Morgunblaðið - 18.05.2002, Blaðsíða 34
UMRÆÐAN
34 LAUGARDAGUR 18. MAÍ 2002 MORGUNBLAÐIÐ
Í sveitarstjórnar-
kosningunum í vor er
um tvennt að velja,
Álftaneshreyfinguna
eða D-listann. Við í
Álftaneshreyfingunni
eigum okkur drauma.
Drauma um gott mann-
líf, góða, jákvæða og
skemmtilega stjórn á
sveitarfélaginu.
Sambærileg málefni
einkenna stefnuskrár
beggja framboðanna,
en áherslur eru nokkuð
mismunandi. Þetta á
fyrst og fremst við um
skipulagsmál, skólamál
og fjármál.
Í skipulagsmálum stefnir Álfta-
nesheyfingin að hægri en fjölbreyttri
uppbyggingu. Við viljum gefa 200
nýjum íbúum kost á að setjast hér að
á næsta kjörtímabili. Stefna D-
listans er hins vegar að fjölga um 400
íbúa með því að byggja nánast bara
blokkir.
Auðvitað er okkar kostur bæði
raunhæfari og betri. Það er viður-
kennt af báðum framboðunum að
fjölgi íbúum yfir 450 frá því sem nú
er, þýði það að fara verður út í um-
fangsmikla og kostnaðarsama
stækkun á Álftanesskóla. Við í Álfta-
neshreyfingunni viljum fara hægar í
sakirnar og láta tímann vinna með
okkur. Við viljum leyfa skipulags-
málunum að þróast í rólegheitunum
næstu 10–12 árin og sjáum fyrir okk-
ur vel ígrundaða og fjölbreytta
byggð einbýlishúsa, raðhúsa og fjöl-
býlishúsa. Með því móti verður ald-
ursdreifing íbúanna eðlileg og hægt
að bjóða unga og eldra fólkinu og
öðrum sem vilja setjast hér að, að
byggja það húsnæði sem það kýs. Við
viljum ekki klára kvótann í hvelli
með því að byggja hér 108 blokkar-
íbúðir og loka þar með fyrir fjöl-
breytta framtíðarmöguleika.
Þá eru það skólamálin. Álftneskir
unglingar hafa sótt menntun sína í
Garðaskóla svo áratugum skiptir og
hefur það fyrirkomulag að mörgu
leyti reynst ágætlega. Álftanes-
hreyfingin stefnir þó að því að hér
verði heildstæður grunnskóli og
leggur til að hafin verði kennsla í 8.
bekk hér heima árið 2003 og þá strax
í varanlegu húsnæði.
D-listinn vill hinsvegar taka 8., 9.
og 10. bekk inn í Álftanesskóla árin
2004–2006.
Hugmyndin er vissulega athygli-
verð, en strandar einfaldlega á fjár-
hagsstöðu hreppsins. Þessi áætlun
hefur margsinnis verið kynnt í Grá-
steini með mynd þar sem list- og
verkgreinaálman er orðin þriggja
hæða. Staðreyndin er samt sú að lítið
annað en lánsfé, sem ófært er að
taka, er til fyrir slíkri framkvæmd.
Meðal D-listans eru hins vegar uppi
hugmyndir um að breyta stærð-
fræðistofunni og tölvustofunni í al-
mennar kennslustofur, en leysa svo
annan og augljósan húsnæðisvanda
með lausum kennslustofum. Það þarf
því að færa töluverðar
fórnir til þess að hrinda
þessari flaustur-
skenndu hugmynd í
framkvæmd.
Fjármál eru nefni-
lega þriðja málið sem
takist er á um. Skuldir
Bessastaðahrepps eru
komnar að hættumörk-
um, samtals um 602
milljónir, eða sem sam-
svarar 346.000 kr. á
íbúa. Til viðmiðunar má
benda á að borgarsjóð-
ur Reykjavíkur skuldar
125.000 kr. á íbúa.
Eftir mikla skoðun á
bókhaldinu teljum við aðeins raun-
hæft að miða við að hægt sé að fjár-
festa fyrir í mesta lagi 100 milljónir á
kjörtímabilinu, enda munum við þá
ekki greiða niður skuldir svo heitið
geti. Þetta eru óskemmtileg tíðindi,
en samkvæmt ársreikningi fyrir
2001 stóðu aðeins 14 milljónir króna
eftir til framkvæmda, þegar búið var
að greiða reksturinn og vexti.
