Morgunblaðið - 26.03.1983, Blaðsíða 27

MORGUNBLAÐIÐ, LAUGARDAGUR 26. MARZ 1983
27
Nýju láglaunabæturnar:
Tilraun til að leið-
rétta misréttið
— segir Aðalheiður Bjarnfreðsdóttir
„MÉR sýnist að með veitingu nýju
láglaunabótánna sé verið að gera til-
raun til að leiðrétta það misrétti sem
var samfara úthlutun bótanna í des-
ember, sagði Aðalheiður Bjarnfreðs-
dóttir, formaður starfsmannafélags-
ins Sóknar, í samtali við Mbl. í gær.
Sem kunnugt er hefur verið
ákveðið að senda rúmlega 25 þús.
einstaklingum láglaunabætur, sem
fengu litlar eða engar bætur í des-
INNLENT
L. ^
ember sl., en þá var úthlutunin
einkum miðuð við skattaframtöl
1982.
„Það er ljóst að einhverjar konur
í starfsmannafélaginu Sókn, sem
ekki fengu bætur síðast, fá þær
núna. En samt ber enn á óánægju
því að nú er horft framhjá ýmsum
konum sem mér finnst að eigi skil-
ið að fá bætur. Ekki síst ef tekið er
tillit til þess að þetta er nefnt lág-
launabætur," sagði Aðalheiður.
Hún var spurð að því hvort leið-
réttingin á láglaunabótunum nú
hafi verið nægjanlega mikil. „Ég
held að það takist aldrei að gera
þetta án þess að það verði einhver
óánægja með framkvæmdina; það
er útilokað mál. En ég tel að hug-
myndin, a.m.k. eins og hún var
framkvæmd, hafi ávallt verið
dæmd til að mistakast," sagði Að-
alheiður að lokum.
„Lítum svo á að þeir
hafi slitið viðræðum“
— segir Hjalti Zóphaníasson í dómsmála-
ráðuneytinu um deiluna um hvfldartíma
lögreglumanna í Reykjavík
„VIÐ lítum svo á að þeir hafi slitið
viðræðum með því að veita ekki um-
beðinn frest og þeir þurfa því að
koma með eitthvað nýtt ef taka á
viðræður upp að nýju,“ sagði Hjalti
Zóphaníasson í dómsmálaráðuneyt-
inu, er Morgunblaðið spurði hann
um deilumál Lögreglufélags Reykja-
víkur og dómsmálaráðuneytisins.
Eins og frá var greint í Mbl. á
fimmtudag felldi aðalfundur Lög-
reglufélagsins það að veita lengri
frest til að finna hentugt vaktkerfi
fyrir lögreglumenn í Reykjavík svo
lög um lágmarkshvíld og kjarasamn-
inga væri hægt að virða. Ákváðu þeir
að taka sér lögboðna 10 tíma lág-
markshvíld frá og með síðasta mið-
vikudegi og má búast viö, að lág-
marksþjónusta verði hjá lögreglunni
í Reykjavík einhverjar nætur í viku
hverri meðan þetta ástand varir.
Það var á aðalfundi Lögreglufé-
lagsins í janúar 1982, sem ákveðið
var að veita eins árs frest meðan
Lögreglufélagið og dómsmála-
ráðuneytið reyndu að finna lausn
á máli þessu. Lítið hefur miðað á
þessum tíma og reyndar fóru við-
ræður seint af stað. Á aðalfundi
lögreglumanna á miðvikudag var
síðan synjað um lengri frest og
eins og áður sagði, taka lögreglu-
menn í Reykjavík sér nú 10 tíma
hvíld.
Hjalti Zóphaníasson var spurð-
ur hvort dómsmálaráðuneytið
teldi að löggæzla yrði næg meðan
þetta ástand stæði. „Við höfum átt
fund með lögreglustjóranum í
Reykjavík og heyrt rök hans fyrir
því hvernig mannafli verði á
hverjum tíma. Við teljum það ekki
varhugavert eins og hann lýsir því
og reynslan hefur verið. Það verð-
ur síðan metið af yfirmönnum
embættisins hverju sinni, hvort
þörf er á auknu liði,“ sagði Hjalti.
Á myndinni sést Nikulás Sigfússon yfirlæknir taka við línuritstækinu.
Rannsóknarstöð Hjartavemdar:
Fékk hjartalínuritstæki að gjöf
Kíwanisklúbburinn Nes færði
Rannsóknarstöð Hjartaverndar
10. mars sl. hjartalínuritstæki að
gjöf. Hér er um að ræða mjög full-
komið þriggja rása línuritstæki af
gerðinni Mingocard 3 (Siemens)
sem er að miklu leyti sjálfvirkt.
Sjálfvirk stilling eykur gæði línu-
ritanna og flýtir mjög fyrir töku
þeirra, en hvorttveggja er mikil-
vægt við hópskoðun eins og frara
fara á Rannsóknarstöð Hjarta-
verndar.
