Morgunblaðið - 04.03.1990, Blaðsíða 28

28 C
MORGUNBLAÐIÐ VELVAKAIMDI SUNNUDAGUR 4. MARZ 1990
,J<bmdu þérn/ður. Écy ercui prjóno- þette^
fyrir SÍeJpu cp hseStu hae2>. "
... að moka frá dyrum
hennar.
TM Rog. U.S. Pat Off.—all riflhts resorved
© 1990 Los Angeles Times Syndicate
Farangurinn ykkar hefur
skilað sér en börnin ykkar
eru á leiðinni til Búda-
pest...
Með
morgnnkafiinu
Auðvitað þykir mér vænt
um þig þó mér þyki vænna
um hundinn ...
HÖGNI HREKKVÍSI
o o e>
„NÆSTI
..TVEIR Á /MEÖRUNARFveo/."
Á FÖRMUM VEGI
Kostur að hafa
höfuðborgina
innan seilingar
Selfossi.
VAL á búsetu er einn þeirra þátta sem fólk stendur frammi fyrir á
lifsleiðinni og sumir oftar en einu sinni. Hvort þá verður fyrir valinu
búseta á landsbyggðinni eða á höfúðborgarsvæðinu ræðst að megin-
hluta af starfsmöguleikum á hverjum stað ásamt því hvernig stað-
hættir eru og aðstæður til að skapa sér og sínum viðunandi umhverfi
til að hrærast í.
róun undanfarinna ára hefur
verið sú að fólk hefur flust af
landsbyggðinni til höfuðborgar-
svæðisins. í umræðunni hefur hallað
nokkuð á landsbyggðina einkum
vegna erfiðleika varðandi atvinnu-
uppbyggingu. í öllu talinu um gjald-
þrotin og erfiðleikana hafa þeir
þættir gjarnan orðið útundan sem
fólk telur jákvæða við búsetu í hinum
minni byggðarlögum.
Á Selfossi verða ekki stórar sveifl-
ur í atvinnu- og mannlífi. Þar geng-
ur lífíð og tilveran fyrir sig með
taktföstum hætti eins og í samsvar-
andi byggðárlögum sem byggja á
iðnaði og þjónustu.
Sigríður Björnsdóttir húsmóðir með 1 'h árs son sinn Tryggva.
Nálægðin við sveitirnar
er góð
„Sem gamall sveitamaður fmnst
mér fyrst og fremst gott að geta
verið í nálægð við sveitirnar," sagði
Högni Guðmundsson bensínaf-
greiðslumaður um kosti þess að búa
á landsbyggðinni.
„Hér á Selfossi eins og sjálfsagt
annars staðar á landsbyggðinni er
maður í meiri tengslum við fólkið á
staðnum en gengur og gerist í
Reykjavík og svo er rólegra héma.
Mínir leiðinlegustu dagar eru þegar
ég þarf að fara .til Reykjavíkur. Það
er nú bara þannig að ég finn enga
ókosti við að búa hér. Við höfum
allt héma við hendina sem við þurf-
um og höfum því lítið að sækja til
Reykjavíkur,“ sagði Högni.
Gott að ala hér upp börn
„Það er rólegra hér og heilbrigð-
ara mannlíf að mörgu leyti en í
Reykjavík," sagði Bergsteinn Ein-
arsson framkvæmdastjóri. „Við njót-
um auðvitað nálægðarinnar við
Reykjavík og höfum því allt til alls.
Fasteignir hér, í einkaeign og í at-
vinnurekstri, era í lægra verði en á
höfuðborgarsvæðinu og það er galli.
Hins vegar má segja að það sé aftur
á móti viss kostur fyrir þá sem búa
hér og hafa tök á betur launaðri
atvinnu á höfuðborgarsvæðinu en
hér gefst.
Varðandi dreifbýlisstefnuna þá er
varasamt að byggja upp of marga
byggðakjarna og dreifa þjónustunni
um of þannig að hún verði of dýr.
Selfoss er orðinn góður þjónustu-
kjami. Það er gott að ala hér upp
börn á skólaaldri. Hér era minni
vandamál varðandi ferðir þeirra á
milli heimilis og skóla,“ sagði Berg-
steinn Einarsson.
