Morgunblaðið - 07.03.2000, Blaðsíða 16
16 ÞRIÐJUDAGUR 7. MARS 2000
MORGUNBLAÐIÐ
AKUREYRI
Formaður Kaupmannasamtakanna um úrsögn Kaupmannafélags Akureyrar úr samtökunum
Akvörðun félagsins
kemur mjög á óvart
BENEDIKT Kristjánsson, formað-
ur Kaupmannasamtaka íslands
sagði að úrsögn Kaupmannafélags
Akureyrar úr samtökunum hefði
komið sér mjög á óvart. Hann sagði
að unnið hefði verið að lausn á
ákveðnum málum er vörðuðu Kaup-
mannafélag Akureyrar, sem m.a.
snéru að félagsgjöldum og að menn
hefðu verið á góðri leið með að leysa
þau.
„Við erum með aðalfund Kaup-
mannasamtakanna á morgun (í dag,
þriðjudag) og ég hef verið í sam-
bandi við Ragnar Sverrisson, for-
mann Kaupmannafélags Akureyrar,
að leita skýringa á því hvað er að
gerast. Eg taldi þessi mál í þokka-
legum farvegi og því kemur þessi
ákvörðun félagsins mér mjög á
óvart.“
Ragnar sagði í Morgunblaðinu
fyrir helgi að félagið hefði ávallt
haldið eftir 50% af félagsgjöldum fé-
lagsmanna sinna en helmingurinn
hefði verið greiddur til Kaupmanna-
samtaka íslands. Eftir að Kaup-
mannasamtökin gengu til liðs við
Samtök verslunar og þjónustu sl.
haust hefðu norðanmenn talið sig
hafa loforð fyrir því að ekki yrði um
neinar breytingar að ræða varðandi
félagsgjöldin, en það hefði ekki
gengið eftir.
Benedikt sagði að þegar Kaup-
mannasamtök Islands gengu til liðs
við Samtök verslunar og þjónustu
hefði legið fyrir að samtökin tækju
við innheimtu þein'i sem áður var í
höndum Kaupmannasamtakanna.
„Þetta lá fyrir og var samþykkt á
okkar aðalfundi í fyrra og m.a. af
Kaupmannafélagi Akureyrar. Hins
vegar höfum við verið að beita okkur
fyrir því að gerður verði sérstakur
samningur við Kaupmannafélag Ak-
ureyrar um ákveðna hlutdeild í fé-
lagsgjöldum. Samningurinn miðar
að því að Kaupmannafélag Akureyr-
ar haldi eftir því sem þeir hafa farið
fram á af þeim gjöldum sem inn-
heimt eru af félagsmönnum Kaup-
mannafélags Akureyrar. Sá samn-
ingur hefur legið á borðinu og er á
þeim nótum sem þeir vildu,“ sagði
Benedikt.
Hann gerir sér jafnframt vonir um
að fulltrúi Kaupmannafélags Akur-
eyrar sitji aðalfund Kaupmannasam-
taka íslands í dag.
Héraðsdómur Norðurlands eystra
Bætur vegna slyss
NORÐURVÍK ehf. á Húsavík hefur í
Héraðsdómi Norðurlands eystra ver-
ið dæmt til að greiða liðlega þrítugum
trésmiði um 5,5 milljónir króna auka
vaxta í bætur vegna slyss sem hann
varð fyrir er hann starfaði hjá fyrir-
tækinu.
Slysið varð í október árið 1995 en
þá starfaði maðurinn við nýbyggingu
Borgarhólsskóla á Húsavík og var
hann að vinna ásamt öðrum við að
koma kjöljárni á mæni byggingarinn-
ar. Er maðurinn gekk eftir mæninum
varð honum fótaskortur og rann
hann niður af þakinu, lenti fyrst á
vinnupalli en féll svo til jarðar um 6
metra fall. Hann varð fyrir alvarleg-
um áverkum í kjölfar slyssins og var
metinn með 40% varanlega örorku.
Maðurinn taldi lögboðinn öryggis-
búnað ekki hafa verið til staðar á þak-
inu í umrætt sinn, en forsvarsmenn
Norðurvíkur töldu að maðurinn hafi
sjálfur sýnt stórkostlegt gáleysi þeg-
ar hann gekk eftir þakinu.
Tjón mannsins vegna slyssins þótti
í Héraðsdómi Norðurlands eystra
réttilega ákvarðað samtals að fjár-
hæð um 8,3 milljónir króna og var
fyrirtækinu gert að greiða manninum
tvo þriðju hluta þess eða um 5,5 millj-
ónir króna í skaða- og miskabætur.
I sóknarhug
Hvað boðar nýárs Byggðastofnun?
Hádegisverðarfundur með
Kristni H. Gunnarssyni, nýkjömum stjórnar
formanni Byggðastofnunar, á Fiðlaranum,
Skipagötu 14, miðvikudaginn 8. mars
frákl. 12.00 til 13.00
• Hver er framtíð Byggðastofnunar?
• Er von á breytingum á starfsemi Byggðastofnunar?
• Verður Byggðastofnun hugsanlega flutt út á land?
• Hvaöa hlutverki gegnir Byggðastofnun i að framfylgja stefnu
stjórnvalda í byggðamálum?
• Hvaða áherslur verða hjá stofnuninni í lána- og styrkjamálum?
• Hvernig hugsar Byggðastofnun uppbyggingu þróunarstarfs á
landsbyggðinni?
• Mun rannsóknarstarf atvinnuveganna halda áfram að byggjast
upp á höfuðborgarsvæðinu?
