Morgunblaðið - 23.09.1989, Blaðsíða 25
MORGUNBLApiÐ LAUGARDAGUR 23. SEPTEMBER 1989
25
Vilhjálmur Einarsson
Vilhjálmur
Einarsson
sýnir í Eden
Egilsstöðum
VILHJÁLMUR Einarsson skóla-
meistari á Egilsstöðum sýnir nú
38 myndir málaðar með óvenju-
legri tækni í Eden í Hveraeerði.
Myndirnar sem Vilhjálmur sýnir
að þessu sinni eru málaðar á svart-
an grunn með acryl/gouasch og
vatnslitum. Myndefnið er einkum
sótt í austfirskt landslag og eru
myndirnar allar málaðar á þessu
ári.
Vilhjálmur Einarsson fæddist á
Reyðarfirði 1934. Hann stundaði
nám í Dorthmouth College í Banda-
ríkjunum og lauk þaðan BA-prófi
í listum og byggingarlist. Undan-
farin 10 ár hefur Vilhjálmur verið
skólameistari Menntaskólans á
Egilsstöðum.
Sýning Vilhjálms er sölusýning
og stendur fram til 1. október.
Björn
Tónleikar á
Akranesi
Laugardaginn 23. september
halda Laufey Sigurðardóttir
fíðluleikari og Selma Guðmunds-
dóttir tónleika í safiiaðarheimil-
inum Vinaminni.
Tónleikarnir eru á vegum tónlist-
arfélagsins á staðnum og hefjast
kl. 15.00. Á efnisskránni eru verk
eftir W.A. Mozart, A. Dvorak, L.
Janacek og ítalska tónskáldið L.
Berio.
Danshúsið:
Reynir Jónasson
leikur gömlu
dansana
REYNIR Jónason harmonikku-
lcikari hefur verið ráðinn til
Danshússins til að leika gömlu
dansana á sunnudagskvöldum.
Reynir er þekktur í tónlistarlíf-
inu, segir í frétt frá Danshúsinu.
Hann hóf tónlistarferil sinn ungur
að árum, lék meðal annars með
hljómsveit Svavars Gests.
Stuðmenn loka
hringnum
STUÐMENN ljúka tónlcikafór
sinni kringum landið með því að
leika á suðvesturhorninu nú um
helgina.
Lokahóf Stuðmanna að þessu
sinni verður síðan á Hótel Borg á
laugardagskvöld en þar hefur
hljómsveitin slegið öll aðsóknarmet
oftar en einu sinni. Aðgöngumiða-
sala hefst kl. 16 á laugardag.
Óráðið er hvort Stuðmenn koma
fram aftur á þessu ári en komið
hefur til tals að hljómsveitin leiki
á áramótatónleikum sem ráðgerðir
eru á gamlárskvöld.
(Úr fréttatilkynningu)
Dúettinn „Við“
leikur í Ölveri
í ÖLVERI hefúr verið ráðinn
dúettinn „Við“ til að leika fyrir
gesti Ölvers í kvöld, laugardags-
kvöld.
Dúettinn skipar Sigurður Haf-
steinsson sem leikur á gítar og
syngur og Mark Kr. Brinke sem
sér um bassagítarinn og syngur,
en þeir félagar hafa til dæmis leik-
ið í hljómsveitunum „í gegnum
tíðina" og „Hafrót“.
Dúettinn „Við“ leikur lög frá
hinum ýmsu tímabilum tónlistar-
innar. (Fréttatilkynning)
„Tveir á ferð“
er að ljúka
SÍÐASTA sýningarhelgi feðgin-
anna Margrétar Jónsdóttur og
Jóns Benediktssonar cr um helg-
ina. Mikil aðsókn hefur verið að
sýningunni.
Á sýningunni sýnir Margrét olíu-
málverk unnin á þessu ári, og Jón
höggmyndir í eir, einnig unnar á
þessu ári.
Sýningunni lýkur þriðjudaginn
26. september. Um helgina er sýn-
ingin opin frá 14-18 og á virkum
dögum 13-18. (Úr fréttatilk.)
