Morgunblaðið - 26.02.2006, Blaðsíða 33

MORGUNBLAÐIÐ SUNNUDAGUR 26. FEBRÚAR 2006 33
SAMTÖK um betri byggð skora á frambjóð-
endur í efsta sæti framboðslista VG fyrir borg-
arstjórnarkosningarnar í vor að gera grein fyrir
stefnu sinni varðandi skipulag og uppbyggingu á
Vatnsmýrarsvæðinu og nefna það ár, sem
Reykjavíkurflugvöllur á í síðasta lagi að víkja
fyrir byggð.
„Frambjóðendurnir tveir hafa hingað til látið
nægja að segja að ekki sé spurning um hvort
heldur hvenær flugvöllurinn fari úr Vatnsmýri.
Slíkt orðalag segir þó nákvæmlega ekki neitt,
enda til þess fallið að halda öllum möguleikum
opnum svo tryggja megi pólitíska hagsmuni
flokks og frambjóðenda, á kostnað borgarsam-
félagsins.
Samtök um betri byggð telja að það sé engum
stjórnmálaflokki sæmandi að ætla bæði að þókn-
ast þeim sem eru hlynntir og andvígir flugvelli í
Vatnsmýri. Samtökin telja að ótvíræð stefna
allra frambjóðenda í þessu mikilvægasta hags-
munamáli Reykvíkinga verði að liggja ljós fyrir
áður en kjósendur ganga að kjörborðinu í vor.
Í tilefni af loðnum ummælum oddvitanna
tveggja telja Samtök um betri byggð óhjá-
kvæmilegt að ítreka enn og aftur að Vatnsmýr-
armálið er í raun tvö ólík og aðskilin mál.
Annars vegar er um að ræða mikilvægasta
skipulagsmál Reykvíkinga fyrr og síðar, skipu-
lag og bygging nýs borgarhluta í Vatnsmýri,
sem gefur þjóðarbúinu amk. 200 milljarða kr. í
aðra hönd. Samtökin benda á að það er laga-
legur og siðferðilegur grundvallarréttur Reyk-
víkinga að skipuleggja sjálfir allt land innan
borgarmarka sinna og með sama hætti er það
óvéfengjanlegt hlutverk og skylda kjörinna
borgarfulltrúa að gera slíkt skipulag í samráði
við kjósendur sína og með hagsmuni þeirra að
leiðarljósi.
Hins vegar er um að ræða mikilvægt sam-
göngumál allra landsmanna. Það er ótvírætt
hlutverk og skylda fagráðuneytis samgöngumála
og fagstofnunar þess á sviði flugmála að finna
nýjan stað á Suðvesturlandi fyrir miðstöð innan-
landsflugsins, sem tryggir hagsmuni flugfarþega
og flugrekenda til frambúðar, í fullri sátt við
umhverfi og samfélag. Auðvelt er fyrir ríkið að
fjármagna slíka miðstöð þó hún geti kostað allt
að 10 milljarða kr., vegna þess að söluandvirði
ríkislóðanna, sem nú liggja verðlausar undir
flugbrautunum í Vatnsmýri er amk. 30 millj-
arðar kr.“
Betri byggð krefst svara frá VG um
framtíð flugvallarins í Vatnsmýrinni
FRAMBOÐSLISTI Samfylkingar-
innar við bæjarstjórnarkosningarn-
ar á Akureyri hefur sent frá sér
ályktun þar sem það er harmað að
menntamálaráðherra Sjálfstæðis-
flokksins standi í vegi fyrir því að
starfsemi Háskólans á Akureyri
verði tryggð til framtíðar og að hann
fái að vaxa og þróast í takt við þarfir
samfélagsins.
„Staðsetning skólans hefur orðið
til þess að auðvelda aðgengi fjölda
fólks að menntun um leið og upp-
bygging hans og rekstur hefur skap-
að mörgum atvinnu sem ella hefðu
þurft að leita hennar á suðvestur-
horninu. Mikilvægi skólans liggur þó
fyrst og fremst í því að með starf-
semi sinni leggur hann grunn að ný-
sköpun atvinnulífs á landsbyggðinni
almennt og Akureyri og Eyjafjarð-
arsvæðinu sérstaklega.
Krafa allra þeirra sem átta sig á
mikilvægi Háskólans hlýtur þess
vegna að vera að stjórnvöld bregðist
þegar í stað við og fjárveitingar verði
leiðréttar þannig að skólinn geti
áfram sinnt því mikilvæga hlutverki
sem hann hefur fyrir íslenskt sam-
félag.“
HA geti
áfram
sinnt hlut-
verki sínu
STJÓRN samtaka auglýsenda
(SAU) ítrekar fyrri ályktanir sínar
um að Ríkisútvarpið (RÚV) verði
áfram á auglýsingamarkaði.
„Hverfi RÚV af þeim markaði
bendir flest til þess að auglýsinga-
kostnaður muni hækka, með þeim
afleiðingum að aðgengi auglýsenda
að markaði þrengist með hækkandi
markaðskostnaði og óvirkari sam-
keppni. Til lengri tíma litið stuðlar
fákeppni á auglýsingamarkaði þann-
ig að hækkandi verðlagi á vörum og
þjónustu til almennings,“ segir í
ályktuninni.
RÚV verði
áfram á
auglýsinga-
markaði
♦♦♦
ALCAN á Íslandi hefur hefur
hleypt af stokkunum verkefni sem
ætlað er að auka stærðfræðiáhuga
tæplega 11 þúsund barna sem
fædd eru á árunum 1997, 1998 og
1999. Hefur foreldrum/forráða-
mönnum þeirra verið sent bréf og
boðið að börnin taki þátt í stærð-
fræðileik undir yfirskriftinni
Stærðfræðisnillingarnir.
Leikurinn felst í því að börnin
leysa nokkrar stærðfræðiþrautir á
heimasíðu fyrirtækisins www.alc-
an.is en þær eru unnar upp úr
kennsluefni, bæði bókum og marg-
miðlunarefni, þar sem grunnatriði
stærðfræðinnar eru klædd í
skemmtilegan búning til að vekja
áhuga á viðfangsefninu. Foreldr-
um er heimilt að leiðbeina börn-
unum eins og um hvert annað
heimanám væri að ræða. Öll börn
sem taka þátt fá senda gjöf í við-
urkenningarskyni fyrir þátttök-
una, en að auki fá 500 heppnir
þátttakendur sendan margmiðlun-
ardiskinn Tívolí tölur frá
www.kennsluforrit.is Nöfn þeirra
verða dregin úr réttum innsendum
lausnum 17. mars og því þurfa
svör að hafa borist fyrir þann
tíma, segir í fréttatilkynningu.
Alcan með
stærð-
fræðiþraut
♦♦♦