Morgunblaðið - 19.07.1991, Blaðsíða 7

7
MORGUNBLAÐIÐ FÖSTUDAGUR 19. JÚLÍ 1991

Höfuðborgarbúar sleikja sólina í Hallargarðinum við Fríkirkjuveg 11.
Morgunblaðið/Júlíus
Fólkið vill flatmaga
í sólinni og grilla
VEÐURBLÍÐAN sem var um gervallt landið í byrjun júlí hafði að
dómi flestra þeirra sem starfa við ferðamannaþjónustu töluverð
áhrif á það hvernig íslendingar höguðu ferðum sínum innanlands.
Góða veðrið virtist hins vegar ekki hafa þau áhrif að það drægi
úr sólarlandaferðum landsmanna.
Hafdís Ólafsdóttir hótelstjóri
Hótel Eddu á Stóru-Tjörnum segir
að það sé greinilegt að veður hafi
mikil áhrif á ferðavenjur íslend-
inga. Hún kveðst álíta að ekki sé
óalgengt að íslendingar panti sér
gistingu á tveimur til þremur stöð-
um og staðfesti svo pöntun fyrir
helgina eftir því hvernig veðurspáin
sé. Hún sagði að á Stóru-Tjömum
væri greinilegt að í sumar kæmu
færri ferðalangar fyrirvaralaust
inn á hótelið en undanfarin sumur.
Hins vegar hefðu pantanir skilað
sér þokkalega.
Hafdís sagðist álíta að þegar
veður væri mjög gott færi fólk
helst í stuttar ferðir út fyrir bæina.
Sumir þessara ferðalanga nýttu sér
þá ýmsa þjónustu ferðamanna-
staða, þó að þeir dveldust þar ekki
um nætursakir. Þannig sagði
Hafdís að um síðustu helgi hefðu
um þúsund manns komið í sund-
laugina á Stóru-Tjörnum. Hafdís
taldi að flestir sundlaugargestanna
um helgina hefðu komið frá Akur-
eyri og Húsavík.
Hótelstjórnendur víðast hvar um
landið sögðu að Islendingar væru
í ár tiltölulega lítill hluti nætur-
gesta á hótelunum. Hitt væri al-
gengara að íslenskar fjölskyldur
kæmu inn á hótelin til þess að
borða.
Anna Árnadóttir í Gesthúsum á
Selfossi sagði að mikið hefði verið
að gera í sumar. Á Selfossi voru í
vor opnuð lítil sumarhús, sem Anna
sagði að væru mjög vinsæl og
kæmu flestir gestanna af Faxa-
flóasvæðinu. Þá sagði Anna einnig
að mikið hefði verið um tjaldgesti
á Selfossi, en íslendingar væru
vissulega í minni hluta meðal
þeirra.
Halldóra Jónsdóttir rekur gisti-
heimilið í Grennd í Aðaldal. Hún
tók í sama streng og Hafdís á
Stóru-Tjömum. Þeir gestir- sem
hefðu bókað sig skiluðu sér en
nánast engir ferðalangar rækjust
inn óundirbúið. Halldóra sagðist
verða lítið vör við ferðafólk af suð-
vesturhorninu. „Ætli fólkið flat-
magi ekki bara í sólinni fyrir sunn-
an, ýmist í laugunum eða á svölun-
um heima hjá sér“, sagði Halldóra.
Ferðamátinn að breytast
Elín Karlsdóttir hótelstjóri á
Hótel Norðurljósum á Raufarhöfn
sagði að minna hefði verið um
ferðamenn þar en í fyrrasumar.
Þar væri el.ki við veðrið að sak-
ast því að það hefði verið ágætt.
Hins vegar sagði Elín að það
færi stöðugt í vöxt að íslendingar
ferðuðust með allan útbúnað með
sér og þyrftu þess vegna ekki að
sækja þjónustu að ráði til gisti-
staða.
Á tjaldsvæðinu við Höfn í
Hornafirði hefur verið mun minna
um innlenda ferðamenn það sem
af er sumri en oftast áður. Magn-
hildur Gisladóttir tjaldvörður þar
sagði það skoðun sína að íslend-
ingar ferðuðust í allt öðrum til-
gangi um landið en erlendir ferða-
menn. Útlendingarnir væru fyrst
og fremst í þeim erindum að skoða
landið og náttúru þess, en íslend-
ingarnir væru að leita að góðu
veðri og góðri aðstöðu til þess að
grilla og hafa það huggulegt. Það
væri því eðlilegt að þegar kæmi
jafn gott veður um allt land og
verið hefur undanfarið þá væri
fólk ekki að leita langt yfir
skammt að þessum skilyrðum.
Aðsókn að tjaldsvæðum í ná-
grenni Reykjavíkur hefur verið
mjög góð og bendir það til þess
að Magnhildur á Höfn hafi nokkuð
til síns máls. Fólk hefur ekki þurft
að elta veðrið og því farið mest á
þá staði sem eru tiltölulega stutt
frá þéttbýlisstöðunum. Á Laugar-
vatni hefur verið mikið af fólki á
tjaldsvæðinu og hefur verið áber-
andi hvað hefur verið mikið af
fjölskyldufólki þar. Unnur Þor-
steinsdóttir tjaldvörður í Vík í
Mýrdal sagði að algengt hefði
verið þar, að fólk sem í fyrstu
hefði ætlað að vera eina nótt hefði
