Morgunblaðið - 18.05.2002, Blaðsíða 76
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 18. MAÍ 2002 VERÐ Í LAUSASÖLU 190 KR. MEÐ VSK.
Skeifan 17 • Sími 5504000 •www.atv.is
NÝJA íþrótta- og sýningarhúsið í
Kópavogsdal hefur hlotið nafnið
Fífan en húsið var vígt við hátíð-
lega athöfn í gær.
Hátíðin hófst með inngöngu yf-
ir 800 þátttakenda undir lúðra-
blæstri Skólahljómsveitar Kópa-
vogs. Í broddi fylkingar gekk Jón
Arnar Magnússon frjálsíþrótta-
kappi með íslenska fánann ásamt
félögum úr skátafélaginu Kópum.
Sigurður Geirdal, bæjarstjóri í
Kópavogi, ávarpaði hátíðina og
tók við gylltri skóflu til minnis
um fyrstu skóflustunguna að hús-
inu.
Fimleikaflokkur frá íþrótta-
félaginu Gerplu sýndi trampól-
ínstökk áður en hin formlega
íþróttaiðkun hófst í Fífunni. Upp-
hafið var með þeim hætti að Guð-
mundur Þórðarson, fyrsti lands-
liðsmaður Breiðabliks í
knattspyrnu og fyrsti landsliðs-
þjálfari kvennalandsliðs og
drengjalandsliðs KSÍ, skaut úr
startbyssu. Upp frá því iðaði allt
húsið af lífi.
Morgunblaðið/Sverrir
Fífan í Kópavogi
formlega opnuð
EKIÐ var á þrjá hjólreiðamenn,
konu og tvær stúlkur, á Kald-
árselsvegi við sumarhúsabyggð-
ina í Sléttuhlíð ofan Hafnar-
fjarðar um níuleytið í gærkvöldi.
Þeim var ekið á slysadeildina í
Fossvogi en reyndust ekki al-
varlega slasaðir, að sögn lög-
reglunnar í Hafnarfirði. Stúlka
sem datt af hestbaki í Hafnar-
firði í gærkvöldi var einnig flutt
á slysadeildina. Hún var ekki
talin alvarlega slösuð að sögn
vakthafandi læknis á slysadeild.
Ekið á þrjá
hjólreiða-
menn
Í FYRSTU niðurstöðum rannsókn-
ar á eitrunum á Íslandi kemur
fram að sjálfsvíg og sjálfsvígstil-
raunir eru algengasta ástæða eitr-
unar, þá óhöpp og misnotkun er í
þriðja sæti og vinnuslys í því
fjórða. Þetta kemur fram í út-
drætti rannsóknar á vegum eitr-
unarmiðstöðvar Landspítala – há-
skólasjúkrahúss, Háskóla Íslands,
lyflækningadeildar LSH og land-
læknis.
Tilgangur rannsóknarinnar er
að afla sem áreiðanlegastra upp-
lýsinga um bráðar eitranir og
meintar eitranir sem koma til með-
ferðar eða umfjöllunar lækna og
annarra heilbrigðisstétta á sjúkra-
húsum og heilsugæslustöðvum á
eins árs tímabili. Rannsóknartím-
inn var frá 1. apríl 2001 til mars-
loka 2002. Hönnuð voru eyðublöð
og rannsóknin kynnt á stærstu
sjúkrahúsum og heilsugæslustöðv-
um. Einnig var notaður fjarfunda-
búnaður við kynninguna.
Lyfjaeitranir algengar
Fyrstu niðurstöður eru þær að
fyrstu sex mánuði rannsóknarinn-
ar var skráð 531 eitrun. Þar af
voru lyfjaeitranir 234, eitranir
vegna annarra efna en lyfja 208 og
blandaðar eitranir 98. Í 56 tilvikum
voru eitranir hjá sex ára börnum
og yngri. Sjálfsvíg eða sjálfsvígstil-
raunir voru 189, óhöpp voru til-
greind sem ástæða eitrunar í 132
tilvikum, í 110 tilvikum var um
misnotkun að ræða og vinnuslys
53. Í útdrættinum kemur fram að
frumniðurstöður bendi til þess að
fjöldi eitrana hérlendis sé sam-
bærilegur við fjölda umferðarslysa
þar sem slys verða á fólki.
Sjálfsvíg
eru algeng-
asta ástæða
eitrana
KAMFÝLÓBAKTER hefur fundist
í nokkrum kjúklingabúum að undan-
förnu eftir sex mánaða hlé. Jarle
Reiersen, dýralæknir alifuglasjúk-
dóma hjá embætti yfirdýralæknis,
segir að fyrsta greiningin hafi verið
gerð í sláturhópum um miðjan apríl
og síðan hafi nokkur tilfelli bæst við
nú í maí.
Jarle segir að embættið hafi náð
að finna flest tilvikin í eldi og að þeir
kjúklingar hafi þegar verið frystir.