Sjálfstæðismenn virðast ætla sér
að fjárfesta fyrir yfir 450 milljónir á
næstu 6 árum. Þetta teljum við al-
gjörlega óraunhæft og vísasta leiðin
til gjaldþrots sveitarfélagsins. Eigi
að forða því er fátt til ráða nema að
selja og einkavæða sameignir okkar,
sem er þá fyrst og fremst húsnæði
skóla og leikskóla. Svo væri auðvitað
hægt að fara Kjalarnesleiðina, með
nauðasamningum við Reykjavík eða
annað burðugt sveitarfélag sem sér
hag í að sameinast okkur. Standa
„sjálfstæðismenn“ undir nafni? Get-
ur það enn verið stefna þeirra, sem
ekki fengu sameiningunni við Garða-
bæ framgengt, að leggja sveitarfé-
lagið niður hvað svo sem íbúarnir
segja?
Við í Álftaneshreyfingunni viljum
bjóða betri þjónustu í stað dýrra
fjárfestinga. Við viljum lýðræðisleg
og sanngjörn vinnubrögð og erum
reiðubúin til þjónustu við alla Álft-
nesinga hvar í flokki sem þeir
standa. Valið er skýrt. Álftanes-
hreyfingin býður skynsamlegri og
raunhæfari kost. Við biðjum Álftnes-
inga að kjósa Álftaneshreyfinguna í
sveitarstjórnarkosningunum 25.
maí.
Í Bessastaðahreppi
eru skýrar línur
Kristján
Sveinbjörnsson
Bessastaðahreppur
Sambærileg
málefni einkenna
stefnuskrár beggja
framboðanna, segir
Kristján Sveinbjörns-
son, en áherslur eru
nokkuð mismunandi.
Höfundur er rafverktaki og skipar 2.
sæti Álftaneshreyfingarinnar.
FRAMSÓKNARFLOKKURINN
hefur tekið þá ákvörðun að taka þátt
í samstarfi um Reykjavíkurlista
þriðja kjörtímabilið í röð undir
styrkri stjórn Ingibjargar Sólrúnar
Gísladóttur. Þáttaka Framsóknar-
flokksins er að mörgu leyti ólík því
samstarfi sem flokkurinn á í ríkis-
stjórn. Samstarf flokkanna í borg-
inni er ákveðið fyrirfram. Kjósendur
hafa þannig skýran valkost þegar
þeir velja Framsóknarflokkinn í
borginni. Hann mun vinna með Sam-
fylkingu og Vinstri grænum í
Reykjavíkurlistanum.
Hver er hagur
Framsóknarflokksins?
En hver er hagur flokksins í því
að taka þátt í samstarfi um Reykja-
víkurlista í borginni? Á s.l. átta árum
hafa framsóknarmenn
í borgarstjórn, Sigrún
Magnúsdóttir og Al-
freð Þorsteinsson,
unnið að mjög stórum
og áberandi mála-
flokkum innan borgar-
innar. Framsóknar-
flokkurinn hefur verið
með formennsku í
fræðsluráði sem hefur
staðið að einsetningu
grunnskóla Reykjavík-
ur, sem lýkur í haust,
og jafnframt staðið að
þeirri gríðarlegu upp-
byggingu sem átt hef-
ur sér stað í grunn-
skólunum. Þar hafa
verið byggðir um 50 þúsund fer-
metrar í skólahúsnæði á s.l. átta ár-
um. Framsóknarflokk-
urinn hefur einnig verið
með formennsku í
Orkuveitu Reykjavíkur
og t.d. komið því í fram-
kvæmd að sameina
orkufyrirtæki borgar-
innar undir einn hatt og
koma á fót fjórðu veitu
okkar borgarbúa, upp-
lýsingaveitunni, sem
hefur tryggt samkeppni
á ljósleiðaramarkaði.
Auk þessa hefur Guð-
rún Jónsdóttir, formað-
ur menningamála-
nefndar, staðið fyrir
gífurlegri uppbyggingu
menningastofnana á
miðborgarsvæðinu og Menningar-
nótt hefur átt miklum vinsældum að
fagna frá upphafi. Við framsóknar-
menn erum stoltir af árangri okkar í
Reykjavíkurlistasamstarfinu s.l.
