Morgunblaðið - 26.02.2006, Blaðsíða 46
46 SUNNUDAGUR 26. FEBRÚAR 2006 MORGUNBLAÐIÐ
UMRÆÐAN
1. MARS verður haldin á vegum
Menntasviðs Reykjavíkurborgar
Ráðstefnan Skóli á nýrri öld –
Einstaklingsmiðað nám – fræðin í
framkvæmd. Aðalfyrirlesari er Ca-
rol Ann Tomlinson, prófessor í
menntunarfræðum við Virginíuhá-
skóla. Hún mun fjalla um lyk-
ilatriðin í einstaklingsmiðuðu
skólastarfi.
Á undanförnum árum hefur ver-
ið mikil vakning meðal skólamanna
hér á landi að þróa skólastarf í átt
til einstaklingsmiðunar og í stefnu
Reykjavíkurborgar í fræðslu-
málum hefur einstaklingsmiðað
nám og samvinna nemenda verið
áhersluatriði undanfarin ár. Sí-
menntun kennara og skólaþróun
hefur því markvisst tekið mið af
þessari stefnu og kennarar hafa
kynnt sér leiðir til að hrinda kenn-
ingum um einstaklingsmiðað nám í
framkvæmd með nemendum sín-
um. Haldin hafa verið námskeið
með þátttöku allra starfsmanna
skóla þar sem oftar en ekki hefur
verið stuðst við hugmyndir Carol
Ann Tomlinson, prófessors í
menntunarfræðum við Virgíníuhá-
skóla. Hugmyndir hennar eru sér-
lega áhugaverður fyrir þá sem
vilja kynna sér nýja kennsluhætti.
Hún byggir á langri reynslu af
kennslu og sérkennsluráðgjöf, en
hún hefur hvort tveggja lagt sig
eftir að kenna nemendum með
námsörðugleika sem og bráðgerum
börnum. Tomlinson skilgreinir ein-
staklingsmiðun (differentiation)
sem markvissa viðleitni kennarans
til að bregðast við þörfum sér-
hvers nemanda eða nemendahóps
fremur en að kenna heilum bekk
eins og allir séu í grundvallar-
atriðum eins. Nokkur lykilatriði
sem hún telur að huga þurfi að
eru; að nemanda séu sett skýr
markmið og að inntak náms sé
merkingarbært og áhugavert, að
gerðar séu kröfur sem reyna á
getu hvers og eins, að námsmati
verði breytt í takt við nýjar
áherslur í námi og að náms-
umhverfið sé jákvætt og hvetjandi
og styðji við sjálfstæði nemenda.
Lykilatriði við
einstaklingsmiðun
Að mati Tomlinsson eru fleiri
grundvallarreglur sem þarf að
taka mið af.
Einstaklingsmiðuð kennsla þarf
að vera sveigjanleg. Námsmarkmið
þurfa að vera vel skilgreind og
skýr. Kennslu og námsaðferðir eru
aðeins verkfæri sem hægt er að
nota á ýmsa vegu til að stuðla að
árangri.
Einstaklingsmiðuð kennsla á
rætur sínar að rekja
til markviss og stöð-
ugs mats á náms-
þörfum nemandans.
Kennslan verður ár-
angursríkust ef
kennarar þekkja
námsþarfir nemenda
og áhugasvið. Allar
upplýsingar um
nemandann eru
nýttar til að skipu-
leggja markvissa
kennslu fyrir hann.
Sveigjanleg hópa-
skipting hjálpar til við að tryggja
að nemendur hafi fjölbreytt náms-
tækifæri og vinnuaðstæður. Kenn-
arinn skipuleggur síbreytilega
námstilhögun þar sem hann nýtir
kosti þess að kenna öllum í einu,
kenna í smærri hópum og hverjum
og einum fyrir sig.
Námstilhögun og vinnulag á
stöðugt að vera við hæfi allra nem-
enda. Þessi mikilvæga meginregla
felur í sér að nemendur takist á
við verkefni sem þeir ráða við og
vekja áhuga þeirra. Einstaklings-
miðun gerir ekki ráð fyrir mis-
munandi verkefnum fyrir sérhvern
nemanda heldur nægilegum sveigj-
anleika til að mæta ólíkum nem-
endum með misjafnar þarfir.
Nemendur og kennarar eru
samherjar í námi. Í einstaklings-
miðuðu námsumhverfi rannsaka
kennarar nemendur sína og hafa
þá stöðugt með í ráðum um námið
og kennsluna. Árangurinn af þessu
verður sá að nemendur verða sjálf-
stæðari námsmenn.
Fræðin í framkvæmd
Carol Ann Tomlinson hefur ritað
fjölmargar bækur um kenningar
sínar þar sem hugtakið ein-
staklingsmiðun er lykilatriði.
