Morgunblaðið - 18.05.2002, Blaðsíða 12
HÖFUÐBORGARSAMTÖKIN eru
nýr listi í framboði til borgarstjórn-
arkosninga. Í stefnuskrá samtakanna
segir að mest áhersla sé lögð á nýja
borgarstefnu til
mótvægis við rík-
isrekna byggða-
stefnu, virkt lýð-
ræði í stjórn
borgarinnar,
skipulagsmál, fjármál og fjárreiður.
Guðjón Erlendsson arkitekt, sem
skipar fyrsta sæti á lista Höfuðborg-
arsamtakanna, segir eitt af mikilvæg-
ustu stefnumálum listans að þétta
byggð vestan Elliðaá. Hann segir að
af nógu landrými sé að taka sem nægi
til að hýsa alla framtíðaruppbyggingu
og fólksfjölgun í Reykjavík næstu 20
árin.
„Svæði sem við erum að tala um er
fyrst og fremst Vatnsmýrarsvæðið,
svæði við Reykjavíkurhöfn, Örfirisey
og á uppfyllingum við Sæbraut,
Hólma og Akurey.“
Guðjón bendir á nauðsyn þess að
viðhalda gömlu húsnæði í miðborg-
inni sem allt lúti sömu markmiðum;
að þétta miðborgarbyggð. Með því
móti sé hægt að koma í
veg fyrir gliðnun borg-
arinnar sem geri
Reykjavík stöðugt erf-
iðara að standast sam-
keppni við erlendar
borgir um vinnuafl og
fyrirtæki.
„Við erum ekki að
segja að það eigi að
hætta að byggja í út-
hverfunum heldur að
menn verði fyrst að ein-
beita sér að hinu.“
Hann bendir á að
Höfuðborgarsamtökin
vilji að Reykjavíkur-
flugvöllur verði látinn
víkja í áföngum til ársins 2010.
Guðjón segir það eindreginn vilja
samtakanna að eyða biðlistum eftir
hvers konar þjónustu sem borgin
veitir og að borgin aðstoði foreldra
við að tileinka sér mismunandi upp-
eldisaðferðir í barnauppeldi.
Guðjón segir að greina þurfi betur
á milli reksturs borgarsjóðs og rekst-
urs fyrirtækja í eigu borgarinnar.
„Við erum aftur á móti algjörlega á
móti því að þjónustu-
kerfi borgarinnar;
lagnakerfi, rafmagns-
kerfi, og svo framvegis,
sé einkavætt. Hins veg-
ar er ekkert til fyrir-
stöðu að einkavæða
þjónustuna sjálfa.“
Hann segir að á
stefnuskrá listans sé að
koma á fót hverfaráð-
um víðsvegar um borg-
ina með lýðræðislega
kjörinni stjórn sem íbú-
ar hverfanna kjósi sjálf-
ir.
Hverfaráð hefðu eig-
in fjárráð og myndu
stjórna hvernig hverfin þróast hvert
fyrir sig. Einnig berjist samtökin fyr-
ir því að hafið verði átak til samein-
ingar sveitarfélaganna á höfuðborg-
arsvæðinu.
„Við teljum að hin framboðin séu
með nákvæmlega sömu stefnuna. Við
erum að bjóða borgarbúum nýja sýn
og valkost varðandi hvernig þeir vilja
að borgin þróist í framtíðinni,“ segir
Guðjón Erlendsson.
Þétting byggðar
grundvallaratriðið
Guðjón Erlendsson
FRÉTTIR
12 LAUGARDAGUR 18. MAÍ 2002 MORGUNBLAÐIÐ
FRJÁLSLYNDIR og
óháðir bjóða fram lista
til borgarstjórnarkosn-
inga í fyrsta sinn, undir
forystu Ólafs F. Magn-
ússonar, heimilislækn-
is og borgarfulltrúa.
„F-listinn hefur aðr-
ar áherslur og aðra for-
gangsröðun en R- og
D-listi, einkum varð-
andi velferðarmál, ör-
yggis- og umhverfis-
mál,“ segir Ólafur F.
Magnússon.
Ólafur bendir á að
hann hafi í gegnum tólf
ára veru sína í borgar-
stjórn flutt fjölda til-
lagna er varða lægri þjónustugjöld á
börn, unglinga, öryrkja og aldraða.
Þær hugmyndir birtist í stefnuskrá
Frjálslyndra og óháðra.
„Við leggjum mikla áherslu á hús-
næðismálin, bæði með fjölgun leigu-
húsnæðis fyrir efnaminna fólk og að
reist verði meira af hentugu húsnæði
fyrir aldraða og öryrkja, sem í dag er
alltof dýrt. Við viljum líka gera átak í
ferli- og aðgengismálum fatlaðra.“
Ólafur segir brýnt að rjúfa ein-
angrun þessara hópa og einnig út-
lendinga.