átta ár og við vitum að fulltrúar okk-
ar á komandi kjörtímabili, Alfreð
Þorsteinsson og Anna Kristinsdótt-
ir, munu starfa áfram að góðum mál-
efnum í Reykjavík. Ekki má heldur
gleyma glæstum fulltrúa Framsókn-
arflokksins frá ungliðahreyfingunni,
Marsibil Sæmundsdóttur, sem skip-
ar 10.sæti.
Hér hefur aðeins verið nefndur
hluti af því góða verki sem fulltrúar
okkar í borgarstjórn og nefndum
borgarinnar hafa komið í verk. Allt
tal um að fulltrúar Framsóknar-
flokksins verði ekki sýnilegir í þessu
samstarfi er líkt og að tala um að
verk félagsmálaráðherra eða utan-
ríkisráðherra í ríkisstjórnarsam-
starfinu séu ekki sýnileg. Allt tal um
ósýnileika okkar fulltrúa í borgar-
stjórnarsamstarfinu er ekkert nema
hjáróma raddir þeirra sem vilja
grafa undan því góða starfi sem
Reykjavíkurlistinn hefur unnið að á
liðnum átta árum.
Framsókn Reykjavíkurlistans
Gestur
Kr. Gestsson
Reykjavík
Allt tal um ósýnileika
okkar fulltrúa í borg-
arstjórnarsamstarfinu,
segir Gestur Kr.
Gestsson, er ekkert
nema hjáróma raddir.
Höfundur er formaður Framsókn-
arfélags Reykjavíkurkjördæmis
norður.
Sjálfstæðismenn
hafa legið stjórnend-
um Orkuveitu
Reykjavíkur á hálsi
fyrir 550 milljóna
króna tap, er varð á
síðasta ári, sem þó
stafaði mestmegnis af
óhagstæðri gengis-
þróun eins og flest
stórfyrirtæki lentu í.
Nú hafa orðið alger
umskipti í rekstri
Orkuveitu Reykjavík-
ur, því að fyrstu fjóra
mánuði þessa árs hef-
ur orðið hagnaður,
sem nemur 1.470
milljónum króna. Um
þennan hagnað þegja sjálfstæðis-
menn þunnu hljóði enda snýst mál-
flutningur þeirra um fyrirtæki
borgarinnar ekki um viðskipti
heldur ómerkilega pólitík.
Orkuveita Reykjavíkur er eitt
stöndugasta fyrirtæki landsins
með eigið fé upp á 38
milljarða króna. Það
hefur verið stefna
Reykjavíkurlistans, að
Orkuveita Reykjavík-
ur byði viðskiptavin-
um sínum bæði góða
og ódýra þjónustu. Og
í samræmi við kosn-
ingaloforð um lækkun
gjalda hefur Orku-
veita Reykjavíkur
lækkað verð á raf-
magni og heitu vatni.
Þannig hefur raforku-
verð lækkað að raun-
gildi um rúmlega 20%
og heitt vatn um 8%
frá 1994. Er þá miðað
við, að gjaldskráin hefur ekki fylgt
vísitölu neysluverðs.
Af þessum sökum eru tekjur
Orkuveitu Reykjavíkur árlega um
1.500 milljónum króna lægri en
ella. Þess njóta öll heimili á höf-
uðborgarsvæðinu svo og fyrirtæki.
Þetta er búbót fyrir Reykvíkinga
og kemur sér vel, ekki síst fyrir þá
verst settu.
En þrátt fyrir lág orkugjöld
greiðir Orkuveita Reykjavíkur eig-
endum sínum hæfilegan arð, sem
nýttur er til margvíslegra sam-
félagslegra verkefna. Orkuveita
Reykjavíkur gegnir því þýðingar-
miklu hlutverki og tekur þátt í að
bæta lífskjör í borginni.
Alfreð
Þorsteinsson
Höfundur er borgarfulltrúi og
stjórnarformaður Orkuveitu
Reykjavíkur.
Reykjavík
Nú hafa orðið alger
umskipti, segir Alfreð
Þorsteinsson, í rekstri
Orkuveitunnar.
