Morgunblaðið - 26.06.1984, Blaðsíða 23
MORGUNBLAÐIÐ, ÞRIÐJUDAGUR 26. JÚNl 1984
27
upplýsingar get ég með engu móti
veitt þér — hef reyndar ekki leyfi til
þess að veita slíkar upplýsingar.“
Sveinn Pétursson starfsmaður
Hafskips í Hamborg sagði í samtali
við blm. í gær að hann hefði í gær-
morgun farið um borð í Eliza Heer-
ing og rætt við skipstjórann. Hefði
hann tjáð sér að honum hefði verið
með öllu ókunnugt um veru Balys
um borð og að hann hefði ekki upp-
götvað að Baly væri um borð fyrr en
tveimur og hálfum sólarhring eftir
brottför frá Reykjavík, þegar beiðni
barst um leit í skipinu. Baly hefði
þá fundist fram á skipi, þar sem
hann hefði verið í felum. Sagði
Sveinn að skipstjórinn segðist hafa
neitað Baly um far með skipinu, er
hann var hér í Reykjavík, og hefðu
tryggingarlegar ástæður fyrst og
fremst ráðið þeirri neitun hans.
Jón Thors í dómsmálaráðuneyt-
inu sagði í samtali við blm. í gær að
ekki væri hægt að fara fram á fram-
sal Balys við þýsk stjórnvöld, þar
sem þýsk lög segðu það sama um
framsal eigin borgara og íslensk,
þ.e. að ríkisborgarar viðkomandi
lands yrðu ekki framseldir til ann-
arra landa.
Er Jón var spurður hvers vegna
enginn aðili frá þýskum stjórnvöld-
um hefði verið til staðar, er Eliza
Heeren kom til Esbjerg, og skip-
stjórinn neitaði að framselja Baly,
nema í hendur á þýskum yfirvöldum
sagði Jón: „Það var enginn slíkur
nærtækur. Konsúllinn í Esbjerg
fannst ekki, þrátt fyrir mikla leit,
og konsúll Þýskalands í næsta bæ
neitaði að koma, þar sem Esbjerg
væri utan hans umdæmis."
„Persónulega hefði ég viljað að
maðurinn væri í gæsluvarðhaldi,“
sagði Jón , er hann var spurður
hvort það að Baly gat laumast af
landi brott, væri ekki vísbending
um að gæsla með honum hefði verið
ónóg. „Saksóknari gerði hins vegar
ekki kröfu um gæsluvarðhald, held-
ur einungis farbann, þannig að það
var ekki neitt sem ráðuneytið gat
gert til þess að auka gæsluna," sagði
Jón Thors jafnframt.
Áfrýjun í máli Gabriele Baly, eig-
inkonu Balys hefur verið heimiluð,
og sagði Guðmundur Jónsson, verj-
andi hennar í samtali vð blaðið í
gær að stúlkunni hefði snúist hugur
eftir að hún kom til heimalands síns
og ákveðið að óska eftir áfrýjun.
Guðmundur sagði að þótt stúlkan
hefði fengið að fara af landi brott,
gegn því að hún áfrýjaði ekki, þá
breytti það engu, því menn gætu
einfaldlega ekki samið frá sér þann
rétt að skjóta máli sínu til dóm-
stóla.
Örn Clausen er verjandi Mir-
oslavs Balys og er blaðamaður
ræddi við hann í gær, hvort vörn
hans yrði óbreytt, þótt Baly væri
sloppinn af landi brott, sagði örn:
„Það eina sem ég get sagt um þetta
mál, er að sú athöfn Balys að stinga
af, er refsilaus athöfn. Hann hefur
leyfi til þess að koma sér undan
refsingu, ef hann getur, ef hann
nýtur ekki aðstoðar fanga." örn
sagðist búast við að málflutningur f
Hæstarétti myndi hefjast nk. föstu-
dag.
Morgunblaðið/ Júlíus
Bjargið er 30 metra hátt og víða stórgrýtt fyrir neðan það. Þegar óhappið varö,
var ekki eins stórstreymt og nú, en það varð drengnum til Iffs að þar sem hann
kom niður er vík inn í bjargið.
1ANNSINS
> . k
3
FLOKKUR
mannsins
(I.jósm Mbl. Emilfa.)
