Morgunblaðið - 07.03.2000, Blaðsíða 22
22 ÞRIÐJUDAGUR 7. MARS 2000
MORGUNBLAÐIÐ
VIÐSKIPTI
Alit verðbráfafyrirtækja á afkomu og lækkun á gengi hlutabréfa Flugleiða hf,
Misjöfn skoðun á
Flugleiðum sem
fj árfestingarkosti
HLUTABRÉF Flugleiða hf. hafa
lækkað um rúmlega 21,6% frá lokun
hlutabréfamarkaðar á Verðbréfa-
þingi íslands mánudaginn þann 28.
febrúar síðastliðinn til lokunar í gær,
mánudag, en Flugleiðir kynntu af-
komu félagsins síðasta þriðjudag og
var afkoma félagsins talsvert undir
væntingum sumra markaðsaðila.
Markaðsvirði félagsins hefur því
lækkað úr um 11,56 milljörðum í
tæpan 9,1 milljarða á viku, eða um
rúma 2,49 milljarða króna.
Hagnaður félagsins á árinu 1999
nam 1.515 milljónum króna eftir
skatta, en hagnaður af reglulegri
starfsemi eftir skatta var hins vegar
138 milljónir króna. Aðrar tekjur og
gjöld námu hins vegar 1.377 milljón-
um króna.
Sex verðbréfafyrirtæki sem
Morgunblaðið leitaði til spáðu því
hins vegar að meðaltali að hagnaður
Flugleiða yrði 2.000 milljónir króna,
og birtist sú spá í Morgunblaðinu
þann 19. janúar síðastliðinn. Þar af
spáði Búnaðarbankinn verðbréf
1.800-2.000 milljóna króna hagnaði,
FBA spáði 2.305 milljónum og ís-
landsbanki F&M 2.326 milljónum.
Jafnframt mæltu þessir þrír aðilar
með Flugleiðum sem fjárfestingar-
kosti í Morgunblaðinu þann 20. jan-
úar síðastliðinn. íslensk verðbréf hf.
spáðu 1.620 milljóna króna hagnaði
Flugleiða, Kaupþing hf. spáði 1.650
milljónum og viðskiptastofa Lands-
banka íslands hf. spáði 2.198 millj-
óna króna hagnaði.
Upplýsingar bentu ekki til lakari
afkomu á fjórða ársfjórðungi
Almar Guðmundsson, sérfræðing-
ur hjá markaðsviðskiptum Fjárfest-
ingarbanka atvinnulífsins hf., segir
um afkomu Flugleiða að skýringin á
þeim mun sem er á afkomuspá FBA
og rekstrarniðurstöðu Flugleiða sé
einföld, en hún er sú að framlegð fé-
lagsins hafi orðið mun lakari en gert
var ráð fyrir.
í morgunkorni FBA síðastliðinn
miðvikudag sagði um afkomu Flug-
leiða að „þegar 9 mánaða milliupp-
gjör félagsins var lagt íram þann 19.
nóvember var sagt af hálfu forráða-
manna félagsins að félagið kapp-
kostaði að halda í horfinu á seinni
helmingi ársins við erfiðari kring-
umstæður í farþegaflugi á alþjóða-
markaði. Þetta hefur greinilega
reynst erfitt verk á síðustu þremur
mánuðum ársins og kemur þar
a.m.k. tvennt til, hækkandi eldsneyt-
isverð og verðlækkun á fargjöldum
vegna mikils framboðs á N-Atlants-
hafsleiðinni.
Þrátt fyrir orð forráðamanna fé-
lagsins við birtingu milliuppgjörs
um blikur á lofti í rekstri félagsins á
seinni hluta ársins, þá er ljóst að
hagnaður fyrir fjármagnsliði á
þriðja ársfjórðungi var sambærileg-
ur við sama tíma árið 1998. Fjórði
ársfjórðungur er því meginskýring-
in á slakari afkomu og í Ijósi þess að
9 mánaða uppgjör kom fram þann
19. nóvember má spyrja sig hvort fé-
lagið hefði ekki mátt gera skýrari
grein fyrir stöðu og horfum á fjórða
ársfjórðungi á þeim tímapunkti.“
Aðspurður segist Aimar telja að
einn af meginþáttum í lakari afkomu
Flugleiða sé hækkað olíuverð að
undanförnu sem kemur fram í aukn-
um útgjöldum félagsins. „Eins var
nefnt í sex mánaða uppgjöri félags-
ins að samkeppnin þrengdi að félag-
inu tekjumegin," segir Almar.
