Morgunblaðið - 10.03.2000, Qupperneq 37

MORGUNBLAÐIÐ
FÖSTUDAGUR 10. MARS 2000 37
LISTIR
Lögreglumaður-
inn í Feneyjum
ERLEIVDAR
BÆKUR
Spennusaga
„FATAL REMEDIES"
Eftir Donna Leon. Arrow 1999.
303 síður.
FENEYJAR eru sögusvið
spennusagnahöfundarins Donnu
Leon sem skrifar um „kommiss-
ario“ eða lögregluforingjann
Guido Brunetti sem heldur til
vinnu sinnar frá ástkærri eigin-
konu og tveimur börnum á hverj-
um degi að takast á við misindis-
menn borgarinnar. Donna Leon
hefur skrifað alls átta bækur um
Brunetti en sú nýjasta „Fatal
Remedies" og kom fyrir
skemmstu út hjá Arrow-útgáf-
unni í vasabroti. I henni fæst
Brunetti við morð á sæmilega
auðugum kaupsýslumanni sem
m.a rekur ferðaskrifstofu og
kemur eiginkona lögregluforingj-
ans, Paola Brunetti, nokkuð við
sögu því bókin hefst á því að hún
kastar grjóti í rúðuna á ferða-
skrifstofunni og brýtur í þúsund
mola.
Brunetti
og Feneyjar
Breski leikstjórinn Nicholas
Roeg notaði leyndardóma og
fornan glæsileika Feneyjar með
eftirminnilegum hætti í mynd
sinni „Don’t Look Now“ og á
sama hátt gegnir borgin nokkru
hlutverki í sögum Leon um Guido
Brunetti. Hún er hans heima-
borg, hann þekkir þar hvern
krók og kima, húsin og veitinga-
staðina og hverfin sem hann fer
um og þar sem lögreglustöðin
hans stendur. Hann er kannski
eins og borgin gamaldags, jafn-
vel forn, í hugsun, skilur ekki
tölvur til dæmis, fer um fótgang-
andi og vinnur gersamlega asa-
laust að sínum málum. Þegar
hann á frí les hann um ris og fall
Rómverja eftir Gibbon eða
gluggar í Ilíonskviður.
Það má vera að tíminn hjá lög-
reglunni hafi eitthvað dregið úr
gömlum hugsjónum hans. „Þegar
ég giftist þér, Guido, trúðirðu á
allt það sem þú gerir gys að
núna,“ segir Paola á einum stað.
„Hluti eins og réttlæti og það
sem er réttmætt og hvernig við
komumst að þeirri niðurstöðu að
gera það sem okkur þykir rétt.“
Brunetti mótmælir þessu. Segist
ennþá trúa á réttlæti þótt ekki
treysti hann lögunum jafn mikið
og áður til þess að ná því fram.
Þegar konan hans henti grjót-
inu í rúðu ferðaskrifstofunnar
var hún að vekja athygli á því að
fyrirtækið selur kynlífsferðir til
Thailands og víðar þar sem börn
koma við sögu. Glæpurinn er
framinn í lögsagnarumdæmi
Brunettis og það er honum nokk-
urt vandræðamál að kona hans
skuli handtekin en honum tekst
að fela þá staðreynd og svo virð-
ist sem ekkert ætli að verða úr
málinu. Þá tekur Paola sig til og
kastar grjóti í nýju rúðuna, sem
sett hefur verið í glugga ferða-
skrifstofunnar, og þar með er
fjandinn laus.
Skemmtilega
gamaldags
Eins og Brunetti hafi ekki nóg
á sinni könnu. Skömmu síðar,
þegar forstjóri ferðaskrifstofunn-
ar finnst myrtur, er honum falið
að rannsaka málið og á milli þess
sem hann forðast fjölmiðlafólk,
sem fengið hefur veður af
hneykslinu varðandi eiginkonu
hans, reynir hann að leysa gátu
sem virðist ná langt út fyrir
strendur Ítalíu.
Donna Leon hefur búið í Fen-
eyjum og þekkir greinilega vel
til, ekki aðeins þar heldur á Ital-
íu og kemur ágætlega til skila
hugsunarhætti fólksins og and-
rúmslofti borgarinnar. „Fatal
Remedies" er morðsaga fyrst og
fremst með ágætri fléttu sem
smám saman og í miklum róleg-
heitum verður Ijós. En hún er
líka og ekki síður ágætlega samin
saga um langt og farsælt hjóna-
band lögregluforingjans, ást
hans á eiginkonunni, lífinu á lög-
reglustöðinni. Og hún er um lög-
reglumann sem er skemmtilega
gamaldags í borg þar sem tíminn
er ekkert að flýta sér.
