Morgunblaðið - 26.03.1983, Blaðsíða 17

MORGUNBLAÐIÐ, LAUGARDAGUR 26. MARZ 1983
17
Sjömenningar
Myndlist
Valtýr Pétursson
Það er sjö manna hópur sem
stendur að núverandi sýningu í
Listmunahúsinu við Lækjargötu.
Þar eru konur í meirihluta, og
flestar þeirra hafa verið tengdar
Gallerí Langbrók meira eða
minna, en karlarnir aftur á móti
hafa verið þar innanhúss, ef ég
man rétt. Þessi hópur vinnur á
nokkuð breiðu sviði, þarna eru
vatnslitamyndir, skúlptúr, textíl
og vefnaður ýmiss konar. Yfir
þessari heild er nokkur nútíma-
blær, og það, sem gerir sýninguna
skemmtilega, er hve ólfkt fólk er
hér á ferð.
Eyjólfur Einarsson á þarna
gullfallegar akvarellur, sem eru
abstrakt og fara mjög vel á veggj-
um. Guðrún Auðunsdóttir vinnur
textíla sina aðeins í tveim litum og
er hress að vanda. Ragna Róberts-
dóttir gerir skúlptúr úr vefnaði
sínum á dálítið frumlegan hátt.
Árni Páll á þarna nokkuð hrjúfan
skúlptúr, en persónulegan. Sigrún
Eldjárn sýnir vatnslitamyndir
með viðkvæmri teikningu og ljóð-
rænum litum. Daði Guðbjörnsson
er á nýju línunni í málverkinu og
sýnir djarfa litameðferð, en ekki
fyrirferðarmikla hluti. Guðrún
Gunnarsdóttir hefur náð mjög
fáguðum stíl á vefnað sinn og á
þarna líklegast eftirtektarverð-
ustu gripina.
Það er ekki auðvelt að finna
þessum hóp sameiginlegan list-
rænan ramma, svo ólfk vinnu-
brögð eru hér á ferð, en það er
skemmtilegur heildarsvipur á
þessari sýningu, og ferskleikinn
leynir sér ekki. Þetta er ekki besta
sýning, sem verið hefur f List-
munahúsinu, og heldur ekki sú
versta. í fáum orðum getur maður
sagt, að hér sé mjög snotur sýning
á ferð, og þeir sem fylgt hafa
þróun f myndlist hér f borg á sein-
ustu árum, munu kannast við
flesta þá, er þarna sýna. Ekki veit
ég, hvort það er meining þess hóps
að halda saman á komandi tfmum,
en hvað um það, þetta er nokkuð
gott eins og það er, og takmarkinu
virðist náð með að vekja eftirtekt
á verkum þessa fólks.
Þessi hópur er raunverulega
ágætt dæmi um, hvernig breiddin
hefur vaxið í myndlist okkar hér á
landi á seinustu árum. Nú eru
textíl-listamenn til að mynda
farnir að láta til sfn taka, en fyrir
örfáum árum þekktist það hand-
verk varla, hvað þá að það væri
talið til lista. Það mætti nefna
fleiri verk, en látum þetta nægja
að sinni. Ég hafði ánægju af að sjá
verk eftir þetta fólk, sem nú sýnir
í Listvinahúsinu. Það er snyrti-
legur og þekkilegur blær yfir þess-
um verkum, og allt fer þetta vel í
þessum einstöku sýningarsölum.
Háskólakórinn:
Síöustu tónleikar vetrar-
ins haldnir á sunnudaginn
Á MORGUN, sunnudaginn 27.
mars, heldur Háskólakórinn auka-
tónleika í Félagsstofnun stúdenta
við Hringbraut. Tónleikarnir hefjast
kl. 17. Háskólakórinn er nýkominn
úr söngferð til fjögurra borga f
Sovétríkjunum þar sem söng kórsins
var vel tekið.
Auk þess að syngja þar á opin-
berum tónleikum söng kórinn f út-
varpi og sjónvarpi. Áður en lagt
var af stað í þessa söngferð hélt
kórinn tvo tónieika í Reykjavík
fyrir troðfullu húsi áheyrenda.
Vegna fjölda áskorana verða þess-
ir tónleikar endurteknir á sunnu-
daginn.
Á efnisskránni eru eingöngu ís-
lensk tónverk, þjóðlög f gömlum
og nýjum búningi ásamt nýjum
tónverkum, svo sem Canto kór-
stjórans Hjálmars R. Ragnarsson-
ar. Auk Canto Hjálmars verða
flutt ný verk eftir Atla Heimi
Sveinsson, Jón Ásgeirsson, Jónas
Tómasson og Karólfnu Eiriksdótt-
ir. Tónleikarnir á sunnudaginn
verða síðustu opinberu tónleikar
kórsins á þessum starfsvetri, og
gilda styrktarkort ekki að þessu
sinni.
Þess má geta að Háskólakórinn
heldur upp á 10 ára afmæli sitt
um þessar mundir.
Þingeyri:
Sléttanesiö
með 182 tonn
SLÉTTANESIÐ ÍS 808 kom hingað í
dag og landaði 182 tonnnm af góðum
fiski; um 55 tonn af bláiöngu, 10 til
15 tonn af þorski, og afgangurinn var
karfí og ufsi.