Hann segir að vissulega hafi verið
dregin upp dökk mynd í sex mánaða
uppgjöri fyrirtækisins. Hins vegar
hafi sést í níu mánaða uppgjöri fé-
lagsins að afkoman á þriðja ársfjórð-
ungi í fyrra var svipuð og á þriðja
ársfjórðungi ársins 1998 þrátt fyrir
erfiðari rekstraraðstæður. Félagið
hafi jafnframt lýst því yfir þann 19.
nóvember að keppst yrði við að
halda í horfinu á seinni hluta ársins
við erfiðar aðstæður. „Þetta gaf að
okkar mati enga ástæðu til að ætla
að tapið á seinustu þremur mánuð-
unum fyrir fjármagnsliði yrði 1.200
milljónir króna eða rúmlega tvöfalt
meira en árið áður. í ljósi erfiðari að-
stæðna gerðum við þó ráð fyrir
meira tapi á 4. ársfjórðungi 1999 en
var árið 1998. Versnandi afkoma fé-
lagsins kemur nær eingöngu fram á
fjórða ársfjórðungi og niðursveiflan
var snarpari en við áttum von á,“
segir Almar.
Skynsamlegt að biða
með fjárfestingu
Aðspurður um hvernig FBA mæti
Flugleiðir sem fjárfestingarkost í
ljósi lækkana á gengi hlutabréfa fé-
lagsins segir Almar að ef arðsemis-
þátturinn er skoðaður fyrst, hafi
þeir spáð ríflega 900 milljóna króna
hagnaði af reglulegri starfsemi en
niðurstaðan hafi orðið um 140 millj-
ónir. „Ut frá þeim hlið myndi ég
ekki mæla með kaupum í félaginu,
enda arðsemi af reglulegri starfsemi
óviðunandi.
Hins vegar má segja að markaðs-
virði er lægra en eigið fé að viðbætt-
um duldum eignum. A þeim forsend-
um gætu menn sagt að hagkvæmt sé
að kaupa í félaginu, en eins og við
sögðum í morgunkorni í gær mælum
við ekki með kaupum í félaginu að
svo stöddu. Það sem væri skynsam-
legt fyrir fjárfesta væri að bíða eftir
nánari umfjöllun félagsins um hvað
það sér fyrir sér um rekstrarhorfur
á þessu ári,“ segir Almar Guð-
mundsson.
Varaði við lakari afkomu
Heiðar Guðjónsson, verðbréfa-
miðlari hjá íslandsbanka F&M, seg-
ir í samtali við Morgunblaðið um af-
komu Flugleiða að F&M hafi breytt
sinni spá þegar líða tók á, þegar
British Airways og KLM skiluðu
sínum uppgjörum, en í þeim kom
fram að síðasti ársfjórðungur á árinu
1999 var einhver sá lakasti í rekstri
flugfélaga nokkru sinni. „Þessar ol-
íuverðshækkanir komu þá inn af
fullum þunga. Auk þess var sam-
keppni að aukast og farþegasam-
setning var að þróast fyrirtækjunum
í óhag, en fleiri hafa verið að ferðast
á öðru farrými í stað fyrsta farrým-
is,“ segir Heiðar Már. Hann segist
telja að bæði viðvaranir sem komu
frá félaginu þegar birt voru sex mán-
aða og níu mánaða uppgjör hafi vald-
ið því að menn væru minna bjartsýn-
ir en þeir voru. „Það var haft eftir
mér í Morgunblaðinu [10. febrúar sl.
innsk.] að ég væri svartsýnn á upp-
gjörið og að það myndi valda von-
brigðum. Þar tiltók ég að það væri
mikið markaðsátak í gangi sem mun
ekki skila tekjum strax. Auk þess er
olíuverð enn mjög hátt og hefur
hækkað frá áramótum. Svo er ekki
útséð með að samkeppni minnki á
Atlantshafsleiðunum. Þannig að
fyrstu sex mánuðir þessa árs munu
einnig verða erfiðir. Hins vegar eru
góðar fréttir nú að það verður betri
afkoma af Flugfélagi íslands því
þeir munu geta fjölgað farþegum, þó
að það atriði sé ekki stærsti liðurinn
í þessu,“ segir Heiðar.
