Morgunblaðið - 30.07.1982, Blaðsíða 45
MORGUNBLAÐIÐ, FÖSTUDAGUR 30. JÚLÍ1982
45
Hólmfríður Brynjólfs-
dóttir — Minning
Fædd 30. október 1911
Dáin 24. júlí 1982
í dag er til moldar borin móð-
ursystir mín, Hólmfríður Brynj-
ólfsdóttir. Foreldrar hennar voru
Margrét Magnúsdóttir, Magnús-
sonar, bónda að Litla-Landi i ölf-
usi og Brynjólfur Jónsson,
Brynjólfssonar bónda að Klauf í
Vestur-Landeyjum. Þau Margrét
og Brynjólfur bjuggu fyrstu bú-
skaparár sín að Litla-Landi hjá
foreldrum Margretar en síðan að
Hvoli í sömu sveit.
Þegar foreldrar Hólmfríðar
fluttu til Reykjavíkur, höfðu þau
eignast 7 börn, en misst 3 á unga
aldri. Brynjólfur stundaði alla al-
genga verkamannavinnu eftir að
til Reykjavíkur kom, aðallega þó
togarasjómennsku og á seinni ár-
um gerðist hann baðvörður við
Miðbæjarbarnaskólann.
Fríða var áttunda barn þeirra
hjóna. Hún ólst upp í skjóli góðra
foreldra, naut lítilla efna, en varð
auðug af trú og kærleika úr föð-
urhúsum. Þess bar hún vott alla
tíð.
Vorið sem Fríða átti að fermast
gerðist sá hörmulegi atburður að
tveim eldri bræður hennar, 18 og
23 ára gamlir, fórust í Halaveðr-
inu mikla með Leifi heppna. Um
sama leyti brann húsið, sem fjöl-
skyldan var búin að eignast að
Lindargötu 14. Þarf ekki að fara
mörgum orðum um, hvaða áhrif
þessir voðaatburðir hafa haft á
unga og óharðnaða stúlku.
Bræður Fríðu höfðu mjög kvatt
hana til skólagöngu, og ári eftir
fráfall þeirra innritaðist hún í
Menntaskólann í Reykjavík. Þá
var efnahagur bágur á alþýðu-
heimilum og vinna af skornum
skammti. Því var það, að þegar
Fríðu bauðst vinna hjá Heild-
verslun Garðars Gíslasonar, hætti
hún námi eftir þriggja ára skóla-
vist og réðst til Garðars. Þar
starfaði hún í sex ár og alla tíð
síðan rómaði hún mjög húsbónda
sinn.
Árið 1935 giftist Fríða unnusta
sínum, Guðmundi Magnússyni,
bifreiðastjóra, sem var ættaður úr
Borgarnesi. Hann lést fyrir fimm
árum og var að honum mikil eftir-
sjá. Þau hjón eignuðust fimm
börn, sem lifa foreldra sína: Þór,
Aldís Ólöf, Margrét María, Brynja
og Magnús.
Fríða frænka var miklum
mannkostum búin. Hún var falleg
kona, vel greind, víðsýn og glað-
lynd með afbrigðum. Hlátur henn-
ar var mildur og einlægur og mik-
ið og stórlátt skap hafði hún löngu
tamið og agað í ólgusjó lífsbarátt-
unnar. Hún var alltaf tilbúin til
rökræðna án stóryrða eða sleggju-
ddoma, ávallt reiðubúin til að
leggja lítilmagnanum lið og sjá
björtu hliðina á hverju máli.
Aldrei lagði hún illt orð til nokk-
urs manns, en hún vissi svo
sannarlega muninn á réttu og
röngu.
Fríða var ekki miklum efnum
búin. Með manni sínum, Guð-
mundi, þeim mikla heiðursmanni,
háði hún sína hversdagsbaráttu,
lifði naumt, en skammtaði stórt.
Hún stóð sem klettur með börnum
sínum, barnabörnum og tengda-
börnum, lifaði raunar fyrir þau af
tryggð og umhyggju þeirra einna,
sem telja það göfugra að gefa en
þ'ggja- Það var engin fórn af
hennar hálfu, einfaldlega vegna
þess, að slíkar dyggðir voru henni
eiginlegar, hún drakk þær í sig
með móðurmjólkinni.
Nú er móðir mín ein eftir af
stórum systkinahópi. Með fráfalli
Fríðu sér hún á eftir barnfóstru
sinni, systur, vinkonu og ráðgjafa.
Öll fjölskyldan minnist Hólmfríð-
ar Brynjólfsdóttur með virðingu
og þökk.
Ellert B. Schram
Fyrir röskum 40 árum kynntist
ég þeirri konu er við kveðjum í
dag. í þá tíð fannst okkur ellin svo
óralangt undan. Við höfðum báðar
unnið við skrifstofustörf áður en
við stofnuðum heimili, en eftir það
fannst okkur leiðin vörðuð og
lífsstarfið lægi beint fyrir, ala upp
börn, annast heimili og máski
huga að ömmubörnunum og að
lokum fengjum við kannske nokk-
ur ár til að sauma krosssaum eða
dútla við okkar hugðarefni.
