Morgunblaðið - 10.03.2000, Blaðsíða 14
14 FÖSTUDAGUR 10. MARS 2000
MORGUNBLAÐIÐ
HÖFUÐBORGARSVÆÐIÐ
Reykjavíkurborg- kaupir
Höfðatún 2 á 111 milljónir
Lóðin líklega
boðin út í vor
Tún
BORGARRÁÐ Reykjavíkur
hefur samþykkt að borgin
kaupi lóðina við Höfðatún 2, á
homi Borgartúns og Höfða-
túns, ásamt tæplega 1.800 fer-
metra húsi sem á henni stend-
ur. Kaupverð er 111 milljónir
króna.
Samkvæmt upplýsingum
frá skrifstofu borgarverkfræð-
ings er verið að undirbúa deili-
skipulag svokallaðs Vélamið-
stöðvarreitar, sem afmarkast
af Skúlatúni, Borgartúni,
Höfðatúni og Skúlagötu, en
lóðin við Höfðatún 2 er á því
svæði. Starfshópur hefur unn-
ið að forsögn fyrir deiliskipu-
lagið undanfarið og telur lóð-
ina við Höfðatún 2 mjög mikil-
væga fyrir heiidarmynd þess.
Reykjavíkurborg á aðra lóð
á Vélamiðstöðvarreitnum, lóð-
ina við Skúlatún 1 og að líkind-
um verða báðar þessar lóðir
boðnar út í vor eða sumar.
Endanlegar skipulagstillögur
verða svo unnar í samráði við
þásem fá lóðirnar úthlutaðar.
í bréfi sem skrifstofa borg-
arverkfræðings lagði fyrii'
borgarráð segir að miklu
skipti varðandi skipulags-
möguleika á reitnum að þess
sé kostur að láta rífa húsið sem
stendur á lóðinni. Niðurstaða
deiliskipulagsins mun ráða úr-
slitum um hvort það verði ofan
á að rífa húsið og þá hvort nýtt
hús verði byggt.
Samkvæmt aðalskipulagi er
svæðið skilgreint sem athafna-
svæði, þar sem fram getur far-
ið atvinnustarfsemi af nær öllu
tagi. Ætlunin er er breyta því
úr iðnaðarsvæði í skrifstofu-
svæði og miðar vinna við deili-
skipulagið að því. Jafnframt er
verið að undirbúa umferðar-
skipulag íyrir hverfið.
Lóðirnar Skúlatún 1 og Höfðatún 2
eru í eigu Reykjavíkurborgar
':Ú
Verkefnið upplýsingatækni fyrir alla, um sítengingu við Netið
Fjölbýlishúsið við Hjallabraut 35 til 43 í Hafnarfirði er oft kallað rauða blokkin af íbúum bæjarins, en hver veitnemíTað nú
verði farið að kalla það Netblokkina.
Hafnarfjörður
FJÖLBÝLISHÚSIÐ við
Hjallabraut 35 til 43 í Hafn-
arfirði hefur verið valið til að
taka þátt í tilraunaverkefni
um gagnaflutninga gegnum
loftnet Skýrr, en þann 15.
apríl munu íbúar hússins fá
sítengingu við Netið í gegn-
um ioftnetið, í þrjá mánuði í
tilraunaskyni.
Tiiraunin er liður í verk-
efni Hafnarfjarðarbæjar,
Opinna kerfa hf. og Skýrr
hf. sem ber nafnið Upplýs-
ingatækni fyrir alla, en
markmið þess er að vinna að
því að hagnýta möguleika
upplýsingatækninnar til
fullnustu í Hafnarfirði og
auðvelda almenningi að-
gengi að tækninni.
Jóhann Guðni Reynisson,
upplýsingastjóri Hafnar-
fjarðarbæjar og verkefnis-
stjóri Upplýsingatækni fyrir
alla, segir fjölbýlishúsið við
Hjallabraut hafa verið valið
sem tilraunahús að ráði
tæknimanna hjá Skýrr.
Staðsetning þess henti vel
miðað við staðsetningu send-
isins, auk þess sem húsið sé
stórt og fjölmennt, en í því
eru samtals 48 íbúðir. Hann
segir að einnig hafi verið tal-
ið jákvætt hversu breiður
aldurshópur íbúa hússins sé
og þar að auki hafi margir
þeirra lýst áhuga sínum á
þátttöku.
16 sinnum meiri
flutningshraði
Jóhann Guðni segist von-
ast eftir góðu samstarfi við
íbúa hússins og tekur fram
að þeir beri ekki neinn
kostnað af tilrauninni. í
bréfi til íbúanna kemur fram
að með búnaði þessum fáist
allt að eins megabætis flutn-
ingsgeta sem sé sextán-
faldur flutningshraði hefð-
bundinnar ISDN-tengingar.
Einnig er bent á að notkun
Netsins með þessum búnaði
komi ekki í veg fyrir síma-
notkun heimilisins samtímis.
Jóhann Guðni segir til-
raun þessa meðal annars
eiga að leiða í ljós hver
kostnaður íbúa Hafnarfjarð-
ar muni koma til með að
vera af þráðlausri sítengingu
við Netið, en stefnt sé að því
að bjóða íbúum upp á hana í
nánustu framtíð. Þá sé
reiknað með að fast gjald
verði greitt fyiúr hana, óháð
notkun.