1.470 milljóna króna hagn-
aður Orkuveitu Reykjavíkur
UNDANFARNA
daga hefur komið
fram af hálfu fram-
bjóðenda Sjálfstæðis-
flokksins að sam-
kvæmt aðalskipulagi
Reykjavíkur 2001–
2024 sé fyrirhugað að
hafa iðnaðarsvæði í
Geldinganesi, þvert á
það sem haldið hefur
verið fram af hálfu
Reykjavíkurlistans.
Hafa fulltrúar D-
listans vitnað í texta í
greinargerð aðal-
skipulagsins máli sínu
til stuðnings og jafn-
framt lýst því að á
iðnaðarsvæðum sé gert ráð fyrir
mengandi starfsemi.
Til að taka af allan vafa í þessu
efni er rétt að undirstrika að
Reykjavíkurlistinn hefur engin
áform um að skipuleggja iðnaðar-
svæði í Geldinganesi. Þá þarf líka
að koma fram að á svokölluðum
skipulagsuppdrætti kemur fram
ríkjandi landnotkun á hverjum
stað í borginni fyrir sig. Í Gelding-
arnesi er samkvæmt aðalskipulag-
skortinu gert ráð fyrir hafnar- og
athafnasvæði annars vegar og
blandaðri byggð íbúða og atvinnu-
starfsemi hins vegar. Iðnaðar-
svæði eru hins vegar sérgreind á
skipulagi og er aðeins eitt slíkt
svæði í nýju aðalskipulagi Reykja-
víkur en það er á Kjalarnesi í landi
Saltvíkur þar sem starfrækt er
sláturhús. Þetta er vitaskuld
kjarni málsins sem
allir sjá sem skoða
skipulagskortið.
Skýr afstaða
Þegar aðalskipulag-
ið var á vinnslustigi í
skipulagsnefnd voru
hugmyndir um að af-
marka sérstakt svæði
í Geldinganesi fyrir
iðnaðarstarfsemi.
Kort sem sýndi það
var lagt fram í skipu-
lagsnefnd 6. júní 2001.
Það var líka gert ráð
fyrir höfn og athafna-
svæði í Gufunesi í
landi Áburðarverksmiðjunnar.
Reykjavíkurlistinn ákvað hins veg-
ar að breyta þeim tillögum þannig
að hafnar- og athafnasvæði yrði
ekki í Gufunesi heldur blönduð
byggð íbúða og atvinnustarsemi og
einnig var ákveðið að falla frá hug-
myndum um iðnaðarstarfsemi í
Geldinganesi. Þessi afstaða var al-
veg skýr og endurspeglast í að-
alskipulagskortinu. Það má færa
fyrir því rök að visst ósamræmi sé
milli aðalskipulagskortsins eins og
það var samþykkt og greinargerð-
arinnar sem fylgir aðalskipulaginu
hvað þetta atriði varðar, en það
getur Skipulagsstofnun, sem nú
hefur skipulagið til meðferðar,
gert athugasemd við og þá yrði
textinn að sjálfsögðu lagfærður til
samræmis við landnotkunarkortið.
Blómlegar
íbúðarbyggðir
Hafi þetta valdið sjálfstæðis-
mönnum hugarangri er sjálfsagt
að harma það. Það breytir hins
vegar ekki þeirri staðreynd að
Reykjavíkurlistinn hefur engin
áform um að skipuleggja iðnaðar-
svæði í Geldinganesi, Geldinganes-
ið er ekki á dagskrá borgarmál-
anna næstu 15 árin. Hvað varðar
íbúðarbyggð leggur Reykjavíkur-
listinn meiri áherslu á það sem er
nær okkur í tíma, nefnilega blóm-
lega íbúðarbyggð í suðurhlíðum
Úlfarsfells, með Úlfarsána í dal-
botninum, þar sem mun rísa um 20
þúsund manna byggð þegar það
svæði verður fullbyggt og 6–8 þús-
und manna byggð við ströndina
þar sem Áburðarverksmiðjan er
nú. Um þetta snýst málið.
Ekki iðnaðarsvæði í
Geldinganesi
Árni Þór
Sigurðsson
Reykjavík
Rétt er að undirstrika,
segir Árni Þór
Sigurðsson, að Reykja-
víkurlistinn hefur
engin áform um að
skipuleggja iðnaðar-
svæði í Geldinganesi.
Höfundur skipar 1. sæti
Reykjavíkurlistans.