Morgunblaðið - 21.11.1998, Qupperneq 70
MORGUNBLAÐIÐ
70 LAUGARDAGUR 21. NÓVEMBER 1998
* " .............
Dýraglens
Hundalíf
Ljóska
Ferdinand
Smáfólk
Við birtum þessa mynd í næsta Lesendur munu sjá einlæga Ef við erum heppin mun enginn
fréttabréfi „Graskersins mikla“. áhangendur sitjandi í graskersbeði þekkja okkur. Ef einhver spyr, þá
að bíða eftir „Graskerinu mikla“. heiti ég „Rex“.
BREF
TIL BLAÐSINS
Kringlan 1 103 Reykjavík • Sími 569 1100 • Símbréf 569 1329
Knattspyrniifélag
Reykjavíkur - Fótbolta-
felag Reykjavíkur
Að gefnu tilefni
Frá Guðmundi Péturssyni:
í MARSMÁNUÐI 1899 var KR,
Knattspyrnufélag Reykjavíkui',
stofnað af nokkrum ungum mönnum
vestur í bæ.
Upphaflegt nafn félagsins var Fót-
boltafélag Reykjavíkur og þannig
var það _til ársins 1915, en þá bar Er-
lendur Ó. Pétursson þáverandi ritari
félagsins upp tillögu á aðalfundi 9.
apríl það ár, um að breyta nafni fé-
lagsins í Knattspymufélag Reykja-
víkur, með þeim rökum m.a. að orðið
fótbolti væri afbökuð danska.
Tillagan var sett í nefnd og nafni
félagsins síðan breytt í framhaldi af
því í samræmi við tillögu Erlendar
og þannig er það í dag.
En nóg um það.
Kveikjan að þessum skrifum er
hins vegar sú að nú hefur það gerst
að Knattspyrnufélagið Fram hefur
tilkynnt til hlutafélagaskrár stofnun
hlutafélags um rekstur meistara-
flokks karla í knattspyrnu. Nafn
þess félags er Fram - Fótboltafélag
Reykjavíkur ehf.
Hvað varðar stofnun hlutafélags-
ins er ekkert nema gott um það að
segja, en hins vegar er helst til lágt
lagst varðandi nafngiftina og er þá
átt við síðari hlutann, þ.e. „Fótbolta-
félag Reykjavíkur“.
Ekki er gott að segja hvað
Frömmurum gengur til með þessu,
en sá grunur læðist þó óhjákvæmi-
lega að mönnum að hér sé verið að
búa í haginn fyrir hugsanlega land-
vinninga hlutafélagsins í útlöndum
og geta þá kallað sig t.d. á ensku
„Football Club of Reykjavík“, nú eða
Reykjavík FC.
Heldur verður þetta að teljast lág-
kúrulegt því þó auðvitað megi hár-
toga orðin knattspyrna og fótbolti og
segja að um tvö mismunandi orð sé
að ræða er óljóst að bæði eiga þau
við sama hlutinn.
Auðvitað er engin hætta á því að
menn á Islandi rugli saman KR og
Fram, en þessu er öðruvísi farið ef
sjóndeildarhringurinn er víkkaður
og litið er til útlanda. Ef við þýðum
annars vegar Knattspymufélag
Reykjavíkur og hins vegar Fótbolta-
félag Reykjavíkur yfir á erlend
tungumál verður útkoman sú sama
og ruglingshætta því augljós.
KR hefur verið þekkt undir nafni
sínu erlendis, sem Reykjavík FC. og
Football Club of Reykjavík, a.m.k.
frá árinu 1964 þegar það fyrst ís-
lenskra liða tók þátt í Evrópukeppni
meistaraliða í knattspyrnu og þar
sem því verður vart trúað að tungu-
málakunnátta þeirra sem stóðu að
umræddri nafngift sé ekki beysnari
en svo að þeir hafi ekki áttað sig á
þessu hlýtur ásetningurinn að vera
sá að krækja sér í hentugt nafn til
notkunar erlendis á heldui- hæpnum
forsendum svo ekki sé meira sagt.
Svona lagað gera menn ekki og
KR-ingar hljóta að mótmæla þessu
harðlega. Þetta eru vinnubrögð sem
ekki eru samboðin forystumönnum
íþróttafélaga og til þess eins fallin að
valda leiðindum og tortryggni í ann-
ars ágætum samskiptum félaganna
og er það miður.
GUÐMUNDUR PÉTURSSON,
Granaskjóli 12, Reykjavík.
Félag eldri borgara
í Kópavogi 10 ára
Frá Sigurbjörgu Björgvinsdóttur:
UM þessar mundir eru 10 ár liðin
síðan framsæknir öldungar með
dyggri aðstoð félagsmálayfirvalda í
Kópavogi réðust í að stofna hags-
munafélag. Stofnfélagar voru flestir
fólk á eftirlaunum, með trú á mátt
sinn og framtíðina. Hér er að sjálf-
sögðu átt við Félag eldri borgara í
Kópavogi.
Á þessum 10 árum hefur félagið
sett svip á bæinn. Félagsmönnum
hefur fjölgað og eru nú eitthvað á
sjöunda hundraðið. Innan félagsins
hefur verið unnin óeigingjörn
áhugamannavinna, sem margir hafa
tekið þátt í sér til ánægju og enn
fleiri notið. í 10 ár hefur félagið
„stytt fólki stundir“ við dans og spil
svo ekki sé talað um þau fjölmörgu
ferðalög sem félagið hefur staðið
fyrir af miklum myndarbrag. Með
samstilltu átaki, óeigingjarnri vinnu
og ráðdeild stjórnendanna tókst fé-
laginu að eignast notalegt skrif-
stofuhúsnæði í Gullsmára 9, þar
sem félagið hefur nú aðsetur. I
þessi 10 ár hefur félagið notið skiln-
ings bæjaryfirvalda í Kópavogi því
nú hafa félagsmenn, sem og allt
eldra fólk í Kópavogi, nær ótak-
markaðan aðgang að tveimur glæsi-
legum félagsheimilum, Gjábakka og
Gullsmára, sem Kópavogsbær hefur
byggt af miklum myndarbrag.
Óvíða á landinu á eldra fólk aðgang
að betri aðstöðu til að þjálfa huga
og hönd, hittast og gleðjast.
Það er næsta víst að mannlífið í
Kópavogi væri snauðara ef hinum
framsæknu öldungum hefði ekki
tekist sitt ætlunarverk fyi’ir 10 ár-
um.
Það er ósk mín að áhugamanna-
vinna innan félagsins blómstri
áfram og að félagið haldi áfram að
láta gott af sér leiða, eldri borgur-
um og öðrum til farsældar.
Kópavogsbúar, eldri borgarar!
Til hamingju með Félag eldri borg-
ara í 10 ár.
SIGURBJÖRG
BJÖRGVINSDÓTTIR,
forstöðumaður Gjábakka
og Gullsmára.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.