Morgunblaðið - 12.12.1982, Blaðsíða 26

74
MORGUNBLAÐIÐ, SUNNUDAGUR 12. DESEMBER 1982
ADROrnNSWKI
UMSJÓN:
Séra Auður Eir Vilhjálmsdóttir
Gunnar Haukur Ingimundarson
Séra Ólafur Jóhannsson
Friðar-jól
Því hungraður var ég
og þér gáfud mér að eta,
þyrstur var ég
og þér gáfuð mér að drekka,
gestur var ég,
og þér hýstuð mig,
nakinn og þér klædduð mig,
sjúkur
og þér vitjuðuð mín,
i fangelsi var ég
og þér komuð til mín.
Jesús.
Matt. 25, 35—36.
Kirkjan er sífellt að boða frið.
Á þessari aðventu hefur biskup
okkar, herra Pétur Sigurgeirs-
son, sent söfnuðum kirkjunnar
hvatningu til að taka þátt í
„Friðar-jólum“, sem haldin hafa
verið víða um heim undanfarin
tvö ár. Þau hófust í Genf að-
fangadagskvöld 1979.
Fólk í einu borgarhverfinu tók
sig saman um að kveikja jólaljós
á ákveðnum tima kvöldsins
hvert heima hjá sér og fara með
ljósið út að glugga til þess að það
lýsti til nágrannans. Undanfar-
inn var samstarf fólks úr söfn-
uðum mótmælenda og kaþ-
ólskra. Það hafði byggt kirkju-
miðstöð saman og hafði í hyggju
að endurbyggja sjúkrahús. Það
kveikti ljósin á aðfangadags-
kvöld til að láta í ljós samstöðu
sína. Jólaljósin höfðu mikil áhrif
og á næstu jóium voru þau aftur
tendruð. Þessi „Friðar-jól“ hafa
breiðzt út til fleiri kirkjudeilda
og landa og nú á þessum jólum
ætlar íslenzka þjóðkirkjan að
bjóða safnaðarfólki sínu til
þátttöku.
í dag, 12. desember, á þriðja
sunnudegi í aðventu hvetja kirkj-
urnar fólk sitt um víða veröld til
að leggja fram það sem það
megnar til að byggja upp réttlát-
ari og friðsamlegri veröld, þar
sem réttur einstaklinga og þjóða
er virtur og barizt er gegn
hungri og stríði. Við erum öll
hvött til að sýna hug okkar í iðr-
un og samstöðu.
Biblíulestur vikuna
12. — 18. desember
Sunnudagur 12. desember:
Matt. 11:2-11
Mánudagur 13. desember:
Efesusbr. 3:14—4:6
Þriðjudagur 14. desember:
Efesusbr. 4:7—16.
Miðvikudagur 15. desember:
Efesusbr. 4:17—32
Fimmtudagur 16. desember:
Efesusbr. 5:1—9.
Föstudagur 17. desember:
Efesusbr. 5:10—20.
Laugardagur 18. desember:
Efesusbr. 5:21—32.
19. desember, á fjórða sunnu-
degi í aðventu, erum við hvött til
að fasta frá morgni til sólarlags.
Markmiðið með því er að við
finnum að við erum ekki bundin
af peningum og eignum og að
hvetja okkur til að sýna sam-
stöðu okkar með þeim milljónum
barna og fullorðinna, sem verða
að fasta hvern dag.
Við erum hvött til að gefa and-
virði einnar máltíðar til að
hjálpa þeim, sem þjást af
hungri. Hjálparstofnun kirkj-
unnar gengst fyrir landssöfnun
nú á aðventu undir kjörorðinu:
Brauð handa hungruðum heimi.
Á aðfangadagskvöld er sú til-
laga send okkur að við förum út
fyrir dyrnar eða út að glugga
með kerti eða lampa klukkan
20.30.
“Pcacc on carth!”
Berið ávöxt!
Lúk. 3:7-17 — 3. sunnudagur í aðventu
Guðspjall dagins fjallar um Jóhannes skírara, sem
hóf starf sitt nokkru á undan Jesú. Hann boðaði iðrun
og skírði iðrunarskírn. Þannig er iðrunin eitt af því,
sem við erum minnt á á aðventunni.