Rannsóknarstöðin hefur starf-
að síðan haustið 1967 og hafa um
55 þús. einstaklingar verið rann-
sakaðir á stöðinni.
Loks má geta þess að í stjórn
Kiwanisklúbbsins Ness eru:
Magnús Georgsson, Theódór
Georgsson, Þorgeir Þorgeirsson,
Bjarni B. Ásgeirsson, Garðar
Sigurjónsson og Runólfur fs-
aksson.
(Fréttatilkynning frá Rannsókn-
arstöð Hjartaverndar.)
Drög að sveitarstjómarfrumvarpi:
Kosiö í apríl á laugardegi
— Kosningaaldur 18 ár
— Sérstök kjörnefnd fari með úrskurðarvald um gildi kosninga
Almennar sveitarstjórnarkosn-
ingar skulu fara fram á laugardegi í
síðari hluta aprflmánaðar, sam-
kvæmt nánari ákvörðun félagsmála-
ráðuneytisins. — Kjördagur verður
sá sami í öllum sveitarfélögum, stór-
um og smáum.
— Nýkjörin sveit-
arstjórn taki við störfum 15.
næsta mánaðar eftir kjördag. —
Kosningaaldur til sveitarstjórnar
lækki í 18 ár. — Ekki er gerður
munur á hreppum og kaupstöðum
að því er varðar 2. grein (hlut-
fallskosning þar sem 3/4. íbúa býr
í þéttbýli), 4. gr. (kosningu á laug-
ardegi seinni hluta aprílmánaðar)
né 10. grein (sem fjallar um setu í
kjörstjórnum), en í 13. grein er því
enn haldið við þann mun sem hef-
ur verið gerður á hreppum og
kaupstöðum varðandi meðmæl-
endur til framboðs. — Kosningar
verði ekki úrskurðar ógildar nema
að ætla megi að það sem áfátt er
hafi haft áhrif á kosningaúrslit. —
Sérstök kjörnefnd fari með úr-
skurðarvald um gildi kosninga í
stað sveitarstjórnar.
Framangreint eru helztu nýj-
ungar og breytingar í drögum að
frumvarpi til laga um sveitar-
stjórnarkosningar, sem nefnd,
skipuð til að endurskoða sveitar-
stjórnarlög nr. 58/1961, hefur lát-
ið frá sér fara. Steingrímur Gaut-
ur Kristjánsson, borgardómari,
var formaður nefndarinnar. Aðrir
í nefndinni vóru: Alexander Stef-
ánsson, alþingismaður, Sigurjón
Pétursson, borgarfulltrúi, Sturla
Böðvarsson, sveitarstjóri, og
Björn Friðfinnsson, formaður
Sambands íslenzkra sveitarfélaga.
Frumvarpið hefur enn ekki ver-
ið lagt fram á Alþingi, en hinsveg-
ar sent fjölmiðlum til kynningar.
Ræða Geirs á Akureyri
sem hefur þjakað okkur á undanförnum
misserum og alveg sérstaklega á því lög-
gjafarþingi sem lauk nú í marsmánuði.
Göngum óbundnir
til kosninga
Oft er um það spurt þegar kosningar eru
í nánd hvers konar ríkisstjórn menn vilji
að taki við að kosningum loknum. Fram-
sóknarmenn halda þvi nú ákaft fram um
þessar mundir að sterkur samdráttur sé
með Sjálfstæðisflokki og Alþýðubanda-
lagi, en Alþýðubandalagsmenn halda því
hins vegar fram að í undirbúningi sé ný
samstjórn Sjálfstæðisflokks og Framsókn-
arflokks. Þessir tveir flokkar eru því sam-
mála um það eitt að Sjálfstæðisflokkurinn
muni koma við sögu í myndun nýrrar rík-
isstjórnar að kosningum loknum. Við skul-
um þó ekki útiloka þann möguleika að ein-
mitt Alþýðubandalag og Framsóknar-
flokkurinn geti fengið einhverja til liðs við
sig úr Alþýðuflokki eða einhverjum sér-
framboðum að loknum kosningum til þess
að mynda enn eina vinstri stjórnina. En
hvað okkur sjálfstæðismenn snertir og
þátttöku okkar í væntanlegri ríkisstjórn
eftir kosningar, þá höfum við það fyrir
grundvallarreglu að láta málefnin ráða við
myndun ríkisstjórna og svo verður einnig
nú. Við göngum til þessara kosninga með
algjörlega óbundnar hendur um hugsan-
lega þátttöku í nýrri ríkisstjórn.
En við munum ekki nú, frekar en fyrir
þremur árum eða endranær, taka þátt í
ríkisstjórn sem við höfum ekki rökstudda
ástæðu til að ætla að takist á við þau
geigvænlegu vandamál sem við okkur
blasa.
Við sjálfstæðismenn munum í þeim efn-
um byggja á kosningayfirlýsingu okkar og
landsfundar- og flokksráðssamþykktum.
