Morgunblaðið - 18.05.2002, Blaðsíða 37
UMRÆÐAN
MORGUNBLAÐIÐ LAUGARDAGUR 18. MAÍ 2002 37
ÞAÐ ER eftirtektar-
vert hvað börn, öryrkj-
ar, aldraðir og lág-
tekjufólk verða allt í
einu í miklu uppáhaldi
hjá sjálfstæðismönnum
rétt fyrir kosningar.
Þetta eru þó hóparnir
sem þeir gleyma alltaf á
milli kosninga og þeim
er gjarnt að seilast í
vasann hjá til að eiga
meira til skiptanna til
þeirra betur settu. Og
þeir bregða ekki út af
vananum nú. Það
hljómar vissulega
falskt úr munni Björns
Bjarnasonar að kalla
allt í einu eftir auknum húsaleigubót-
um, þegar flokkur hans barðist harð-
ast gegn því að lögfesta þessa kjara-
bót fyrir láglaunafólk. Sama falsið
lekur úr penna aðstoðarmanns for-
sætisráðherra nú í vikunni.
Talnabrella aðstoðarmanns
forsætisráðherra
Í grein í DV nú í vikunni reynir
þessi talsmaður forsætisráðherra
með ákaflega ómerkilegri talnabrellu
að draga upp ranga mynd af kjörum
aldraðra og öryrkja á árunum 1988–
1991, þegar íhaldið var
utan ríkisstjórnar, um
leið og hann reynir með
afar kúnstugum hætti
að fegra þá aðför að
kjörum lífeyrisþega
sem stjórnarflokkarnir
hafa staðið fyrir. Ef
matreiðslan á upplýs-
ingum frá forsætis-
ráðuneytinu til þjóðar-
innar er öll á þessa lund
er ekki mikið fyrir hana
gefandi.
Talsmaður forsætis-
ráðherra dregur ein-
ungis upp mynd af þró-
un grunnlífeyris en
sleppir mikilli hækkun
tekjutryggingar lífeyrisþega á þessu
tímabili, en tekjutrygging er stærsti
hluti í samanlögðum grunnlífeyri og
tekjutryggingu eða 63%. Athyglis-
vert er líka að talsmaðurinn viður-
kennir í grein sinni að kaupmáttur
grunnlífeyris og tekjutryggingar
hafi verið 6% minni en kaupmáttur
lágmarkslauna þegar borin eru sam-
an árin 1994 og 2000.
Lágmarkslaun og lífeyri
Súluritið hér til hliðar sýnir þá
hækkun sem varð á lágmarkslaunum
annars vegar og grunnlífeyri og
tekjutryggingu hins vegar á kjör-
tímabili síðustu vinstristjórnar,
1988–1991, og síðan á fyrsta kjör-
tímabili núverandi ríkisstjórnar,
1996–1999.
Eins og sést á töflunni hækkaði
tekjutryggingin á árabilinu 1988–
1991 um 41,5% á sama tíma og lág-
markslaunin hækkuðu um 37%. Aft-
ur á mótti hækkaði tekjutryggingin
einungis um rúm 13% á fyrsta kjör-
tímabili núverandi ríkisstjórnar á
árinu 1996–1999 en lágmarkslaunin
hækkuðu á sama tíma um rúm 33%.
Grunnlífeyrir og tekjutrygging
hækkuðu samanlagt á árunum 1988
til 1991 – eða í tíð vinstristjórnarinn-
ar – um 37,3% en einungis um 16,7%
á fyrsta kjörtímabili núverandi
hægristjórnar 1996–1999.
Hvort sem litið er til hækkana
grunnlífeyris og tekjutryggingar eða
samanburðs á þeim og lágmarks-
launum á þessum tilvitnuðu tveimur
tímabilum er hér staðfest að betur er
séð fyrir kjörum aldraðra þegar
sjálfstæðismenn eru utan stjórnar.
