Eimreiðin - 01.07.1895, Síða 1

8i
Latínuskólinn og leikfimin.
Það þarf ekki að eyða orðurn að því að sýna mönnum fram
á, hve óumflýjanlegt það er, að hraustleiki sálar og líkama fylgist
að fyrir hvern þann mann, sem hefur miklar kyrsetur við lestur
og skriptir eða nám í stuttu máli að segja. Það hefur hver náms-
maður fundið, á hvaða reki sem hann er, að ef hann hefur setið
við námsborð sitt 2, 3, 4 klukkustundir, að hann þarf að »ljetta
sjer upp«, þarf að hreyfa sig dálítið. Það er líkaminn og vöðv-
arnir, sem eru orðnir þreyttir eða sljóvir, og þar af leiðir aptur,
að sálin hefur þreyzt og hugsunaraflið þorrið. Lúinn hverfur við
hvers konar hreyfingu. Til þess að geta haldið námskröptunum
óskerðum og vinnuaflinu, er þvi ávallt þörf á hæfilegri hreyfingu
eða líkamlegri áreynslu öðruhverju til þess að gera líkamann þol-
betri, mjúkari og hraustari.
Síðan í fornöld, er líkamlegar íþróttir voru hafðar um hönd
svo að segja dags daglega — og þó var andleg vinna ekki berandi
saman við námstrit vorra daga —, hefur þessi þörf aldrei verið
frernur viðurkennd en á hinurn siðustu árurn, einkum við skól-
ana; gegmrm þá fara þúsundum saman eptirfarandi kynslóðir; og
það er hverjum ljóst, að þær verða að vera senr bezt úr garði
gerðar. Námstritið eykst alltaf frenrur en minnkar; líkamleg
hreyfing verður si og æ nauðsynlegri fyrir alla nemendur.
Erlendis er svo víðast hvar, að skólagangur er 11 nránuði
ársins og aðeins eins mánaðar sumarleyfi; á Islandi er 3 mánaða
sumarleyfi, og er því ekki að neita, að það bætir stórum um; þar
til kemur og, að hávaðinn af íslenzkum skólapiltum eru úr sveit
og taka þátt í sumarvinnu heirna •— og munu fæstir oftaka sig á
lestri þann tímann. Vjer gætum því skilið, að sumum þætti svo,
sem leikfimi í latínuskólanum væri lítt þörf i rauninni; en slíkur
hugsunarháttur er skammsýni.
Þegar þess er gætt, að íslenzkir skólapiltar lesa og læra eins
m’ikið til prófs eins og í öðrum rikis-skólum með lengra námstima,
er það ljóst, að þá 9 mánuði þurfa þeir að leggja meira á sig en
piltar í hinum skólunum, og að sama skapi eykst þörfin á hreyf-
ingu, meðan við námið er verið. Það er óhætt að segja, að þðtt
sumarleyfið sje svo langt, er eins mikil þörf á leikfimi við skólann
í Reykjavik sem annars staðar, allt um það.
Þegar jeg var í skóla fvrir 16 árum siðan, var kennslan í
6