Hann treystir sér ekki til að leggja
mat á fjölda sýktra fugla að svo
komnu máli, ný tilfelli greinist í sí-
fellu og því sé tæmandi yfirlit yfir
sýkta hópa ótímabært. Sýkingarnar
komu upp á svipuðum tíma víðs veg-
ar um land og segir Jarle að koma
farfugla hafi verið nefnd sem hugs-
anleg orsök. „Þetta er algerlega
órannsakað og í raun um hreinar
getgátur að ræða, en mönnum hefur
dottið í hug að starar og spörfuglar
hafi leitað í hlýjuna í loftræstikerfum
kjúklingabúa í kuldunum að undan-
förnu og smit þannig borist í
fuglana,“ segir hann.
Ekkert kamfýlóbakter-smit hefur
fundist síðastliðið hálft ár, sem fyrr
greinir, og segir Jarle að viðlíka ár-
angur hafi hvergi náðst í heiminum í
kjúklingarækt. „Erlendir vísinda-
menn eru mjög uppteknir af þessum
árangri og öllum er umhugað um að
finna út úr því hver skýringin er.
Menn spyrja hvað það er sem er að
breytast. Meðhöndlun í kjúklingabú-
um er nú alls staðar eins, í samræmi
við leiðbeinandi vinnureglur sem
koma eiga í veg fyrir kamfýlóbakter-
mengun. Samvinna framleiðenda og
embættisins við bændur er einstök,
eins og árangurinn sem náðst hefur
bendir klárlega til,“ segir hann.
Vilja flytja kjúklinga
inn frá Svíþjóð
Skortur hefur verið á kjúklingum í
verslunum undanfarna mánuði og
segir Guðmundur Marteinsson,
framkvæmdastjóri Bónuss, áhuga
fyrir því hjá forsvarsmönnum fyrir-
tækisins að flytja inn kjúklinga frá
Svíþjóð meðan skortur er. Búið er að
útvega tilskilin gögn og pappíra að
hans sögn, en ekki búið að sækja um
leyfi hjá landbúnaðarráðuneytinu.
Kveðst Guðmundur telja eðlilegt að
gjöld af fyrirhuguðum innflutningi
verði felld niður á meðan innlend
framleiðsla annar ekki eftirspurn.
Kamfýlóbakter-sýk-
ingar í kjúklingabúum
Skortur frameftir sumri/27
STJÓRN Pharmaco hf. samþykkti í
gær að ganga að kauptilboði Hregg-
viðs Jónssonar, fyrrv. forstjóra
Norðurljósa, á 80% eignarhlut í
Pharmaco Ísland ehf. Hreggviður
verður forstjóri Pharmaco Íslands
og er í forsvari fyrir hópi fjárfesta
sem verið er að koma saman.
Kaupverð er ekki gefið upp en við-
skiptin hafa jákvæð áhrif um þrjá
milljarða á efnahagsreikning
Pharmaco hf. en gera má ráð fyrir að
kaupverðið sé nokkuð lægra. Millj-
arðarnir þrír eru annarsvegar inn-
borgaðar greiðslur en hins vegar
lækkun á skuldum.
Pharmaco Ísland ehf. mun yfir-
taka alla innlenda starfsemi
Pharmaco hf. Með þessari sölu verð-
ur sú stefnubreyting á starfsemi
Pharmaco hf. að félagið mun einbeita
sér algjörlega að starfsemi á erlend-
um vettvangi auk þess sem það hætt-
ir heildsölu. Að sögn Sindra Sindra-
sonar, framkvæmdastjóra Pharmaco
hf., gerir salan fyrirtækinu kleift að
færa út kvíarnar í Evrópu og eru
þreifingar þar að lútandi í gangi.
Eitt af skilyrðunum sem kaupand-
inn setti fyrir viðskiptunum var að
megnið af starfsfólkinu og stjórn-
endum starfi áfram hjá fyrirtækinu.
Engar breytingar eru fyrirhugaðar á
starfsemi fyrirtækisins, að öðru leyti
en því að nafni þess verður breytt
síðar á árinu.
Kaupir 80% í
Pharmaco Ísland
Sala á/20
LÖGREGLAN á Hólmavík stöðv-
aði 35 ökumenn fyrir of hraðan
akstur á Holtavörðuheiði í gær.
Að sögn Hannesar Leifssonar
varðstjóra var umferðin þétt og
mikið um framúrakstur.
Sá sem greiðast ók mældist á
132 kílómetra hraða og má hann
búast við að þurfa að greiða 16.000
krónur í sekt. Lögreglan á Hólma-
vík hefur lagt aukna áherslu á um-
ferðareftirlit á Holtavörðuheiði í
kjölfar alvarlegara slysa. Brýnir
lögregla fyrir ökumönnum að aka
varlega og halda sig á löglegum
hraða.
35 teknir fyrir of hraðan
akstur á Holtavörðuheiði