Fjölbýlishús við Hjallabraut
var valið til þátttöku
Hringanóri
í Elliðavogi
SJALDSÉÐUR gestur var á
ferð nýlega í Elliðavogi.
Hringanóri hélt sig í smá-
bátahöfn Snarfara yfir
helgina.
Hringanóri er minnsti
selur sem sést við Island,
talsvert minni en landselur.
Kubbslegt vaxtarlag, stutt
trýni og hringirnir á baki
og síðum selsins eru meðal
einkenna hringanóra.
Hringanóri er algengasti
selurinn við Grænland og
er þar mikið veiddur. Hann
er ekki ótíður við Norður-
land en mun sjaldséðari
sunnanlands. Hringanórar
halda stundum til undir ís
og mynda öndunarop á ís-
inn. Urturnar kæpa gjarna
í snjóhúsum sem þær
mynda yfir öndunaropi og
er þá eini inngangurinn op-
ið á gólfinu beint niður í
sjóinn.
Hringanóri á flotbryggju í Elliðavogi á sunnudag.
Morgunblaðið/Jóhann Óli Hilmarsson
Viðræður um byggmgu knattspyrnuhúss í Garðabæ komnar á fullt skrið
Garðabær
Sveitarfélögin greiði
31 milljón á ári í leigu
FRAMKVÆMDASTJÓRN
Knatthúsa ehf. sendi, í lok
febrúar, fjórum sveitarfélög-
um, þ.e. Kópavogi, Garðabæ,
Hafnarfirði og Bessastaða-
hreppi tillögu að viljayfirlýs-
ingu um þátttöku í byggingu
knattspyrnuhúss við Vetrar-
mýri í Garðabæ. Samkvæmt
tillögunni skuldbinda sveitar-
félögin sig til að greiða sam-
tals 50 milljónir króna í
hlutafé og 31 milljón á ári í
leigutekjur í 25 til 30 ár.
Tillagan var send sveitar-
félögunum í framhaldi af
fundi sem forráðamenn
þeirra áttu með fram-
kvæmdastjórninni hinn 25.
febrúar síðastliðinn og var
óskað eftir niðurstöðu fyrir
hinn 10. mars, en ekkert
sveitarfélaganna hefur enn
tekið afstöðu til tillögunnar.
Ef ráðist verður í fram-
kvæmdir má búast við því að
heildarkostnaður verði um
hálfur milljarður og er þá
miðað við yfirbyggðan knatt-
spyrnuvöll af fullri stærð eða
68x105 metra.
Bæjarráð Kópavogs tók
málið fyrir á bæjarráðsfundi
í gær, en afgreiðslu þess var
frestað.
Málið var kynnt í bæjar-
ráði Garðabæjar á þriðjudag-
inn og sagði Ingimundur Sig-
urpálsson, bæjarstjóri að það
yrði afgreitt á næsta fundi,
sem verður næstkomandi
þriðjudag.
50 milljónir í hlutafé
Guðmundur G. Gunnars-
son, oddviti Bessastaða-
hrepps, sagði að verið væri
að kynna málið í hreppnum
og að búast mætti við því að
það yrði afgreitt á hrepps-
nefndarfundi hinn 21. mars
næstkomandi.
I Hafnarfirði var málið
lagt fram til kynningar í bæj-
arráði í síðustu viku og sagð-
ist Magnús Gunnarsson, bæj-
arstjóri búast við því að það
yrði tekið til afgreiðslu á
næsta fundi, sem verður
fimmtudaginn 16. mars.
Samkvæmt viljayfirlýsing-
unni munu sveitarfélögin
leggja fram 50 milljónir
króna í hlutafé, sem greiðast
eiga með jöfnum greiðslum á
árunum 2001 til 2003.
Greiðslan skiptast þannig að
Garðabær, Kópavogur og
Hafnarfjörður gi-eiða 15
milljónir hvert, en Bessa-
staðahreppur 5 milljónir.
Þá skuldbinda sveitarfé-
lögin sig til þess að tryggja
Knatthúsum ehf., 31 milljón
á ári í leigutekjur, næstu 25
til 30 ár. A móti fá þau a.m.k.
60% af nýtanlegum tímum í
húsinu fyrir íþróttafélögin
sín. Leigutekjurnar skiptast
þannig að Hafnarfjörður og
Kópavogur greiða 12 milljón-
ir hvert, Garðabær greiðir 6
milljónir og Bessastaða-
hreppur 1 milljón.
Heildarframlag sveitarfé-
laganna er bundið því að
stjórn Knatthúsa takist að
tryggja nægjanlegt hlutafé
til þess að standa undir bygg-
ingu knattspyrnuhússins og
að með leigugreiðslum sveit-
arfélaganna takist að tryggja
greiðslu rekstrarkostnaðar
hússins svo og afborganir og
vexti af þeim lánum, sem tek-
in verða til byggingar þess.
Guðjón Kristbergsson,
framkvæmdastjóri Knatt-
húsa, sagðist þegar hafa
fengið jákvæð viðbrögð frá
Hafnarfirði og Garðabæ, en
vildi annars lítið tjá sig, þar
sem sveitarfélögin ættu öll
eftir að afgreiða málið. Hann
sagði að endanlegur kostnað-
ur lægi ekki fyrir, þar sem
ekki væri búið að ákveða ná-
kvæmlega hvaða útfærsla af
knattspyrnuhúsi yi’ði byggð.