RM: Ritlist og myndlist - 01.06.1947, Side 86

RM
REINER MARIA RILKE
an og kannið og kafið djúp þau, sem
líf yðar sprettur úr. Við lindir þess
munuð þér hljóta svar við spurning-
unni um það, hvort þér verðið að
yrkja. Og svarinu verðið þér að
hlíta, hvernig sem það hljóðar, og
án þess að reyna að fara í kringum
það.
Ef til vill kemur það í ljós, að list-
in er köllun yðar. Takið þá því hlut-
skipti og berið það, takið því með
þjáningu þess og upphafningu og
lítið aldrei til neinna ytri launa. Því
að hver skapandi andi verður að búa
sér sinn eiginn heim, leita alls hið
innra með sjálfum sér og á því sviði
lífsins, sem hann hefur helgað sig
allan.
En svo getur lika farið, að þér
verðið að segja skilið við skálda-
draumana eftir þessa sjálfsrannsókn.
Eins og ég sagði áður, skyldi enginn
maður helga sig skáldskap ef hann
finnur, að liann getur lifað án þess
að yrkja. En sjálfsprófunin, sem ég
réð yður til, er samt ekki að ófyrir-
synju. Hún mun ávallt upp frá því
knýja yður til að leita yðar eigin
leiða í öllu lífi yðar, og ég óska þess
heitar en orð fá lýst, að þær verði
yður fagrar og frjóar og Ijúfar.
Hvað get ég sagt yður fleira? Ég
ætla, að nú hlasi viðfangsefnið við
í réttri birtu. Að lokum vil ég ráða
yður til að athuga af gaumgæfni og
alvöru yðar eigin þróun og þroska.
Ef þér eruð sífellt á hnotskóg -eftir
skoðun annarra manna á viðfangs-
efnum, sem aðeins verða leyst í djúp-
um yðar eigin tilfinninga í algerum
friði og einveru, þá hamlar það
þroska yðar meira en nokkuð annað.
Það gladdi mig mjög, að þér nefn-
ið prófessor Horacek í bréfi yðar.
Ég ber djúpa virðingu fyrir þessum
ástúðlega vísindamanni og hef lengi
átt honum mikið upp að unna. Gerið
svo vel að bera honum kveðju mína
og þakkir fyrir, að hann man eftir
mér, það þykir mér ákaflega vænt
um.
Ég sendi yður aftur með bréfi
þessu kvæði þau, sem þér sýnduð
mér þá vinsemd að trúa mér fyrir.
Og ég þakka yður enn fyrir mikinn
og einlægan trúnað, meiri en ég á í
raun og veru skilið, maður ókunnur
yður, en ég hef leitazt við af litlum
föngum að gerast hans maklegur með
því að svara yður eftir heztu getu og
af fullri hreinskilni.
Með einlægum kveðjum
og vinarhug,
Reiner Maria Rilke.
80