Efnahagsmálin og baráttan gegn verð-
bólgunni hljóta að verða forgangsverkefni.
Þjóðarátak er forsenda þess að verðbólgu
verði náð niður og ekki sé meiru eytt en
aflað er.
Við viljum að ríkið gangi á undan með
því að draga úr eyðslu sinni og skatt-
heimtu. Fyrr er ekki hægt að gera kröfu til
alls almennings.
Við viljum að svigrúm einstaklinga
verði aukið og framtak þeirra leyst úr læð-
ingi. Það er ótrúiegt hvað framtak ein-
staklinga, hugvit þeirra, fær áorkað miðað
við fyrirskipanir að ofan og skrifborðsúr-
lausnir stjórnvalda.
Við viljum að atvinnuvegum og atvinnu-
fyrirtækjum séu sköpuð starfsskilyrði svo
að þau verði rekin með hagnaði til þess að
geta borgað hærra kaup og til þess að
tryggja atvinnu fyrir alla.
Við viljum efla samkeppni og frjálsa
verðmyndun til þess að lækka verð á vör-
um og þjónustu.
Við viljum að launþegar og vinnuveit-
endur semji um kaup og kjör er samræm-
ist getu atvinnuveganna og á eigin ábyrgð.
Við viijum að þeir sem stjórna atvinnu-
fyrirtækjum, þeir sem eru í forsvari fyrir
hagsmunasamtökum eða stjórnmálaflokk-
um og hver einstaklingur fyrir sig beri
ábyrgð á gjörðum sínum. Aðeins með þeim
hætti leiðum við þjóðina frá upplausn til
ábyrgðar.
I kosningayfirlýsingu okkar er lögð
áhersla á að eign fyrir alla er og verður
megin markmið Sjálfstæðisflokksins. í því
skyni er sérstök ástæða að nefna tvennt.
Annars vegar verði einstaklingum gert
kleift að koma sér upp eigin íbúð og þeir
sem eru að eignast sína fyrstu íbúð fái
80% lán með betri kjörum en aðrir. Sjálfs-
eign í eigin íbúð er grundvöllur og for-
senda sjálfsákvörðunar og sjálfstæðis ein-
staklinganna.
Hins vegar er einnig gert ráð fyrir því í
kosningayfirlýsingunni að sparnaður í
formi hlutdeildar í atvinnufyrirtækjum
verði jafngildur öðrum sparnaði og ekki
síður að tekjuskattur á almennar launa-
tekjur verði afnuminn og tekjum hjóna
verði skipt milli þeirra fyrir álagningu
skatts. Og umráðaréttur einstaklinga og
heimila á eigin aflafé er forsenda þess að
menn geti markað sér lífs- og starfsferil í
þágu þjóðarheildarinnar, að menn séu
hvattir til verðmætasköpunar sjálfum sér
til góða sem um leið verður heildinni til
hagsbóta.
I kosningayfirlýsingunni er mikil
áhersla lögð á atvinnumál, nýtingu orku-
linda, stóriðju og almenna iðnvæðingu á
vegum smærri sem stærri fyrirtækja. Og
mikilvægasta byggðamálið er stórátak í
samgöngumálum, varanlegri vegagerð og
endurbótum samgangna í lofti og á sjó.
f kafla kosningayfirlýsingarinnar um
bætt mannlíf er lögð áhersla á að treyst
verði undirstaða heimila og fjölskyldna og
í því skyni verði foreldrum gert kleift að
skipta með sér uppeldi hinnar ungu kyn-
slóðar, sem þau bera ábyrgð á.
Sækjum fram til betri tíma
Herra fundarstjóri, ágætu fundarmenn.
Hér gefst ekki tækifæri til að hafa
lengra mál um kosningayfirlýsingu okkar
sjálfstæðismanna, en yfirlýsingin og
sjálfstæðisstefnan í heild er það leiðarljós
sem við munum hafa til lausnar þeim
verkefnum sem okkar bíða að leysa.
Vinstri flokkarnir hafa leitt okkur í
ógöngur. Eflum því einn flokk til ábyrgð-
ar, Sjálfstæðisflokkinn sem fyrr hefur
sýnt að hann er sú kjölfesta og frumkvæð-
isafl sem þjóðin þarfnast til forystu.
Við sjálfstæðismenn um land allt vil ég
segja þetta: Við höfum þolað saman bæði
súrt og sætt síðastliðin 10 ár, þann tíma
sem ég hef gegnt formennsku í Sjálfstæð-
isflokknum. Við höfum unnið mikla kosn-
ingasigra og við höfum orðið að þola mikla
ósigra.
Nú göngum við sameinaðir sjálfstæð-
ismenn til baráttu á ný af þeirri reisn og
með þeim baráttuvilja, sem einkennt hefur
Sjálfstæðisflokkinn alla tíð. Við skulum
ganga til þessarar baráttu með því hugar-
fari að nú sækjum við fram til nýrri og
betri tíma í sögu flokks okkar og þjóðar-
innar allrar.