Bandarísku skólaþróunarsamtökin
ASCD gefa út bækur hennar en
auk þeirra hefur hún skrifað
fjöldann allan af fræðigreinum um
hugmyndir sínar. Meðal nýjustu
bóka hennar er Fulfilling the
Promise of the Differentiated
Classroom (2003) en þar leggur
höfundur áherslu á að góð kennsla
hefjist á góðum samskiptum milli
nemenda og kennara. Til þess að
gera nemendur virka í eigin námi
verða kennarar að gera sér grein
fyrir því að það er ekki síður mik-
ilvægt hvernig þeir kenna en hvað
þeir kenna.
Þeim sem vilja kynna sér kenn-
ingar Carol Ann Tomlinson er
bent á yfirlit yfir bækur hennar og
greinar á slóðinni oldusel.is/
skolamat en þar er meðal annars
að finna þýðingu greinarhöfunda á
þriðjungi bókarinnar Leadership
for Differentiating Schools &
Classrooms, sem gerð var með
leyfi útgáfufyrirtækis Tomlinson.
Einnig má finna efni um Toml-
inson á vef Ingvars Sigurgeirs-
sonar, prófessors við KHÍ.
Kennarar og annað áhugafólk
um skólaþróun og skapandi og
fjölbreytta kennsluhætti er hvatt
til að láta þessa heimsókn Carol
Ann Tomlinson ekki fram hjá sér
fara. Auk þess að flytja erindi á
fyrrnefndri ráðstefnu mun Toml-
inson halda fyrirlestur í Kenn-
araháskóla Íslands fimmtudaginn
2. mars.
Gengið út frá getu
hvers og eins
Sif Vígþórsdóttir og Valdimar
Helgason fjalla um kenningar
Carol Ann Tomlinson
’Kennarar og annaðáhugafólk um skólaþróun
og skapandi og fjöl-
breytta kennsluhætti er
hvatt til að láta þessa
heimsókn Carol Ann
Tomlinson ekki fram hjá
sér fara.‘
Sif Vígþórsdóttir
Sif er skólastjóri Norðlingaskóla.
Valdimar er aðstoðarskólastjóri
Ölduselsskóla.
Valdimar Helgason
Fréttir á SMS
Sími
530 6500
Finnbogi Hilmarsson,
Einar Guðmundsson og
Bogi Pétursson
löggiltir fasteignasalar
Opið mán.- fös. frá kl. 9-17
Glæsileg, stílhrein og vel skipulögð 140 fm neðri sérhæð í reisulegu húsi á þess-
um vinsæla stað í Vesturbænum. Stórar og góðar samliggjandi stofur og þrjú
svefnherbergi. Fallegur arinn og skrautlistar í lofti. Íbúðin hefur verið mikið end-
urnýjuð að innan, m.a. eldhús, baðherbergi og öll gólfefni. Um 26 fm bílskúr
fylgir. Verð 43 millj.
Grenimelur 3 - opið hús í dag
Opið hús er á eigninni milli kl. 15-17 í dag. Verið velkomin!
VERSLUNAR- OG ATVINNUHÚSNÆÐI
– TIL LEIGU –
SMIÐJUVEGUR 3, KÓPAVOGI (á móti Orkunni, Bónus og BYKO)
2.700 m² verslunar- og atvinnuhúsnæði. Þar af allt að 2.300 m² á
einu gólfi og í einum sal. Allt að 5,5 m lofthæð og góð bílastæði.
Hamraborg 20A, 200 Kópavogur
sími: 554 4000 – fax: 554 4018
www.husalind.is
Nánari upplýsingar veitir Barbara
í síma 554 0400 eða 863 5404.
leiguradgjof@leiguradgjof.is
Erum með í einkasölu einstaklega
flotta 93,4 fm endaíbúð á 3. og
efstu hæð í fallegu litlu fjölbýli á
frábærum stað rétt við mjög góða
þjónustu, bæði leikskóla, grunn-
skóla og mjög góða íþróttaað-
stöðu í Smáranum. Vandaðar
innréttingar. Kirsuberjaparket á
gólfum. Glæsilegt flísalagt bað-
herbergi með vandaðri innr. og bæði baðkari og sturtuklefa. Mikið útsýni.
Sérþvottahús í íbúðinni. Mjög góð sameign. Upplýsingar um eignina er
hægt að fá hjá Þórarni sölumanni á Valhöll í s. 899 1882. Verð 21,9 m.
Ingólfur G. Gissurarson, lögg. fast.
www.valholl.is
Opið virka daga frá kl. 9.00-17.30.
LAUTASMÁRI - GLÆSILEG
3JA HERB. ENDAÍB.