Morgunblaðið - 31.10.1999, Qupperneq 37

MORGUNBLAÐIÐ
MINNINGAR
SUNNUDAGUR 31. OKTÓBER 1999 37
---------------------------*
ist snemma á námsferli sínum eftir-
lifandi eiginkonu sinni, Nönnu Lind,
ættaðri frá Akureyri. Hjónaband
þeiiTa var með miklum ágætum og
þau áttu barnaláni að fagna. Það var
alltaf gaman að fá þau í heimsókn
eða fara til þeirra, ekki síst eftir að
þau íluttu í einbýlishús sitt á Alfta-
nesi en þar nutu þau sín vel. Siggi og
Nanna höfðu lag á að láta gestum
sínum líða vel og andrúmsloftið á
heimili þeirra vai' afslappað.
Siggi var meðalmaður á hæð og
fríður ásýndum. Hann bar af öðrum í
líkamlegu sem andlegu atgervi. Per-
sónugerð hans var yfirveguð og
skapi skipti hann ekki svo heitið
gæti. Hann var skarpgreindur og
ákaflega vel lesinn. Einskorðaðist
áhugi hans ekki við tiltekin viðfangs-
efni öðrum fremur heldm' bai' hann
niður í alls kyns fræðiritum, skáld-
sögum og fornsögum. I þessu efni
hefur skipt máli uppeldi á stóru og
miklu menningarheimili úti á landi
og dvöl hans á heimili móðurbróður í
Reykjavík á menntaskólaárunum.
Rætumar mótuðu einnig sterka en
öfgalausa pólitíska vitund hans sem
fram kom í afstöðu hans til lands-
mála jafnt sem heimsmála. Siggi
hafði ríka kímnigáfu og ber tölvu-
póstur frá honum auk sendibréfa frá
Svíþjóð því glöggt vitni.
Fráfall Sigga ristir djúpt skarð en
minningin um hann mun lifa. Mestur
er missir Nönnu, Sifjar og Ara, og
móður hans Kristínar en aðrir ætt-
ingjar og vinir eiga líka um sárt að
binda. Elsku Nanna, Sif, Ari og
Kristín. Megi guð styrkja ykkur á
þessum erfíðu tímum.
Blessuð sé minning Sigurðar
Rögnvaldssonai'.
Halldór og Anna Dóra.
Aldrei hefur mér brugðið eins og
þegar ég frétti af andláti besta vinar
míns og fóstbróður, enda ekki hægt
að ímynda sér neitt það sem varpað
gæti ljósi á svo skelfilegan atburð.
Hvemig eigum við hinir sem eftir lif-
um að lifa áfram án hans? Slíkt verð-
ur vinum hans erfítt þar sem fáir
einstaklingar hafa haft svo djúpstæð
áhrif á samferðafólk sitt og hann
hafði. Ekki hlaut hann lýðhylli með
því að trana sér fram, heldur laðaðist
fólk að honum vegna gáfna hans,
réttlætiskenndar og einstaks skop-
skyns.
Þótt auðveit væri að telja fram
mýmörg dæmi um hnyttni í tilsvör-
um og einstaka samræðugáfu, þar
sem víðfeðm kunnátta hans naut sín
í hvívetna, þá minnist ég samt helst
þess hve gott var bara að vera ná-
lægt honum, án þess að segja neitt.
Eg vildi að ég gæti sagt allt sem
ég þyrfti að segja um vin minn, en
mér er það einfaldlega um megn.
Hvað gæti ég svo sem sagt sem ein-
hverju skipti um þann sem skipti
mig mestu; það yrði hjóm eitt. Eg
myndi gefa allt sem ég ætti til að
þurfa ekki að kveðja vin minn með
þessum hætti, en kveðja hann verð
ég-
Kristín, Finnbogi og önnur systk-
ini, Nanna, Svanhvít Sif og Ari, ég
votta ykkur alla mína samúð á þess-
um hræðilega tíma og vona bara að
við getum öll fundið leiðina út í lífið
að nýju.
Sigvaldi Thordarson.
Sigurður Rögnvaldsson var starfs-
maður minn á Jarðeðlissviði Veður-
stofu íslands. Þegar hann lét lífið í
hörmulegu slysi voru við Sigurður að
undirbúa mælingar vegna mikils al-
þjóðlegs rannsóknarverkefnis á sviði
jarðskjálftafræði. Markmið verkefn-
isins er að þróa aðferðir til að draga
úr hættu af völdum jarðskjálfta og
segja fyrir um þá. Húsavíkur-Flat-
eyjarsprungan, svokölluð, er við-
fangsefni rannsóknarinnar, og Sig-
urður átti að stjórna íslenska hlutan-
um.'
