Morgunblaðið - 12.05.2000, Síða 29

MORGUNBLAÐIÐ
ERLENT
FÖSTUDAGUR 12. MAÍ 2000 29
AP
Fáni Suðurrikjanna blaktir ekki lengur yfir þinghúsinu í Suður-Karó-
línu en honum verður komið fyrir á þessu minnismerki um hermenn.
Suðurrfkjafáninn
dreginn niður
Columbia. AP.
FULLTRUADEILD þingsins í
Suður-Karólínu í Bandaríkjunum
samþykkti í fyrrakvöld að hætta að
flagga Suðurríkjafánanum á þing-
húsinu en þess í stað verður honum
komið fyrir á minnismerki skammt
frá.
Öldungadeild þingsins hafði áður
samþykkt það sama en mun þó fá
málið aftur til meðferðar vegna lítils-
háttar breytingar, sem á því varð í
meðförum fulltrúadeildarinnar.
Suðurríkjafáninn var dreginn að
húni yfir þinghúsinu 1962 til að
minnast þess, að þá var öld liðin frá
borgarastríðinu í Bandaríkjunum,
en ýmsir hafa haldið því fram, að það
hafi ekki síður verið gert til að lýsa
yfir andúð á starfsemi mannrétt-
indahreyfinga og baráttu blökku-
manna fyrir fullum réttindum. Pess
vegna sé fáninn tákn fyrir þrældóm
og misrétti en stuðningsmenn hans
segja hann vera menningarlega arf-
leifð og hluta af þjóðarsögunni.
Svo undarlegt sem það er, þá tóku
stuðningsmenn fánans og blökku-
menn á þingi höndum saman um að
reyna að fella frumvarpið. Þeir fyrr-
nefndu vildu hafa fánann áfram á
þinghúsinu en þeir síðarnefndu vildu
alls ekki, að fánanum yrði komið fyr-
ir á minnismerkinu. Stendur það við
mjög fjölfarin gatnamót og því mun í
raun bera meira á fánanum þar en á
þinghúsinu. Urðu einhverjir til að
vinna nokkrar skemmdir á minnis-
merkinu í fyrradag.
Martin Luther King og
Suðurríkjasambandið
Suður-Karólínuþing samþykkti sl.
mánudag, síðast bandarísku ríkj-
anna, að blökkumannaleiðtogans
Martin Luther Kings skyldi minnst
með frídegi í febrúar ár hvert, en
svartir þingmenn reyndu að koma í
veg fyrir það. Var ástæðan sú, að
frumvarpinu um Martin Luther
King var hnýtt aftan í annað frum-
varp um sérstakan frídag í minningu
Suðurríkjasambandsins. Hvort
tveggja frumvarpið var þó samþykkt
og vegna þess síðara voru margir op-
inberir starfsmenn í fríi í fyrradag.
EES-samstarfíð
Endur-
skoðun
vart
möguleg
KJARTAN JOHANNSSON, fram-
kvæmdastjóri Fríverslunarsam-
taka Evrópu (EFTA), segir að
endurskoðun EES-samningsins sé
hvorki fýsileg né möguleg við þær
aðstæður sem nú ríki í Evrópu.
Þetta kom fram í svokölluðum
Schuman-fyrirlestri sem Kjartan
flutti í gær í Ósló, höfuðborg Nor-
egs.
Kjartan fallaði meðal annars um
framkvæmd EES-samningsins,
einkum með tilliti til þeirra breyt-
inga sem eru að verða innan
Evrópusambandsins (ESB). Að
sögn hans veldur sífelld endur-
skoðun grunnsáttmála sambands-
ins því að ýmis lagaleg vandamál
geta komið upp í tengslum við
EES-samstarfið. I hvert sinn sem
samstarf ESB-ríkjanna verði nán-
ara og sameiginlegum ákvörðunum
fjölgi, verði þau ríki sem myndi
EFTA-stoð samstarfsins fyrir
áhrifum. í sumum tilvikum takist
að finna leiðir til að tryggja þátt-
töku EFTA-ríkjanna en í mörgum
tilfellum reynist það ekki mögu-
legt. Kjartan nefndi að líklega
væri hvorki ákjósanlegt né póli-
tískt mögulegt að reyna að ná
samningum við ESB um endur-
skoðun EES-samstarfsins. Og
fyrst svo væri þyrfti að leita nýrra
leiða til að þróa samninginn.
Samstarf við Persaflóaríki
Kjartan gat þess að á næstunni
væri fyrirhygað að EFTA undirrit-
aði yfirlýsingu um tengsl við
Samstarfsráð ríkja við Persaflóa
(GCC). Hann sagði einnig að farið
hefðu fram könnunarviðræður við
Chile og Mexíkó. Einnig væri fyr-
irhugað að undirrita yfirlýsingu
um samstarf við ríki MERCOSUR
og að hugsanlega yrðu hafnar við-
ræður við Suður-Afríku, Singapore
og Suður-Kóreu.