Morgunblaðið - 12.09.1974, Blaðsíða 11

MORGUNBLAÐIÐ, FIMMTUDAGUR 12. SEPTEMBER 1974
11
Caracasráðstefnan:
Niðurstaða aðgengileg
fyrir íslenzka nagsmuni
Frásögn Hans G. Andersens, sendiherra
Starfsmörk
ráðstefnunnar
Morgunblaðið leitaði upplýs-
inga hjá Hans G. Andersen, sendi-
herra, formanni íslenzku sendi-
nefndarinnar á hafréttarráðstefn-
unni í Caracas, um niðurstöður
þeirrar ráðstefnu. Frásögn sendi-
herrans verður efnislega rakin
hér á eftir.
Allsherjarþing Sameinuðu
þjóðanna ákvað, er hafréttarráð-
stefnan var kvödd saman, að verk-
svið hennar væri að freista þess
að ná samkomulagi um viðfangs-
efnið, án atkvæðagreiðslu. Þess
var þvi aldrei að vænta, að
niðurstaða væri knúin fram
á þessari ráðstefnu með
atkvæðagreiðslu. Starf ráð-
stefnunnar fólst einkum í
því að samræma sjónarmiðin,
fækka valkostum sem mest og
búa þann veg í haginn, að hægt
yrði að ná lyktum í málinu á fram-
haldsráðstefnu.
Næsta ráðstefna
f marzmánuði nk.
Hafréttarráðstefnunni verður
fram haldið í Genf 17. marz nk. og
mun standa til 3. og jafnvel 10.
maí þ.á. Stefnt er að þvi að ná
lyktum í málinu á þeirri ráð-
stefnu, annaðhvort með sam-
komulagi eða atkvæðagreiðslu,
sem síðan leiddi til alþjóðasamn-
inga á þessum vettvangi, sem
gengið yrði frá í Caracas. Hugsan-
legt væri, ef Ganfarfundinum
ynnist ekki tími til málalykta,
að skotið yrði inn öðrum fundi
og þá væntanlega í Vín.
Eins og málin standa nú
bendir flest til þess, að endanleg
niðurstaða fáist á Genfarfund-
inum í öllum helztu málaflokkum
og ljúka megi málinu I Caracas
næsta sumar.
Yfirgnæfandi meiri-
hluti þjóða
Sendiherrann sagði, að yfir-
gnæfandi meirihluti þjóða væri
þegar fylgjandi 200 mílna efna-
hagslögsögu, en % atkvæða þarf
til að niðurstaða slíkrar ráðstefnu
verði bindandi. Hinsvegar væri
ljóst, að fjöldi þjóða hefði alls
konar fyrirvara á samþykki sínu,
varðandi margháttaða sérhags-
muni, sem kæmu inn f heildar-
myndina. Það væri á þessu sviði,
sem mikið samræmingarstarf
hefði verið unnið á ráðstefnunni
og málum þokað verulega í þá átt,
sem samræmdust fslenzkum hags-
munum, þó enn væri spölur að
settu marki.
Síður en svo væri ástæða til að
vera óánægður með það, sem
unnizt hefði á Caracasráðstefn-
unni. Ráðstefnan hefði í aðal-
atriðum þróazt í þá átt, sem
reikna hefði mátt með og sú
niðurstaða, sem þar hefði fengizt,
þó bindandi samkomulag lægi að
vísu ekki fyrir, væri aðgengileg
fyrir íslenzka hagsmuni.
— sf.
Hans G. Anderscn, sendiherra.
TilbOínn undir tréverk
Hann er þess virði að þú lítir á hann tvisvar, nýi
Volvoinn. Nýjungar, eins og "hrein grind” með
völsuðum langböndum, rafkerfi tengt í einum
aðgengilegum töflukassa, lofthemlakerfi í nylon-
leiðslum, 50 gráðu snúningsgeta, þrátt fyrir aðeins
3,8 metra lengd milh hjóla, koma þér skemmtilega
á óvart. Eins og allt annað í sambandi við Volvo N.
Volvo N er langt á undan öðrum í tækni og útliti,
Volvo N er vörubíll framtíðarinnar orðinn að
raunveruleika. Volvo N nýtir hvern einasta mögu-
leika til hins ýtrasta í þágu eigandans. Allar tækni-
iegar uppiýsingar um Voívo N eru ávalit til reiðu
í Volvosalnum við Suðurlandsbraut. Hafið samband
við Jón Þ. Jónsson.
Lögfræðinganefndin
A hafréttarráðstefnunni í Cara-
cas og fram að næstu ráðstefnu
starfaði og starfar sérstök nefnd
lögfræðinga frá ýmsum heims-
hlutum, sem kennd er við for-
mann sinn, Evens, viðskiptaráð-
herra Noregs. Nefndin er valin í
samráði við forseta hafréttarráð-
stefnunnar og er hlutverk hennar
að reyna að samræma sjónar-
miðin á óformlegan hátt. Nefndin
hafði fundi þrisvar i viku á
Caracasráðstefnunni og varð af
störfum hennar verulegt gagn.
Fulltrúi Islands í nefndinni var
Hans G. Andersen. Nefndin
kemur næst saman til fundar í
New York 26. október nk.
Fatlaðir í
Danmörku
Kaupmannahöfn 9. september.
Frá fréttaritara
Mbl. Jörgen Harboe:
HOPUR 25 fslenzkra fatlaðra
manna og kvenna komfgær til
Kaupmannahafnar, en honum er
boðið til Danmerkur af Kaup-
mannahafnarborg f tilefni af
1100 ára afmæli Islandsbyggðar.
Fararstjðri hópsins er Oddur
Ólafsson, alþingismaður, en hann
er fyrsti útlendingurinn, sem
hefur hlotið Hans Knudsen-
heiðursmerki Danmerkur, sem er
veitt til viðurkenningar starfs
fyrir fatlaða. Heimsóknin stend-
ur til 23. september, og mun hóp-
urinn heimsækja ýmsar félags-
legar stofnanir um land allt.