Tónleikar í Skál-
holtskirkju
TÓNLEIKAR verða haldnir í
Skálholtskirkju sunnudaginn 24.
september kl. 17.00. Á tónleikun-
um mun „Ensamble L’homme
arme“ syngja „Missa Papae
Marcelli” eftir G.P. da Palestr-
ina, „Stabat Mater" eftir O. Lass-
us og „Miserere Mei“ efltir G.
Allegri.
Hópinn skipa: Marta G. Hall-
dórsdóttir,- Sverrir Guðjónsson,
Sigurður Halldórsson, Sverrir Guð-
mundsson, Helgi Bragason, Gunn-
ar Guðnason, Halldór Vilhelmsson,
Eggert Pálsson og Sigurður Þor-
bergsson.
Hópurinn dregur nafn sitt af
hinu ævafoma lagi „L’homme
arme“ eða vesæli maðurinn, sem
notað er sem aðaluppbyggingarstef
í fyrsta verki tónleikanna.
Tónleikamir verða endurteknir í
Kristskirkju þriðjudaginn 26. sept-
ember kl. 21.00.
Lokafló FEF
á haustönn
FJÓRÐI haustflóamarkaður Fé-
lags einstæðra foreldra verður í
dag, Iaugardaginn 23. septem-
ber í Skeljanesi 6 og hefst kl 2
e.h. Þar verður íjölbreytt úrval
af fatnaði á alla aldurshópa og
allar stærðir til sölu á „alda-
mótaverði”. Mikið er af hús-
gögnum og geta má að þrjár
aldurhnignar saumavélar fást
gefins.
FEF hefur fengið úrvalsfatnað
sem ekki hefur verið sóttur í efna-
laugar, fallegar lopaflíkur fyrir
veturinn, skór, myndir og bækur
og er þá aðeins fátt talið.
Allur ágóði af haustflóamörkuð-
unum rennur að venju í hússjóð,
verið er að girða í Skeljanesi og
tréverk á húsinu hefur verið tekið
í gegn. í húsi FEF á Öldugötu ell-
efu er biýnt að endurnýja teppi á
stigagöngum svo að nokkuð sé
nefnt.
Undirbúningur afmælisrits FEF
er í fullum gangi, en þann 27. nóv-
ember n.k. eru liðin 20 ár frá stofn-
un félagsins. Þess verður einnig
minnst á sérstökum hátíðaaðal-
fundi um miðjan nóvember.
Skóladagbok frá
V öku-Helgafelli
Vaka-Helgafell hefúr gefið út
Skóladagbókina.
Hver opna bókarinnar nimar
eina skólaviku. Pláss er m.a. ætlað
fyrir verkefni hvers dags auk þess
sem sérstakir dálkar eru til að skrá
ýmsa minnispunkta. Tvær stunda-
skrár em í bókinni og sérstakar
blaðsíður til að skrá leyfi og
frídaga, kennara, bekkjarfélaga og
afmælisdaga.
Á bókinni er kápa með mynd
af Mikka mús og Mínu. Bókin er
innbundin. Skóladagbókin er 92
blaðsíður. Setning og filmugerð fór
fram hjá Prenttækni, Kópavogi.
Bókin var prentuð og bundin hjá
J.H. Schultz Print A/S, Danmörku.
Búðardalur:
Góðir tónleikar
Sinfóníunnar
Búðardalur.
Sinfóníuhljómsveit íslands
hélt tónleika í Dalabúð fimnitu- -
daginn 14. september.
Tónleikarnir voru mjög
skemmtilegir, enda hefur hljóm-
sveitin á að skipa mjög færu hljóm-
listarfólki, einieikurum og ein-
söngvurum. Einsöngvarar með
hljómsveitinni þetta kvöld voru
Signý Sæmundsdóttir og Sigurður
Björnssön.
Þessi kvöldstund var í alla staði
hin ánægjulegasta og var leitt hvað
margir fóru á mis við þetta indæla
kvöld. Kristjana
Ráðstefna um
mengun sjávar
FORSÆTISNEFND Norður-
landaráðs hefúr boðað til al-
þjóðlegrar þingmannaráðstefnu
í Kaupmannahöfú 16. til 18. októ-
ber nk. um mengun sjávar. Ráð-
stefnan verður haldin í Kristj-
ánsborgarhöll.