Það hafði nýlega verið staðfest að
fjármagn fengist erlendis frá til að
byrja þessar rannsóknir og okkur
fannst mikilvægt að geta undirbúið
nauðsynlegar mælingar áður en vet-
ur gengi í garð með fullum þunga.
Ég fór með Sigurði til að miðla af
reynslu minni við val mælipunkta og
til að koma honum í tengsl við sam-
starfsaðila í verkefninu.
Mánudaginn 25. október fói-um við
Sigurður á fund bæjarráðs Húsavík-
ur til að útlista fyrir þeim verkefnið
og framkvæmd þess og fá ráðlegg-
ingar. Við fóium um hæðirnar fyrir
ofan bæinn Héðinshöfða með bónd-
anum þar til að velja mælistað, og
lögðum á ráðin um aðra mælistaði, í
Flatey og á Flateyjardal.
Við héldum svo til Akureyrar þeg-
ar fór að kvölda, ánægðir með árang-
ur dagsins, og vorum að ræða um
framtíðina, sem virtist svo björt,
þegar slysið varð.
A sínu sviði rannsókna var Sigurð-
ur einn fremsti vísindamaðm- heims.
Hans sérfræðisvið var að lesa upp-
lýsingar um innra ástand í jarð-
skorpunni úr agnarlitlum jarðskjálf-
um sem berast nokkurn veginn
stöðugt upp á yfii'borðið og hægt er
að mæla ef tækni er til þess. Asamt
samstarfsmönnum þróaði Sigurður
aðferðir til svokallaðrar fjölvinnslu
smáskjálfta. Meðal þess mikilvæg-
asta sem Sigurður hafði fengið út úr
þessu vai- kortlagning á virkum
sprunguflötum niðri í jarðskorpunni
og færslum umhverfis þær. Slík
kortlagning er hinn mikilvægasti
grunnur þess að geta áttað sig á því
hvar og hvernig stærri skjálftar séu
hugsanlega að brjótast út.
Sigurður var einstakur vinnufé-
lagi, alltaf reiðubúinn til að aðstoða
aðra, ekki aðeins við verkefni vinn-
unnar heldur líka í því sem á bjátaði
persónulega. Þessi einstaka sam-
staða hans var afar mikilvæg fyrir
okkur öll á jarðeðlissviði. Við erum
lítill hópur sem vinnum öll afar náið
saman að eftirliti, rannsóknum og
þróun sem miðar að því að draga úr
hættu sem stafað getur af jarð-
skjálftum og eldgosum. Við erum
baráttuhópur og náið samstarf er
það sem við teljum mikilvægast til
árangurs, og vináttan er mikil og
mikilvæg. Samstaða Sigurðar,
skipulagshæfni og fagleg hæfni var
okkur svo mikils virði að það er
erfitt að ímynda sér að það verði
nokkurn tíma bætt að hafa misst
hann.
Sigurður var vinur okkar allra á
Veðurstofunni og verður alltaf í hug:
um okkai' sem yndislegur maður. í
rannsóknum og eftirliti munum við
nýta þær aðferðir sem hann hafði
þróað og hans góðu ráð um skipu-
lagningu starfsins.
Ragnar Stefánsson.
Þegar Sigurður Th. Rögnvaldsson
fórst í höi-mulegu bílslysi var stórt
skarð höggvið í starfsmannahópinn
á Jarðeðlissviði Veðurstofu Islands.
Við sem eftir lifum erum agndofa og
sjáum ekki að það verði fyllt. Sig-
urður var ekki einungis afburða vís-
indamaður, heldur var hann einnig
góður vinnufélagi, hjálpfús og lipur.
Sigurður hóf fast starf á Veður-
stofunni sumarið 1995, en áður hafði
hann í námi sínu unnið að þróun
jarðskjálftamælakerfis Veðurstof-
unnar. Hann hóf framhaldsnám við
Uppsalaháskóla á þeim tíma þegar
byrjað var á að setja upp nýtt sjálf-
virkt jarðskjálftamælanet á íslandi,
en hönnun kerfisins fór að miklu
leyti fram í Uppsölum. I doktors-
verkefni sínu rannsakaði hann
hvernig nýta mætti kerfið til að
skoða jarðskorpuna, m.a. duldar
sprungur, með meiri nákvæmni en
áður hafði þekkst. Jafnframt vann
hann að þróun kerfisins.
