24 stundir - 13.03.2008, Blaðsíða 25
24stundir FIMMTUDAGUR 13. MARS 2008 25
Tvær nýjar myndlistarsýningar verða
opnaðar í Listasafni Reykjavíkur – Hafnar-
húsinu í dag. Annars vegar er um að ræða
sýninguna Mállausir kjarnar með ljós-
myndaverkum eins af virtustu listamönnum
þjóðarinnar, Sigurðar Guðmundssonar.
Nýjustu verk Sigurðar eru stórar ljósmyndir
af fólki teknar á hefðbundna filmuvél.
Myndunum hefur ekki verið breytt eftir á
með stafrænni tækni, en þær eru festar á ál-
plötur, innrammaðar og sýndar undir gleri.
Við gerð verkanna skapaði Sigurður aðstæð-
ur þar sem allt áreiti var útilokað frá meðvit-
und fólksins á myndunum eins og frekast
var kostur. Í sumum tilfellum lét hann dá-
leiða viðfangsefni sín til að ná fram hugar-
ástandi algjörrar einbeitni. Það er undir-
meðvitundin sem við verðum vitni að í
þessum verkum. Á sýningunni eru einnig tvö
ný myndbandsverk. Sýningin verður opnuð
klukkan 17.00 og tekur listamaðurinn þátt í
leiðsögn um sýninguna klukkan 20.
Ný sýning í D-sýningaröðinni
Hin sýningin sem verður opnuð í Hafn-
arhúsinu í dag er hluti af D-sýningaröðinni í
D-sal safnsins. Gunnhildur Hauksdóttir sýn-
ir þar innsetningar, myndbandsverk og
gjörninga, gjarnan með einföldum vísunum
sem opnar eru fyrir túlkun áhorfandans og
fjalla um manninn, umhverfi hans og við-
mið.
Gunnhildur fæddist árið 1972 og hefur
sýnt verk sín víða um heim. Hún útskrifaðist
sem myndlistarmaður frá Listaháskóla Ís-
lands árið 2001 og stundaði framhaldsnám í
myndlist við Sandberg Institute í Amster-
dam 2002 til 2005. Hún er meðlimur í hinni
alþjóðlegu Dieter Roth-akademíu og hefur
starfað í Berlín undanfarin ár.
Tvær sýningar opnaðar í Hafnarhúsinu í dag
Sigurður Guðmundsson og ný D-sýning
Í D-salnum Eitt af verkum
Gunnhildar á sýningunni.
Síðustu sýningar Íslenska dans-
flokksins á febrúarsýningunni
Dans-anda verða í Borgarleikhús-
inu föstudaginn 14. mars og
sunnudaginn 16. mars. Sýningin
samanstendur af tveimur ólíkum
verkum eftir tvo af mest spenn-
andi danshöfundum Norð-
urlanda, þá Jo Strömgren frá
Noregi og Alexander Ekman frá
Svíþjóð.
Síðustu
sýningar
Arnar Tryggvason opnar mynd-
listarsýningu í Populus tremula
næstkomandi laugardag klukkan
14. Þetta er önnur einkasýning
Arnars sem útskrifaðist sem graf-
ískur hönnuður frá Myndlista-
skólanum á Akureyri árið 1995.
Verkin á sýningunni eru tölvu-
unnar ljósmyndir, blek-
sprautuprentaðar á striga.
Hvert verk er samsett úr aragrúa
ljósmynda sem Arnar bútar niður
og raðar saman upp á nýtt –
byggir ný hús og mótar nýtt
landslag.
Arnar sýnir í
Populus tremula
Strengjasveitir Tónlistarskólans í
Reykjavík spila á tónleikum í Ás-
kirkju á laugardaginn klukkan
15. Leikin verða verk eftir Purcell,
Grieg, Brahms og Vivaldi. Stjórn-
endur strengjasveitanna eru Sig-
urgeir Agnarsson og Mark Reed-
man og einleikari á selló verður
Ásta María Kjartansdóttir.
Aðgangur er ókeypis og allir vel-
komnir.
Strengjasveitir
á tónleikum