Sautján þjóðþingum vestur- og
austurevrópskra ríkja auk Kanada
hefur verið boðið að senda fulltrúa
og hafa þau nánast öll þegið boðið.
Auk þess hefur tíu alþjóðlegum
stofnunum verið boðið að senda
áheyrnarfulltrúa. Einnig munu sér-
fræðingar um mengun sjávar sitja
ráðstefnuna.
Meginmarkmíð ráðstefnunnar er
að fá fulltrúana til að sameinast
um aðgerðir gegn frekari mengun
sjávar og fá samþykkt lokaskjal
þar að lútandi. Drög að lokaskjali
verða kynnt af Anker Jörgensen
fv. forsætisráðherra á fyrsta degi
ráðstefnunnar, og á síðasta degi
hennar verða þau borin undir at-
kvæði.
Morgunblaðið/Þorkell
Trimmklúbbur Eddu Bergmann á æfingn á Laugardalsvellinum.
Edda situr í hjólastól lengst til vinstri.
Nýr stjórnandi
Háskólakórs
NÝTT starfsár Háskólakórsins
er nú að heljast. Nýr stjórnandi,
Guðmundur Óli Gunnarsson, hef-
ur tekið við kórnum af Árna
Harðarsyni.
Háskólakórinn var stofnaður árið
1972. í upphafi stjórnaði Rut L.
Magnússon kórnum en af henni tók
Hjálmar H. Ragnarsson við og und-
anfarna sex vetur hefur Árni Harð-
arson staðið við stjórnvölinn. Há-
skólakórinn hefur komið víða við í
gegnum árin og ferðast bæði innan
lands og utan. Á síðastliðnum vetri
hélt kórinn í vel heppnaða söngferð
til Spánar en á liðnum árum hefur
leiðin legið til Skotlands, Norður-
landa, írlands, Sovétríkjanna, Hol-
lands og Italíu. Hér á landi hefur
Háskólakórinn haldið fjölmarga
tónleika. Embættisskylda kórsins
gagnvart Háskólanum er söngur
við brautskráningu stúdenta þrisvar
á ári. Aðrir fastir liðir á dagskránni
eru helgisöngur við hámessu í
Kristskirkju á jólanótt og vortón-
leikar í Langholtskirkju. Tónlist
Háskólakórsins hefur einnig verið
gefin út en síðastliðið haust komu
til dæmis út hljómdiskar með tón-
list Árna Harðarsonar við Disney-
rímur Þórarins Eldjárns.
Guðmundur Óli Gunnarso’n
stundaði tónlistarnám hérlendis um
árabil en hélt síðan til frekara náms
í Hollandi. Þar í landi hefur liann
dvalið um sjö ára skeið og lokið
prófi í hljómsveitarstjórn. Hér á
landi hefur hann stjórnað Trésmiða-
kórnum og kór Menntaskólans við
Sund.
Meðlimir Háskólakórsins hafa
jafnan verið milli 30 og 40 talsins.
Talsverð endurnýjun á sér stað á
hveiju ári og nýir félagar koma til
starfa. Þeir sem áhuga hafa á söng
með Háskólakórnum í vetur eru
boðnir velkomnir í kapellu Háskól-
ans (aðalbyggingu) þriðjudaginn
26. september kl. 20.30.
(Fréttatilkynning)
Norræn trimmlandskeppni;
Keppnin á að livetja
fólk til að hreyfa sig
„Norræna trimmlandskeppnin hefur gengið vel það sem af er. Aðild-
arfélög Iþróttasambands fatlaðra, sem eru sextán talsins, hafa alfar-
ið séð um skipulagningu keppninnar hvert á sinn hátt og hefur sam-
bandið aðeins verið leiðbeinandi. Keppninni er fyrst og fremst ætlað
að hvetja fatlað fólk til að hreyfa sig og vera með í íþróttum," sagði
Markús Einarsson, íþróttaþjálfari og starfsmaður íþróttasambands
fatlaðra.
