Morgunblaðið - 26.02.2006, Page 1

STOFNAÐ 1913 56. TBL. 94. ÁRG. SUNNUDAGUR 26. FEBRÚAR 2006 PRENTSMIÐJA MORGUNBLAÐSINS mbl.is
Woody Allen
í London
Woody Allen í viðtali um nýjustu
mynd sína, Match Point 26
Tímarit og Atvinna í dag
Tímarit | Með leiklistina í litningunum
Donatella réttir úr kútnum

Einfalt en margslungið
Toppfæði við höfnina
Krossgátan
Atvinna | Störf á öllum sviðum þjóðlífsins
Einkalíf og atvinna í Danmörku
5 6 9 0 9 0 0 0 0 0 9 0 0
SUNNUDAGUR VERÐ KR. 350
Listaverkum
stolið á meðan
dansinn dunaði
Ríó de Janeiro. AP. | Bí-
ræfnir glæpamenn
nýttu sér öngþveitið
sem fylgdi upphafi
kjötkveðjuhátíð-
arinnar í Ríó de Ja-
neiro í Brasilíu í
fyrrakvöld og stálu
málverkum eftir
Pablo Picasso, Salva-
dor Dalí, Henri Mat-
isse og Claude Monet
úr listaverkasafni í
borginni.
Lögreglan hefur
mikinn viðbúnað í Ríó vegna kjöt-
kveðjuhátíðarinnar. Áherslan er þó eink-
um lögð á að draga úr vasaþjófnaði, en er-
lendir ferðamenn þykja auðveld bráð
fyrir ræningja í borginni, og ofbeldi sem
jafnan setur mark sitt á þessa frægu borg.
Ræningjarnir munu hafa ráðist til at-
lögu í Chacara do Ceu-safninu í Ríó í
fyrrakvöld vopnaðir skammbyssum, einn
þeirra mun jafnframt hafa haldið á hand-
sprengju. Þvinguðu ræningjarnir örygg-
isverði á safninu til að slökkva á öllum ör-
yggismyndavélum og létu síðan greipar
sópa í kjölfarið. Nældu ræningjarnir fjórir
sér í allra verðmætustu verk safnsins; þ.e.
verk eftir Picasso, Monet, Matisse og Dalí,
sem fyrr segir, og jafnframt hirtu þeir
alla fjármuni fimm ferðamanna, sem voru
í safninu. Hurfu ræningjarnir síðan út í
mannþröngina á götum Ríó og hefur ekki
spurst til þeirra síðan.
Frá setningu kjöt-
kveðjuhátíðarinnar.
TERZEEN er sex ára gömul pakistönsk
stúlka sem nú býr í Mustafai-tjaldbúðunum í
útjaðri borgarinnar Muzaffarabad í pakist-
anska hluta Kasmír. Heimili Terzeen eyði-
lagðist í jarðskjálftanum sem skók pakist-
anska hluta Kasmír í haust en um 73.000
manns týndu lífi í náttúruhamförunum. Kalt
er í veðri á þessum slóðum um þessar mundir
en Terzeen gaf sér þó tíma til að stilla sér upp
fyrir ljósmyndara Reuters er hann var á ferð í
búðunum í gær.
Um tvær milljónir manna hafa þurft að búa
í tjaldbúðum eða öðrum tímabundnum vist-
arverum vegna eyðileggingarinnar sem varð í
skjálftanum. Íslendingurinn Rafn Jónsson
vann að hjálparstarfi á vegum Rauða krossins
á skjálftasvæðunum í Pakistan fyrr á þessu
ári og hann segir í samtali við Morgunblaðið í
dag að eyðileggingin blasi alls staðar við.
Ánægjulegt hafi hins vegar verið að sjá að ár-
angurinn af hjálparstarfi alþjóðastofnana í
landinu var sýnilegur. „Þetta er harðgert fólk
sem býr þarna í fjöllunum og það lætur ekki
bugast,“ segir Rafn. | 22
Reuters
Kalt á skjálftasvæðunum í Kasmír
ALÞINGISKONUR Íslands æfa
nú leikritið Píkusögur eftir Eve
Ensler. Verkið verður sýnt á V-
daginn, miðvikudaginn 1. mars.
Framtakið verður að teljast
óvenjulegt, enda taka þátt allar
þingkonur þjóðarinnar sem verða
á landinu sýningarkvöldið, auk
einnar varaþingkonu.
