Morgunblaðið - 18.05.2002, Side 24

ERLENT
24 LAUGARDAGUR 18. MAÍ 2002 MORGUNBLAÐIÐ
FRÁBÆRIR SPORTSKÓR Á STRÁKA OG STELPUR
Margir litir
Sumarið er komið!
St. 28-35 • kr. 3.995
St. 36-41 • kr. 4.495
10% afsláttur
í dag
KRINGLAN - SMÁRALIND - AKUREYRI
FYRSTU ættleiðingar íslenskra
foreldra á kínverskum börnum eru
nú orðnar að veruleika. Í gær gátu
foreldrar tíu stúlkna, nýrra Íslend-
inga, sest upp í flugvél á leið til Ís-
lands með nýju börnin sín í kjölt-
unni. „Ég geri ráð fyrir að fleiri
Íslendingar muni notfæra sér tæki-
færið,“ sagði Ólafur Egilsson,
sendiherra Íslands í Kína, en hann
hefur tekið þátt í samningunum um
börnin. Hafa viðræðurnar tekið
nokkur ár en samningar voru loks
undirritaðir í júní í fyrra.
Nefnd frá Íslenskri ættleiðingu,
samtökum sem hafa milligöngu í
málinu, kom til Kína í september sl.
og fór fyrir henni Guðrún Sveins-
dóttir. Fyrir tveimur vikum komu
síðan fyrstu foreldrarnir á vettvang
og hittu börnin sem þeir höfðu ætt-
leitt. Allt eru þetta stúlkur, enda
mest um þær á barnaheimilum í
Kína, heimili þeirra var í stórborg-
inni Guangzhou, öðru nafni Kant-
on, í suðurhluta landsins, skammt
frá Hong Kong. Þær eru á aldrinum
tæplega eins árs og upp í hálfs ann-
ars árs gamlar og hafa þegar feng-
ið sín íslensku nöfn.
„Það liðu ekki nema nokkrar
klukkustundir og þá voru þær bún-
ar að taka okkur í sátt,“ sögðu for-
eldrarnir hamingjusömu. Sumir
þeirra eiga börn fyrir en fyrir
flesta er um nýja reynslu að ræða.
Atburðurinn er ekki síst óvenju-
legur fyrir hjónin Svanhvíti Magn-
úsdóttur og Hjalta Jón Sveinsson á
Akureyri. „Nýja dóttirin okkar, Jó-
hanne Lan Hjaltadóttir, sem er
fædd 25. mars í fyrra, varð dóttir
okkar 8. maí. Daginn eftir hringdi
uppkomin dóttir mín frá Akureyri
og sagði okkur að sama dag hefði
hún alið son … á einum sólarhring
varð ég því bæði faðir og afi,“ segir
Hjalti Jón, sem er skólastjóri Verk-
menntaskólans á Akureyri.
Á myndinni eru nýbökuðu for-
eldrarnir með börnunum ásamt
Ólafi Egilssyni sendiherra og eig-
inkonu hans, Rögnu Ragnars, í
garði sendiherrahjónanna í Peking.
Svanhvít stendur fyrir framan
sendiherrahjónin (á milli þeirra)
með Jóhanne Lan, á bak við sendi-
herrahjónin er Hjalti Jón (í dökkri
skyrtu). Auk þess eru á myndinni
nokkrir starfsmenn sendiráðsins.
Ljósmynd/Niels Peter Arskog
Tíu nýir Íslendingar frá Kína
BEÐIÐ var í gær endanlegra
niðurstaðna í þing- og forseta-
kosningunum í Sierra Leone á
þriðjudag en þær eru þær
fyrstu í landinu eftir að áratug-
arlöngu borgarastríði lauk.
Fyrstu tölur bentu til, að Ahm-
ad Tejan Kabbah, forseti lands-
ins, myndi sigra með yfirburð-
um í forsetakosningunum og
stjórnarflokkurinn, Þjóðar-
flokkurinn, í þingkosningunum.
Alls buðu fjórir flokkar fram og
þar á meðal flokkur fyrrver-
andi skæruliða. Virtist hann
ekki ætla að fá nema innan við
3% atkvæða.
