ekki að sér, einkum á
beygjum.
Fyrir um ári var gerð tilraun til
að meta það tjón, sem rafmagns-
veitan verður árlega fyrir vegna
skemmda á götuljósakerfinu. Þær
tölur voru birtar í fjölmiðlum og
vöktu talsverða athygli. Menn
ræddu um, hverjar orsakirnar
væru. Hafin var vfðtæk kynning í
skólunum á kerfi Rafmagnsveit-
unnar og þó sérstaklega gildi
götulýsingar og kostnaði við hana.
Að lokum var efnt til ritgerðar-
samkeppni með afmörkuðu úr-
lausnarefni fyrir hvern aldurs-
flokk. I hverjum skóla, sem þátt
tók í þessari samkeppni, voru
valdar beztu úrlausnirnar og þær
sendar Rafmagnsveitunni til frek-
ari meðferðar. Sérstök dómnefnd
valdi beztu úrlausnina fyrir
hvern aldursflokk. Þeir átta nem-
endur, sem að dómi nefndarinnar
skiluðu beztum ritgerðum, fengu
við uppsögn skólanna f vor afhent
verðlaun. Auk þess var höfundum
beztu úrlausnanna úr hverjum
skóla boðið að koma f kynnisferð
til Rafmagnsveitunnar.
Þetta voru um 60 nemendur úr
öllum aldursflokkum skyldu-
námsstigsins og vfðs vegar að af
orkuveitusvæðinu, allt ofan af
Kjarlarnesi og suður í Garðabæ.
Af hálfu Rafmagnsveitunnar var
lagt kapp á að kynnisferðin gæti
orðið nemendum bæði til fróð-
leiks og ánægju. Farið var í
Ellíðaárstöðina, aðveitustöðina á
Hnoðraholti og 130 kV aðveitu-
stöðina við Lækjarteig. Að lokum
skoðuðu gestirnir hina nýju bæki-
stöð Rafmagnsveitunnar að Ár-
múla 31 og þágu þar veitingar.
Börnin sýndu ótrúlega mikinn
áhuga. Margir tóku myndir og
skrifuðu hjá sér upplýsingar. Af
þeim mörgu spurningum, sem
fram komu í skoðunarferðinni,
var augljóst, að skólarnir veita
góða undirstöðufræðslu á raf-
magnssviðinu. Þeir áhugasömu
nemendur, sem komu í þessa
heimsókn, virtust hafa af því
mikla ánægju að kynnast rafveitu
örlítið af eigin raun.
Skólabörn ásamt nokkrum heimamönnum og skólastjórum í borðsal Rafmangsveitunnar að Ármúla 31.
Haukur Gunnarsson, leikstjóri.
sprang
Eftír
Arna Johnsen
Hjá Leikfélagi Skagafjarðar:
Að stuðla að menn-
ingu og skemmtan
Q Leikfélag Skagafjarðar var
stofnað haustið 1 968 og siðan
hefur það tekið fyrir leikrit á
hverju ári með góðum árangri.
Fyrsta verkefnið var Maður og
kona, en meðal annarra verk-
efna má nefna Lukkuriddar-
ann, Hart i bak, Ævintýri á
gönguför, Konu á morgun-
slopp og Atómstöðina auk Allir
í verkfall. Þaðvarstór hópur
sem stofnaði leikfélagið, en
hann hefur nú nokkuð þrengst
eins og geógur, því menn hafa
misjafna aðstöðu og áhuga til
lengdar og að auki er margt
sem kallará i blómlegu félags-
starfi á svæðinu.
Ávallt hafa sýningar Leik-
félagsins verið vel sóttar og oft
hefur verið farið i sýningarferð-
ir til annarra byggðarlaga, Dal-
víkur, Sauðárkróks, Blönduóss
og Akureyrar.
Þeir sem hafa starfað í
felaginu hafa sýnt mikinn
áhuga og lengst að hafa menn
sótt æfingar allt að 45 mín.
aksturfrá Gilsbakka. S.l. árvar
leiklistarnámskeið í Skagafirð-
inum og um þessar mundir er
verið að æfa barnaleikritið Litli
Kláus og Stóri Kláus undir leik-
stjórn Hauks Gunnarssonar.
Við litum inn á æfingu eitt
kvöldið í félagsheimilinu Mið-
garði. Það var verið að taka
stök atriði fyrir, aftur og aftur
eins og verða vill í upphafi
æfinga, en það fór ekkert á
milli mála að það var leikglatt
fólk og listrænt á ferðinni.
Þetta er fyrsta barnaleikritið
sem leikfélagið tekur fyrir, en
þó má segja að verkið sé fyrii—
fólk á öllum aldri.
Víða um landið eru starfandi
leikfélög sem halda uppi snöru
menningarlífi og skemmtan
sem fólk hlakkar til á hverju ári.
Að þessu starfi er mikill fengur
og ekki sízt fyrir það að mikið
leikhæfileikafólk er ávallt í
fremstu viglínu þessa starfs.
Það voru frumleg leikæfinga-
tækin á þessum fyrstu æf-
ingum á Litla Kláusi og Stóra
Kláusi, leikfimidýnur og stökk-
bretti ásamt borð og stól, en
fólk sem ætlar sér hlutina lætur
ekki deigan síga, það nær settu
marki og einmitt um eða upp
úr áramótunum verður tjaldið
dregið frá.
Við birtum hér nokkrar
myndir frá þessari æfingu, en
þar var aðeins hluti leikaranna
mættur.
Stefán málaöi handa
forsetanum
STEFÁN Jónsson list-
málari frá Möðrudal,
heimsótti Morgunblaðið
fyrir stuttu, með málverk
meðferðis sem hann hefur
nú gefið forseta íslands,
herra Kristjáni Eldjárn í
afmælisgjöf. Málverkið
kallar Stefán, „Það logar í
Öskju“, málað í haust eftir
teikningum, sem Stefán
var búinn að draga upp
fyrir mörgum árum. Sagði
Stefán að hann hefði haft
forseta í huga við gerð
málversins.