Andvari - 01.01.1913, Blaðsíða 205
Fiskisýningin
143
Margar þessar smærri gildrur, álít eg þó að gætu
verið heppilegar hér til veiða til heimilisfangs, bæði
í ám og veiðivötnum og jafnvel í sjó, en stórra upp-
gripa er naumast hægt að vænta. Næstum allar þess-
ar gildrur eru þannig tilbúnar og settar niður, að
langur netpoki er lagður í sjó eða vatn nærri landi,
og haldið í sundur með duflum (ílotum) eða hringj-
um úr málmi eða tré, og snýr opið að landi. Inn í
þennan polca er fiskurinn leiddur með netörmum, er
ganga skáhalt út frá opinu líkt og vængir, enn frem-
ur er strengt net frá miðju pokaopinu til lands, og
er því haldið uppi með staurum, sem reknir eru of-
an í botninn. Þegar nú fiskur rekur sig á net það,
sem strengt er frá landi, syndir hann oftast fram
með því, og lendir þá inn á milli arma þeirra, er
áður eru nefndir og inn í aðalpokann, en til þess
hann ekki geti komist eins hæglega út úr honum aftur,
eru sett tvö eða lleiri trektmynduð net innan í hann
og veit hið mjórra op inn, en víðara opið er riðað
fast í hliðar aðalpokans. Þegar nú fiskurinn er kom-
inn inn, kemst hann ógjarnan út aftur, því hann
syndir ætíð meðfram hliðunum, og hittir alls ekki
þessi smáu op, en það er eina leiðin út úr gildrunni.
Lóðir eða Iínur eru mjög líkar okkar veiðarfær-
um, en flestir hafa lengri tauma 24—30" og þá um
leið lengra milli taumanna á lóðinni, og er það að
mínu áliti fisknara. Eins og áður er sagt, er á vest-
urströnd Danmerkur notaðar lóðir, og er hver lóð
eða stokkur með 100 önglum, og beitir hver háseti
alt að 1000 öngla eða 10 stokka eða lóðir, og hver
hátur rær vanalega út með 6—8000 öngla, sem beittir
eru á hverjum morgni í landi með síld eða skelfiski
áður en lagt er á stað. Þetta er því heldur lengri