Morgunblaðið - 21.11.1998, Side 61

MORGUNBLAÐIÐ
AÐSENDAR GREINAR
LAUGARDAGUR 21. NÓVEMBER 1998 61
Álver í Trinidad
og Kyoto-bókunin
NÝLEGA mátti lesa
í blöðum frétt um að
Norsk Hydro hefði
ákveðið að reisa nýtt
álver í Trinidad, eyríki
undan norðurströnd
Suður-Ameríku. Af-
köst þess eru ráðgerð
237.000 tonn á ári í
fyrstu, en áformað að
auka þau í 474.000
tonn síðar. Það fær
raforku frá eldsneytis-
stöðvum sem brenna
jarðgasi.
Um nokkurt skeið
hafði Norsk Hydro
velt því fyrir sér hvort
reisa slcyldi álverið í
Trinidad eða í Qatar, í Mið-Austur-
löndum, þar sem það hefði einnig
fengið raforku úr jarðgasi. Rétt er
að taka fram að aldrei var til um-
ræðu að reisa þetta álver á Reyð-
arfirði.
Þegar það hefur náð 474.000
tonna afköstum á ári fylgir þessu
nýja álveri losun koltvísýrings frá
raforkuvinnslunni sem nemur
2.435 þúsund tonnum á ári og um
700 þúsund tonnum af koltvísýringi
og öðrum gróðurhúsalofttegundum
frá skautum álversins, eða samtals
nálægt 3.135 þúsund tonnum á ári.
Þar af eru þessi 700 þúsund tonn
óhjákvæmilegur fylgifískur þessar-
ar álvinnslu og óháð því hvemig
raforkan er unnin. Þau eru hin
sömu hvar sem álverið er reist.
Hinsvegar hefði losunin frá raf-
orkuvinnslunni orðið
hverfandi ef álverið
hefði verið reist í
vatnsorkulandi, eins
og til dæmis ná-
grannalandinu Venez-
úela, jafnvel engin í
sumum vatnsorku-
löndum.
En jafnvel þótt
aldrei hafi staðið til að
reisa þetta álver á ís-
landi er gagnlegt í
ljósi Kyoto-bókunar-
innar að bera þessar
tölur saman við ís-
lenskar aðstæður.
Losun Islands á
gróðurhúsalofttegund-
um árið 1996 var 2.856 þúsund
tonn að koltvísýringsígildi, sem er
0,8% undir losuninni 1990. Ef við
hugsum okkur að 474 þúsund
tonna álver hefði verið starfandi
hér á landi 1996 hefði það aukið
losun íslands um þessi 700 þúsund
tonn, sem þýddi að heildarlosunin
hefði þá verið 23,6% hærri en 1990.
Það er langt umfram þau 10% sem
Kyoto-bókunin ætlar okkur 2008-
2012. Og er hún þó talin hafa gert
vel við Island. En staðsetning ál-
versins hér sparaði andrúmsloftinu
meira en þrefalt það magn, 2.435
þúsund tonn, eða 84,6% af losun
okkar 1990, borið saman við að raf-
orkan til þess væri unnin úr jarð-
gasi sem er þó umhverfisvænsta
eldsneytið úr jörðu sem til er.
Þetta er að engu metið í Kyoto-
Staðsetning rafknúins
álvers hér sparaði
andrúmsloftinu þrefalt
magn gróðurhúsaloft-
tegunda, segir Jakob
Björnsson, miðað við
raforkuvinnslu úr
jarðgasi sem þó er
umhverfísvænsta
eldsneytið úr jörðu
sem til er.
bókuninni vegna þess að losunin
sem staðsetning hér hefði sparað á
sér stað utan Islands. Eru þó allir
sammála um að það kemur í einn
stað niður fyrir andrúmsloftið hvar
spamaðurinn á sér stað.
Til hvaða ráðstafana, sem Kyoto-
bókunin viðurkennir, getum við
gripið sem spara andrúmsloftinu
yfir 80% af losun okkar 1990?
Hvenær getum við gripið til
þeirra?
Hvað eigum við að segja um
svona bókun? Er svo undarlegt að
íslensk stjómvöld vilji ekki undir-
rita hana fyrr en hún hefur verið
lagfærð?
Höfundur er fyrrv. orkumálastjóri.
Jakob
Björnsson
Bindindis-
helgi
fjölskyld-
unnar
GÓÐTEMPLARAR gangast
fyrir bindindishelgi fjölskyld-
unnar í dag og á morgun. Hlut-
verk hennar er að minna á for-
vamamátt fjölskyldunnar og
hvetja til þess að hún haldi hóp-
inn og geri sér glaðan dag á upp-
byggilegan hátt.