Forvígismenn hins nýja stjórnmálaflokks. Fremri röð, f.v. stjórn „Flokks mannsins“: Kristín Sævarsdóttir, með-
stjórnandi, Þuríður Vilhjólmsdóttir, meðstjórnandi, Sigrún Þorsteinsdóttir, gjaldkeri, Hrannar Jónsson, ritari, Júlíus
Kr. Valdimarsson, formaður, Áshildur Jónsdóttir, varaformaður, Þorsteinn Sigmundsson og Anna Soffía Sverrisdótt-
ir, meðstjórnendur, og Jón Kjartansson fri Pálmholti, ritstjóri málgagns flokksins „Raddir mannsins". Efri röð f.v.
stjórn Samhygðar: Friðrik Guðmundsson, form. lagadeildar, Helga Gísladóttir, form. útbreiðsludeildar, Helga
Óskarsson, form. menningarmáladeildar, Halldóra Jónsdóttir, formaður klúbbs Samhygöar, Methúsalem Þórisson,
form. félagsmáladeildar.
Samhygð stofnar
„Flokk mannsins“
„HELSTA stefnumál okkar er að setja
manngildi ofar auðgildi," sagði Júlíus
Valdimarsson, formaður nýasta stjórn-
málaflokks fslands, „Flokks manns-
ins“, sem í gær var formlega stofnaö-
ur af félögum í Samhygð.
Stefnuskrá hins nýja stjórnmála-
flokks hefur enn ekki verið samin.
„Það væri á móti þeirri stefnu okkar
að virkja fólk til framkvæmda, að
vera með fyrirfram fastmótaða
stefnuskrá," sagði Pétur Guðjóns-
son, stofnandi Samhygðar á íslandi,
við blm. Mbl. á fundi sem haldinn
var í gær í húsakynnum samtak-
anna i tilefni af flokksstofnuninni.
„Flokkur mannsins" stefnir að
framboði í öllum kjördæmum lands-
ins við næstu alþingiskosningar og
um land allt í bæja- og sveitar-
stjórnarkosningum. Innritun í
flokkinn hefst í júlí og þá stendur
einnig til að stofna flokksfélög um
allt land. En í þessari viku verða
slík félög stofnuð á Akureyri og í
Vestmannaeyjum. Þá verða starf-
andi í sumar starfshópar á ýmsum
sviðum þjóðlífsins við undirbúning
stefnuskrárinnar, sem verður samin
á landsfundi flokksins { haust.
Einnig verður fljótlega gefið út
málgagn flokksins, „Rödd manns-
ins“, og er ritstjóri þess Jón frá
Pálmholti.
Stjórn „Flokks mannsins" hefur
verið skipuð til bráðabirgða þar til í.
haust. Hana skipa, auk formanns-
ins, Júliusar Valdimarssonar, þau
Áshildur Jónsdóttir, varaformaður,
Hrannar Jónsson, ritari, Sigrún
Þorsteinsdóttir, gjaldkeri, og fjórir
meðstjórnendur að auki.
Að sögn stjórnarmanna „Flokks
mannsins“, sem til máls tóku á
fundinum, verður flokkurinn öllum
opinn, Jafnvel heilu stjórnmála-
flokkunum, sem munu geta gengið í
hann og haldið sínum séreinkennum
óskertum“. Þá verða engar ung-
menna- eða kvennadeildir í flokkn-
um, „því það er siðlaust, að aðgreina
fólk og meðhöndla sem stöðluð
fyrirbæri" og eitt af stefnumálum
flokksins verður lækkun kosn-
ingaldurs um tvö ár, jafnvel fjögur.
Fæstir félaga flokksins hafa
reynslu af pólitísku starfi, en for-
maðurinn, Júlíus Valdimarsson,
kvað almenning vera orðinn leiðann
á „erfiðleika- og úrtölutali gömlu
kerfisflokkanna" og að lag Sam-
hygðar á því að virkja fjöldann
myndi vega upp á móti peninga- og
reynsluleysi félaganna. Vísaði hann
til nýafstaðinnar undirskriftasöfn-
unar Samhygðar „Gegn atvinnu-
leysi“. Þar söfnuðust yfir 40.000
undirskriftir, en félagar í Samhygð
eru um 300 talsins.
Félagsskapurinn Samhygð á ræt-
ur sínar að rekja til S-Ameríku og
hafa verið stofnaðir stjórnmála-
flokkar i nokkrum löndum þar, að
undirlagi Samhygðar, sem starfar
nú í 45 löndum.
