Morgunblaðið - 18.04.1968, Blaðsíða 17
MORGUNBLAÐIÐ, FIMMTUDAGUR 18. APRÍL 1968
17
því ferðamenn fengið sér húsa-
skjól í sæluhúsinu meðan beðið
var eftir ferjumanni frá Gríms-
stöðum.
Pétur var lengi búinn að sjá,
að hagkvæmara mundi fyrir
fjárleitarmenn að hafa frekar
bækistöð við Nýjahraun heldur
en austur við Jökulsá. Vorið
1923 er hann var við fjárgæzlu
á þessum slóðum, byrjaði hann
einn að koma upp slíkri bæki-
stöð- Að sjálfsögðu var það verk
erfitt og miðaði byggingunni
hægt áfram í fyrstu, því útvegg-
ir voru hlaðnir úr grjóti. Síðan
héldu svo næstu gæslumenn
verkinu áfram, jafnfram gáfu
þeir byggingunni nafn — Pét-
urskirkja. Unnið var að kirkju-
byggingunni eftir því sem ástæð
ur frekast leyfðu fullbyggð var
hún árið 1925, og þá tekin í
notkun. Péturskirkja var síðan
endurbyggð, skammt frá þeirri
fyrri árið 1952. Með þessum
framkvæmdum við Nýjahraun
sem að framan greinir, batnaði
til muna öll aðstaða fjárleitar-
manna á svæðinu. Pétur í Reyni
hlíð átti óefað mestan þátt í því
á sínum tíma að þarna var hafizt
handa. Síðan Péturskirkja var
fullbyggð og fram á þennan
dag, hefur mikill fjöldi manna
gist þar og átt góðar nætur.
Ekki væri óeðlílegt þótt Pét-
ur hefði einhverntíma lent í
öllum þeim mörgu ferðum er
hann hefur farið upp á fjöll að
vetrarlagi, þegar allra verða er
von. Þó lætur hann sjálfur lítið
yfir því. Frekar minnist hann
vor- og sumarferða á fjöllum,
þegar náttúran skartar sínu feg-
ursta, sú mynd tignar og mikil-
leiks gleymist ógjörla. Ég vil
þó geta einnar ferðar, er Pétur
fór fyrrihluta vetrar að sækja
kindur norður í Kelduhverfi.
Hann var þá staddur við Nýja-
hraun, og lagði þaðan af stað
norður snemma morguns. Gekk
sú ferð vel og til baka í Svína-
dal. Þar gisti hann um nóttina.
Næsta morgun lagði Pétur upp
frá Svínadal. Páll bóndi fylgdi
honum nokkurn spöl. Allmikið
hafði snjóað um nóttina. Þegar
suður á Grjótháls kom ,var slík
ófærð að illmögulegt var að
koma kindunum nokkuð áfram.
Þó heldur hann áfram allan dag
inn, þar til hann kemur á Hlíðar
haga eftir 14 tíma ferð frá Svína
dal. Mjög var hann þá orðinn
blautur og hrakinn. Ekki var
vistin góð á Haganum, því ó-
mögulegt reyndist að tendra eld
þar eð eldspýtnastokkur, sem
hann bar á sér, hafði blotnað-
Strax er inn í kofann kom fór
hann að skjálfa, enda mjög kalt
þar. Var þá þrautaráð hans að
reyna að berja sér, einnig líka
að syngja. Gekk svo alla nótt-
ina. Hafði hann af hvorutveggja
nokkurn hita, um svefn var
ekki að ræða. Matföng voru
engin, hafði aðeins með sér
smábita, er hann fór frá Svína-
dal. Ekki var heldur gert ráð
fyrir að gista á Hlíðarhaga,
þegar lagt var af stað um morg-
uninn að norðan.
Eftir að Pétur var búinn að
eiga frekar ömurlega nótt á þess
um næturstað hélt hann heim-
leiðis. Ekki taldi hann ráðlegt
að fara lengra með kindurnar,
eins og færi var háttað og aðrar
kringumstæður, og skildi þær
því eftir. Voru kindurnar síðan
aóttar norður næsta dag, af
tveimur mönnum. Eflaust hefur
Pétur oftar verið einn á ferð,
og lent í slíkum hrakningum, en
þess mun ekki getið hér frekar.
' Veturinn 1936 var ákaflega
snjóþungur hér um slóðir, og erf
itt með alla aðdrætti. Þennan
vetur fór ég tvær ferðir til
Húsavíkur með hest og sleða.
Mig minnir að Pétur í Reyni-
hlíð hefði eiginlega forustuna í
þessum ferðum öðrum fremur.