F-listinn vill draga úr mengun í
borginni, meðal annars
með eflingu almennings-
samgangna og hreinsun
strandlengjunnar, og
leggur jafnframt
áherslu á að gera útivist-
arsvæðin aðgengileg
fyrir borgarbúa.
Ólafur segir F-lista
styðja virkjunarfram-
kvæmdir á Hellisheiði.
Þar sé um tiltölulega litl-
ar og hagkvæmar virkj-
anir að ræða.
Hann segir brýnt að
flýta uppbyggingu stofn-
brautakerfis í borginni,
einkum við „hin löngu
tímabæru“ gatnamót
Kringlumýrarbrautar og Miklubraut-
ar. Þá kveðst Ólafur hafa beitt sér
mjög fyrir fjölgun göngubrúa yfir
umferðaræðar, m.a. yfir Miklubraut
til móts við Framheimilið.
„Ég hef alla mína tíð í borgarstjórn
talað mjög ákveðið fyrir sameiningu
sveitarfélaga á höfuðborgarsvæðinu.
Það tel ég vera forsendu fyrir því að
stofnbrautakerfið, íbúðaog athafna-
svæði, útivistarsvæði og annað sé
skynsamlega skipulagt.“
Hann segist sjá fyrir sér eitt sterkt
sveitarfélag á höfuðborgarsvæðinu
með virku íbúalýðræði.
Að sögn Ólafs ætlar F-listi að beita
sér fyrir þéttingu byggðar í Reykja-
vík og að þekkingarþorp rísi milli Há-
skólans og Landspítala – háskóla-
sjúkrahúss. Þá vill F-listi að hugað
verði að uppbyggingu verslunarhús-
næðis í miðborginni en jafnframt að
gætt verði að varðveislu menningar-
minja og merkustu bygginga borgar-
innar. Ólafur segir brýnt að viðhalda
hafnsækinni starfsemi við gömlu
höfnina. Hann kveðst hlynntur vík-
inga- og sjóminjasafni á hafnarsvæð-
inu og uppbyggingu á slippsvæðinu.
Mikill stuðningur sé einnig við íbúð-
arbyggð í Geldinganesi, byggð með-
fram ströndinni og flýtingu Sunda-
brautar og vegtengingar upp á
Kjalarnes.
Ólafur segir F-listann vera ein-
dregið á móti hugmyndum Sjálfstæð-
isflokksins um einkavæðingu Orku-
veitu Reykjavíkur en á sama hátt
þurfi að stöðva „óráðsíu R- listans
með fjármuni Orkuveitunnar“. Þá
peninga eigi að nota í þágu borgarbúa
en ekki „pólitísk gæluverkefni“ á
borð við Línu.net.
„Við viljum að Orkuveitan sé fyrst
og fremst góð mjólkurkýr borgarbúa
sem tryggi þeim góðan aðgang að
ódýrri orku og vatni og styrki að öðru
leyti fjárhag borgarinnar,“ segir Ólaf-
ur F. Magnússon.
Megináhersla
á velferðarmál
Ólafur F.
Magnússon
VINSTRI hægri snú,
skammstafað VHS, bjóða
fram til borgarstjórnar-
kosninga í fyrsta sinn. Í
stefnuskrá samtakanna
segir meðal annars: „VHS
vill byggja upp einstak-
linga þannig að þeir hafi
með sér gott veganesti út í
lífið með öflugu skólakerfi
og forvörnum.“
Enn fremur segir þar:
„Aldraðir, nýbúar, kon-
ur og börn eru líka fólk
með vonir og drauma. Því
þarf að hlúa vel að þessum
hópum og fullnægja
þeirra þörfum með öllum
tiltækum ráðum.“
Snorri Ásmundsson myndlistar-
maður skipar fyrsta sæti listans.
„Það er ekkert grín á bak við þetta.
Hins vegar þarf að vera gaman að líf-
inu. Stjórnmál eru ofsalega leiðinleg
og það þarf að setja þau á hærra plan
og gera þau skemmtilegri.“
Listi VHS er skipaður átján karl-
mönnum og segir Snorri það tilviljun
að listinn hafi raðast þannig niður.
Þær konur sem hann hafi rætt við
hafi ekki sóst eftir að vera á listanum.
„Allir sem eru á listanum eru óvan-
ir stjórnmálum og hafa hingað til ekki
haft mikinn áhuga á þeim. Það er
kannski einmitt það sem stjórnmálin
þurfa,“ segir Snorri.