Hér ræður maður tímanum
„Það er mjög gott að búa héma
með börn og rólegt að vera hér,“
sagði Sigríður Bjömsdóttir húsmóð-
ir. „Hér er þokkalega mikið gert
fyrir böm, það er hér ný dagvistar-
stofnun svo eitthvað sé nefnt.
Það kæmi ekki til greina að búa
á höfuðborgarsvæðinu enda sé ég
ekki neinn kost við að búa þar um-
fram það að vera her enda er héðan
stutt til allra átta. Ástæðan fyrir því
að ég vil frekar búa hér á Selfossi
en á höfuðborgarsvæðinu er að þar
ræður tíminn yfir fólki en hér ræður
maður yfir tímanum og getur skipu-
lagt hann út frá sjálfum sér.“
Víkverji skrifar
Averðbólgutímum gefast menn
upp á því að fylgjast með
verðlagi á einstökum vörutegund-
um, telja það sjálfsagðan hlut að
verð hækki dag frá degi og að
ekki sé ómaksins vert að leggja
það á minnið.
Nýgerðir kjarasamningar ættu
á hinn bóginn að gera það mögu-
legt að halda verðbólgunni í skefj-
um og þar með vöruverði. Stað-
reyndin er þó sú að tilhneiging til
hækkunar virðist alltaf vera fyrir
hendi. Gefur það tilefni til að vel
sé fylgst með verðlaginu. Ber því
að fagna að nokkur verkalýðsfélög
hafa haft frumkvæði að því að
félagsmenn þeirra verði þar sér-
staklega á verði og geri vart við
óeðlilegar hræringar á þeim vett-
vangi. Sannleikurinn er sá að
verðlagseftirlit verður aldrei raun-
hæft og skilar tilætluðum árangri
nema almenningur sjálfur taki
þátt í því.
Full ástæða er til að menn al-
mennt taki þátt í þessu verðlags-
eftirliti - minnugir þess að ef sú
tilraun, sem nú er gerð til þess
að draga úr verðbólgunni, bregst,
keyrir um þverbak að nýju.
xxx
Stundum er talað um að veður-
far hér sé slíkt að landið sé
lítt byggilegt. Auðvitað eru veður
hér válynd, en fréttir undanfarna
daga sanna að það geta þau einn-
ig verið annars staðar og á suð-
lægari slóðum þar sem mannsk-
aðaveður hafa gengið yfir.
Víkverji ræddi við mann nýkom-
inn frá Englandi. Hann var stadd-
ur á suðurströnd landsins, þegar
veðrahamurinn þar var sem mest-
ur. Þakkaði hann sínu sæla að
vera kominn aftur til íslands. Hér
sagðist hann oft hafa lent í
vonskuveðri en annað eins og í
Englandi hefði hann aldrei upplif-
að, þar hefði hann í fyrsta skipti
óttast um líf sitt. Sennilega þyrftu
Islendingar að kynnast þessari
hlið á veðráttunni erlendis til þess
að vera sáttari við það sem þeir
hefðu hér. Þar væri svo sannar-
lega ekki alltaf sól og blíða.
Um fátt er meira talað þessa
dagana en handbolta.
Ástæða þess er að sjálfsögðu þátt-
taka íslendinga í heimsmeistara-
keppninni í þeirri íþróttagrein og
að Sjónvarpið gefur mönnum kost
á að horfa á leikina inni í stofu
hjá sér um leið og þeir fara fram.
Ekki er annað að ætla en að
handboltamennirnir séu eins vel
undir þessa keppni búnir og sann-
gjarnt er að krefjast, en Víkverji
hefur orðið var við að þjóðin er
betur undir hana búin en t.d.
Ólympíuleikana í Seoul. Kröfur
hennar eru ekki eins miklar. Þá
heimtaði hún ekkert minna en
verðlaunasæti. Nú eru menn jarð-
bundnari, gera sér grein fyrir að
brugðið getur til beggja vona.
En hvernig sem allt fer höfum
við rétt á að vera stoltir af hand-
boltamönnunum okkar, því eins
og Birgir Þorgilsson minnir á í
grein hér í blaðinu sl. miðvikudag
er það eitt að öðlast rétt til þátt-
töku í heimsmeistarakeppninni
mikið afrek.