Morgunblaðið - 30.07.1982, Blaðsíða 12

12
MORGUNBLAÐIÐ, FÖSTUDAGUR 30. JÚLÍ 1982
Laugavegurinn
— miðstöð versl-
unar og viðskipta
á Islandi
Nauðsynlegt fyrir svona
verslun að
vera í alfaraleið
— segir Abnam Mobarak í
Þúsund og einni nótt
„Við crum búin að vera með þessa versl-
un hér á Laugaveginum í sex ár, en áðui
vorum við á Hverfisgötunni,“ sagði Abn-
am Moharak, kaupmaður í versluninni
1‘úsund og einni nótt á Laugavegi 69, er
blaðamaður leit þar inn. Verslunin er
fjölskyIdufyrirta*ki, sem þau reka í sam-
einingu Abnam og kona hans, Sigurbjörg
Kinarsdóttir. „Nafnið á búðinni er nú ein-
faldlega þannig til komið að þetta er
skemmtilegt nafn sem allir þekkja,“ sagði
Abnam um hið sérkennilega nafn verslun-
arinnar, „fremur en að yfir því ætti að vera
einhver ævintýrablær eða það gefi vitn-
eskju um hvað við seljum.“
Kn hvað er það sem þið seljið einkum?
„Það er fatnaður einna mest, skór,
skartgripir, barmmerki, hljómsveita-
klæðnaður og margt fleira. Um 50 til
60% fatnaðarins kemur frá Austurlönd-
um, og við leggjum mikið upp úr bóm-
ullarfatnaði sem er vinsæll, og kemur
sér ekki síst vel fyrir þá sem illa þola
gerviefni. Annars er þessi austurlenski
fatnaður mjög ólíkur því sem hér er
framleitt, en þetta á vaxandi vinsældum
að fagna. Vörurnar sem við erum með
koma frá Austurlöndum nær og fjær og
frá Evrópu, og við flytjum það allt beint
inn án milliliða."
Eru það eingöngu unglingar sem
versla í Þúsund og einni nótt, eða fólk á
öllum aldri?
„Nei, það eru ekki eingöngu ungl-
ingar. Hér kemur að visu mjög mikið af
ungu fólki, en þó eru viðskiptavinirnir á
öllum aldri. Bæði er þetta fólk sem kem-
ur inn af götunni er það á leið um, og
svo fólk sem beinlínis hefur ætlað sér að
koma hingað. Eftir að við fluttum upp á
Laugaveg hefur það aukist að fólk kem-
ur inn til að skoða, án þess endilega að
versla um leið. Á Hverfisgötunni kom
fólk meira í ákveðnum tilgangi, hafði
ákveðið áður hvað það vildi fá.“
Kæmi til greina að hafa verslun sem
þessa í úthverfum eða í íbúðarh’verfum?
„Nei, það held ég ekki. Við erum með
vörur sem ekki fást annars staðar á
Abnam Mobarak í verslun sinni, Þúsund og einni nótt viö Laugaveginn.
landinu, og því má segja að við þjónum
ekki aðeins höfuðborgarsvæðinu, heldur
einnig öllu íslandi. Því er nauðsynlegt
að hafa búðina þannig staðsetta að hún
sé í alfaraleið fyrir fólk hér sem fólk
utan af landi. Öðru máli gegnir um
verslanir sem byggja til dæmis á sölu til
fólks í einu hverfi."
Að lokum. Er gott að vera kaupmaður
á íslandi í dag?
„Það er erfitt, svo mikið er víst, en
það er hægt. Stundum getur þó verið
erfitt að vera alltaf í því góða skapi sem
kaupmenn og verslunarmenn eiga að
vera, þegar ekki gengur sem best," sagði
Abnam Mobarak að lokum.
Egilsstaðir:
Eg byrjaði með
eina flotkrónu
Rætt við Kristinn Kristmundsson í Shell-
skálanum
Við Vallaveg rétt sunnan við Eg-
ilsstaðakauptún er Shell-bensínstöð
og sjoppa. Þar ræður ríkjum Krist-
inn Kristmundsson eða Kiddi eins
og hann er kallaður i daglegu tali. Er
tíðindamann Morgunblaðsins bar
þar að — var Kiddi í önnum við að
afgreiða hamborgara og pylsur.
Verður þú í fríi á verslunar-
mannadaginn?
Nei, ég verð sko ekki í fríi.
Verslunarmannahelgin er einn
aðal annatími okkar — sem vinn-
um í sjoppu. Þá er allt vitlaust að
gera frá morgni til kvölds.
Hvað hefurðu á boðstólum sem
er svona eftirsóknarvert?