Sjálfstæðismenn hafa heldur enga
afsökun fyrir því að skerða svona gíf-
urlega kjör lífeyrisþega, þegar litið
er til þess að tekjur ríkissjóðs á sam-
bærilegu verðlagi (verðlag 1998)
voru 105 milljörðum meiri árin 1996–
1999 en 1988–1991.
Ávísun á verri kjör
Staðreyndin er líka sú að áður en
íhaldið tók við stjórnartaumunum
1991 var 9 þúsund króna munur á
grunnlífeyri og tekjutryggingu ann-
ars vegar og lágmarkslaunum hins
vegar, en í lok síðasta árs var mun-
urinn orðinn 38 þúsund krónur. Þá er
ótalin gífurleg aukning á lyfja- og
lækniskostnaði. Svo er nú komið að
margir lífeyrisþegar eiga ekki fyrir
lífsnauðsynlegum lyfjum og þurfa að
leita til hjálparstofnana til að leysa
þau út. Algengt er líka að útgjöld ör-
yrkja og aldraðra vegna lyfja- og
lækniskostnaðar samsvari á ári eins
mánaðar lífeyrisgreiðslum. Það er
því ávísun á verri kjör öryrkja og
aldraðra þegar Sjálfstæðisflokkur-
inn stjórnar.
Jóhanna
Sigurðardóttir
Reykjavík
Það er ávísun á
verri kjör öryrkja
og aldraðra, segir
Jóhanna Sigurðardótt-
ir, þegar Sjálfstæð-
isflokkurinn stjórnar.
Höfundur er alþingismaður.
Sýndarmennska
sjálfstæðismanna
EITT af stefnumál-
um Höfuðborgarsam-
takanna, A-lista, er að
treysta fjárhag borg-
arinnar með hagræð-
ingu og sparnaði er
hlýst af betra skipu-
lagi.
Við byggingu nýs
úthverfis þarf Reykja-
víkurborg fyrst að
borga fyrir landið, síð-
an þarf að leggja götur
og gangstéttar, skólp-
og vatnslagnir. Þjón-
ustufyrirtækin leggja
svo rafmagn, síma og
hitaveitu. Þar sem
byggðin er dreifð
þurfa æ fleiri meira magn af landi
og lögnum. Engin leið er að setja
þennan kostnað á lóðarverðið þar
sem það yrði svo dýrt að fáir myndu
hafa efni á því. Þess vegna hafa
Reykvíkingar þurft að niðurgreiða
nýjar lóðir verulega með fé sem
annars nýttist til málefna sem bæta
líf borgaranna. Kostnaður borgar-
innar við síaukinn bílaflota borgar-
búa er áætlaður að hækki um 50
milljarða á skipulagstímabilinu.
Með því að byggja borgina inn á við
munu sparast 60 milljarðar á skipu-
lagstímabilinu ef miðað er við stefnu
R- og D-lista. Biðlistar leikskólanna
og þjónustuíbúða eldri borgara eru
malbik undir bifreiðar borgarbúa.
Höfuðborgarsamtökin stefna
einnig að því að dregið verði úr
notkun negldra hjólbarða. Sú ryk-
og tjörumengun sem af þeim stafar
gerir lífið í okkar annars ágætu höf-
uðborg illbærilegt á köflum. Við þá
ráðstöfun sparast miklar fjárhæðir
bæði í beinhörðum peningum og
bættu heilsufari borgarbúa (astmi,
öndunar- og ofnæmisjúkdómar af
völdum mengunar).
Í stefnuskrá Höfuðborgarsamtak-
anna stendur einnig: „Gerð borg-
arinnar ræður miklu um andlegt og
líkamlegt heilbrigði íbúanna. Með
þéttingu byggðar dregur úr þörf
fyrir akstur. Með þéttingu byggðar
dregur sjálfkrafa úr sjúkdómum af
völdum loftmengunar og hávaða.