Eftir að Sigurður kom heim og
hóf störf á Veðurstofunni hélt hann
áfram því verki sem hann hafði unn-
ið að í Svíþjóð. Hann var lykilmaður
í að bæta og þróa jarðskjálftakerfið
og þegar hann féll frá var hann að
vinna að nýjung sem ætlað var að
gera alla skjálftaúrvinnslu fljótvirk-
ari og öruggari.
Sigurður vann margvísleg rann-
sóknarstörf bæði í samvinnu við inn-
lenda og erlenda vísindamenn og
var eftirsóttur samstarfsaðili. Nú
síðast varð hann umsjónarmaður og
verkefnisstjóri fyrir verkefni sem
Evrópusambandið styrkir. Þar var
ætlunin að þróa aðferðir og setja
upp mælakerfi til að fylgjast með
spennubreytingum í jarðskorpunni í
nágrenni við Flateyjar-Húsavíkur-
misgengið. Að þessu verkefni hugð-
ist hann vinna í samvinnu við há-
skóla og vísindastofnanir í
Skotlandi, Svíþjóð, Noregi, Frakk-
landi og á Islandi.
Af þessari upptalningu, sem er
langt frá því að vera tæmandi, er
ljóst að með Sigurði er genginn
snjall og afkastamikill vísindamaðui’.
Sigurður var sérlega þægilegur og
skemmtilegur vinnufélagi sem gott
var að umgangast og leita til. Hann
var fljótur að leysa viðfangsefni. En
hann var einnig bæði metnaðarfullur
og kröfuharður og þoldi illa hálfkák
og fúsk. Öll lærðum við mikið af hon-
um.
Við sendum Nönnu og börnunum
innilegustu samúðarkveðjur með von
um bjai'ta framtíð þrátt fyrir þessa
hörmulegu lífsreynslu. Eftir lifir
minning um góðan dreng sem skilaði
miklu verki á skammri ævi.
Samstarfsfólk á Jarðeðlissviði
Veðurstofu íslands.
Siguður Th. Rögnvaldsson jarð-
skjálftafræðingur lauk BS námi frá
Háskóla íslands rið 1987 og fjórða-
ársverkefni þaðan 1988. Sigurður
stundaði framhaldsnám í jarð-
skjálftafræði við Háskólann í Upp-
sölum og lauk Ph.D. gráðu þar 1994.
Samhliða námi starfaði Sigurður á
Orkustofnun og síðar á Veðurstofu
íslands en verkefni hans við
Uppsalaháskóla voru mjög tengd
þeim starfsemi sem fram fór á jarð-
eðlissviði Veðurstofunnar. Að námi
loknu starfaði hann eitt ár á Nor-
rænu Eldfjallarannsóknarstöðinni
en frá 1995 á jarðeðlissviði Veður-
stofu Islands. Auk almennrar þjón-
ustu og eftirlits vai' starf Sigurðar á
Veðurstofunni einkum tengt þróun á
hugbúnaði við sjálfvirka staðsetn-
ingu jarðskjálfta, brotlausnir jarð-
skjálfta, nákvæma afstæða staðsetn-
ingu jarðskjálfta og kortlagningu á
virkum misgengjum. Er óhætt að
fullyrða að í þessu efni hafi hann
unnið merkilegt brautryðjendastarf.
Þessar aðferðir veita okkur upplýs-
ingar um hreyfingar í jarðskorpunni
og hugsanlegar breytingar á
spennuástandi hennar. En þær eru
ekki síður hagnýtar og hafa þegar
sannað gildi sitt við jarðhitaleit. Sig-
urður var virkur þátttakandi í ýms-
um samvinnverkefnum, bæði inn-
lendum og erlendum. Síðastliðið
sumai' veitti Evrópuráðið styrk í
verkefni til að kanna aðstæður og
breytingar við svokallað Húsavíkur-
Flateyjarmisgengi. Sigurður var
umsjónarmaður stórs hluta þessa
verkefnis og leit björtum augum
fram á veginn og hlakkaði til að
takast á við þetta viðfangsefni.
Það var mikill fengur fyrir okkur
að fá Sigurð til starfa hér heima.