Alls konar vörur fyrir ferða-
menn. En þetta er fyrst og fremst
Shell-umboð. Hér höfum við allar
Shellvörur: bensín, olíur og bón,
viftureimar, þurrkublöð, sæta-
áklæði og tjakkar. En það er von-
laust að reka bensínstöð nema
reka sjoppu jafnframt. í sjo-
ppunni verslum við með sælgæti,
samlokur, hamborgara, pylsur og
svokallaðar G-vörur. Áuk þess
filmur og kasettur.
Hvað hefurðu lengi fengist við
þennan rekstur?
Ég byrjaði þennan rekstur 1. ág-
úst 1980. Það er fyrirtæki bróður
míns, Dagsverk sf., sem á húsnæð-
ið og er umboðsaðili Shell hf. — en
ég rek þetta á mína ábyrgð.
Hvernig hefur reksturinn svo
gengið?
Það má segja að ég hafi byrjað
með eina flotkrónu og lengst af
hef ég unnið kauplaust við þetta,
en nú er að rætast úr og við erum
tvö sem vinnum hér í sumar.
Hefur samkeppnin verið hörð?
Nei, nei. Ég á afskaplega góðan
nágranna sem er Söluskáli KHB.
Það má eiginlega segja að við bæt-
um hvorn annan upp. Ég versla
t.d. talsvert við heildsölu kaupfé-
lagsins.
Áttu fasta viðskiptavini?
Já, líklega eru fastir viðskipta-
vinir mínir um 100. Hinn almenni
ferðamaður verslar sjaldan hér —
þetta er of mikið út úr — svo að ég
legg ekki síst kapp á þjónustuna
við heimamenn.
Hefurðu eitthvað lært til versl-
unarstarfa?
Ekki get ég nú sagt það. Ég er
útlærður húsasmiður og vann
lengi vel hjá Byggingafélaginu
Brúnás. Hins vegar hefur áhugi
minn aldrei verið fjarri verslun-
arstörfum, t.d. var ég lengi vel að
gæla við þá hugmynd að stofn-
setja byggingavöruverslun. En ég
hef alveg ágætis bókara, sem sér
um bókhaldið fyrir mig, og ég
smíða fyrir hann í staðinn. Það
eru góð skipti.
Hvernig hefur þú svo kunnað
við verslunarstörfin?
Alveg prýðilega. Ég ætla að
halda þessu áfram. En ég fæst lít-
illega við smíðar með — og rek
auk þess myndbanda með Finni
Bjarnasyni í Valaskjálf — svo að
mér ætti ekki að leiðast.
En hvað með byggingavöru-
verslunina?
Kannski set ég hana upp þegar
ég er orðinn gamall.
En hefurðu eitthvað nýtt á
prjónunum núna á næstunni?
Það held ég ekki. í fyrra var
brotist inn hjá mér en aðeins
teknar nokkrar ölflöskur. Það sýn-
ir kannski þörfina á nætursölu hér
yfir hásumarið. — Ólafur.
5000 fermetra verslunarskóli
með þrjátíu kennslustofur
VERSLUNARSKÓLI íslands hef-
ur fengið úthlutað lóð undir skóla-
byggingu við Efstaleiti í Kringlu-
mýrinni. Skólahúsið verður fimm
þúsund fermetrar að stærð með
íþróttahúsi, en í skólanum er gert
ráð fyrir að verði þrjátíu kcnnslu-
stofur.
Þorvarður Elíasson, skóla-
stjóri Verslunarskólans, sagði að
teiknivinna væri þegar hafin og
áætlað væri að framkvæmdir
Framkvæmdir hefjast
næsta vor
hefjist næsta vor. „Við stefnum
að því að skólinn geti tekið til
starfa í nýja húsnæðinu eftir
fimm ár,“ sagði Þorvarður. Nem-
endur Verslunarskólans eru nú
um sjö hundruð og gamli skólinn
við Grundarstíginn tvísetinn.
Þorvarður sagði að ekki væri
gert ráð fyrir að fjölga nemend-
um er nýi skólinn tekur til
starfa. Stefnt verður að því að
skólinn verði einsetinn þ.e. allir
nemendur skólans sæki nám í
hann fyrir hádegi virka daga, en
eftir hádegið er gert ráð fyrir að
halda þar námskeið fyrir fólk á
vinnumarkaðinum og hugsan-
lega að starfrækja öldungadeild.
S.G.
borvarður Elíasson, skólastjóri Verslunarskóla fslands, vísar á lóðina þar sem
nýja skólabyggingin mun rísa við Efstaleiti. (Ljixmynd: Kmili*)