Þetta, og ýmislegt fleira, mun Kristinn
fjalla um og svara spurningum fundarmanna
Verð kr. 1.000 (léttur hádegisverður innifalinn)
Allir velkomnir
Skráning hjá Atvinnuþróunarfélagi Eyjafjarðar í síma 461 2740
eða á netfangi benedikt@afe.is.
Milljónatjón í bruna
í Endurvinnslunni
Morgunblaðið^Kristján
Gunnar Garðarsson, forstöðumaður Endurvinnslunnar, við kolafram-
leiðsluna í sótsvörtu húsnæði fyrirtækisins en talið er eldurinn hafi
komið upp í kassa með kolum.
MIKIÐ tjón varð í eldsvoða í End-
urvinnslunni á Akureyri um helg-
ina. Vegfarandi tilkynnti lögreglu
að reykur kæmi út um loftræstiop
á húsnæðinu um kl. 9.00 á sunnu-
dagsmorgun og eftir að hafa skoð-
að aðstæður kallaði lögreglan
slökkviliðið út.
Er slökkviliðið kom á staðinn var
mikill reykur og nokkur eldur í aft-
ari hluta húsnæðisins, þar sem
framleiðsla á brettakubbum hefur
m.a. farið fram. Eldur logaði í
kolastæðu á gólfinu og eldurinn
hafði komist í milliloft á einum
tveimur stöðum. Greiðlega gekk að
slökkva eldinn en reykurinn smaug
um allt húsnæðið, m.a. í fremri
hlutann þar sem móttaka á flösk-
um og dósum fer fram.
Gunnar Garðarsson, forstöðu-
maður Endurvinnslunnar, sagði
ljóst að milljónatjón hefði orðið á
húsnæðinu en eftir væri að skoða
vélar og tæki sem þar voru inni.
Ekki mátti þó miklu muna að
þarna hefði orðið enn meira tjón,
enda mikill eldsmatur í húsnæðinu.
Talið er að eldurinn hafi komið upp
í kassa með kolakögglum sem
framleiddir voru á laugardag. Unn-
ið var við framleiðsluna fram til kl.
16.00 á laugardag en starfsmaður
sem kom í eftirlitsferð um kl. 22.00
á laugardagskvöld varð einskis var.
Talið er þó að eldurinn hafi kraum-
að alia nóttina og þar til hans varð
vart á sunnudagsmorgun.
Starfsemi Endurvinnslunnar
hefur verið með allra rólegasta
móti að undanförnu en var nú rétt
að fara í gang í ný þegar óhappið
varð. Tilraunaframleiðsla á kola-
kögglum úr koladufti, bylgjupappa
og plasti fyrir Járnblendiverk-
smiðjuna á Grundartanga var rétt
komin í gang og fyrirhugað var að
framleiða upp í stóra pöntun fyrir
verksmiðjuna. Gunnar sagði ljóst
að starfsemin myndi liggja niðri í
einhverjar vikur vegna brunans og
að það kæmi sér mjög illa fyrir
fyrirtækið.
Mótmæla lokun gæsluvalla
með undirskriftasöfnun
UNDIRSKRIFTASÖFNUN er
hafin á Akureyri þar sem mótmælt
er tillögu skólanefndar Akureyrar
um að leggja starfsemi gæsluvalla
bæjarins niður í núverandi mynd
frá 1. september næstkomandi.
Skólanefnd ákvað þetta á fundi í
byrjun febrúar, en þar var lögð
fram samantekt um nýtingu vall-
anna frá árinu 1978 til 1999 og kom
fram í henni að nýting hefði farið
mjög minnkandi á tímabilinu. Nú
væri svo komið að fjárhagslegur
grundvöllur væri varla fyrir rekstri
þeirra, eða í mesta lagi tveggja.
Bent er á að með tilkomu nýs leik-
skóla, Iðavallar, muni eftirspurn
eftir leikskólaplássi fyrir börn á
aldrinum 2ja til 5 ára fullnægt, en
það sé aldurinn sem starfsemi vall-
anna byggist á.
Skólanefnd lagði því til að starf-
semi gæsluvalla á Akureyri yrði
lögð niður í núverandi mynd, en
lögð er áhersla á að völlunum verði
haldið við, enda sé það mikilvægt
t.d. fyrir dagmæður og fleiri, sem
geta þá nýtt vellina.
Nokkrar umræður hafa verið á
heimasíðu Akureyrarbæjar síðustu
daga og vikur vegna þessa máls og
þar hefur þess m.a. verið krafist að
ákvörðun skólanefndar verði dregin
til baka. Einnig eru bæjaryfirvöld
krafin svara við því hver kostnaður
sé við að halda úti rekstri gæslu-
vallanna og einnig hversu margar
heimsóknirnar séu. Þá er og bent á
að leikskólar komi ekki í stað
gæsluvalla, þeir séu annar kostur
og henti til að mynda heimavinn-
andi foreldrum vel sem og þeim
sem ekki ætli að setja börn sín á
leikskóla en viija hafa kost á
öruggri gæslu fyrir þau þegar á
þarf að halda.
Undirskriftarlistarnir munu
liggja frammi alla næstu viku eða
fram til 10. mars næstkomandi en
þá er m.a. að finna í eftirtöldum
verslunum: DoReMí, Lyf & Heilsu í
Hafnarstræti, Vöggunni, Skóhús-
inu, Kátum krökkum, Esju, Brynju,
Býflugunni og blóminu, Mynd-
bandahöllinni við Viðjulund. Versl-
unum í Kaupangi, verslunum í
Sunnuhlíð og versluninni Síðu.
REYKJAVÍ K- AKU REYRI - REYKJAVIK
—
Bókaðu í síma 570 3030 09 460 7000
Fax 570 3001 - websalesó>airicelaiid.is •www.fluffelaj.is
...fljújðufrekar
FLUGFELAG ISLANDS