Arnaldur Indriðason
Norrænu barna-
bókaverðlaunin
Sagan af
bláa hnettin-
un tilnefnd
SAGAN af bláa
hnettinum eftir
Andra Snæ
Magnason hefur
verið tilnefnd til
Norrænu barna-
bókaverðlaun-
anna. Bókinni
hefur verið vel
tekið af gagnrýn-
endum og hlaut
hún Islensku bók-
menntaverðlaunin nýverið.
Áslaug Jónsdóttir hannaði bókina
og myndskreytti.
--------------
Sýningum
lýkur
Listasafn ASÍ
Sýningunni NORRÚT lýkur nú á
sunnudag. Á sýningunni eiga verk
listakonurnar Guðrún Gunnarsdóttir
frá íslandi, Agneta Hobin og Ulla-
Maija Vikman frá Finnlandi og Ing-
er-Johanne Brautaset frá Noregi,
sem sýna þráðlistaverk og verk úr
pappír. Sýningin er á dagskrá
Reykjavíkur menningarborgar 2000
og fer héðan til Bergen og Helsinki.
Safnið er opið alla daga nema
mánudaga frá kl. 14-18. Aðgangseyr-
ir er kr. 300.
OneoOne gallerí
Sýningu Ásmundar Ásmundsson-
ar lýkur á morgun, laugardag.
Andri Snær
Magnason
Þrír hesimar
LEIKLIST
Menntaskólinn á
Ísafírði
DRAUMUR Á JÓNS-
MESSUNÓTT
Eftir William Shakespeare.
Þýðing: Helgi Hálfdanarson.
Leikstjóri: Sigrún Sól Ólafsdóttir.
Leikfélag Menntaskólans á Isafirði.
DRAUMUR á Jónsmessunótt er
efalaust eitt skemmtilegasta leikrit
sem skrifað hefur verið. Fyrir nú
utan hvað hann gleður áhorfendur
einatt í sinni þá er Draumurinn lík-
lega það verka Shakespeares sem
er opnast fyrir ólíkum túlkunum og
uppátækjum leikstjóra. Sum verk-
anna taka tilraunum svona eins og
hverju öðru hundsbiti, gömul og
ráðsett og vita betur. Draumurinn
virðist hins vegar mæta hverjum
leikhóp og leikstjóra með galopin
barnsaugu, til í hvað sem er, síung-
ur og þess vegna sívinsæll.
Sýning leikfélags Menntaskólans
á Isafirði er afbragðsgóð. Fjörug,
fyndin og stútfull af snjöllum og
góðum hugmyndum. Það var til að
mynda gaman að sjá sérstaka leik-
skrá fyrir Pýramus og Þispu, leik-
ritið í leikritinu. Snjallasta hugdett-
an var þó að stækka eitt
álfahlutverkið, gera eina álfadísina
að fylgdarmey hrekkjalómsins
Bokka og skipta textanum hans á
milli þeirra. Þetta bauð upp á
skemmtilegt samspil sem Brynjar
Már Brynjólfsson og Herdís Anna
Jónsdóttir nýttu vel.
Önnur breyting, sem er reyndar
að verða viðtekin venja ef marka
má nýlegar uppfærslur á Draumn-
um, er að gera Egeif, föður Hermíu,
að móður hennar. Þetta gengur
fullkomlega upp og Ester Ösp Guð-
jónsdóttir var ekki í vandræðum
með að gera „Eigeifínu" -að flagði
sem kom næsta lítið við þó manns-
efnið sem hún hafði valið dóttur
sinni væri henni ekki að skapi.
Eitt uppátæki leikstjórans var
mér þó lítt að skapi. Á nokkrum
stöðum kýs hún að láta persónurn-
ar bresta í söng og flytja mál sitt
syngjandi þekkt lög sem falla mis-
vel að texta Shakespeares. Þetta á
ágætlega við í sýningu handverks-
mannanna en miður annars staðar,
og alveg ljóst að leikurunum er full-
komlega treystandi til að gera text-
ann lifandi og áhrifaríkan á „venju-
legan“ hátt. Notkun tónlistar var að
öðru leyti ágæt og suðaustur-
evrópsku stefin áttu sérlega vel við
í þessum skógi.