Skipið hafði verið rúma viku úti, og
gekk því veiðiferðin vel. í öðrum
fréttum er það annars að hér er
byrjað að snjóa aftur þótt vorið sé í
nánd, og vonum við nú bara að við
förum ekki á kaf eins og í vetur.
Hér hefur þegar verið nægur snjór
á þessum vetri að okkar dómi!
— Hulda.
Forsíða bæklings.
1964 undir stjórn Grígorís Koz-
intsevs eftir samnefndu leikriti
Shakespeare. Tónlistin er eftir
Shostakovits en með aðalhlut-
verkið fer hinn kunni Innokenti
Smoktunoskí.
15. maí verður boðið upp á verð-
launamynd frá Kaíró 1976, Þegar
haustar. Hún fjallar um heimsókn
gamals hermanns til Moskvu. Þar
á hann ánægjulega daga og þegar
hann heldur til baka býður hann
öllum heim til sín að vori, austur í
Ashtarak. Leikstjóri er Edmont
Keosajan en með aðalhlutverkið
fer Armen Dsjigarkhanjan.
22. maí verða sýndar stuttar
myndir, teikni- og brúðumyndir
og e.t.v. frétta- og heimildar-
myndir með skýringum á íslensku.
29. maí verður svo sýnd síðasta
myndin í þessu prógrammi,
Stjúpmóður Samanishvili, leikstýrð
af Eldar Shengelaja. Hún segir af
rosknum heiðursmanni sem
hyggst gifta sig i ellinni og þvi
umróti sem sú ákvörðun veldur i
fjölskyldu hans.
• Fyrir nokkrum dögum datt
inná borð hjá mér ljómandi
snyrtilegur bæklingur, nýútgefið
kynningarrit um islenska kvik-
myndagerð, gefið út af Kvik-
myndasjóði i samvinnu við kvik-
myndasafnið.
Ekki er að efa að mikil þörf var
orðin á slíku kynningarriti eftir
þá miklu grósku, sem verið hefur i
kvikmyndagerð hérlendis og vakið
hefur talsverða athygli erlendis,
og þá fyrst og fremst á hinum
Norðurlöndunum.
Þá er fyrirhugað að dreifa bækl-
ingnum á kvikmyndahátiðinni i
Cannes og víðar. Hann er á ensku
og í honum kynntar allar leiknu
myndirnar sem gerðar hafa verið
frá stofnun kvikmyndasjóðs. Þá
eru og kynntar væntanlegar
myndir og gerð grein fyrir nokkr-
um heimildarkvikmyndum sem
gerðar voru á síðasta áratug. Þá
kemur fram að hérlendis eru rekin
hvorki meira né minna en 30 kvik-
myndagerðarfyrirtæki og er að
finna helstu upplýsingar um þau
öll.
Það eru þeir Guðlaugur Berg-
mundsson blaðamaður og Er-
lendur Sveinsson forstöðumaður
kvikmyndasafnsins og kvik-
myndagerðarmaður sem eiga
mestan heiðurinn af texta ritsins
og er ekki annað að sjá en það
verk hafi tekist með ágætum. Þeir
sem hafa áhuga á að eignast lce-
landic Films 1980—83, en svo nefn-
ist kynningarritið, geta snúið sér
til Kvikmyndasjóðs, c/o Mennta-
málaráðuneytið, Hverfisgötu 6, R.,
eða Kvikmyndasafns íslands,
Skipholti 31, Reykjavík.
eftir konu, sem skrifar þaðan
sem hún er miðpunkturinn frá
fjölskyldu sinni ... Ein lífsregla
er í gildi fyrir ailan heiminn:
Virðing fyrir öðrum og virðing
fyrir sjálfum sér. Þessi texti er
dagbók yfir tímabil sem móðir
skrifar er hún reynir að skilja
hvað er ungt og skilja þau sem
eru ung ..." Og svo framvegis.
Það er alveg sérstök týpa af rit-
höfundum, sem getur gefið lang-
ar lýsingar á bókum sínum og
meiningum, sem þær hafa inni
að halda. Venjulega taka þessar
útskýringar einnig bókunum
fram. Þessi bók virkar ansi gam-
aldags, ósköp sundurlaus, og illa
unnin. Þrátt fyrir mikinn orða-
flaum er tómahljóð að baki orð-
anna, þótt mörg séu falleg. Móð-
irin sem steypir sér á kaf i líf
barna sinna og allra vinanna
þeirra til að skilja — dóp —
sjálfstæðisþrá, brennivín og
pælingar — verður hvorki vitur
né góð, heldur afar leiðinleg. Það
er fjarri því að hún hjálpi þess-
um ungmennum, í bezta falli er
hún að reyna að dylja, hvað
henni finnst þau innilega þræls-
lega hundómerkileg — ekki sízt
miðað við hvað hún (Marie Card-
inal sjálf, það fer ekki milli
mála) sjálf er vitur og væn. En
hvað ég er orðin leið á sjálfsbók-
um Marie Cardinal, svona inni-
lega fullar af mælgi og sjálfs-
blekkingu. En víða er hún lesin.
Varla þessi bók þó.
BARNAFATNAÐUR
NÝJAR SENDINGAR
Glæsilegt úrval Afar hagstætt verð
Opið til kl. 4 í dag
Vorumorkaðurinn hf.
Ármúla 1A. Sími 86113