Aðstandendur „Flokks mannsins"
kváðu hann heita svo sökum þess,
að hinir stjórnmálaflokkarnir í
landinu væru „kerfisflokkar, sem
ekki settu mannleg gildi í öndvegi í
stefnu sinni“, andstætt því sem
hinn nýi flokkur myndi gera. Ekki
kom fram á fundinum nein fastmót-
uð stefna í helstu málum þjóðarinn-
ar, s.s. utanríkismálum eða viðhorf-
um til stóriðju, en helstu markmið-
in sögð „að frjálst val ríki á öllum
sviðum, að koma á raunverulegri
samvinnu í efnahagslífinu, ástunda
and-ofbeldi og andæfa hvers kyns
einokun".
Á fjórða tug félaga í Samhygð og
„Flokki mannsins" voru á fundin-
um. Var mikið klappað og gerður
góður rómur að málflutningi stjórn-
ar hins nýstofnaða stjórnmála-
flokks.
Ólympíuleikarnir í edlis-
fræði settir í Svíþjóð
Sigtuna 25. júní. frá Vidari Ágústasyni frétU-
ritara Mbl. í Sigtuna.
í DAG voru settir í Sigtuna í Svíþjóð,
15. Ólympíuleikarnir { eðlisfræði, af
Bengt Svenson, formanni sænska
eðlisfræðifélagsins og Lenu Hjelm-
Wallén, menntamálaráðherra Sví-
þjóðar. Leikarnir eru haldnir í
Menntaskólanum í Sigtuna nema
verklegi hlutinn sem fer fram í Kon-
unglega Tækniháskólanum {
Stokkhólmi.
í sænska smábænum Sigtuna,
skammt norður af Stokkhólmi,
eru nú 84 keppendur frá 18 lönd-
um ásamt fjölmennu liði farar-
stjóra og starfsmanna leikanna,
að búa sig undir mikla hugar-
keppni. Keppendurnir, 82 drengir
og tvær stúlkur, eru allir yngri en
tuttugu ára og er enginn þeirra
byrjaður i háskólanámi. Þeir hafa
allir verið valdir að undangeng-
inni einni eða fleiri keppnum í
heimalandi sínu, svo búast má við
að hér séu samankomin efni-
legustu ungmenni hvers lands i
eðlisfræði.
tslendingar, Bretar og Norð-
menn keppa nú i fyrsta skipti og
skuldbinda sig þar með til að
halda ólympiuleikana í eðlisfræði
einhvern tímann síðar. Norðmenn
eru með fullt lið, fimm keppendur,
Bretar með fjóra og Islendingar
með tvo. Þeir eru Finnur Lárus-
son, 17 ára stúdent frá MH og
Vilhjálmur Þorsteinsson 18 ára og
verður hann stúdent frá MH um
næstu jól. Allar hinar þátttöku-
þjóðirnar hafa fullt lið, fimm
keppendur, nema Víetnamar sem
eru með brjá keppendur.
Mjög svipað virðist vera staðið
að vali keppenda frá hverju landi,
forkeppni meðal allra framhalds-
skólanema og síðan úrslitakeppni
meðal hinna efstu. Síðan eru þeir
keppendur sem valdir eru til
Ólympíuleikanna þjálfaðir i verk-
legri og fræðilegri eðlisfræði. Þeir
Finnur og Vilhjálmur nutu tiu
daga þjálfunar í Fjölbrautarskól-
anum i Breiðholti sem er sist lak-
ara en keppendur almennt virðast
hafa notið.
Við setningu ólympíuleikanna
sagði Bengt Svenson að eðlis-
fræðiheimurinn vænti mikils af
keppendum og fagnaði því að eng-
in þjóð hefði dregið sig út úr leik-
unum af ástæðum óviðkomandi
eðlisfræði. Hann sagði að kynni
keppenda hvers af öðrum og þekk-
ing á hvers annars þjóð kæmi
heiminum okkar til góða siðar. Að
lokum talaði formaður rúmenska
þátttökuliðsins, til að flytja
„ólymíueld“ eðlisfræðinnar frá
Búkarest þar sem leikarnir voru
síðast haldnir. „Ef til vill koma
einhver ykkar aftur til Svíþjóðar
til að taka á móti Nóbelsverðlaun-
unum í Stokkhólmi,“ sagði hann
brosandi.
Keppendur íslands í Ólympíuleikunum í eðlisfræði ásamt fararstjórum
sínum, f.v. Hans Kr. Guðmundsson; eðlisverkfræðingur, Vilhjálmur Þor-
steinsson, Finnur Lárusson og Viðar Agústsson, eðlisfræðingur.