Umferðarslysum fækkar og skilyrði
skapast til að vinna á sjúkdómum
vegna streitu, hreyf-
ingarleysis, einsemdar,
firringar og annarra
þátta sem tengjast
bílasamfélaginu. Með
því fé sem borgarsam-
félagið sparar með
þéttingu byggðarinnar
má m.a. verja meira fé
til heilbrigðismála,
málefna aldraðra og til
skólasamfélagsins.“
Aldraðir eru oft sett-
ir í steyputurna á um-
ferðareyjur þar sem
þeir einangrast æ meir
frá samfélagi borgar-
innar. Með þéttri
byggð blandast þjóðfélags- og ald-
urshópar og allir geta tekið virkan
þátt í samfélaginu. A-listinn vill búa
öldruðum heimili í lifandi samfélagi
samborgaranna þar sem þjónusta,
verslun, torg og almenningsgarðar
eru í göngufæri. A-listinn vill snúa
frá þeirri þróun að senda aldraða í
einangrun upp á heiði eða norður
með sjó. Aldraðir einstaklingar í
þéttbyggðri borg eiga að hafa
möguleika á að fá íbúð við sitt hæfi,
með þjónustu, afþreyingu og mann-
líf við höndina.
Það eru ekki litlar fjárhæðir sem
koma til með að sparast við þéttingu
byggðar. Þessa fjármuni viljum við
hjá A-listanum, Höfuðborgarsam-
tökunum, nota til að hlúa að öllu
mannlífi og auka velferð borgarbúa.
Ég vil leyfa mér að benda les-
endum á að kynna sér stefnuskrá
Höfuðborgarsamtakanna. Slóðin er
www.xa.is.
Aukið ráðstöfun-
arfé til að bæta
líf borgaranna
Dóra
Pálsdóttir
Höfundur skipar 4. sæti á A-lista
Höfuðborgarsamtakanna.
Reykjavík
A-listinn, segir
Dóra Pálsdóttir, vill
búa öldruðum heimili
í lifandi samfélagi
samborgaranna.
ÉG ER Álftnesing-
ur, alinn upp á Álfta-
nesi og hef séð það
breytast úr fámennri
sveit í glæsilegt sveit-
arfélag þar sem
myndast hefur gott
mannlíf í óvenjulegri
sátt við náttúru og
umhverfi staðarins.
Í mínu ungdómi var
sími til á þremur bæj-
um í allri sveitinni
(fyrir utan forseta-
setrið á Bessastöð-
um), mjólk var keypt
af næsta sveitabæ,
enginn strætó, engin
sameiginleg vatns-
veita, engin hitaveita, engin sorp-
hreinsun en rusli var kastað í
fjörur að þeirra tíma hætti.
Þessir tímar höfðu sannarlega
sína töfra, en hver vill hverfa til
þeirra í dag?
Stjórn sjálfstæðismanna
í sveitarstjórn
Bessastaðahrepps
Frá því listakosning var tekin
upp í Bessastaðahreppi hefur Fé-
lag sjálfstæðismanna verið leiðandi
afl við stjórnun þar. Svo vel hefur
til tekist að allir þeir, sem nú
bjóða sig fram fyrir hönd Álftanes-
hreyfingarinnar, Á-listans, vilja
hvergi annars staðar búa en hér í
hreppnum að eigin sögn. Betri
mælikvarða á árangursríka upp-
byggingu sjálfstæðis-
manna í hreppnum í
áraraðir, er ekki hægt
að fá.
En hjá Álftanes-
hreyfingunni kveður
nú við annan tón. Nú
á að hægja á allri
uppbyggingu.
Frambjóðendur Á-
listans ætla að hætta
við fyrirhugaða
stækkun leikskólans
Krakkakots, ekki taka
9. og 10. bekk heim í
Álftanesskóla á kjör-
tímabilinu, ekki
stækka íþróttahúsið
svo að þar verði
keppnisvöllur af fullri stærð fyrir
unglingana okkar, ekki byggja
smærri íbúðir fyrir unga fólkið
okkar sem er að hefja búskap eða
fyrir þá eldri sem vilja minnka við
sig.
