Morgunblaðið - 21.12.1985, Blaðsíða 10
iö
MORGUNBLAÐIÐ, LAUGARDAGUR 21. DESEMBER1985
Opið bréf til Halldórs
Halldórssonar
Kammersveit Reykjavíkur:
Handel-tónleik-
ar í Áskirkju
TÓLFTA starfsár Kammersveit-
ar Reykjavíkur hefst með því,
að flutt verða verk eftir Georg
Friedrich Hándel. Tónleikarnir
verða í Áskirkju 29. desember,
undir lok árs tónlistarinnar. Eins
og kunnugt er á sú nafngift rætur
sínar að rekja til þess, að nokkur
af þekktustu tónskáldum sög-
unnar áttu stórafmæli á árinu.
Tveggja þeirra, Bachs og Albans
Berg, var minnst á tónleikum
Kammersveitarinnar á síðasta
starfsári. Á Hándel-tónleikunum
verða tveir einleikarar. Ann
Toril Lindstad, norskur orgel-
leikari, sem er búsett hér á landi,
flytur konsert í B-dúr op. 4 nr. 6
fyrir orgel og kammersveit.
Unnur Sveinbjarnardóttir, lág-
fiðluleikari, kemur heim í jóla-
leyfi frá Þýskalandi og flytur
konsert í h-moll fyrir lágfiðlu og
kammersveit. Með þessum hætti
minnist Kammersveitin þess, að
300 ár eru nú liðin frá fæðingu
G. Fr. hándels. Á öðrum tónleik-
unum, sem verða 23. mars, gefst
hlustendum tækifæri til að kynn-
ast verkum þriggja meistara tón-
bókmenntanna. Tveir voru uppi
á þessari öld, Paul Hindemith
og Béla Bartók, en Johannes
Brahms vann að listsköpun sinni
á síðara helmingi 19. aldar. Á
þessum tónleikum verður annars
vegar fluttur blásarakvintett og
hins vegar tveir strengjakvart-
ettar. Þriðju tónleikar starfsárs-
ins verða síðan í byrjun júní. Þá
fær Kammersveitin Paul Zukof-
sky enn til liðs við sig sem leið-
beinanda og stjórnanda. Ef
marka má viðbrögð tónleika-
gesta og gagnrýnenda þykir það
með merkari viðburðum í tónlist-
arlífi landsins, þegar Kammer-
sveitin efnir til tónleika með
Zukofsky. Að þessu sinni verður
tekist á við útsetningu Schön-
bergs og Eislers á sinfóníu nr. 7
í E-dúr eftir Anton Bruckner.
En það var þessi sinfónía, sem á
árinu 1884 tryggði Bruckner óbif-
anlegan sess sem virt tónskáld.
Vegna þess hve mannfrekur
flutningur sinfónía Bruckners er
hafa þær sjaldan verið fluttar
hér á landi. Á þessum lokatón-
leikum tólfta starfsárs Kammer-
sveitar Reykjavíkur verður 7.
sinfónían flutt í útsetningu fyrir
kammersveit.
(Frétutilkynning)
Jónas Friógeir Eiíasson
vængbrotin orÖ
FJÖLVAÚTGÁFAN hefur gefið út
fimm Ijóðabækur í flokknum
Ljóðasafn Fjölva og eru þá komnar
út 18 bækur í þessum flokki. Nýju
bækurnar eru; Jarðljós eftir Aðal-
stein Ásberg Sigurðsson, Spjaldvís-
ur eftir Hallberg Hallmundsson,
Heiðríkjan blá eftir Jakob Jónsson
frá Hrauni, Vængbrotin orð eftir
Jónas Friðgeir Elíasson og Augu í
draumi, Ijóð eftir Agneta Pleijel í
þýðingu l»óru Jónsdóttur.
