Morgunblaðið - 18.05.2002, Blaðsíða 21
VIÐSKIPTI/ATHAFNALÍF
MORGUNBLAÐIÐ LAUGARDAGUR 18. MAÍ 2002 21
fyrir gott boddí
fiegar flig vantar gott bón
A
B
X
/S
ÍA
9
0
2
0
7
0
7
-3
SAMTÖK banka og verðbréfafyr-
irtækja (SBV) standa nú fyrir út-
gáfu upplýsingabæklings vegna
nýrra laga um persónuvernd og
meðferð persónuupplýsinga. Bækl-
ingnum er ætlað að upplýsa starfs-
fólk og viðskiptavini fjármálafyr-
irtækja um réttindi og skyldur
samkvæmt lögunum.
Starfshópur á vegum SBV hafði
áður sett fram álitsgerð fyrir að-
ildarfélög SBV þar sem gerð var
grein fyrir lögunum og kannað
hvernig einstök ákvæði sneru að
starfsemi fjármálafyrirtækja.
Guðjón Rúnarsson, fram-
kvæmdastjóri SBV, segir í samtali
við Morgunblaðið að SBV hafi átt
gott samstarf við Persónuvernd í
þessari vinnu. „Í framhaldi af gild-
istöku laganna töldum við rétt að
skoða betur hvaða áhrif þau hefðu
á starfsemi fjármálafyrirtækjanna.
Því var stofnaður starfshópur sem
skilaði álitsgerðinni fyrr á þessu
ári eftir mikla og góða vinnu. Við
vorum í ágætu samstarfi við Per-
sónuvernd við vinnslu þessa máls
og fengum m.a. þær upplýsingar
að atvinnulífinu yrði gefinn nokkuð
rúmur tími til að laga starfsemi
sína að breyttum lögum,“ segir
Guðjón.
Guðjón segir að ein af tillögum
starfshópsins hafi verið að fjár-
málafyrirtæki gæfu út aðgengileg-
an bækling, þar sem helstu stað-
reyndir og upplýsingar væru
settar fram á hnitmiðaðan hátt.
Bæklingurinn kemur úr prentun í
næstu viku og verður þá dreift til
aðildarfélaga SBV í stóru upplagi,
þ.e. banka, sparisjóða, lánastofn-
ana og verðbréfafyrirtækja.
Undanþágur frá samþykki fyrir
vinnslu persónuupplýsinga
Lög nr. 77/2000 um persónu-
vernd og meðferð persónuupplýs-
inga gilda um sérhverja rafræna
vinnslu persónuupplýsinga, þ.e.
vinnslu upplýsinga sem tengja má
beint eða óbeint við einstakling,
rafræna vöktun, sem og handvirka
vinnslu persónuupplýsinga sem
eru eða eiga að verða hluti af skrá.
Í bæklingnum eru skilgreind hug-
tök eins og persónuupplýsingar,
vinnsla persónuupplýsinga,
ábyrgðaraðili, vinnsluaðili og sam-
þykki. Farið er yfir rétt viðskipta-
vina og skyldur fjármálafyrir-
tækja.
„Helstu breytingarnar með nýju
lögunum eru að nú eru lagðar rík-
ari kröfur á ábyrgðaraðila. Út-
gangspunkturinn í lögunum er að
einstaklingurinn ráði sjálfur hvaða
vinnsla fari fram um hans per-
sónulegu upplýsingar, hver vinni
og hvernig. Þannig er almennt
skilyrði um að afla þurfi samþykk-
is fyrir vinnslu persónuupplýsinga.
hins vegar eru ákveðnar undan-
þágur frá því,“ segir Guðjón.
„Meginniðurstaðan í okkar vinnu í
samstarfi við Persónuvernd er að
starfsemi fjármálafyrirtækja sé
þess eðlis að við þurfum ekki sér-
stakt samþykki fyrir hefðbundinni
vinnslu. En svo gæti farið að ein-
stök fyrirtæki setji skilyrði um
samþykki fyrir vinnslu inn í við-
skiptaskjöl í auknum mæli.“
Í bæklingi SBV segir: „Fjár-
málafyrirtækjum er þó almennt
heimilt að vinna persónuupplýs-
ingar án samþykkis samkvæmt
framansögðu. Sérstaklega ef
vinnslan er nauðsynleg til að efna
samning sem viðskiptavinur er að-
ili að eða til að gera ráðstafanir að
beiðni hans áður en samningur er
gerður. Auk þess getur vinnslan
verið nauðsynleg til að fullnægja
lagaskyldu sem hvílir á fjármála-
fyrirtæki.“
Guðjón segir að á sama hátt
komist SBV að þeirri niðurstöðu
að yfirleitt sé vinnsla persónuupp-
lýsinga í fjármálafyrirtækjum und-
anþegin tilkynningarskyldu til
Persónuverndar, en slík tilkynn-
ingarskylda er meginreglan varð-
andi vinnslu persónuupplýsinga
samkvæmt lögunum.
Skýrari réttarstaða
Guðjón bendir á að þær per-
sónuupplýsingar sem fyrirtæki
innan SBV vinna með, flokkist
ekki sem viðkvæmar persónuupp-
lýsingar. „Persónuupplýsingar eru
sérhverjar persónugreindar eða
persónugreinanlegar upplýsingar
um einstakling sem skráðar eru,
þ.e. upplýsingar sem beint eða
óbeint er hægt að rekja til við-
skiptavinar. Upplýsingar um fjár-
mál einstaklinga teljast til per-
sónuupplýsinga en þó ekki til
viðkvæmra persónuupplýsinga
samkvæmt skilgreiningu laganna,“
segir í bæklingnum. Hins vegar
gera lögin ríkar kröfur um að við-
eigandi öryggisráðstafanir séu við-
hafðar við vinnslu allra persónu-
upplýsinga.
„Þessi nýju lög gera réttarstöðu
bæði fyrirtækja og viðskiptavina
skýrari. Það er mikilvægt að hafa
skýran lagaramma en á hinn bóg-
inn mega lögin aldrei vera of stíf.
En SBV telja að þessi lög og það
svigrúm sem þau gefa séu almennt
séð til bóta. Lögin hafa t.d. leitt til
þess að við leggjum út í þessa
vinnu,“ segir Guðjón.
Upplýsingabæklingur SBV um áhrif nýrra laga um
persónuvernd á fjármálafyrirtækin
Ríkari kröfur til
ábyrgðaraðila
FRÉTTIR
mbl.is