framlengt dvöl sína um þijár til
fjórar nætur til þess að njóta góða
veðursins. Á tjaldsvæðunum á
Akureyri hefur hins vegar verið
venju fremur lítið um sunnlenska
ferðamenn í sumar. Þetta hefur
einnig komið fram í minnkandi
aðsókn að Sundlaug Akureyrar.
Aukning á Vestfjörðum
Vestfirðingar í ferðamanna-
þjónustu báru sig betur en Norð-
lendingar. Á Vestfjörðum var það
samdóma álit þeirra sem talað var
við að Vestfírðir hefðu komist inn
á íslenska ferðakortið fyrir alvöru
í fyrrasumar og aukningin héldi
sér í sumar. Vestfirðir hafa þá
sérstöðu að þar eru íslendingar
enn í meiri hluta meðal ferða-
manna. Þá eru Vestfírðir einnig
sérstakir að því leyti að þar leyn-
ast víða tjaldsvæði, þar sem ekki
er gæsla og engin greiðsla e> tek-
in af þeim sem tjalda. Það gerir
það að verkum að erfítt er að
henda reiður á fjölda tjaldferða-
langa á Vestfjörðum.
Eitt þessara tjaldsvæða er í
Vatnsfírðinum, skammt frá Hótel
Flókalundi. Þar var útbúin hrein-
lætisaðstaða í kringum þjóðhátíð-
arhöldin 1974, en þeirri aðstöðu
hefur síðan ekki verið haldið neitt
við. Hrafnhildur Garðarsdóttir
hótelstjóri á Hótel Flókalundi
sagði að eigi að síður væri mjög
vinsælt að tjalda þarna og mikið
hefði verið af tjöldum á svæðinu
í sumar. Hins vegar sagði Hrafn-
hildur að minna hefði verið um
það í sumar en í fyrrasumar að
fólk kæmi með bíla sína á Baldri
yfir Breiðafjörðinn.
Árnheiður Guðnadóttir hefur í
nokkur ár rekið farfuglaheimili
og bændagistingu í Breiðuvík.
Hún sagðist taka jöfnum höndum
á móti útlendingum og íslending-
um sem væru að skoða sig um á
Vestfjörðum og legðu leið sína á
Látrabjarg. Árnheiður sagðist
ekki verðavör við mikla breytingu
á ferðum íslendinga í ár, en hins
vegar væri það eftirtektarvert að
íslendingar gæfu sér yfírleitt
miklu minni tíma á ferðalögum
en útlendingar.
Lítið dregur úr
utanlandsfer ðum
Góða veðrið hér heima virðist
ekki hafa nein teljandi áhrif á
ferðir til sólarlanda. Kristín Aðal-
steinsdóttir hjá Ferðamiðstöðinni
Veröld sagði að salan hefði verið
fremur dræm framan af vori, en
eftir að sólin fór að skína upp á
hvern dag hefði sala í ferðir suður
á bóginn tekið kipp. Kristín sagði
að þetta kæmi heim og saman við
reynslu undanfarinna ára. Þegar
veður væri gott hér þá vaknaði
löngun fólks til að komast í ferða-
lög til þeirra staða þar sem veðurf-
ar væri stöðugra.
Helgi Pétursson hjá Samvinnu-
ferðum-Landsýn sagði svipaða
sögu. Reyndar kvaðst hann hafa
orðið var við það að fólk sæktist
nú meira eftir ferðum seint á
sumrinu en áður hefði verið.
Magnús Oddsson markaðsstjóri
Ferðamálaráðs segir að áhrif þess
hve óvenjulega gott veður hefur
verið um landið_ allt séu einkum
tvenns konar. I fyrsta lagi þá
hafi heyrst kvartanir frá hefð-
bundnum ferðamannastöðum um
að færri hafi þar viðdvöl en stund-
um áður. Hins vegar sé almennt
talað um mikla notkun á tjald-
svæðum um landið allt og það
bendi til þess að ferðalög fólks
dreifist nú mun meira en áður.
Magnús segir að ekki virðist
hafa dregið úr ferðum íslendinga
tif útlanda. I júnímánuði komu
16.445 íslendingar til landsins og
er það 8,2 prósent aukning frá
árinu í fyrra. 22.251 útlendingur
kom til landsins í júní. Það er 5,6
prósent aukning frá því í fyrra.
Magnús segir að menn hafí gert
sér vonir um 5 prósent aukningu
erlendra ferðamanna í ár miðað
við árið í fyrra. Aukningin það
sem af er árinu er 3,8 prósent,
en Magnús segir að vonin um
meiri aukningu geti enn ræst, því
að hún hafi gert ráð fyrir að er-
lendum ferðamönnum fjölgaði
mest á síðari hluta ársins.
y ÞAÐ ER BARA BÆJARLEIÐ í BORGARNES V
Komið við í eintti glæsilegustu
þjónustumiðstöð landsins.
Opið frá kl. 8-23.30 alla daga.
Kjörbúð með miklu matvöruúrvali - Veitingasalur -
Greiðasala - Olíu- og bensínsala - Utibú Sparisjóðs
Mýrasýslu - Upplýsingamiðstöð ferðamanna - Úrvals
snyrtiaðstaða með skiptiborði fyrir kornabörn.
KAUPFELAG BORGFIRÐINGA - OLIUFELAGIÐ HF.
iiiumiunimaanntim

tBf