Morgunblaðið - 26.02.2006, Blaðsíða 63

MORGUNBLAÐIÐ SUNNUDAGUR 26. FEBRÚAR 2006 63
FRÉTTIR
Pera vikunnar:
A B
+ C D
= E F G
Bókstafirnir tákna hver sinn tölustaf.
Hvaða tölustaf táknar bókstafurinn E?
Síðasti skiladagur fyrir réttar lausnir er kl. 12 mánudag-
inn 6. mars. Lausnir þarf að senda á vef skólans,
www.digranesskoli.kopavogur.is en athugið að þessi
Pera verður ekki virk þar fyrr en eftir hádegi hinn 27. febr-
úar. Þessi þraut birtist á vefnum fyrir kl. 16 sama dag
ásamt lausn síðustu þrautar og nöfnum vinningshafanna.
Stærðfræðiþraut Digranes-
skóla og Morgunblaðsins
ATVINNA mbl.is
FLUTNINGI höfuðstöðva Land-
helgisgæslunnar í Björgunarmið-
stöðina Skógarhlíð var fagnað að
viðstöddum boðsgestum og starfs-
mönnum á föstudag. Rúmlega 40
starfsmenn fluttu úr gamla hús-
næðinu að Seljavegi fyrir um mán-
uði og eru þeir búnir að koma sér
fyrir á hinum nýja stað. Til húsa í
Björgunarmiðstöðinni eru stjórn-
stöð Gæslunnar, ásamt sjómælinga-
og skrifstofusviði. Á myndinni eru
Björn Bjarnason dómsmálaráð-
herra og Georg Lárusson, forstjóri
Landhelgisgæslunnar.
Morgunblaðið/Árni Sæberg
Nýjum höfuðstöðvum Gæslunnar fagnað
HÆSTIRÉTTURÍslands staðfesti í
vikunni dóm Héraðsdóms Austur-
lands frá 19. júlí 2005 í máli Helga
Þórðarsonar kranamanns gegn Im-
pregilo.
Að mati Hæstaréttar braut Imp-
regilo á kjarasamning starfsmanna
við Kárahnjúkavirkjun, Virkjunar-
samninginn, með því að greiða ekki
17% álag, en í samningnum er tekið
fram að við sérstakar aðstæður skuli
greiða 17% álag á laun vélamanna.
Héraðsdómur hafði áður komist að
sömu niðurstöðu. Ekki var fallist á
kröfu Impregilo að svokallaður bið-
tími félli utan þeirrar vinnu sem
fjallað væri um í ákvæði kjarasamn-
ingsins. Impregilo SpA Ísland,
útibú, var dæmt til að greiða 400.000
krónur í málskostnað.
Impregilo
tapar máli
VIÐSKIPTARÁÐ Íslands segir, í
áliti sínu um frumvarp menntamála-
ráðherra um Ríkisútvarpið hf., að
frumvarpið dragi í engu úr þeirri
hörðu samkeppni sem stofnunin
stundi við einkaaðila, sem ekki njóti
sama stuðnings frá hinu opinbera.
Frumvarpið er nú til meðferðar í
menntamálanefnd Alþingis. Í áliti
Viðskiptaráðs kemur fram m.a. að
ráðið telji að draga eigi RÚV af aug-
lýsingamarkaði.
„Enn á ný er gerð tilraun af hálfu
stjórnvalda til að breyta um rekstr-
arform á Ríkisútvarpinu,“ segir m.a.
í áliti Viðskiptaráðs. „Stofnunin er
olnbogabarn stjórnkerfisins og virð-
ist einhverra hluta vegna undanskil-
ið þeirri eðlilegu kröfu frjáls mark-
aðar að ríkið stundi ekki samkeppni
við einkaaðila. Nú hefur mennta-
málaráðherra sett fram frumvarp
þar sem lagt er til að stofnunin verði
gerð að hlutafélagi en frumvarpið
dregur í engu úr þeirri hörðu sam-
keppni sem stofnunin stundar við
einkaaðila sem njóta ekki sama
stuðnings frá hinu opinbera.“
Í álitinu segir að ráðið hafi m.a.
lagt það til að Ríkisútvarpið verði
gert að hlutafélagi með það að mark-
miði að selja að minnsta kosti hluta
þess í fyllingu tímans. Ráðið telur að
ýmislegt megi betur fara í frumvarpi
ráðherra hvað áhrærir almenna
stefnumörkun.
Viðskiptaráð vill að RÚV dragi
sig út af auglýsingamarkaði