Stjórn Jarðfræðafélagsins vill fyrir
hönd félagsins þakka Sigurði fyrir
ánægjulega samfylgd og gott lífs-
starf. Við vottum fjölskyldu Sigurðar
okkar dýpstu samúð á erfiðri stund.
Stjórn Jarðfræðafélags Islands.
• Fleirí minningnrgrcinar um
Sigurð Thoríacius Rögnvaldsson
bíða birtingar og munu birtast í
blaðinu næstu daga.
Persónuleg,
alhliða útfararþjónusta.
Sverrir Olsen, Sverrir Einarsson,
útfararstjóri útfararstjóri
Útfararstofa íslands
Suðurhlið 35 ♦ Sími 581 3300
Allan sólarhringinn. www.utfararstofa.ehf.is/
+
Ástkær eiginmaður minn, faðir okkar, sonur, bróðir og mágur,
SIGURÐUR THORLACIUS RÖGNVALDSSON,
sem lést af slysförum mánudaginn 25. október verður jarðsunginn frá
Vídalínskirkju í Garðabæ mánudaginn 1. nóvember kl. 13:30.
Nanna Lind Svavarsdóttir,
Svanhvít Sif Sigurðardóttir,
Ari Thorlacius Sigurðsson,
Kristín R. Thorlacius,
Hiidur Rögnvaldsdóttir,
Þrándur Rögnvaldsson,
Áslaug Th. Rögnvaldsdóttir,
Ingibjörg Rögnvaldsdóttir,
Ragnhildur Rögnvaldsdóttir,
Finnbogi Rögnvaldsson,
Örnólfur Einar Rögnvaldsson,
Ólafur Rögnvaldsson.
Páll Benediktsson,
Sigríður Þórarinsdóttir,
Sven Aschberg,
Árni Þór Vésteinsson,
Markús Gunnarsson,
Sæbjörg Kristmannsdóttir,
Magnea Þóra Einarsdóttir,
Elskuleg móðir okkar, tengdamóðir, amma og
langamma,
INGUNN JÓNASDÓTTIR,
Ljósheimum 6,
lést á hjúkrunarheimilinu Sólvangi Hafnarfirði
föstudaginn 29. október.
Hákon Magnússon,
Gunnhildur Magnúsdóttir,
Kristín Magnúsdóttir,
Arndís Magnúsdóttir,
Margrét Ó. Magnúsdóttir,
Jón Ólafur Bjarnason,
barnabörn og
María Anna Lund,
Gunnar Geirmundsson,
Sigurður Guðmundsson,
Björgvin Haraldsson,
Ólafur Thorarensen,
Sæunn Guðmundsdóttir,
Þorgerður M. Gísladóttir,
barnabarnabörn.
Ástkær eiginkona mín, móðir okkar, tengda-
móðir, amma og langamma,
SIGRÍÐUR ÁSGEIRSDÓTTIR,
Vesturgötu 59,
Reykjavík,
lést á heimili sínu miðvikudaginn 20. október.
Útförin hefur farið fram í kyrrþey.
Þökkum samúðarkveðjur.
Jóhann Eyjólfsson,
Ásgeir Jóhannsson,
Eyjólfur Jóhannsson,
Áslaug Jóhannsdóttir, Sævar Þór Sigurðsson,
Ingibjörg Jóhannsdóttir, Thor Ólafur Hallgrímsson,
barnabörn og barnabarnabörn.
+
Ástkær eiginmaður minn, faðir okkar, sonur og
bróðir,
JÚLÍUS SIGURÐSSON,
Hvassabergi 14,
Hafnarfirði,
verður jarðsunginn frá Háteigskirkju þriðju-
daginn 2. nóvember kl. 13.30.
Þeim sem vildu minnast hans er bent á
MND félagið,
Lilja Jónsdóttir,
Elísabet Guðbjörnsdóttir, Sigríður Gísladóttir,
Ingi Rafnar Júlíusson, Brynhildur Sigurðardóttir,
Jón Páll Júlíusson, Gísli Sigurðsson.
+
Elskuleg móðir okkar, tengdamóðir, amma og
langamma,
VIGDÍS HANSEN,
verður jarösungin frá Fossvogskirkju miðviku-
daginn 3. nóvember kl. 15.00.
Þeim sem vildu minnast hennar er bent á
Samtök sykursjúkra.
Valdemar Hansen, Erna A. Hansen,
Dóra Hansen, Jón Kristjánsson,
Hilda Hansen, Jóhannes Fossdal,
barnabörn og barnabarnabörn.