Efnt er til verðlaunasam-
keppni í tilefni bindindishelgar-
innar. Samkeppnin er nefnd
Gaman að muna. Fjölskyldur
em hvattar til að „festa atburði
helgarinnar á filmu, myndband,
pappír - en umfram allt í minni“,
eins og segir í frétt frá Góð-
templarareglunni. Listrænan af-
rakstur samverunnar má síðan
senda í formi ljósmynda, mynd-
banda, teikninga, ljóða, frásagna
og þar fram eftir götunum til
Stórstúku íslands, Stangarhyl 4,
110 Reykjavík. Skilafrestur er til
10. desember og úrskurður ligg-
ur fyrir 5. janúar nk. í fyrstu
verðlaun er ferðavinningur fyrir
fjölskylduna með Samvinnuferð-
um - Landsýn að upphæð 200
þúsund krónur. Aukavinningar,
sem dregnir verða úr öllum inn-
sendum sköpunarverkum, eru
fimm matarkörfur frá Nýkaupi,
Kenwood matvinnsluvél frá
Heklu hf., aðgangur fyrir 5 fjöl-
skyldur á fjölskylduhátíðina í
Galtalæk um næstu verslunar-
mannahelgi, útifatnaður frá
Veiðimanninum, svefnpoki frá
Seglagerðinni Ægi og fatnaður
frá Prjónastofunni Peysunni.
A morgun, sunnudag, verður
opið hús í nýjum salarkynnum
Templara, í Stangarhyl 4, þar
sem m.a. verður boðið upp á lif-
andi tónlist, dansatriði og hress-
ingu. Dagskráin hefst kl. 14.
Indlands-
vinafélagið
20 ára
UM þessar mundir eru 20 ár lið-
in síðan Indlandsvinafélagið var
stofnað. Það gekk í fyrstu undir
nafninu Indlandsvinasamtökin.
Fyrsti formaður félagsins var
Sigvaldi Hjálmarsson heitinn.
Síðan tók Þóra Einarsdóttir við
en hún er nú heiðursfélagi. Því
næst var Ólafur Ragnar Gríms-
son formaður þangað til núver-
andi formaður, Harpa Jósefs-
dóttir Amin, tók við.
Félagið hefur reynt eftir
fremsta megni að kynna ind-
verska menningu og siði. Það
hefur einnig stutt fátæk böm á
Suður-Indlandi til náms, segir í
fréttatilkynningu.
Indlandsvinafélagið hélt upp á
afmæli sitt 19. nóvember sl. þar
sem snæddur var indverskur
matur og lesið upp úr bókmennt-
um er tengjast Indlandi. Þá
flutti indverski sendiherrann D.
Singh, sem hefur aðsetur í Ósló,
stutt ávarp.
Rafbíll Rafmagnsveitunnar
verður á sýningunni
Hún er opin almenningi helgina 21. og 22. nóv. kl. 12-18
RÁÐSTEFNA
OG SÝNING
á umhverfisvænni
farkostum í Ráðhúsi
Reykjavíkur 20. nóv. 1998
i-X
RAF 1
Tæknilegir eiginleikar:
Aksturseiginieikar
Hröðun 0-50 km 8,3 sek;.
Hámarkshraði 90 km/klst.
Innanbæjarakstur á hleðslu 80 km (CEN hringur*)
Orkueyðsla á 100 km 20 kWh
Vél DC hreyfill SA13
Áritað afl 11 kW
Hámarks afl 20 kW** milli 1600 og 5500 rpm
Hámarks tog (torque) 127 Nm milli 0 og 1600 rpm
Hámarks snúningshraði 6700 rpm
Rafgeymar
Nafnspenna
Venjuleg rafhleðsla
Hraðhleðsla
Fjöldi rafgeyma
Tegund
Þyngd
120 V
7 klst. hámark með 230 VAC/ 16A tengill
80% orka á 30 mín. með 18-22 kW afli
20 stk. 6 V
Nickel-Cadmium
225 kg
* CEN: Staðlaður evrópskur hringur ** 20 kW eru 28-29 hestöfl
Frítt rafmagn!
Rafmagnsveita Reykjavíkur býður eigendum
rafbíla á höfuðborgarsvæðinu ókeypis rafmagn
á bílinn í eitt ár. Með því vill RR stuðla að aukinni
notkun rafbíla á íslandi.
UPPLÝSINGAR Á HEIMASÍÐU www.rr.is OG íSÍMA 560 4688
RAFMAGNSVEITA
REYKJAVÍKUR
UMHVERFISVÆNNI