Að iðrast felur ekki einungis í sér eftirsjá, heldur
nýtt mat á ýmsu. Sönn iðrun leiðir til þess, að við
leitumst við að stefna frá hinu ranga og illa, en kapp-
kostum að gera vilja Guðs. Þess vegna talaði Jóhannes
um að bera ávöxt samboðinn iðruninni. Þann ávöxt
taldi hann t.d. koma fram í jöfnuði lífsgæða og nægju-
semi í stað heimtufrekju.
Er ekki komið að okkur að iðrast þannig, nú á þessari
aðventu og áframhaldandi? Er okkur ekki þörf á að
draga úr óhófi og ofneyslu? Erum við ekki öll seld undir
þá sök að leita fyrst og fremst uppfyllingar eigin þarfa
og gerviþarfa, en láta okkur minna varða um vilja
Guðs? Gleymum við því ekki alltof oft að við höfum
þegið allt af Drottni sem ráðsmenn hans og okkur ber
því að fara skynsamlega með allt okkar?
Auðvitað er iðrunin ekki fólgin í því að kippa þessum
ytri atriðum einum í lag. Það væri sýndarmennska. Við
þörfnumst iðrunar vegna þess, að við erum syndarar,
eigingjörn, miðum allt við sjálf okkur og eigin hags-
muni. Iðrun er að leyfa Guði að ráða lífi okkar og nota
það. Hún byggist ekki á því að við friðum Guð með
eigin hugarfarsbreytingu eða góðum verkum, heldur á
því, að Guð hefur í Jesú Kristi tekið á sig afleiðingu
syndar okkar og gefið okkur sátt við sig, möguleika á
nýju lífi, lífi sem stuðlar að vilja Guðs.
Þess vegna iðrast enginn í eitt skipti fyrir öll. Að
iðrast felur í sér að lifa í samfélagi við Drottin, koma
fram fyrir hann alla daga og leyfa honum aðgang að
okkur allar stundir.
Lifir þú í þeirri iðrun?
Hefjum upp augu og hjörtu með,
hjálpræðisstund vor er nærri.
Jesú vér fáum sjálfan séð,
sorg öll og kvíði er þá fjarri.
Senn kemur eilíf sumartíð,
sálunni fegri; er ljómar blíð
Drottins í dýrðinni skærri.
Sbók. nr. 66 — V.Briem.
Aðventan er runnin upp —
það eru ekki margir dagar til
jóla. Ut um borg og bæ und-
irbúa söfnuðir landsins eina
helgustu stund í kirkjuárinu,
fæðingarhátíð frelsarans í
þennan heim.
Aðventusamkomur eru
nær undantekningarlaust
haldnar í kirkjum og sam-
komuhúsum, ein eða fleiri á
hverjum stað. Aðventan boð-
ar komu frelsarans Jesú og
leikir menn og lærðir flytja
þann boðskap af hjarta —
hver á sinn hátt. Sumir pre-
dika, aðrir syngja og leika,
enn aðrir flytja boðskapinn
um „Drottins í dýrðinni"
með leikrænni tjáningu.
Þannig vinnur hver limur á
líkama Krists að því að
benda á hann sem fæddist í
jötu í hrörlegu fjárhúsi, en
lét líf sitt á krossi til þess að
frelsa mannkynið, sköpun
Guðs.
En öllum þeim sem tóku við
honum
gaf hann rétt til að verða
Guðs börn,
þeim er trúa á nafn hans.
Jóh. 1:12.
Ljósmyndir Hallgríms
Einarssonar Aicuregri
í upphafi ngrrar aldar
Veðurblíðan á fögrum sumardegi á Akureyri er rómuð. Á fyrri tíð héldu heldri menn
gjarnan garðveislur, þegar vel viðraði og það gera Akureyringar enn þann dag í dag
enda Ijúft að fá hressingu á heitum degi í fallegum garði og með góöu fólki.
Myndin er aðeins eitt sýnishorn af fjölmörgum Akureyrarmyndum í bókinni Akureyri
1895—1930, bókinni þar sem saga höfuðstaðar Norðurlands í byrjun tuttugustu aldar
birtist í listafallegum myndum á hverri síðu.
Myndperlur Hallgríms Einarssonar eiga erindi in.n á hvert heimili, þar sem menn unna
fögru handverki — fallegum myndum — góðri bók — og sögu forfeðranna, fólksins
sem lagöi grunn að velferö okkar í dag.
Bókaútgáfan
HAGALL 101 Reykjavík, sími 17450