Jarðljóð er fimmta ljóðabók
Áðalsteins Ásbergs Sigurðsson-
ar. Hún skiptist í fjóra kafla, sem
í eru 37 ljóð. Bókin er skreytt
dúkristum eftir Guðjón Davíð
Jónsson.
Spjaldvísur er þriðja ljóðabók
Hallbergs Hallmundssonar. Hún
skiptist í fjóra hluta og eru í
þeim 76 Ijóð. Þórhildur Jóns-
dóttir myndskreytti bókina.
Heiðríkjan blá er önnur ljóða-
bók Jakobs Jónssonar frá
Hrauni. Hún skiptist í tvo meg-
inkafla, sem í eru 32 ljóð og
einnig eru í bókinni þula og
kvæðið ísland. Andrína Jóns-
dóttir myndskreytti bókina.
Vængbrotin orð er fjórða bók
Jónasar Friðgeirs Elíassonar.
Hún skiptist í þrjá meginkafla
aöaístemn ásberg sigurösson
jarbljóö
og eru 52 ljóð í þeim. Guðrún
E. Ólafsdóttir myndskreytti bók-
ina.
Augu í draumi eftir Agneta
Pleijel er gefin út með stuðningi
Norrænu menningarmálanefnd-
arinnar og er fyrsta þýdda ljóða-
bókin í Ljóðasafni Fjölva.
ALMENNA bókafélagið hefur gefið
út bókina 20 sönglög eftir Gylfa Þ.
Gíslason í útsetningu Jóns Þórarins-
sonar.
í fréttatilkynningu frá AB segir:
„Sönglög Gylfa Þ. Gíslasonar
eru bæði aðlaðandi og fögur, enda
virðast þau hafa náð til hjarta
fólks því að þau eru þegar mörg
hver á flestra vörum. Tuttugu af
lögum hans koma nú út á nótum
í frábærri útsetningu Jóns Þórar-
inssonar tónskálds.“
Lögin í bókinni eru við eftirtalin
ljóð: Ljósið loftin fyllir, Heiðlóar-
— frá Tryggva
Gíslasyni
Vegna skrifa Helgarpóstsins í
dag, neyðist ég til að senda þér
stutt bréf. Á kennarafundi í
Menntaskólanum á Akureyri fyrir
hálfum mánuöi, voru ekki „greidd
atkvæði um Jóhann Sigurjónsson
aðstoðarskólameistara," heldur
um það, hvort auglýsa bæri stöðu
skólameistara, meðan ég hef leyfi
frá störfum.
Ýmsir þeir, sem greiddu tillög-
unni atkvæði, gerðu það til þess
að styðja það að Jóhann fengi
stöðuna eftir að auglýst hefði
verið. Fráleitt er því að gera því
skóna, „að mikill ófriður verði um
Jóhann fái hann starfið".
Jóhann Sigurjónsson var settur
aðstoðarskólameistari eftir um-
sókn og að áeggjan kennara. Að-
stoðarskólameistari skal vera stað-
gengill skólameistara eins og segir
í lögum um menntaskóla.
Eg hef fengið leyfi til að gegna
störfum deildarstjóra í skrifstofu
Norrænu ráðherranefndarinnar í
Kaupmannahöfn í allt að fjögur
ár, eins og samningar milli Norð-
urlandanna heimila. Það er því
ekki aðeins, að ég vilji að Jóhann
Sigurjónsson aðstoðarskólameist-
ari verði skólameistari, heldur skal
hann gegna því starfi. Að loknu
starfi mínu í Kaupmannahöfn ætla
ég að koma aftur að Menntaskól-
anum á Akureyri.
í grein Helgarpóstsins segir, að
mál, sem legið hafi í þagnargildi,
hafi nú „dúkkað upp“, m.a. fjármál
sjálfs skólans og dýr silkihúfuyfir-
bygging, sem orðið hafi í minni
tíð. Fjármál skólans fara um hend-
ur Fjármálaskrifstofu Mennta-
málaráðuneytis, Ríkisendurskoð-
unar og Ríkisféhirðis, og hefur
engin athugasemd verið við þau
gerð. En þetta kitlar og heldur
fleiri blöð gætu selst, því fýsir
eyru illt að heyra.