Hann átti líka afburða duglegan
dráttarhest, er Gráni hét. Oft-
ast var Gráni á undan lestinni
og látinn troða slóðina, þótt æki
hans væri síst léttara en annara
Þar sem þetta voru mínar fyrstu
ferðir með hest og sleða þessa
leið bar Pétur nokkurskonar á-
byrgð á mér og leit eftir að allt
væri í lagi. f þessari lest voru
að mig minnir milli 15 og 20
menn með jafnmarga hesta.
Fyrri ferðina fórum við um miðj
an febrúar, tók hún vikutíma
alls. Hrepptum við hið versta
veður á heimleiðinni, hörku
frost og stórhríð á Sandinum,
margir fengu kalbletti í andlit-
ið. Sumir komust heim eftir 5
daga ferðalag frá því þeir fóru
að heiman. Öll ækin höfðu verið
skilin eftir á tveimur stöðum á
leiðinni, og hestarnir teymdir
lausir síðasta spölinn. Eftir
skamman tíma voru þau sótt,
tók sú ferð tvo daga. Síðari ferð
in til Húsavíkur .þennan vetur
var farin um sumarmálin, gekk
hún prýðis vel, tók aðeins þrjá
daga. Mér sem unglingi fannst
mikið til um harðfengi og dugn-
að Péturs í þessum ferðum. Nú
vil ég geta þess, að í febrúar-
mánuði 1968 fór ég þá leið í
bíl á 2 kl.st. fram og til baka,
sem tók 3 til 5 daga 1936, og
stundum lengur. Mikill er sá
munur.
Á fjárskiftaárunum voru lömb
flutt héðan úr sveitinni suður í
Árnessýslu. Þegar Pétur frétti
að mig vantaði gæzlumann á
minn bíl, bauðst hann strax til
að taka þann starfa að sér. Stóð
hann upp á bílnum tvær ferðir
suður að Flúðum Ekkert virtist
hann þó þreyttur eftir það ferða
lag. Er ég honum ætíð þakklát-
ur fyrir þá hjálpsemi og góðu
aðstoð. f mörg ár átti ég góða
samvinnu og samistarf með Pétri
í vegagerð. Vann ég hjá honum
þar um mörg ár við akstur. Á
ég margar góðar endurminning-
ar frá þeim dögum. Oft hafði
Pétur þann sið, þegar tækifæri
gafst að leggja ýmsar spurning-
ar og erfiðar getraunir fyrir
okkur Reyndi þá stundum á
góða hæfileika og kunnáttu í
þessum leik. Fyrir kom, að þeir,
er spurðir voru, vissu margt,
enda sumir ágætis námsmenn í
skóla þá. Pétur hefur töluvert
fengist við að kasta fram vísum
og hendingum, oft er hann fljót-
ur til þeirra hluta, og margar
vísur hans víða heyrzt. Árið
1942 ræðst Pétur í það þrek-
virki að reisa íbúðarhús, og
fékk til þess nýbýlaaðstoð.
Nefndi hann býli sitt Reynihlíð.
Þetta hús var á sínum tíma
byggt af stórhug og myndar-
skap. Jafnframt því að vera í-
búðarhús, var þar líka aðstaða
til gistingar og greiðasölu fyrir
ferðafólk. Á árunum 1947-1949
byggir Pétur með sonum sínum
Hótel Reynihlíð, nú eign hluta-
félagsins Reynihlíð h.f. Síðan
hefur hótelið verið stækkað og
endurbyggt. Á síðasta ári var
gerð á því veigamikil breyting.
Er nú svo komið að Hótel Reyni
hlíð er ekki einungis vel þekkt
hér á landi heldur og út um
víðan heim. Þar gistur og dvelur
mikill fjöldi fólks á ári hverju.
Pétur hefur síðustu ár haft með
höndum afgreiðslu fyrir póst og
síma. Með vaxandi framkvæmd-
um hér og fólksfjölda, er það
starf nú orðið mjög umfangsmik
ið. Ég held að óhætt sé að segja,
að þetta starf hefur hann rækt
af miklum dugnaði og árvekni.
Þegar Pétur varð sextugur,
brá hann sér í langt ferðalag,
eða alla leið suður á Ítalíu.
Dvaldi hann um páskaleytið í
Rómaborg, gekk á fund páfa og
meðtók blessun hans hátignar.
Eftir heimkomuna úr þessari
Rómaför, flutti Pétur ferðasög-
una á skemmtisamkomu hér í
sveitinni, mjög skýrt og skil-
merkilega, þó hafði hann ekkert
skráð. Höfðu margir gaman af
að hlýða á slíka frásögn.
