24 stundir - 13.03.2008, Blaðsíða 30
30 FIMMTUDAGUR 13. MARS 2008 24stundir
Eftir Hildi Eddu Einarsdóttur
hilduredda@24stundir.is
Hjálparsími Rauða krossins stend-
ur þessa dagana fyrir átaki þar sem
sjónum er beint að málefnum fólks
sem á í greiðsluerfiðleikum. Yfir-
skrift átaksins er Þorirðu ekki að
opna þau - opnaðu þig og er til-
gangurinn að benda fólki á að hægt
er að fá ráðgjöf og upplýsingar um
úrræði sem standa til boða í síma
1717.
Að sögn Elfu Daggar S. Leifs-
dóttur, verkefnastjóra Hjálparsíma
Rauða krossins, er efnt til sérstakra
átaksvikna tvisvar á ári þar sem
vakin er athygli á sérstökum um-
fjöllunarefnum. Áður hefur verið
vakin athygli á ráðgjöf vegna heim-
ilisofbeldis, átröskunar, þunglyndis
og fleira og að þessu sinni var
ákveðið að hvetja fólk sem á við
greiðsluerfiðleika að stríða til að
leita ráða hjá Hjálparsíma Rauða
krossins. „Við leggjum sérstaka
áherslu á að veita fólki andlegan
stuðning enda hefur það sýnt sig að
greiðsluerfiðleikar geta valdið
streitu og vanlíðan. Greiðsluerfið-
leikar eru líka gjarnan samtvinn-
aðir öðrum vandamálum sem
valda vanlíðan, og þegar staðan er
orðin þannig að fólk nær ekki end-
um saman veigrar það sér gjarnan
við að horfast í augu við vandann
og tala um hann,“ segir hún.
Mikilvægt skref
Elfa segir starfsmenn Hjálpar-
símans vissulega ekki greiða úr
fjárhagsvanda fólks heldur sé þjón-
ustan fyrst og fremst hugsuð sem
fyrsta skref fólks í að takast á við
vandann. „Þeir sem svara í símann
hafa allir farið á námskeið um það
hvaða úrræði eru í boði fyrir fólk
sem á í greiðsluvanda og geta þá
bent þeim sem hringja á hvert þeir
eiga að leita. Svo má ekki gleyma
því að bara það að tala um hlutina
við hlutlausa manneskju sem hefur
engra hagsmuna að gæta og setur
sig ekki í dómarasæti getur haft
heilmikið að segja. Sumir eiga
kannski fáa vini og ættingja að sem
þeir geta ráðfært sig við og svo er
ekki síður algengt að fólk veigri sér
við að upplýsa sína nánustu um
þær fjárhagslegu ógöngur sem það
er komið í. Fólk sem svarar í Hjálp-
arsímann á það sameiginlegt að
vera hjartahlýtt og fúst til að leið-
beina fólki um hvert það geti leitað.
Og það er sama hversu stór eða lít-
ill vandinn er, fólki er velkomið að
hringja hvenær sem er sólarhrings-
ins,“ segir hún að lokum.
Átaksvika hjá Hjálparsíma Rauða krossins
Fyrsta skrefið að
tala um vandann
Fjárhagslegir erfiðleikar
geta valdið mikilli streitu
og vanlíðan og oft veigr-
ar fólk sér við að ráðfæra
sig við sína nánustu
vegna greiðsluerfiðleika.
Starfsmenn Hjálparsíma
Rauða krossins eru hins
vegar bundnir trúnaði og
taka á móti símtölum
fólks í slíkum vanda.
Átaksvika í gangi Elfa Dögg S.
Leifsdóttir, verkefnastjóri Hjálp-
arsíma Rauða krossins.
➤ Átakið um greiðsluerfiðleik-ana stendur til 17. mars en
eftir það verður áfram hægt
að hafa samband vegna
slíkra mála.
➤ Númerið er 1717 og ókeypiser að hringja úr öllum símum
allan sólarhringinn.
HJÁLPARSÍMINN
Framundan eru páskar og sjálf-
sagt margir sem ætla að nota fríið
til að ferðast til útlanda. Vert er að
benda fólki á að farsímanotkun
getur vegið þungt í heildarkostnaði
ferðalagsins. Hér gefur Ragnhildur
Guðjónsdóttir hjá Neytendasam-
tökunum nokkur góð ráð.