Markús sagði að ekki væri hægt
að segja til um hver endanlegur
heildarfjöldi þátttakenda væri fyrr
en eftir að keppninni lyki. Þó væru
vonir bundnar við 800 til 1.000
manns, en rétt til þátttöku hefðu
allir fatlaðir og aldraðir einstakling-
ar á Norðurlöndum. Þetta er í
fimmta sinn sem keppnin fer fram.
Hún er haldin á 'tveggja ára fresti
og fór fyrst fram árið 1981. Keppn-
in stendur yfír í einn mánuð, frá
1.-30. september. Keppnisgreinar
eru ganga, hlaup, sund, hjólastóla-
akstur, siglingar, hjólreiðar og
hestamennska. Hvert trimm verður
að standa yfir í a.m.k. hálftíma og
fyrir það fæst eitt stig og aðeins
er hægt að fá eitt stig á dag. Þátt-
takendur fá þátttökuskírteini og við
■hvert trimm skrá þeir dagsetningu
og íþróttagrein í það.
Keppnin er þríþætt. í fyrsta lagi
er um að ræða keppni milli Norður-
landanna og sigrar það land, sem
sýnir mesta aukningu í þátttöku
milli keppna. í öðru lagi er um að
ræða innanlandskeppni og sigrar
það héraðssamband, sem hlýtur
flest stig miðað við íbúafjölda. í
þriðja lagi fer fram einstaklings-
keppni og hljóta tíu einstaklingar
sérstök verðlaun, íþróttabúninga.
Nöfn þeirra verða dregin út úr hópi
þeirra, sem trimma oftar en 20 sinn-
um í septembermánuði. Þá fá kepp-
endur árituð viðurkenningarskjöl á
keppni lokinni.
Þijú ár eru nú liðin frá því að
Edda Bergmann stofnaði trimm-
klúbb sinn og hafa félagar í honum
meðal annarra sýnt trimmland-
skeppninni mikinn áhuga. Sl.
sunnudag var haldinn ratleikur á
Miklatúni og hefur verið ákveðið
að hann skuli verða árlegur við-
burður héðan í frá á meðal fatlaðs
fólks. í klubbnum eru 42 meðlimir,
meirihlutinn blindir, og ena
trimmtímar tvisvar í viku, á mánu-
dögum og fimmtudögum kl. 18.00
á Laugardalsvelli. Eftir klukkutíma
trimm þar, fer hópurinn í sal Sjón-
stöðvarinnar við Hamrahlíð í leiR-
fimi, jóga og slökun. „Ég hóf þetta
starf með því augnamiði að fá sem
flesta út heilsunnar vegna. Fatlaðir
einangra sig allt of mikið. Það er
allt of algengt að fólk gefist upp á
lífinu ef það fatlast á einhvern hátt.
Við þurfum að púrra hvert annað
upp og gleðina finnur maður hjá'
því fólki, sem vill hjálpa öðrum,”
sagði Edda.
Fríkirkjan í Hafiiarfirði:
Barnastarfið að hefjast
Á morgun, sunnudaginn 24.
september, hefjast að nýju barna-
og fjölskylduguðsþjónustur í
Fríkirkjunni í Hafnarfirði.
Barna- og fjölskylduguðsþjón-
ustur verða í kirkjunni alla sunnu-
dagsmorgna kl. 11.00. Þessar
samverustundir hafa verið vel
sóttar undanfarin ár og er sér-
staklega ánægjulegt hve vel að-
standendur barnanna hafa mætt
með þeim og stutt starfsemina á
allan hátt. Barnastarfinu lýkur í
vor með dagsferð út úr bænum.
Þá skal þess getið að í vetur verð-
ur opið hús á mánudagskvöldum
í safnaðarheimili kirkjunnar á
Austurgötu 24 fyrir safnaðarfólk.
Er hér um að ræða nokkurs kon-
ar fræðslustundir þar sem fólki
gefst kostur á að koma saman
og ræða hin ýmsu málefni sem
því eru ofarlega í huga hveiju
sinni, góðir gestir koma í heim-
sókn og rætt verður um texta úr
Biblíunni. Þessap samverustundir
hefjast í byijun október.
Einar Eyjólfsson