Morgunblaðið - 26.03.1983, Blaðsíða 21
MORGUNBLAÐIÐ, LAUGARDAGUR 26. MARZ 1983
21
Styrktarfélag
aldraðra í Hafn-
arfirði 15 ára
AÐ UNDANGENGNUM undirbúningsfundi hinn 17. febrúar 1968, að stofn-
un félags, sera einbeitti sér að velferðarmálum aldraðra í Hafnarfirði, var
Styrktarfélag aldraðra í Hafnarfirði stofnað hinn 26. mars 1968 og á því 15
ára afmæli í dag.
Aðalfrumkvöðull að stofnun
þessa félags var Jóhann Þor-
steinsson, fyrrum forstjóri elli- og
hjúkrunarheimilisins Sólvangs.
Jóhann var fyrsti formaður fé-
lagsins, en með honum í stjórn
voru: Elín Jósefsdóttir, ritari,
Sverrir Magnússon, gjaldkeri, Sig-
urborg Oddsdóttir, varaformaður,
Gísli Kristjánsson, Olíver Steinn
Jóhannesson og Ólafur ólafsson
meðstjórnendur.
Styrktarfélag aldraðra hefir æ
síðan unnið ötullega að velferð-
armálum aldraðra í Hafnarfirði.
Haldnar hafa verið samkomur i
„Opnu húsi“ háifsmánaðarlega. Á
þessum fundum hafa ýmis félaga-
samtök í bænum skipst á um að
annast skemmtidagskrár. Þá er
borið fram kaffi, sem gestir fá
gegn vægu gjaldi og að lokum er
spilað af miklum áhuga. Föndur-
kennsla hófst strax árið 1969, en
af ýmsum ástæðum lagðist sú
starfsemi niður í árslok 1979. Fé-
lagið byrjaði starfsemi sína í Góð-
templarahúsinu, en á undanförn-
um árum hefir orðið æ þrengra
um starfsemina í þessu húsnæði
vegna aukinnar aðsóknar. Brugð-
ust bæjaryfirvöld höfðinglega við
málaleitan félagsins um afnot af
nýjum og glæsilegum samkomusal
í íþróttahúsi Hafnarfjarðarbæjar,
félaginu að kostnaðarlausu. Þang-
að fluttist starfsemi félagsins í
ársbyrjun 1982, og er sem stendur
hagað þannig, að annan hvern
fimmtudag er opið hús að hefð-
bundnum hætti, en hinn fimmtu-
daginn getur fólk komið saman,
tekið í spil, unnið að eigin handa-
vinnu eða notið kennslu í föndri,
sem félagskonur annast.
Þess skal getið, að öll vinna, sem
félagsfólk lætur í té, er ólaunuð.
Einnig hafa félagasamtök, sem
séð hafa um skemmtidagskrár og
veitingar látið allt slíkt í té af góð-
um hug og án endurgjalds. Níels
Árnason, bíóstjóri, hefur sýnt þá
rausn, að bjóða gestum „Opins
húss“ upp á kvikmyndasýningu í
Hafnarfjarðarbíói og jafnframt
góðgerðir á heimili sínu á eftir.
Þetta hefir hann gert einu sinni á
ári undanfarin 10 ár. Kiwanis-
klúbburinn Eldborg hefir einnig
gert mikið fyrir þetta félag. Ár-
lega býður hann gestum félagsins
upp á skemmtun og veitingar í
Snekkjunni, auk þess að sjá um
skemmtiefni í „Opnu húsi“ einu
sinni á ári, og bíður þar að auki í
einsdags ferðalag á hverju vori.
Allt þetta ber að þakka af heilum
hug.
Árið 1976 gekkst Styrktarfélag
aldraðra fyrir sumarorlofi fyrir
ellilífeyrisþega í Bifröst í Borgar-
firði í eina viku. Síðan 1978 hafa
verið farnar tvær orlofsferðir á
sumri, viku í hvort sinn.
Núverandi stjórn err þannig
skipuð: Lára Jónsdóttir, formaður,
Kristín Magnúsdóttir, ritari,
Páskamarkaður
FJÁRHAGSRÁÐ Sunnuhlíöar, hjúkr-
unarheimilis aldraðra í Kópavogi held-
ur árlegan páskamarkað sinn í kjallara
hjúkrunarheimilisins að Kópavogs-
braut 1, laugardaginn 26. mars og hefst
hann kl. 1 e.h.
Á boðstólum verða nýbakaðar
kökur, fatnaður, bækur, sælgæti,
keramik, skór og margt fleira.
Ágóðinn rennur allur til bygg-
ingaframkvæmda í Sunnuhlíð.
Fjárhagsráð.
Skarphéðinn Guðmundsson, gjald-
keri, Sverrir Magnússon, varafor-
maður. Meðstjórnendur: Jóhanna
Andrésdóttir, Stefán Júlíusson,
Oliver Steinn Jóhannesson.
(Frétutilkynning)
Eitt myndverkanna
Myndlistar-
sýning í
Rauða húsinu
á Akureyri
LAUGARDAGINN 26. marz opnar
Jón Gunnar Árnason sýningu í
Rauða húsinu á Akureyri klukkan
16.00.
Þetta er níunda einkasýning
Jóns Gunnars. Hann hefur tekið
þátt í fjölda samsýninga um allan
heim, nú síðast á biennalnum í
Feneyjum síðastliðið sumar.
Verk það sem Jón Gunnar sýnir
í Rauða húsinu er sambland af
málverki og skúlptúr og um leið
umhverfisverk þar sem áhorfand-
inn gengur inn í verkið sjálft og
verður hluti af því.
XEROX'
sýning á Hótel Loftleiðum
helgina 26/27 mars kl. 11-18.
XEROX 9500 heimsins stærsta ljósritunarvél
XEROX tölvur
XEROX ljósritunarvélar margar gerðir
XEROX electronisk ritvél
XEROX prentarar
XEROX Facsimile tæki
ALLIR VELKOMNIR / ÓKEYPIS AÐGANGUR
XEROX UMBOÐIÐ
Síðumúla 6, S:84209 - 84295
NON HF.