Ókunn sótt
í Afganistan
ALLS 38 breskir hermenn í
Afganistan hafa veikst af sjúk-
dómi, sem læknar kunna enn
engin skil á. Eru nokkrir þeirra
mjög illa haldnir en einkennin
eru uppsölur og niðurgangur.
Hafa um 300 manns, hermenn
og annað starfslið, verið settir í
sóttkví. Ekki þykir líklegt, að
um sýklahernað hafi verið að
ræða og er getgátum um það
vísað á bug.
Ekki hrifnir
af Bush
AÐEINS fjórðungur Rússa
hefur jákvætt álit á George W.
Bush, forseta Bandaríkjanna,
en hann mun fara til fundar við
Vladímír Pútín, forseta Rúss-
lands, í Moskvu og Sankti Pét-
ursborg í næstu viku. Þeir, sem
hafa lítið álit á Bush, segja
hann „árásargjarnan“ og
„frumstæðan“ en þeir, sem lík-
ar hann vel, lýstu honum sem
„kraftmiklum“, „sterkum“ og
„boðbera lýðræðis“. Voru 1.500
manns inntir álits en af þeim
vildu 30% ekki svara.
Flugþjóni
birt ákæra
MICHAEL Philippe, franskur
flugþjónn hjá flugfélaginu
Virgin Atlantic Airways, hefur
verið formlega ákærður í Or-
lando á Flórída fyrir að hafa
verið með sprengjuhótun um
borð í einni flugvéla félagsins.
Er hann einnig sakaður um að
hafa ógnað öryggi bandarískra
borgara og logið að FBI. Vegna
sprengjuhótunarinnar varð
flugvélin að lenda á Keflavík-
urflugvelli 19. janúar sl. Verði
Philippe fundinn sekur á hann
lífstíðarfangelsi yfir höfði sér.
Prestur stytti
sér aldur
ALFRED Bietighofer, rúm-
lega sextugur prestur í Conn-
ecticut í Bandaríkjunum, sem
sakaður hafði verið um að mis-
nota börn á áttunda og níunda
áratugnum, svipti sig lífi á
fimmtudaginn. Var hann á
stofnun fyrir þá, sem gerst hafa
sekir um sama glæp, og hengdi
sig í herbergi sínu. William
Lori, biskup í Bridgeport, sagði
í gær, að hneykslið innan kaþ-
ólsku kirkjunnar í Bandaríkj-
unum krefðist nýrra fórnar-
lamba á hverjum degi.
STUTT
Stjórnar-
sigur í
Sierra
Leone
LÖGREGLA í Pakistan telur
að höfuðlaust lík sem fannst í
blóði drifnum hellisskúta í Kar-
achi í gær kunni að vera af
bandaríska
blaðamannin-
um Daniel
Pearl. „Líkið
hafði verið af-
höfðað og hlut-
að í sundur,“
sagði Manzoor
Mughal rann-
sóknarlög-
reglumaður í
viðtali við
AFP. „Við munum rannsaka
hár og tennur. Þetta gæti verið
Pearl, en við viljum taka af all-
an vafa.“
Myndband er sýndi er Pearl
var afhöfðaður var sent til
bandarísku ræðismannsskrif-
stofunnar í Karachi í febrúar.
Pearl starfaði fyrir blaðið Wall
Street Journal og hvarf 23.
janúar er hann var að rann-
saka vígbúnað íslamista í Pak-
istan.
Haft var eftir lögreglu að
líkið hefði verið grafið upp úr
rúmlega metradjúpri gröf í
helli sem lögreglan sagði líkj-
ast bakgrunninum sem sást á
myndunum er sendar voru til
ræðismannsins. „Líkinu svipar
til Pearls,“ sagði lögreglan
ennfremur. Líkamsleifarnar
voru fluttar í líkhús í Karachi.
Fjórir menn sem ákærðir
eru fyrir að hafa rænt Pearl og
myrt hann eru nú fyrir rétti í
fangelsi í Hyderabad í Pakist-
an, en sjö aðrir, sem grunaðir
eru um aðild að verknaðinum,
ganga enn lausir.
Lík Pearls
talið
fundið
Karachi. AFP.
Pearl