Bjartsýnn á Flugleiðir sem fjár-
festingarkost
Aðspurður um álit hans á Flug-
leiðum sem fjárfestingarkosti eftir
lækkanir seinustu daga segir Heiðar
að eins og aðstæður séu nú, þegar
ríkissjóður sé að greiða 10% skamm-
tímavexti og fyrirtæki þurfi að hagn-
ast um a.m.k. 10% að markaðsvirði
mjög bráðlega, telji þeir hjá F&M að
Flugleiðir muni ná slíkum hagnaði
innan tveggja ára.
„Síðan gerum við ráð fyrir að
reksturinn verði stöðugri, því þeir
'hafa breytt töluvert miklu hjá sér í
stýringu bæði á eldsneytiskaupum
og í fjármagnsliðum. Þeir eru því
komnir með sveiflujöfnun í rekstur-
inn sem á að skila sér í því að hann
verði jafnari. Manni finnst að arð-
semin sé með því fyrirsjáanlegri. Ég
sé ekki fyrir mér að gengið lækki
niður fyrir 4 á þessu ári þótt spurn-
ing sé um það hve mikið það muni
hækka. En síðan ætti það að geta
hækkað um 12-15% á ári upp frá því.
Ég er því frekar jákvæður gagnvart
Flugleiðum sem fjárfestingarkosti.
Það er hins vegar fremur erfitt að
stýra flugfélagi á annan hátt en sam-
keppnisaðilarnir eru að stýra sínu,
því baráttan er við þá um miðaverð
og annað. Sveiflan í rekstri flugfé-
laga sem vinna á sama svæði er því
orðin mjög áþekk í dag. Það sem
gerir útslagið hjá félögum í dag er
hve marga farmiða þau ná að selja á
fyrsta farrými. Þar eru Flugleiðir að
leggja í herkostnað, og ef þeir ná því
markmiði að auka vægi fyrsta
farrýmis munu þeir verða góð fjár-
festing. Til lengri tíma litið tel ég að
þetta sé einn af betri fjárfestingar-
kostunum. Almennt er markaðurinn
fremur hátt metinn en þetta er einn
af ljósu punktunum," segir Heiðar
Guðjónsson.
Fiskmarkaðir stefna
að sameiningu
STJÓRNIR Fiskmarkaðs Breiða-
fjarðar hf. og Fiskmarkaðs Snæ-
fellsness hf. hafa orðið ásáttar um
að stefna að sameiningu félaganna
undir merkjum Fiskmarkaðs
Breiðafjarðar hf.
I tilkynningu til Verðbréfa-
þings íslands kemur fram að
samruninn sé fyrirhugaður með
þeim hætti að Fiskmarkaður
Breiðafjarðar hf. kaupi öll hluta-
bréf í Fiskmarkaði Snæfellsness
og greiði þau með nýju hlutafé í
Fiskmarkaði Breiðafjarðar hf.
Velta Fiskamarkaðs Snæfells-
ness á síðasta ári var 44 milljónir
króna og er gert ráð fyrir að velta
Fiskamarkaðs Breiðafjarðar hf.
aukist um 20% við sameininguna.
Starfsmannafjöldi Fiskmarkaðs
Snæfellsness hf. hefur verið um 5
manns að undanfömu.
HVER SKILUR HAGKERFI ÞEKKINGARÞJOÐFELAGSINS?
m
NÝSKÖPUNAR-
VERÐLAUN
RANNSÓKNARRÁÐS
OG ÚTFLUTNINGSRÁÐS
2000
Nýsköpunarþing Rannsóknarráðs og Útflutningsráðs verður að þessu sinni helgað hagkerfi þekkingarþjóðfélagsins.
Á þinginu verða veitt Nýsköpunarverðlaun fyrir árið 2000.
Þingið er haldið fimmtudaginn 9. mars nk kl. 8:00 - 10:00 að Hótel Loftleiðum.
Fundarstjóri: Jón Ásbergsson, framkvæmdastjóri Útflutningsráðs íslands
DAGSKRÁ
Tlie New Knowledge-based Economy - What is it and why does it matter?
Thomas Andersson aðstoðarframkvæmdastjóri vísinda-, tækni- og iðnaðarsviðs OECD
Samskiptasamfélagið Þórarinn V. Þórarinsson, forstjóri Landssímans
Afhending Nýsköpunarverðlauna Rannsóknarráðs og Útflutningsráðs 2000
Þorsteinn I. Sigfússon, formaður Rannsóknarráðs íslands
Þingið er öllum opið. Þátttakendur vinsamlega tilkynni sig til
Rannsóknarráðs í síma 562 1320 eða til Útflutningsráðs í síma 511 4000
ÚTFLUTNINGSRÁÐ ISLANDS
RAIUNIS