Píkusögur hafa verið notaðar
um heim allan í baráttu gegn kyn-
bundnu ofbeldi. Alþjóðlegu V-
dagssamtökin voru stofnuð í
kringum verkið en markmiðið er
að binda enda á ofbeldi gegn kon-
um um víða veröld.
„[Þingkonurnar] eru náttúrlega
allar ákaflega uppteknar en eru
mjög skipulagðar, mæta stundvís-
lega og hafa hellt sér af krafti út í
þetta,“ segir leikstjórinn María
Ellingsen.
Æfingaaðstaðan er á Hótel
Radisson SAS 1919, rétt hjá Al-
þingi, þannig að þingkonurnar
geta skotist þaðan þegar þær hafa
tíma. „Sjálf bý ég á Vesturgötunni
þannig að ég hleyp þá til móts við
þær,“ segir María.
Auk Maríu er í Morgunblaðinu í
dag rætt við fulltrúa íslensku V-
dagssamtakanna og nokkrar þing-
konur.
Þær eru sammála um að góður
andi sé í hópnum og svolítil vin-
konu- og stelpustemning, eins og
þær lýsa því.
„Það er náttúrlega afskaplega
skemmtileg tilbreyting að fara
úr daglegum störfum á Alþingi
og upp á svið í Borgarleikhús-
inu,“ segir Arnbjörg Sveins-
dóttir. Kolbrún Halldórsdóttir
bendir á að það sé frábært að
þingkonurnar fái tækifæri til að
horfa hver á aðra sem þær
manneskjur sem þær séu, en
ekki endilega í gegnum pólitísku
gleraugun sem þær noti dags-
daglega. Sigurlín Margrét Sig-
urðardóttir segir konurnar hafa
fengið að nálgast viðfangsefnið á
skemmtilegan hátt og að mati
Jónínu Bjartmarz hafa þingkon-
ur haft gott af því að setjast nið-
ur sem hópur og ræða ofbeldi
gegn konum.
„Ég held að það að konur á
þingi standi saman á þennan hátt
og séu allar orðnar málsvarar og
talsmenn gegn kynbundnu of-
beldi geti skilað sér mjög langt,“
segir Guðrún Ögmundsdóttir.
Alþingiskonur gegn kynbundnu ofbeldi
Morgunblaðið/ÞÖK
Arnbjörg Sveinsdóttir, Kolbrún Halldórsdóttir, Guðrún Ögmunds-
dóttir, María Ellingsen, Sigurlín Margrét Sigurðardóttir og Jónína
Bjartmarz eru í þeim hópi sem nú æfir leikritið Píkusögur.
Eftir Sigríði Víðis Jónsdóttur
sigridurv@mbl.is
 Þingkonur | 10
Kampala. AP. | Yoweri Museveni verður
áfram forseti Úganda en forsetakosningar
fóru fram í landinu sl. fimmtudag. Bráða-
birgðaniðurstöður talningar, sem birtar
voru í gærmorgun, sýndu að Museveni
hafði unnið öruggan sigur á
keppinaut sínum, stjórnar-
andstæðingnum Kizza
Besigye.
Birta átti endanleg úrslit
seint í gær en skv. upplýs-
ingum kjörstjórnar hafði
Museveni 60,8% atkvæða
þegar búið var að telja 91%.
Besigye hafði hins vegar
36% fylgi.
Museveni hefur verið forseti í Úganda í
tuttugu ár. Lög kváðu á um að hann gæti
ekki setið lengur en tvö kjörtímabil á valda-
stóli en Museveni lét breyta þeim lögum í
fyrra, svo hann gæti setið lengur, og hlaut
fyrir það gagnrýni, m.a. frá erlendum al-
þjóðastofnunum og styrktaraðilum.
Stuðningsmenn Besigye sögðu kosning-
arnar nú hafa einkennst af kosningasvindli.
Eftirlitsmenn á vegum Evrópusambands-
ins tóku ekki svo djúpt í árinni en sögðu
ljóst að forsetinn hefði beitt aðstöðu sinni til
að tryggja að Besigye sæti ekki við sama
borð í kosningabaráttunni. Besigye var
seint á síðasta ári ákærður fyrir nauðgun og
landráð. Stjórnarandstaðan fullyrðir hins
vegar að ákærurnar hafi verið af pólitískum
rótum runnar og til þess fallnar að skaða
hann í aðdraganda forsetakosninganna.
Yoweri
Museveni
Museveni
áfram forseti
Úganda
♦♦♦