Við hvað þú átt með dýrri silki-
húfuyfirbyggingu veit ég ekki.
Hins vegar starfar nú fleira fólk
við skólann en fyrir 14 árum. Á
þeim tíma hefur nemendum líka
fjölgað úr 480 í 730.
Og svo er það „tölvuskóli MA“.
Rétt er, að námskeið á vegum skól-
ans hafa verið kölluð Tölvuskóli
MA. Nafnnúmer „tölvuskólans" er
hins vegar hið sama og Mennta-
skólans á Akureyri, og í öllum
samningum hefur þetta nafnnúm-
er verið notað, m.a. í samningum
við Atlantis hf. Söluskattssvik eru
þar engin, enda eru tölvur undan-
þegnar söluskatti. Laun kennara á
tölvunámskeiðum skólans eru hin
sömu og fyrir aðra kennslu, en
lægri en t.d. fyrir kennslu í öld-
ungadeild, sem þó er sambærileg.
Þessi laun hafa öll verið greidd á
árinu 1985 og því fullsnemmt að
segja að „þau séu jafnframt ekki
talin fram.“
kvæði, Stora barnet, Hanna litla,
Ég kom og kastaði rósum, í Vest-
urbænum, Um sundin blá, Við
Vatnsmýrina, Litla skáld, Ég leit-
aði blárra blóma, Nótt, Barnagæla,
Tryggð, Þjóðvísa, Amma kvað,
Sokkabandsvísur, Tunglið, tunglið
taktu mig, Sommerens sidste
blomster, Lestin brunar, Fyrir
átta árum.
Ljóðin eru prentuð í heild með
hverju lagi.
20 sönglög eru 54 bls. að stærð.
(Jtgefandi er Almenna bókafélag-
ið.
Tryggvi Gíslason
Enginn „skólastjóri" er við
„tölvuskólann". Jóhann Sigurjóns-
son hefur hins vegar fjallað um
ýmis mál í Menntaskólanum á
Akureyri sem varða tölvur og
tölvukennslu vegna sérþekkingar
hans og sérstaks áhuga. Hann er
ekki umboðsmaður fyrir Atlantis
hf. og hefur enga umbun þegið
frá því fyrirtæki. Tölvur þær, sem
skólinn á nú, eru keyptar fyrir
gjafafé og tekjur af tölvunám-
skeiðum.
Sögusjóður Menntaskólans á
Akureyri er stofnun, sem hefur
sérstakt söluskattsnúmer. Laun
við samningu verksins voru að
miklum hluta greidd úr ríkissjóði
og úr Launasjóði rithöfunda svo
og með styrk úr Framkvæmdasjóði
Islands. Sjálfur hef égengan mann
beðið um að telja ekki fram
greiðslur sem þeir hafa fengið úr
sjóðnum.
Mikilsvert er að hafa glögg-
skyggna og réttsýna blaðamenn.
Vandi fylgir hins vegar vegsemd
hverri, líka þeirri vegsemd að vera
blaðamaður og ritstjóri Helgar-
póstsins. Ekki skil ég, hvað fyrir
þér vakir að birta klausu eins og
þá, sem þú birtir í dag eða hverjum
það kann að vera til góðs. En ég
vona, að þér takist ekki að vinna
meiri skaða með þessum söguburði
en þú hefur þegar gert. Söguburð-
ur þessi er rangur og slík iðja er
fyrirlitleg.
Menntaskólanum á Akureyri 1985,
Höíundur er skólameistari
Menntaskóians í Akureyri.
Gylfi Þ. Gíslason
Fimm nýjar bækur
í Ljóðasafni Fjölva
Tuttugu sönglög
Gylfa Þ. Gíslasonar