Jafnvel hefur heyrst, að aðeins
eigi að fjölga íbúum með því að
leyfa börnum þeirra sem nú búa í
hreppnum að fá að byggja hér.
Stundum finnst manni að viðhorfið
hjá Álftaneshreyfingarfólki sé, að
úr því að það sé komið í hreppinn
megi fara að draga úr fjölguninni.
Að bera saman epli
og appelsínur
Sigurður Magnússon, efsti mað-
ur á lista Álftaneshreyfingarinnar,
hefur ekki skrifað um nein stefnu-
mál það sem af er kosningabarátt-
unni, heldur einungis skrifað af
mikilli innlifun um skuldir.
Hann fullyrðir, að skuldir á
hvern íbúa í Bessastaðahreppi hafi
verið 346 þúsund krónur um síð-
ustu áramót en 286 þús. krónur í
Reykjavík og telur að þessar tölur
sýni hversu illa hafi tekist til í
stjórnun fjármála í hreppnum okk-
ar. Þarna er Sigurður að bera
saman epli og appelsínur, því hann
er að bera saman heildarskuldir á
íbúa í Bessastaðahreppi við nettó
skuldir í Reykjavík.
Hið rétta er að nettó skulda-
staða Reykjavíkurborgar var 303
þús. krónur pr. íbúa í árslok 2001
en nettó skuldastaða Bessastaða-
hrepps 292 þús krónur. Heildar-
skuldir á íbúa árið 2001 voru 417
þús krónur í Reykjavík en 346 þús.
krónur í Bessastaðahreppi (heim-
ild Borgarbókhald).
Samanburðurinn er Bessastaða-
hreppi hagstæður, þveröfugt við
það sem haldið er fram.
Áróður Sigurðar og félaga hans
í Álftaneshreyfingunni er hræðslu-
áróður, sem er einungis til þess
fallinn að draga úr metnaði og dug
íbúa Bessastaðahrepps.
Metnaðarfull uppbygging
Við sjálfstæðismenn í Bessa-
staðahreppi erum stoltir af því
hvernig til hefur tekist með upp-
byggingu í hreppnum á yfirstand-
andi kjörtímabili.
Metnaðarfull stefna sjálfstæðis-
manna hefur skilað íbúum Bessa-
staðahrepps nýju húsnæði Álfta-
nesskóla, tvöföldun leikskólarýma
og nýrri aðstöðu fyrir tónlistar-
skólann. Biðlistar á leikskóla hafa
verið í lágmarki á kjörtímabilinu.
Það er fyrst nú á liðnum vetri sem
biðlistar fóru að myndast á ný. Á
því verður gerð bragarbót þegar í
haust með nýrri deild á leikskól-
anum Krakkakoti.
Sjálfstæðismenn mun vinna fyrir
íbúa Bessastaðahrepps af sama
metnaði á næsta kjörtímabili.
Íbúar í Bessastaðahreppi,
tryggjum áframhaldandi velferð,
ábyrgð, áræðni, metnað og við-
höldum góðu mannlífi með því að
kjósa Sjálfstæðisfélagið áfram til
forystu í sveitarfélaginu.
Bessastaðahreppur, perla
höfuðborgarsvæðisins
Jón G.
Gunnlaugsson
Bessastaðahreppur
Við sjálfstæðismenn í
Bessastaðahreppi erum
stoltir, segir Jón Gunn-
ar Gunnlaugsson, af því
hvernig til hefur tekist
með uppbyggingu í
hreppnum á yfirstand-
andi kjörtímabili.
Höfundur á sæti í hreppsnefnd
Bessastaðahrepps og skipar 14.
sætið á framboðslista Sjálfstæðis-
félags Bessastaðahrepps.
Vandaðar heimilis-
og gjafavörur
Kringlunni 4-12 - sími 533 1322
Vasi:
Hönnun Lars Sestercik.
Verð
13.900.