En það fór á annan veg hjá
okkur báðum, svo ör varð þjóðfé-
lagsbreytingin.
Fyrir 14 árum gerðist Fríða —
eins og hún var ávallt nefnd —
félagi í Thorvaldsensfélaginu, þá
var ég þar fyrir. Þar var nóg að
huga að og næg voru verkefnin.
Fyrir níu árum byrjaði hún að
vinna daglega á Thorvaldsenbaz-
arnum við móttöku á vörum og
annari stjórnun. Hún var mjög
dugleg og hafði ánægju af starf-
inu, hún átti samskipti við margt
fólk, eignaðist þessvegna marga
kunningja og vini, bæði innan fé-
lagsins og utan og veit ég að hún
saknaði starfs síns mjög, er hún
þurfti að hætta, vegna þess sjúk-
dóms er herjaði á hana.
Hún tók þessu öllu með æðru-
leysi og fádæma kjarki og vissi að
hverju dró.
Thorvaldsensfélagið hefur ætíð
verið fámennt félag og starfsamt,
þessvegna eru samskipti félags-
kvenna mikil og þróast til vináttu
og er því mikill söknuðu er félags-
konur falla frá.
í dag kveðja Thorvaldsenkonur
Fríðu og þakka henni allt sam-
starfið og vináttuna. Þær munu
ætíð minnast hve hún barðist
fyrir lífi sínu með æðruleysi fram
til síðasta dags.
Börnum hennar, fjölskyldum
þeirra og systur hennar sendum
við innilegar samúðarkveðjur.
Við blessum minningu hennar.
Unnur S. Ágústsdóttir
formaður
+
Elsku sonur okkar og bróölr,
ÞÓRIR BALDVIN ÞORKELSSON,
Njaröarholti 9, Mosfallssveit,
veröur jarösunginn frá Lágafellskirkju, laugardaginn 31. júlí kl.
10.30.
Sigríöur Þórisdóttir, Þorkell Samúelsson
og systkiní hins látna.
+
Elskuleg móöir okkar. tengdamóölr, amma og langamma,
SIGRÚN SIGMUNDSDÓTTIR,
Hátúni 10B,
andaöist í Borgarspitalanum 28. þ.m.
Hólmfrióur Jónsdóttir, Háöinn Hermóösson,
Sigmundur Jónsson,
dótturbörn og barnabarnabörn.
+
Faöir okkar, tengdafaöir, afi og langafi,
ARINBJÖRN ÞORKELSSON,
andaöist aö heimili sínu aö kvöldi hins 28. júlí.
Pálina Arinbjarnardóttir,
Þórir Arinbjarnarson, Hólmfríöur Jónsdóttir,
Ágústa Friöriksdóttir, Hallgrímur Jónasson.
Arinbjörn Friöriksson, Margrét Andrésdóttir,
Þórunn Friöriksdóttir, Friörik Þorsteinsson,
fris Björk Hafsteinsdóttir, Þorsteinn Már Arinbjarnarson.
+
Eiginmaöur minn, faöir, tengdafaöir og afi,
ÞÓRÐUR BRYNJÓLFSSON,
Bollagötu 6, Reykjavík,
lést í Landspítalanum 20. júli.
Útförin hefir farið fram í kyrrþey að ósk hins látna.
Anna Hallmundsdóttir,
Stefanía Þórðardóttir,
Guömundur Árnason,
Guömundur Þórir Guömundsson,
Ólafur Skúli Guómundsson.
+
Hjartkær faöir okkar og tengdafaöir,
KAY LANGVAD,
verkfræöingur,
sem lést hinn 27. júlí, veröur jarösettur laugardaginn 31. júlí kl. 2
e.h. frá Gyldenholm Allé 16 Gentofte.
Gunvor og Sören Langvad,
Dorte og Henrik Langvad,
Ulla og Eyvind Langvad,
svo og barnabörn og barnabarnabörn.
+
Móöir okkar, tengdamóöir, amma og langamma,
HÓLMFRÍÐUR BRYNJÓLFSDÓTTIR,
Vesturbergi 2,
verður jarösungin frá Fossvogskirkju föstudaglnn 30. júlí kl. 10.30
f.h.
Þór Guömundsson,
Aldís Ó. Guömundsdóttir, Hilmar Svavarsson,
Margrét M. Guómundsdóttir, Jón Þ. Þorbergsson,
Brynja Guömundsdóttir, Arnór Einarsson,
Magnús Guömundsson, Inga H. Guömundsdóttir
og barnabörn.
Allt / ferda/agið / )
FATNADUR, NESTI, FEfíDAVÖfíUR....
. n/
[ Opið í kvöld til kl. 22)
HAGKAUP
Skeifunni15