Ég vil að lokum þakka. Pétri
og hans ágætu konu, þuríði
Gísladóttur, fyrir langt og gott
samstarf og greiðasemi. Þau hafa
æfinlega brugðið skjótt við, er
þurft hefur að leita til þeirra.
Þuríður er búin að standa við
hlið manns síns af miklum dugn
aði í blíðu og stríðu. Hún er
óvenjumikil bjartsýniskona á
hverju sem gengur. Mér hefur
ætíð virzt hennar kjörorð vera,
að ekkert væri ómögulegt. Ég
óska þeim Pétri og Þuríði gæfu
og gengis á ókomnum árum, svo
og fjölskyldum þeirra öllum.
Kristján Þórhallsson
Samband íslenzkra feg runarsérfræðinga
Sumarfagnaður félagskvenna verður haldinn að
Hótel Sögu laugardaginn 20. apríl með sameiginlegu
borðhaldi o. fl.
Þátttaka tilkynnist í símum 12757, 17762 og 52684.
STJÓRNIN.
Vélstjórar
Þeir félagsmenn sem hug hafa á að verða aðilar
að byggingu á vegum félagsins í Breiðholti á þessu
ári láti vita á skrifstofu vélstjórafélagsins í síðasta
lagi 24. apríl næstkomandi.
Byggingarsamvinnufélag vélstjóra.
Til sölti
verksmiðju- og verzlunarhúsnæði með stórri
afgirtri lóð á góðum stað í borginni. Eignin selst
fokheld eða í því ástandi, er óskað verður. Tilboð
sendist afgreiðslu blaðsins fyrir 25. þ.m. merkt:
„Góður staður — 8544“.
Stúlka eða eldri kona
óskast í mötuneyti úti á landi. Má hafa með sér barn.
Upplýsingar í Goðheimum 11.
Húsnæði laust
fyrir einhleypan mann eða konu, sem vill annast
gæzlu og ræstingu hússins. Tilboð og meðmæli
ásamt frásögn um fyrri störf, merkt: „Miðbær nr.
8522“ sendist afgr. blaðsins.
ÚTBOÐ
Bæjarsjóður Keflavíkur óskar eftir tilboði við lögn
holræsis í Keflavík. Tilboðsfrestur er til 26. þessa
mánaðar. Útboðsgagna má vitja á skrifstofu vora
Sóleyjargötu 17, og á skrifstofu bæjartæknifræð-
ingsins í Keflavík, Mánagötu 5, gegn 1000.— kr.
skilatryggingu.
H.f. Utboð og samningar.
Hafnarfjörðnr
Til sölu er svo til ný 4ra herb. íbúð í fjölbýlishúsi
við Álfaskeið. Laus fljótlega.
HRAFNKELL ÁSGEIRSSON, HDL.,
Strandgötu 45, Hafnarfirði,
sími 50318, opið kl. 10—12 og 4—6.
I.O.G.T.
Þingstúka Reykjnvíkur
Aðalfundur þingstúlku Reykjavíkur verður settur
í Góðtemplarahúsinu við Templarasund, laugar-
daginn 20. apríl 1968 kl. 2 e.h. stundvíslega.
Dagskrá: Stigveiting.
Venjuleg aðaUundarstörf.
Þ. T.
Keflavík - kartöflugarðar
Þeir sem halda vilja garðlöndum sínum áfram á
sumri komanda greiði leigu af þeim í áhaldahús
Keflavíkurbæjar fyrir 5. maí næstkomandi. Þau
garðlönd sem ekki verður búið að greiða af þá
verða leigð öðrum.
Garðyrkjustjóri.
VEIÐILEYFI
Nokkur veiðileyfi til sölu I fiskauðugustu fall-
vötnum Iandsins.
Upplýsingar í sima 20082 eftir kl. 5 næstu daga.
Atvinnuflugmenn
Félagsfundur verður í kvöld í Átthagasal Hótel
Sögu kl. 20.30. — Fjölmennið.
Stjórn F.f.A.
Aðstoðarmoður óskast
Aðstoðarmaður á sjúkradeildum óskast að Vífils-
staðahæli. Laun samkvæmt kjaradómi. Nauðsyn-
legt að umsækjandi búi í Garðahreppi eða sem næst
hælinu. Umsóknir með uppiýsingum um aldur og
fyrri störf sendist Skrifstofu ríkisspítalanna,
Klapparstíg 29, fyrir 27. apríl n.k.
Reykjavík, 17. apríl 1968.
SKRIFSTOFA RÍKISSPÍTALANNA.
Hestamannafélagið FÁKHR
Reiðskóli félagsins er starfræktur alla virka daga.
Hægt er að taka nokkra nemendur til viðbótar.
STJÓRNIN.