Það er reyndar áberandi hvað
ljóðrænn og upphafinn textinn leik-
ur eðlilega í munni menntskæling-
anna. Fremst meðal jafningja að
þessu leyti er trúlega Sigríður
Gísladóttir sem gerði Títaníu að
einni eftirminnilegustu persónu
sýningarinnar, sem er hreint ekki
sjálfsagt að -hún sé. Atriðið þegar
Títanía vaknar og lítur Spóla vefara
með asnahausinn augum í íyrsta
sinn hef ég ekki séð fallegar gert,
reyndar ekki jafn fyndið heldur, því
Jón Kristinn Ragnarsson var alveg
óborganlega hræddur við þessar
furðuverur, sem vonlegt er. Leik-
flokkur handverksmannanna var
vel skipaður og Greipur Gíslason
var skemmtilega uppburðarlítill
leikstjóri hans, enda fór sem fór
með sýninguna.
Draumurinn hefur þann kost um-
fram mörg verka Shakespeares að
þar eru nokkuð mörg bitastæð hlut-
verk. Mest mæðir þó á þeim sem
kljást við elskendurna fjóra sem
tapa áttum í skóginum þessa nótt,
en ná þeim svo aftur sem aldrei
fyrr. Hér tókst vel til ineð þau öll.
Hermía Þórunnar Önnu Kristjáns-
dóttur var greinilega vön að fá sitt
fram, Judith Amalía Jóhannsdóttir
var skemmtilega ástsjúk Helena,
Friðrik Hagalín Smárason var
flagaralegur Lýsander og Haukur
Sigurbjörn Magnússon hæfilega
slepjulegur sem tengdamömmu-
draumurinn Demetríus.
Fleiri leikara mætti telja upp og
hrósa, því sýningin er verk hópsins
alls, og leikstjóra hans sem hefur
náð að skapa heilsteypta sýningu og
láta þrjá heima aðals, verkalýðs og
álfa, birtast í „hljómríkum misklið"
á Sal MÍ, og hverfa síðan aftur inn í
draumalandið.
Þorgeir Tryggvason
Sérverslun meí innrömmutmrvörur
Sóltúni 16 (Sigtúni), simi 511 16 16
MALVERK
EFTIRPRENTANIR
efiir
Höskuld Björnsson, Kristján Magnússon
Snorra Arinbjarnar, Pétur Friðrik,
Jón Rcykdal, Magnús Kjartansson,
Karólínu Lárusdóttur, Hauk Dór,
Atla Má, Tolla, Flóka
og fieiri.
Asgrím Jónsson.
TILBOÐ:
Kr. 5.900 og 5.600
innratnmaðar.
ISLENSK GRAFIK
20% AFSLÁTTUR
aga Asgctrsson, Jon Kcykt
Þórð Hall, Tolla og fleiri
NÝJA BÍLAHÖLLIN
www.notadirbilar.is
Dodoe Caravan 2400. árfl. 97. ek. 57 þ.km, ssk,
7-manna, 4-h, ioppboflar. Verð 1.950 þús.
d-blár, ssk, toppl, álfelgur, 7-manna. Verð 2790 þús,
áhv. lán 1.7D0 þús.
ek. 92 þ.km, vínr, m öllu. 17"
álfelgur, nj dekk. topp dls græjur. Verð 3.400 þús, áhv.
lán 1.300 þús.
loyota Land Cruiser VX, áro. 01, ek. 100 þ.km. á
vínr, 0-0113.33". Verö 1.900 þús, áhv. lán 900 þús.
Ford Expedition Eddie Bauer, árg. 97, ek. no
þ.km, m-öllu. Verö 3.990 þús, glæsilegur blll.
d-blár, ál-
ábv. lán 1.480 þús.
Honda Civic 151 Isi, árg. 98, ek. 28 þ.km, grænn,
állelg, toppl, cd, filmur. VerO 1.490 þús, ábv. lán 1.200 b.
VW Golt GL 1.690, áig. 97, ek. 33 þ.km, 5-gin sill-
ur. vlndsk. Verð 1.050 þús.
ur. állelgur, toppl, abs. Verð 1.830 þús, ábv. lán 800
þús.