Talhólfið aftengt
„Efst á blaði tel ég vera að af-
tengja talhólfið áður en lagt er af
stað því það virkar þannig að hvort
heldur sem slökkt er á símanum
eða ekki þá greiðir móttakandinn
fyrir eins og um millilandasímtal sé
að ræða. Auðvelt er að framkvæma
aftenginguna sjálfur en leiðbein-
ingar þar um eru á heimasíðum
símafyrirtækjanna. Einnig er hægt
að hringja í símafyrirtækin og láta
gera þetta fyrir sig. Fyrir þá sem
þurfa nauðsynlega á talhólfsþjón-
ustu að halda mæli ég með að fólk
kynni sér fyrirfram á hvaða kjörum
hægt er að nýta símsvarann í út-
löndum,“ segir Ragnhildur.
SMS telja
Ragnhildur segir einnig að hafa
þurfi fleiri atriði í huga eins og
textaskilaboð (SMS) en að jafnaði
kostar meira að senda slík skilaboð
í útlöndum. Fyrir þá sem þurfa að
senda textaskilboð bendir hún á
heimasíður símafyrirtækjanna
þaðan sem hægt er að senda SMS
sér að kostnaðarlausu. Eins tengist
farsíminn ekki endilega hagkvæm-
asta símafyrirtækinu erlendis þegar
þangað er komið heldur því sem
hefur besta sambandið. Til að velja
sér hagkvæmasta fyrirtækið er gott
að kynna sér hvert það er í viðkom-
andi landi. Til að finna það er síðan
ýtt á hnöttinn á símanum, þá net-
work select og loks manual.
Farsímanotkun erlendis getur orðið kostnaðarsöm
Talhólfið kostar
Hvert norskt heimili kastar 60
kílóum meira af mat en fyrir tíu ár-
um. Samkvæmt nýrri rannsókn
kastaði hvert heimili um 200 kíló-
um af mat árið 2006 á móti 140
kílóum árið 1996. Um 416 þúsund
tonn af mat fara því í ruslið ár
hvert í Noregi.
Ástæða þessarar aukningar er
talin sú að fólk hreinsar úr ísskápn-
um vörur sem komnar eru fram yf-
ir síðasta söludag og hendir í rusl-
ið. Það getur t.d. verið ýmis
krukkumatur. Að sögn norsks nær-
ingarráðgjafa hefur ungt fólk til-
hneigingu til að líta ekki við mat-
vöru sem komin er fram yfir
síðasta söludag, jafnvel þótt hún sé
í fullkomnu lagi.
Þrátt fyrir dagstimplunina t.d. á
eggjum þá er varan í lagi lengur en
hún segir til um. Samkvæmt Evr-
ópustaðli mega egg ekki vera eldri
en 28 daga gömul vegna salmon-
elluhættu. Hins vegar er lítil hætta
á slíku smiti hér á landi. Hægt er að
finna út hvort egg séu heil með því
að setja þau í skál með vatni. Ef þau
sökkva til botns er í lagi með þau.
Hægt væri að spara mikla peninga
með því að hafa betri yfirsýn yfir
það sem er til í ísskápnum.
Dagstimplun hefur áhrif á að mat er hent
Miklum mat kastað
Egg geymast vel Mikl-
um mat er hent þar sem
fólk telur hann ónýtan.
LÍFSSTÍLLSPARIBAUKURINN
lifsstill@24stundir.is a
Við leggjum sérstaka
áherslu á að veita fólki
andlegan stuðning.
Starfsmenntanám
· Blómaskreytingar
· Búfræði
· Garðyrkjuframleiðsla
· Skógur og umhverfi
· Skrúðgarðyrkjubraut
www.lbhi.is
Háskóli
lífs og lands
Umsóknarfrestur um skólavist
er til 4. júní
Háskólanám
· Búvísindi
· Hestafræði
· Náttúru- og umhverfisfræði
· Skógfræði og landgræðsla
· Umhverfisskipulag
www.lbhi.is
Háskóli
lífs og lands
Umsóknarfrestur um skólavist
er til 4. júní