„Helsta stefnumál
VHS er að Reykvík-
ingum líði vel og við
svífumst einskis til að
það geti orðið. Hing-
að til hefur fólk í kap-
ítalísku þjóðfélagi
verið ginnkeypt fyrir
peningum og öðru
sem að þeim snýr.
Reykjavík hefur hins
vegar upp á miklu
meira að bjóða og á
góða möguleika á að
fá viðurnefnið Eden
norðursins,“ segir
Snorri Ásmundsson.
Í stefnuskrá
flokksins segir að „VHS [bjóði] sátt
við gömlu öflin með nýjum og stór-
huga áætlunum sem framkvæmdar
verði með góðum hug og glæsibrag.“
Þá vill VHS „gera Reykjavík að
mennskri menningarlegri heimsborg
sem ferðamenn alls staðar frá sækj-
ast eftir að heimsækja“.
Enn fremur segir í stefnuskránni:
„VHS hefur kynnt sér stefnuskrá
R-listans og D-listans og er sammála í
meginatriðum flestu sem þar kemur
fram. VHS treystir sér til að starfa
með hvorum fyrir sig eða báðum í
nýrri borgarstjórn ef flokkurinn nær
ekki hreinum meirihluta.“
Vilja að
Reykvíkingum
líði vel
Snorri
Ásmundsson
Húmanistaflokkurinn
býður fram til borgar-
stjórnarkosninga í ann-
að sinn undir sama
nafni. Samtökin, sem
hétu áður Flokkur
mannsins, hafa starfað
með formlegum hætti
frá árinu 1984 og tekið
þátt bæði í Alþingis- og
forsetakosningum auk
sveitarstjórnarkosn-
inga. Methúsalem Þór-
isson ráðgjafi skipar
fyrsta sæti listans.
„Ástæða þess að fólk
ætti að kjósa Húman-
istaflokkinn en ekki hina
flokkana er sú að við
höfum köllun. Kjörorð okkar er að
lengja lífið og sigra dauðann. Til að
gera þetta þarf að sigrast á ofbeldinu
á þremur sviðum. Á persónulegu
sviði, þ.e. gagnvart sjálfum sér, í
öðru lagi að láta af ofbeldi gagnvart
öðrum og í þriðja lagi að aflétta hinu
félagslega ofbeldi sem er það sem við
erum að fást við í þessum kosning-
um,“ segir Methúsalem Þórisson.
Methúsalem segir samtökin
leggja áherslu á að útlendingar njóti
fullra mannréttinda í íslensku sam-
félagi og að opnaðar verði leiðir fyrir
þá til fullrar þátttöku í því, meðal
annars með ókeypis íslensku-
kennslu.
„Við leggjum líka mikla áherslu á
heilbrigði og menntun. Við teljum að
borgin verði að taka ábyrgð á því að
allir fái notið fullrar heilbrigðisþjón-
ustu og menntunar án allrar mis-
mununar. Það ættu ekki að vera nein
skólagjöld. Þeir skólar sem hins veg-
ar taka upp skólagjöld
ættu ekki að fá opin-
bert fé til síns rekstr-
ar.“
Methúsalem segir
eitt helsta kosninga-
mál flokksins vera að
almenningur fái að-
gang að mótun fjár-
hagsáætlunar.
„Á hverju ári er út-
deilt ákveðnum fjár-
munum á vegum borg-
arinnar. Þessu útdeilir
nú borgarstjóri ásamt
nokkrum embættis-
mönnum. Borgar-
stjóri er að fá umboð
til að útdeila fjármun-
unum burtséð frá því hvað almenn-
ingur vill. Við viljum að almenningur
komi að því að útdeila þessum pen-
ingum, bæði hvað varðar forgangs-
röðun og hafa hönd í bagga með út-
hlutuninni.“
Methúsalem
segir að vera
kunni að þetta
fyrirkomulag
hafi ekki verið
aðgengilegt áður. Nú sé hins vegar
hægt að upplýsa fólk á mun auðveld-
ari hátt. Það muni verða til þess að
minnka hættu á spillingu innan
borgarkerfisins þegar unnið sé að
fjárhagsáætlun fyrir opnum tjöld-
um.
„Menn hafa talað mikið um íbúa-
lýðræði en ekki skilgreint hvað þetta
lýðræði á að fela í sér. Fyrir okkur
snýst lýðræðið um að fólk hafi að-
gang að því að útdeila fjármunun-
um,“ segir Methúsalem Þórisson.
Að lengja
lífið og sigra
dauðann
Methúsalem
Þórisson
25.maí2002
Borgarstjórnarkosningar
Oddvitar fjögurra framboða í Reykjavík lýsa stefnumiðum lista sinna
Morgunblaðið/Golli